| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೨. ಸಳಾಯತನುಪ್ಪತ್ತಿಕಥಾವಣ್ಣನಾ
2. Saḷāyatanuppattikathāvaṇṇanā
೬೯೧-೬೯೨. ಇದಾನಿ ಸಳಾಯತನುಪ್ಪತ್ತಿಕಥಾ ನಾಮ ಹೋತಿ। ತತ್ಥ ಉಪಪತ್ತೇಸಿಯೇನ ಪಟಿಸನ್ಧಿಚಿತ್ತೇನ ಸಹೇವ ಓಪಪಾತಿಕಾನಂ ಸಳಾಯತನಂ ಉಪ್ಪಜ್ಜತಿ। ಗಬ್ಭಸೇಯ್ಯಕಾನಂ ಅಜ್ಝತ್ತಿಕಾಯತನೇಸು ಮನಾಯತನಕಾಯಾಯತನಾನೇವ ಪಟಿಸನ್ಧಿಕ್ಖಣೇ ಉಪ್ಪಜ್ಜನ್ತಿ। ಸೇಸಾನಿ ಚತ್ತಾರಿ ಸತ್ತಸತ್ತತಿರತ್ತಿಮ್ಹಿ। ತಾನಿ ಚ ಖೋ ಯೇನ ಕಮ್ಮುನಾ ಪಟಿಸನ್ಧಿ ಗಹಿತಾ, ತಸ್ಸೇವ ಅಞ್ಞಸ್ಸ ವಾ ಕತತ್ತಾತಿ ಅಯಂ ಸಕಸಮಯೇ ವಾದೋ। ಯೇಸಂ ಪನ ಏಕಕಮ್ಮಸಮ್ಭವತ್ತಾ ಸಮ್ಪನ್ನಸಾಖಾವಿಟಪಾನಂ ರುಕ್ಖಾದೀನಂ ಅಂಕುರೋ ವಿಯ ಬೀಜಮತ್ತಂ ಸಳಾಯತನಂ ಮಾತುಕುಚ್ಛಿಸ್ಮಿಂ ಪಟಿಸನ್ಧಿಕ್ಖಣೇಯೇವ ಉಪ್ಪಜ್ಜತೀತಿ ಲದ್ಧಿ, ಸೇಯ್ಯಥಾಪಿ ಪುಬ್ಬಸೇಲಿಯಾನಂ; ತೇ ಸನ್ಧಾಯ ಸಳಾಯತನನ್ತಿ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ। ಸಬ್ಬಙ್ಗಪಚ್ಚಙ್ಗೀತಿಆದಿ ಸಳಾಯತನೇ ಸತಿ ಏವರೂಪೋ ಹುತ್ವಾ ಓಕ್ಕಮೇಯ್ಯಾತಿ ಚೋದನತ್ಥಂ ವುತ್ತಂ। ಮಾತುಕುಚ್ಛಿಗತಸ್ಸಾತಿ ಪುಚ್ಛಾ ಪರವಾದಿಸ್ಸ। ಪರತೋ ಮಾತುಕುಚ್ಛಿಗತಸ್ಸ ಪಚ್ಛಾ ಕೇಸಾತಿ ಪುಚ್ಛಾ ಸಕವಾದಿಸ್ಸ। ಸೇಸಮೇತ್ಥ ಉತ್ತಾನತ್ಥಮೇವಾತಿ।
691-692. Idāni saḷāyatanuppattikathā nāma hoti. Tattha upapattesiyena paṭisandhicittena saheva opapātikānaṃ saḷāyatanaṃ uppajjati. Gabbhaseyyakānaṃ ajjhattikāyatanesu manāyatanakāyāyatanāneva paṭisandhikkhaṇe uppajjanti. Sesāni cattāri sattasattatirattimhi. Tāni ca kho yena kammunā paṭisandhi gahitā, tasseva aññassa vā katattāti ayaṃ sakasamaye vādo. Yesaṃ pana ekakammasambhavattā sampannasākhāviṭapānaṃ rukkhādīnaṃ aṃkuro viya bījamattaṃ saḷāyatanaṃ mātukucchismiṃ paṭisandhikkhaṇeyeva uppajjatīti laddhi, seyyathāpi pubbaseliyānaṃ; te sandhāya saḷāyatananti pucchā sakavādissa, paṭiññā itarassa. Sabbaṅgapaccaṅgītiādi saḷāyatane sati evarūpo hutvā okkameyyāti codanatthaṃ vuttaṃ. Mātukucchigatassāti pucchā paravādissa. Parato mātukucchigatassa pacchā kesāti pucchā sakavādissa. Sesamettha uttānatthamevāti.
ಸಳಾಯತನುಪ್ಪತ್ತಿಕಥಾವಣ್ಣನಾ।
Saḷāyatanuppattikathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೧೩೭) ೨. ಸಳಾಯತನುಪ್ಪತ್ತಿಕಥಾ • (137) 2. Saḷāyatanuppattikathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೨. ಸಳಾಯತನುಪ್ಪತ್ತಿಕಥಾವಣ್ಣನಾ • 2. Saḷāyatanuppattikathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೨. ಸಳಾಯತನುಪ್ಪತ್ತಿಕಥಾವಣ್ಣನಾ • 2. Saḷāyatanuppattikathāvaṇṇanā
