| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
2. සළායතනුප්‌පත්‌තිකථාවණ්‌ණනා
2. Saḷāyatanuppattikathāvaṇṇanā
691-692. ඉදානි සළායතනුප්‌පත්‌තිකථා නාම හොති. තත්‌ථ උපපත්‌තෙසියෙන පටිසන්‌ධිචිත්‌තෙන සහෙව ඔපපාතිකානං සළායතනං උප්‌පජ්‌ජති. ගබ්‌භසෙය්‍යකානං අජ්‌ඣත්‌තිකායතනෙසු මනායතනකායායතනානෙව පටිසන්‌ධික්‌ඛණෙ උප්‌පජ්‌ජන්‌ති. සෙසානි චත්‌තාරි සත්‌තසත්‌තතිරත්‌තිම්‌හි. තානි ච ඛො යෙන කම්‌මුනා පටිසන්‌ධි ගහිතා, තස්‌සෙව අඤ්‌ඤස්‌ස වා කතත්‌තාති අයං සකසමයෙ වාදො. යෙසං පන එකකම්‌මසම්‌භවත්‌තා සම්‌පන්‌නසාඛාවිටපානං රුක්‌ඛාදීනං අංකුරො විය බීජමත්‌තං සළායතනං මාතුකුච්‌ඡිස්‌මිං පටිසන්‌ධික්‌ඛණෙයෙව උප්‌පජ්‌ජතීති ලද්‌ධි, සෙය්‍යථාපි පුබ්‌බසෙලියානං; තෙ සන්‌ධාය සළායතනන්‌ති පුච්‌ඡා සකවාදිස්‌ස, පටිඤ්‌ඤා ඉතරස්‌ස. සබ්‌බඞ්‌ගපච්‌චඞ්‌ගීතිආදි සළායතනෙ සති එවරූපො හුත්‌වා ඔක්‌කමෙය්‍යාති චොදනත්‌ථං වුත්‌තං. මාතුකුච්‌ඡිගතස්‌සාති පුච්‌ඡා පරවාදිස්‌ස. පරතො මාතුකුච්‌ඡිගතස්‌ස පච්‌ඡා කෙසාති පුච්‌ඡා සකවාදිස්‌ස. සෙසමෙත්‌ථ උත්‌තානත්‌ථමෙවාති.
691-692. Idāni saḷāyatanuppattikathā nāma hoti. Tattha upapattesiyena paṭisandhicittena saheva opapātikānaṃ saḷāyatanaṃ uppajjati. Gabbhaseyyakānaṃ ajjhattikāyatanesu manāyatanakāyāyatanāneva paṭisandhikkhaṇe uppajjanti. Sesāni cattāri sattasattatirattimhi. Tāni ca kho yena kammunā paṭisandhi gahitā, tasseva aññassa vā katattāti ayaṃ sakasamaye vādo. Yesaṃ pana ekakammasambhavattā sampannasākhāviṭapānaṃ rukkhādīnaṃ aṃkuro viya bījamattaṃ saḷāyatanaṃ mātukucchismiṃ paṭisandhikkhaṇeyeva uppajjatīti laddhi, seyyathāpi pubbaseliyānaṃ; te sandhāya saḷāyatananti pucchā sakavādissa, paṭiññā itarassa. Sabbaṅgapaccaṅgītiādi saḷāyatane sati evarūpo hutvā okkameyyāti codanatthaṃ vuttaṃ. Mātukucchigatassāti pucchā paravādissa. Parato mātukucchigatassa pacchā kesāti pucchā sakavādissa. Sesamettha uttānatthamevāti.
සළායතනුප්‌පත්‌තිකථාවණ්‌ණනා.
Saḷāyatanuppattikathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (137) 2. සළායතනුප්‌පත්‌තිකථා • (137) 2. Saḷāyatanuppattikathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 2. සළායතනුප්‌පත්‌තිකථාවණ්‌ණනා • 2. Saḷāyatanuppattikathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 2. සළායතනුප්‌පත්‌තිකථාවණ්‌ණනා • 2. Saḷāyatanuppattikathāvaṇṇanā
