| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੨. ਸਲ਼ਾਯਤਨੁਪ੍ਪਤ੍ਤਿਕਥਾવਣ੍ਣਨਾ
2. Saḷāyatanuppattikathāvaṇṇanā
੬੯੧-੬੯੨. ਇਦਾਨਿ ਸਲ਼ਾਯਤਨੁਪ੍ਪਤ੍ਤਿਕਥਾ ਨਾਮ ਹੋਤਿ। ਤਤ੍ਥ ਉਪਪਤ੍ਤੇਸਿਯੇਨ ਪਟਿਸਨ੍ਧਿਚਿਤ੍ਤੇਨ ਸਹੇવ ਓਪਪਾਤਿਕਾਨਂ ਸਲ਼ਾਯਤਨਂ ਉਪ੍ਪਜ੍ਜਤਿ। ਗਬ੍ਭਸੇਯ੍ਯਕਾਨਂ ਅਜ੍ਝਤ੍ਤਿਕਾਯਤਨੇਸੁ ਮਨਾਯਤਨਕਾਯਾਯਤਨਾਨੇવ ਪਟਿਸਨ੍ਧਿਕ੍ਖਣੇ ਉਪ੍ਪਜ੍ਜਨ੍ਤਿ। ਸੇਸਾਨਿ ਚਤ੍ਤਾਰਿ ਸਤ੍ਤਸਤ੍ਤਤਿਰਤ੍ਤਿਮ੍ਹਿ। ਤਾਨਿ ਚ ਖੋ ਯੇਨ ਕਮ੍ਮੁਨਾ ਪਟਿਸਨ੍ਧਿ ਗਹਿਤਾ, ਤਸ੍ਸੇવ ਅਞ੍ਞਸ੍ਸ વਾ ਕਤਤ੍ਤਾਤਿ ਅਯਂ ਸਕਸਮਯੇ વਾਦੋ। ਯੇਸਂ ਪਨ ਏਕਕਮ੍ਮਸਮ੍ਭવਤ੍ਤਾ ਸਮ੍ਪਨ੍ਨਸਾਖਾવਿਟਪਾਨਂ ਰੁਕ੍ਖਾਦੀਨਂ ਅਂਕੁਰੋ વਿਯ ਬੀਜਮਤ੍ਤਂ ਸਲ਼ਾਯਤਨਂ ਮਾਤੁਕੁਚ੍ਛਿਸ੍ਮਿਂ ਪਟਿਸਨ੍ਧਿਕ੍ਖਣੇਯੇવ ਉਪ੍ਪਜ੍ਜਤੀਤਿ ਲਦ੍ਧਿ, ਸੇਯ੍ਯਥਾਪਿ ਪੁਬ੍ਬਸੇਲਿਯਾਨਂ; ਤੇ ਸਨ੍ਧਾਯ ਸਲ਼ਾਯਤਨਨ੍ਤਿ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਸਬ੍ਬਙ੍ਗਪਚ੍ਚਙ੍ਗੀਤਿਆਦਿ ਸਲ਼ਾਯਤਨੇ ਸਤਿ ਏવਰੂਪੋ ਹੁਤ੍વਾ ਓਕ੍ਕਮੇਯ੍ਯਾਤਿ ਚੋਦਨਤ੍ਥਂ વੁਤ੍ਤਂ। ਮਾਤੁਕੁਚ੍ਛਿਗਤਸ੍ਸਾਤਿ ਪੁਚ੍ਛਾ ਪਰવਾਦਿਸ੍ਸ। ਪਰਤੋ ਮਾਤੁਕੁਚ੍ਛਿਗਤਸ੍ਸ ਪਚ੍ਛਾ ਕੇਸਾਤਿ ਪੁਚ੍ਛਾ ਸਕવਾਦਿਸ੍ਸ। ਸੇਸਮੇਤ੍ਥ ਉਤ੍ਤਾਨਤ੍ਥਮੇવਾਤਿ।
691-692. Idāni saḷāyatanuppattikathā nāma hoti. Tattha upapattesiyena paṭisandhicittena saheva opapātikānaṃ saḷāyatanaṃ uppajjati. Gabbhaseyyakānaṃ ajjhattikāyatanesu manāyatanakāyāyatanāneva paṭisandhikkhaṇe uppajjanti. Sesāni cattāri sattasattatirattimhi. Tāni ca kho yena kammunā paṭisandhi gahitā, tasseva aññassa vā katattāti ayaṃ sakasamaye vādo. Yesaṃ pana ekakammasambhavattā sampannasākhāviṭapānaṃ rukkhādīnaṃ aṃkuro viya bījamattaṃ saḷāyatanaṃ mātukucchismiṃ paṭisandhikkhaṇeyeva uppajjatīti laddhi, seyyathāpi pubbaseliyānaṃ; te sandhāya saḷāyatananti pucchā sakavādissa, paṭiññā itarassa. Sabbaṅgapaccaṅgītiādi saḷāyatane sati evarūpo hutvā okkameyyāti codanatthaṃ vuttaṃ. Mātukucchigatassāti pucchā paravādissa. Parato mātukucchigatassa pacchā kesāti pucchā sakavādissa. Sesamettha uttānatthamevāti.
ਸਲ਼ਾਯਤਨੁਪ੍ਪਤ੍ਤਿਕਥਾવਣ੍ਣਨਾ।
Saḷāyatanuppattikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੩੭) ੨. ਸਲ਼ਾਯਤਨੁਪ੍ਪਤ੍ਤਿਕਥਾ • (137) 2. Saḷāyatanuppattikathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੨. ਸਲ਼ਾਯਤਨੁਪ੍ਪਤ੍ਤਿਕਥਾવਣ੍ਣਨਾ • 2. Saḷāyatanuppattikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੨. ਸਲ਼ਾਯਤਨੁਪ੍ਪਤ੍ਤਿਕਥਾવਣ੍ਣਨਾ • 2. Saḷāyatanuppattikathāvaṇṇanā
