| Library / Tipiṭaka / തിപിടക • Tipiṭaka / പഞ്ചപകരണ-അട്ഠകഥാ • Pañcapakaraṇa-aṭṭhakathā |
൨. സളായതനുപ്പത്തികഥാവണ്ണനാ
2. Saḷāyatanuppattikathāvaṇṇanā
൬൯൧-൬൯൨. ഇദാനി സളായതനുപ്പത്തികഥാ നാമ ഹോതി. തത്ഥ ഉപപത്തേസിയേന പടിസന്ധിചിത്തേന സഹേവ ഓപപാതികാനം സളായതനം ഉപ്പജ്ജതി. ഗബ്ഭസേയ്യകാനം അജ്ഝത്തികായതനേസു മനായതനകായായതനാനേവ പടിസന്ധിക്ഖണേ ഉപ്പജ്ജന്തി. സേസാനി ചത്താരി സത്തസത്തതിരത്തിമ്ഹി. താനി ച ഖോ യേന കമ്മുനാ പടിസന്ധി ഗഹിതാ, തസ്സേവ അഞ്ഞസ്സ വാ കതത്താതി അയം സകസമയേ വാദോ. യേസം പന ഏകകമ്മസമ്ഭവത്താ സമ്പന്നസാഖാവിടപാനം രുക്ഖാദീനം അംകുരോ വിയ ബീജമത്തം സളായതനം മാതുകുച്ഛിസ്മിം പടിസന്ധിക്ഖണേയേവ ഉപ്പജ്ജതീതി ലദ്ധി, സേയ്യഥാപി പുബ്ബസേലിയാനം; തേ സന്ധായ സളായതനന്തി പുച്ഛാ സകവാദിസ്സ, പടിഞ്ഞാ ഇതരസ്സ. സബ്ബങ്ഗപച്ചങ്ഗീതിആദി സളായതനേ സതി ഏവരൂപോ ഹുത്വാ ഓക്കമേയ്യാതി ചോദനത്ഥം വുത്തം. മാതുകുച്ഛിഗതസ്സാതി പുച്ഛാ പരവാദിസ്സ. പരതോ മാതുകുച്ഛിഗതസ്സ പച്ഛാ കേസാതി പുച്ഛാ സകവാദിസ്സ. സേസമേത്ഥ ഉത്താനത്ഥമേവാതി.
691-692. Idāni saḷāyatanuppattikathā nāma hoti. Tattha upapattesiyena paṭisandhicittena saheva opapātikānaṃ saḷāyatanaṃ uppajjati. Gabbhaseyyakānaṃ ajjhattikāyatanesu manāyatanakāyāyatanāneva paṭisandhikkhaṇe uppajjanti. Sesāni cattāri sattasattatirattimhi. Tāni ca kho yena kammunā paṭisandhi gahitā, tasseva aññassa vā katattāti ayaṃ sakasamaye vādo. Yesaṃ pana ekakammasambhavattā sampannasākhāviṭapānaṃ rukkhādīnaṃ aṃkuro viya bījamattaṃ saḷāyatanaṃ mātukucchismiṃ paṭisandhikkhaṇeyeva uppajjatīti laddhi, seyyathāpi pubbaseliyānaṃ; te sandhāya saḷāyatananti pucchā sakavādissa, paṭiññā itarassa. Sabbaṅgapaccaṅgītiādi saḷāyatane sati evarūpo hutvā okkameyyāti codanatthaṃ vuttaṃ. Mātukucchigatassāti pucchā paravādissa. Parato mātukucchigatassa pacchā kesāti pucchā sakavādissa. Sesamettha uttānatthamevāti.
സളായതനുപ്പത്തികഥാവണ്ണനാ.
Saḷāyatanuppattikathāvaṇṇanā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൧൩൭) ൨. സളായതനുപ്പത്തികഥാ • (137) 2. Saḷāyatanuppattikathā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൨. സളായതനുപ്പത്തികഥാവണ്ണനാ • 2. Saḷāyatanuppattikathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൨. സളായതനുപ്പത്തികഥാവണ്ണനാ • 2. Saḷāyatanuppattikathāvaṇṇanā
