| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
5. жуул̣аяамагаваг̇г̇о
5. Cūḷayamakavaggo
1. саалзяяагасуд̇д̇аван̣н̣анаа
1. Sāleyyakasuttavaṇṇanā
439. махааж̇анагааяз саннибад̇ид̇зд̇и гзжи ‘‘бахам̣санавид̇хим̣ д̣̇ассзд̇ваа рааж̇агумаарам̣ хаасзссаамаа’’д̇и, гзжи ‘‘д̇ам̣ гийл̣анам̣ бассиссаамаа’’д̇и звам̣ махааж̇анасамуухз саннибад̇ид̇з. д̣̇званаданд̇и д̣̇иб̣б̣аг̇анд̇хаб̣б̣ам̣. гусалам̣ гусаланд̇и важанам̣ убаад̣̇ааяаад̇и ‘‘гажжи гусалам̣? аама гусала’’нд̇и важанабадиважанавасзна бавад̇д̇агусалаваад̣̇ид̇ааяа д̇з мануссаа аад̣̇ид̇о гусалаад̇и саман̃н̃ам̣ лабхим̣су. д̇зсам̣ гусалаанам̣ иссараад̇и рааж̇агумаараа госалаа. госалз ж̇аад̇аа. д̇зсам̣ ниваасод̇и саб̣б̣ам̣ буб̣б̣з вуд̇д̇анаяамзва. д̇знааха ‘‘со бад̣̇зсо госалаад̇и вужжад̇ий’’д̇и.
439.Mahājanakāyesannipatiteti keci ‘‘pahaṃsanavidhiṃ dassetvā rājakumāraṃ hāsessāmā’’ti, keci ‘‘taṃ kīḷanaṃ passissāmā’’ti evaṃ mahājanasamūhe sannipatite. Devanaṭanti dibbagandhabbaṃ. Kusalaṃ kusalanti vacanaṃ upādāyāti ‘‘kacci kusalaṃ? Āma kusala’’nti vacanapaṭivacanavasena pavattakusalavāditāya te manussā ādito kusalāti samaññaṃ labhiṃsu. Tesaṃ kusalānaṃ issarāti rājakumārā kosalā. Kosale jātā. Tesaṃ nivāsoti sabbaṃ pubbe vuttanayameva. Tenāha ‘‘so padeso kosalāti vuccatī’’ti.
жааригам̣ жарамаанод̇и сааман̃н̃аважанамби ‘‘махад̇аа…бз… д̇ад̣̇авасарий’’д̇и важанад̇о висзсам̣ нивидтамзваад̇и ааха ‘‘ад̇урид̇ажааригам̣ жарамаано’’д̇и. махад̇аад̇и г̇ун̣амахад̇д̇знаби сан̇кяаамахад̇д̇знаби махад̇аа. д̇асмин̃хи бхигкусамуухз гзжи ад̇хисийласигкаавасзна сийласамбаннаа, д̇ат̇аа гзжи сийласамаад̇хисамбаннаа, гзжи сийласамаад̇хибан̃н̃аасамбаннаад̇и г̇ун̣амахад̇д̇знаби со бхигкусамуухо махаад̇и. д̇ам̣ анаамасид̇ваа сан̇кяаамахад̇д̇амзва д̣̇ассзнд̇о ‘‘сад̇ам̣ ваа’’д̇иаад̣̇имааха. ан̃н̃аг̇аамабадиб̣ад̣̇д̇хаж̇ийвигаавасзна самосаранд̇и зд̇т̇аад̇и самосаран̣ам̣, г̇аамо ниваасаг̇аамо. нд̇и саалам̣ б̣раахман̣аг̇аамам̣. вихаарод̇и бхаг̇авад̇о вихаран̣адтаанам̣. зд̇т̇аад̇и зд̇асмим̣ саалзяяагасуд̇д̇з. анияамид̇од̇и асугасмим̣ аараамз баб̣б̣ад̇з ругкамуулз ваад̇и на нияамид̇о, саруубаг̇г̇ахан̣авасзна на нияамид̇ваа вуд̇д̇о. д̇асмаад̇и анияамид̇ад̇д̇аа. ад̇т̇аабад̇д̇исид̣̇д̇хамад̇т̇ам̣ баригаббанавасзна д̣̇ассзнд̇о ‘‘ванасан̣д̣о бхависсад̇ий’’д̇и ааха, ад̣̇д̇хаа бхавзяяаад̇и ад̇т̇о.
Cārikaṃ caramānoti sāmaññavacanampi ‘‘mahatā…pe… tadavasarī’’ti vacanato visesaṃ niviṭṭhamevāti āha ‘‘aturitacārikaṃ caramāno’’ti. Mahatāti guṇamahattenapi saṅkhyāmahattenapi mahatā. Tasmiñhi bhikkhusamūhe keci adhisīlasikkhāvasena sīlasampannā, tathā keci sīlasamādhisampannā, keci sīlasamādhipaññāsampannāti guṇamahattenapi so bhikkhusamūho mahāti. Taṃ anāmasitvā saṅkhyāmahattameva dassento ‘‘sataṃ vā’’tiādimāha. Aññagāmapaṭibaddhajīvikāvasena samosaranti etthāti samosaraṇaṃ, gāmo nivāsagāmo. Nti sālaṃ brāhmaṇagāmaṃ. Vihāroti bhagavato viharaṇaṭṭhānaṃ. Etthāti etasmiṃ sāleyyakasutte. Aniyamitoti asukasmiṃ ārāme pabbate rukkhamūle vāti na niyamito, sarūpaggahaṇavasena na niyamitvā vutto. Tasmāti aniyamitattā. Atthāpattisiddhamatthaṃ parikappanavasena dassento ‘‘vanasaṇḍo bhavissatī’’ti āha, addhā bhaveyyāti attho.
убалабхим̣сууд̇и (саарад̇т̇а. дий. 1.1.взран̃ж̇аган̣д̣аван̣н̣анаа; д̣̇ий. ни. дий. 1.255; а. ни. дий. 2.3.64) саванавасзна убалабхим̣сууд̇и имамад̇т̇ам̣ д̣̇ассзнд̇о ‘‘сод̇ад̣̇ваара…бз… ж̇ааним̣суу’’д̇и ааха. авад̇хааран̣апалад̇д̇аа саб̣б̣амби ваагяам̣ анд̇ог̇ад̇хаавад̇хааран̣анд̇и ааха ‘‘бад̣̇абууран̣амад̇д̇з ваа нибаад̇о’’д̇и. авад̇хааран̣ад̇т̇зд̇и бана иминаа идтад̇т̇аавад̇хааран̣ад̇т̇ам̣ ко-сад̣̇д̣̇аг̇г̇ахан̣анд̇и д̣̇ассзд̇и. ‘‘ассосу’’нд̇и бад̣̇ам̣ ко-сад̣̇д̣̇з г̇ахид̇з д̇зна пуллид̇аман̣д̣ид̇авибхуусид̇ам̣ вияа хонд̇ам̣ буурид̇ам̣ наама ход̇и, д̇зна жа буримабажчимабад̣̇аани сам̣силидтаани хонд̇и, на д̇асмим̣ аг̇г̇ахид̇зд̇и ааха ‘‘бад̣̇абууран̣зна б̣яан̃ж̇анасилидтад̇аамад̇д̇амзваа’’д̇и. мад̇д̇а-сад̣̇д̣̇о висзсанивад̇д̇иад̇т̇о. д̇знасса анад̇т̇анд̇арад̣̇ийбанад̇ам̣ д̣̇ассзд̇и, зва-сад̣̇д̣̇зна бана б̣яан̃ж̇анасилидтад̇ааяа зганд̇игад̇ам̣. саалааяам̣ ж̇аад̇аа сам̣вад̣дхагаа саалзяяагаа яат̇аа ‘‘гад̇д̇зяяагаа уб̣бхзяяагаа’’д̇и.
Upalabhiṃsūti (sārattha. ṭī. 1.1.verañjakaṇḍavaṇṇanā; dī. ni. ṭī. 1.255; a. ni. ṭī. 2.3.64) savanavasena upalabhiṃsūti imamatthaṃ dassento ‘‘sotadvāra…pe… jāniṃsū’’ti āha. Avadhāraṇaphalattā sabbampi vākyaṃ antogadhāvadhāraṇanti āha ‘‘padapūraṇamatte vānipāto’’ti. Avadhāraṇattheti pana iminā iṭṭhatthāvadhāraṇatthaṃ kho-saddaggahaṇanti dasseti. ‘‘Assosu’’nti padaṃ kho-sadde gahite tena phullitamaṇḍitavibhūsitaṃ viya hontaṃ pūritaṃ nāma hoti, tena ca purimapacchimapadāni saṃsiliṭṭhāni honti, na tasmiṃ aggahiteti āha ‘‘padapūraṇena byañjanasiliṭṭhatāmattamevā’’ti. Matta-saddo visesanivattiattho. Tenassa anatthantaradīpanataṃ dasseti, eva-saddena pana byañjanasiliṭṭhatāya ekantikataṃ. Sālāyaṃ jātā saṃvaḍḍhakā sāleyyakā yathā ‘‘katteyyakā ubbheyyakā’’ti.
самид̇абаабад̇д̇аад̇и ажжанд̇ам̣ анавасзсад̇о саваасанам̣ самид̇абаабад̇д̇аа. зван̃хи б̣аахирагавийд̇арааг̇асзгкаасзгкабаабасаманад̇о бхаг̇авад̇о баабасаманам̣ висзсид̇ам̣ ход̇и. анзгад̇т̇ад̇д̇аа нибаад̇аанам̣ ид̇ха ануссавад̇т̇о ад̇хиббзд̇од̇и ааха ‘‘калууд̇и ануссаванад̇т̇з нибаад̇о’’д̇и. аалабанамад̇д̇анд̇и бияаалаабаважанам̣. бияасамуд̣̇аахаараа хзд̇з ‘‘бхо’’д̇и ваа ‘‘аавусо’’д̇и ваа ‘‘д̣̇зваанам̣бияаа’’д̇и ваа. г̇од̇д̇авасзнаад̇и зд̇т̇а д̇ам̣ д̇ааяад̇ийд̇и г̇од̇д̇ам̣. г̇од̇амод̇и хи бавад̇д̇амаанам̣ абхид̇хаанам̣ б̣уд̣̇д̇хин̃жа згам̣сигависаяад̇ааяа д̇ааяад̇и рагкад̇ийд̇и г̇од̇амаг̇од̇д̇ам̣. яат̇аа хи б̣уд̣̇д̇хи аарамман̣абхууд̇зна ад̇т̇зна винаа на вад̇д̇ад̇и, звам̣ абхид̇хаанам̣ абхид̇хзяяабхууд̇зна, д̇асмаа со д̇аани д̇ааяад̇и рагкад̇ийд̇и вужжад̇и. со бана ад̇т̇ад̇о ан̃н̃агулабарамбараасаад̇хааран̣ам̣ д̇асса гуласса аад̣̇ибурисасамуд̣̇ааг̇ад̇ам̣ д̇ам̣гулабарияаабаннасаад̇хааран̣ам̣ сааман̃н̃аруубанд̇и д̣̇адтаб̣б̣ам̣. ужжаагулабарид̣̇ийбанам̣ уд̣̇ид̇од̣̇ид̇авибулакад̇д̇ияагулавибхааванад̇о. саб̣б̣акад̇д̇ияаанан̃хи аад̣̇ибхууд̇амахаасаммад̇амахаарааж̇ад̇о бадтааяа асамбхиннам̣ ул̣аарад̇амам̣ сагяарааж̇агулам̣. гзнажи баариж̇ун̃н̃знаад̇и н̃аад̇ибаариж̇ун̃н̃абхог̇абаариж̇ун̃н̃аад̣̇инаа гзнажиби баариж̇ун̃н̃зна барихаанияаа анабхибхууд̇о анаж̇жход̇т̇адо. д̇ат̇аа хи гад̣̇аажиби д̇асса гуласса д̇аад̣̇исабаариж̇ун̃н̃аабхааво, абхинигкаманагаалз жа д̇ад̇о самид̣̇д̇хад̇амабхааво логз баагадо бан̃н̃аад̇од̇и. сагяагулаа баб̣б̣аж̇ид̇од̇и ид̣̇ам̣ важанам̣ бхаг̇авад̇о сад̣̇д̇хаабаб̣б̣аж̇ид̇абхаавад̣̇ийбанам̣ вуд̇д̇ам̣ маханд̇ам̣ н̃аад̇ибариваддам̣ маханд̇ан̃жа бхог̇агканд̇хам̣ бахааяа баб̣б̣аж̇ид̇абхаавад̣̇ийбанад̇о. зд̇т̇а жа саман̣од̇и иминаа баригкагаж̇анзхи бхаг̇авад̇о б̣ахумад̇абхааво д̣̇ассид̇о самид̇абаабад̇аад̣̇ийбанад̇о, г̇од̇амод̇и иминаа логияаж̇анзхи ул̣аарад̇амагулийнад̇аад̣̇ийбанад̇о.
Samitapāpattāti accantaṃ anavasesato savāsanaṃ samitapāpattā. Evañhi bāhirakavītarāgasekkhāsekkhapāpasamanato bhagavato pāpasamanaṃ visesitaṃ hoti. Anekatthattā nipātānaṃ idha anussavattho adhippetoti āha ‘‘khalūti anussavanatthe nipāto’’ti. Ālapanamattanti piyālāpavacanaṃ. Piyasamudāhārā hete ‘‘bho’’ti vā ‘‘āvuso’’ti vā ‘‘devānaṃpiyā’’ti vā. Gottavasenāti ettha taṃ tāyatīti gottaṃ. Gotamoti hi pavattamānaṃ abhidhānaṃ buddhiñca ekaṃsikavisayatāya tāyati rakkhatīti gotamagottaṃ. Yathā hi buddhi ārammaṇabhūtena atthena vinā na vattati, evaṃ abhidhānaṃ abhidheyyabhūtena, tasmā so tāni tāyati rakkhatīti vuccati. So pana atthato aññakulaparamparāsādhāraṇaṃ tassa kulassa ādipurisasamudāgataṃ taṃkulapariyāpannasādhāraṇaṃ sāmaññarūpanti daṭṭhabbaṃ. Uccākulaparidīpanaṃ uditoditavipulakhattiyakulavibhāvanato. Sabbakhattiyānañhi ādibhūtamahāsammatamahārājato paṭṭhāya asambhinnaṃ uḷāratamaṃ sakyarājakulaṃ. Kenaci pārijuññenāti ñātipārijuññabhogapārijuññādinā kenacipi pārijuññena parihāniyā anabhibhūto anajjhotthaṭo. Tathā hi kadācipi tassa kulassa tādisapārijuññābhāvo, abhinikkhamanakāle ca tato samiddhatamabhāvo loke pākaṭo paññātoti. Sakyakulā pabbajitoti idaṃ vacanaṃ bhagavato saddhāpabbajitabhāvadīpanaṃ vuttaṃ mahantaṃ ñātiparivaṭṭaṃ mahantañca bhogakkhandhaṃ pahāya pabbajitabhāvadīpanato. Ettha ca samaṇoti iminā parikkhakajanehi bhagavato bahumatabhāvo dassito samitapāpatādīpanato, gotamoti iminā lokiyajanehi uḷāratamakulīnatādīpanato.
аб̣бхуг̇г̇ад̇од̇и зд̇т̇а абхи-сад̣̇д̣̇о ид̇т̇амбхууд̇аакяаанз, д̇ам̣яог̇ад̇о бана ‘‘бхаванд̇ам̣ г̇од̇ама’’нд̇и убаяог̇аважанам̣ саамиад̇т̇зби самаанам̣ ид̇т̇амбхууд̇аяог̇ад̣̇ийбанад̇о ‘‘ид̇т̇амбхууд̇аакяаанад̇т̇з’’д̇и вуд̇д̇ам̣. д̇знааха ‘‘д̇асса ко бана бход̇о г̇од̇амассаад̇и ад̇т̇о’’д̇и. галяаан̣од̇и бхад̣̇д̣̇аго. саа жасса галяаан̣ад̇аа ул̣аарависаяад̇ааяаад̇и ааха ‘‘галяаан̣аг̇ун̣асаманнааг̇ад̇о’’д̇и. д̇ам̣висаяад̇аа хзд̇т̇а саманнааг̇амо. сздтод̇и зд̇т̇ааби зсзва наяо яат̇аа ‘‘бхаг̇аваад̇и важанам̣ сздта’’нд̇и (баараа. адта. 1.взран̃ж̇аган̣д̣аван̣н̣анаа; висуд̣̇д̇хи. 1.142; уд̣̇аа. адта. 1; ид̇иву. адта. нид̣̇аанаван̣н̣анаа; махаани. адта. 50). ‘‘бхаг̇аваа араха’’нд̇иаад̣̇инаа г̇ун̣аанам̣ сам̣гид̇д̇анад̇о сам̣сад̣̇д̣̇анад̇о жа гид̇д̇исад̣̇д̣̇о ван̣н̣од̇и ааха ‘‘гид̇д̇иязваа’’д̇и. гид̇д̇ибарияааяоби хи сад̣̇д̣̇а-сад̣̇д̣̇о яат̇аа д̇ам̣ ‘‘ул̣аарасад̣̇д̣̇аа исаяо г̇ун̣аванд̇о д̇абассино’’д̇и. т̇уд̇игхосод̇и абхид̇т̇авуд̣̇аахааро. аж̇жход̇т̇арид̇ваад̇и бадибагкаабхаавзна анан̃н̃асаад̇хааран̣ад̇ааяа жа абхибхавид̇ваа.
Abbhuggatoti ettha abhi-saddo itthambhūtākhyāne, taṃyogato pana ‘‘bhavantaṃ gotama’’nti upayogavacanaṃ sāmiatthepi samānaṃ itthambhūtayogadīpanato ‘‘itthambhūtākhyānatthe’’ti vuttaṃ. Tenāha ‘‘tassa kho pana bhoto gotamassāti attho’’ti. Kalyāṇoti bhaddako. Sā cassa kalyāṇatā uḷāravisayatāyāti āha ‘‘kalyāṇaguṇasamannāgato’’ti. Taṃvisayatā hettha samannāgamo. Seṭṭhoti etthāpi eseva nayo yathā ‘‘bhagavāti vacanaṃ seṭṭha’’nti (pārā. aṭṭha. 1.verañjakaṇḍavaṇṇanā; visuddhi. 1.142; udā. aṭṭha. 1; itivu. aṭṭha. nidānavaṇṇanā; mahāni. aṭṭha. 50). ‘‘Bhagavā araha’’ntiādinā guṇānaṃ saṃkittanato saṃsaddanato ca kittisaddo vaṇṇoti āha ‘‘kittiyevā’’ti. Kittipariyāyopi hi sadda-saddo yathā taṃ ‘‘uḷārasaddā isayo guṇavanto tapassino’’ti. Thutighosoti abhitthavudāhāro. Ajjhottharitvāti paṭipakkhābhāvena anaññasādhāraṇatāya ca abhibhavitvā.
со бхаг̇аваад̇и яо со самад̇им̣са баарамияо буурзд̇ваа саб̣б̣агилзсз бхан̃ж̇ид̇ваа ануд̇д̇арам̣ саммаасамб̣од̇хим̣ абхисамб̣уд̣̇д̇хо д̣̇зваанам̣ ад̇ид̣̇зво саггаанам̣ ад̇исагго б̣рахмаанам̣ ад̇иб̣рахмаа логанаат̇о бхааг̇яаванд̇ад̇аад̣̇ийхи гааран̣зхи бхаг̇аваад̇и лад̣̇д̇ханаамо, со бхаг̇аваа. ‘‘бхаг̇аваа’’д̇и хи ид̣̇ам̣ сад̇т̇у наамагид̇д̇анам̣. д̇ат̇аа хи вуд̇д̇ам̣ ‘‘бхаг̇аваад̇и нзд̇ам̣ наамам̣ маад̇араа гад̇а’’нд̇иаад̣̇и (махаани. 149, 198, 210; жуул̣ани. аж̇ид̇амаан̣авабужчаанид̣̇д̣̇зса 2). барад̇о бана ‘‘бхаг̇аваа’’д̇и г̇ун̣агид̇д̇анамзва. звам̣ ‘‘араха’’нд̇иаад̣̇ийхи бад̣̇зхи яз сад̣̇звагз логз ад̇ивияа бан̃н̃аад̇аа б̣уд̣̇д̇хаг̇ун̣аа, д̇з наанаббагаарад̇о вибхаавид̇аад̇и д̣̇ассзд̇ум̣ бажжзгам̣ ид̇иби-сад̣̇д̣̇о яож̇зд̇аб̣б̣од̇и ааха ‘‘ид̇иби арахам̣, ид̇иби самаасамб̣уд̣̇д̇хо…бз… ид̇иби бхаг̇аваа’’д̇и. ‘‘ид̇ибзд̇ам̣ бхууд̇ам̣, ид̇ибзд̇ам̣ д̇ажча’’нд̇иаад̣̇ийсу (д̣̇ий. ни. 1.6) вияа хи ид̇ха ид̇и-сад̣̇д̣̇о аасаннабажжагкагааран̣ад̇т̇о, би-сад̣̇д̣̇о самбин̣д̣анад̇т̇о д̇зна д̇зсам̣ г̇ун̣аанам̣ б̣ахубхаавад̣̇ийбанад̇о. д̇аани г̇ун̣асаллагкан̣агааран̣аани сад̣̇д̇хаасамбаннаанам̣ вин̃н̃уж̇аад̇игаанам̣ бажжагкаани зваад̇и д̣̇ассзнд̇о ‘‘иминаа жа иминаа жа гааран̣знаад̇и вуд̇д̇ам̣ ход̇ий’’д̇иаад̣̇и. д̇ад̇о висуд̣̇д̇химаг̇г̇ад̇о. д̇зсанд̇и ‘‘араха’’нд̇иаад̣̇ийнам̣. вид̇т̇ааро ад̇т̇анид̣̇д̣̇зсо г̇ахзд̇аб̣б̣о. д̇ад̇о зва д̇ам̣сам̣ван̣н̣анааяам̣ (висуд̣̇д̇хи. махаадий. 1.130) вуд̇д̇о ‘‘аарагаад̇и арахам̣ сувид̣̇уурабхаавад̇о, аарагаад̇и арахам̣ аасаннабхаавад̇о, рахид̇аб̣б̣асса абхаавад̇о, саяан̃жа арахид̇аб̣б̣ад̇о, над̇т̇и зд̇асса рахог̇аманам̣ г̇ад̇ийсу бажжааж̇аад̇и, баасам̣сабхаавад̇о ваа араха’’нд̇иаад̣̇инаа ‘‘араха’’нд̇иаад̣̇ийнам̣ бад̣̇аанам̣ ад̇т̇о вид̇т̇аарад̇о взд̣̇ид̇аб̣б̣о.
So bhagavāti yo so samatiṃsa pāramiyo pūretvā sabbakilese bhañjitvā anuttaraṃ sammāsambodhiṃ abhisambuddho devānaṃ atidevo sakkānaṃ atisakko brahmānaṃ atibrahmā lokanātho bhāgyavantatādīhi kāraṇehi bhagavāti laddhanāmo, so bhagavā. ‘‘Bhagavā’’ti hi idaṃ satthu nāmakittanaṃ. Tathā hi vuttaṃ ‘‘bhagavāti netaṃ nāmaṃ mātarā kata’’ntiādi (mahāni. 149, 198, 210; cūḷani. ajitamāṇavapucchāniddesa 2). Parato pana ‘‘bhagavā’’ti guṇakittanameva. Evaṃ ‘‘araha’’ntiādīhi padehi ye sadevake loke ativiya paññātā buddhaguṇā, te nānappakārato vibhāvitāti dassetuṃ paccekaṃ itipi-saddo yojetabboti āha ‘‘itipi arahaṃ, itipi samāsambuddho…pe… itipi bhagavā’’ti. ‘‘Itipetaṃ bhūtaṃ, itipetaṃ taccha’’ntiādīsu (dī. ni. 1.6) viya hi idha iti-saddo āsannapaccakkhakāraṇattho, pi-saddo sampiṇḍanattho tena tesaṃ guṇānaṃ bahubhāvadīpanato. Tāni guṇasallakkhaṇakāraṇāni saddhāsampannānaṃ viññujātikānaṃ paccakkhāni evāti dassento ‘‘iminā ca iminā ca kāraṇenāti vuttaṃ hotī’’tiādi. Tato visuddhimaggato. Tesanti ‘‘araha’’ntiādīnaṃ. Vitthāro atthaniddeso gahetabbo. Tato eva taṃsaṃvaṇṇanāyaṃ (visuddhi. mahāṭī. 1.130) vutto ‘‘ārakāti arahaṃ suvidūrabhāvato, ārakāti arahaṃ āsannabhāvato, rahitabbassa abhāvato, sayañca arahitabbato, natthi etassa rahogamanaṃ gatīsu paccājāti, pāsaṃsabhāvato vā araha’’ntiādinā ‘‘araha’’ntiādīnaṃ padānaṃ attho vitthārato veditabbo.
бхаванд̇и жзд̇т̇а (висуд̣̇д̇хи. махаадий. 1.130; саарад̇т̇а. дий. 1.взран̃ж̇аган̣д̣аван̣н̣анаа) –
Bhavanti cettha (visuddhi. mahāṭī. 1.130; sārattha. ṭī. 1.verañjakaṇḍavaṇṇanā) –
‘‘саммаа наббадибаж̇ж̇анд̇и, яз нихийнаасаяаа нараа;
‘‘Sammā nappaṭipajjanti, ye nihīnāsayā narā;
аарагаа д̇зхи бхаг̇аваа, д̣̇уурз д̇знаарахам̣ мад̇о.
Ārakā tehi bhagavā, dūre tenārahaṃ mato.
яз саммаа бадибаж̇ж̇анд̇и, суббан̣ийд̇аад̇химуд̇д̇игаа;
Ye sammā paṭipajjanti, suppaṇītādhimuttikā;
бхаг̇аваа д̇зхи аасанно, д̇знааби арахам̣ ж̇ино.
Bhagavā tehi āsanno, tenāpi arahaṃ jino.
баабад̇хаммаа рахаа наама, саад̇хуухи рахид̇аб̣б̣ад̇о;
Pāpadhammā rahā nāma, sādhūhi rahitabbato;
д̇зсам̣ судту бахийнад̇д̇аа, бхаг̇аваа арахам̣ мад̇о.
Tesaṃ suṭṭhu pahīnattā, bhagavā arahaṃ mato.
яз сажчигад̇асад̣̇д̇хаммаа, арияаа суд̣̇д̇хаг̇ожараа;
Ye sacchikatasaddhammā, ariyā suddhagocarā;
на д̇зхи рахид̇о ход̇и, наат̇о д̇знаарахам̣ мад̇о.
Na tehi rahito hoti, nātho tenārahaṃ mato.
рахо ваа г̇аманам̣ яасса, сам̣саарз над̇т̇и саб̣б̣асо;
Raho vā gamanaṃ yassa, saṃsāre natthi sabbaso;
бахийнаж̇аад̇имаран̣о, арахам̣ суг̇ад̇о мад̇о.
Pahīnajātimaraṇo, arahaṃ sugato mato.
г̇ун̣зхи сад̣̇исо над̇т̇и, яасмаа логз сад̣̇звагз;
Guṇehi sadiso natthi, yasmā loke sadevake;
д̇асмаа баасам̣сияад̇д̇ааби, арахам̣ д̣̇вибад̣̇уд̇д̇амо.
Tasmā pāsaṃsiyattāpi, arahaṃ dvipaduttamo.
аарагаа манд̣̇аб̣уд̣̇д̇хийнам̣, аасаннаа жа виж̇аанад̇ам̣;
Ārakā mandabuddhīnaṃ, āsannā ca vijānataṃ;
рахаанам̣ суббахийнад̇д̇аа, вид̣̇уунамарахзяяад̇о;
Rahānaṃ suppahīnattā, vidūnamaraheyyato;
бхавзсу жа рахаабхааваа, баасам̣саа арахам̣ ж̇ино’’д̇и.
Bhavesu ca rahābhāvā, pāsaṃsā arahaṃ jino’’ti.
сунд̣̇аранд̇и бхад̣̇д̣̇агам̣. д̇ан̃жа бассанд̇асса хид̇асукаавахабхаавзна взд̣̇ид̇аб̣б̣анд̇и ааха ‘‘ад̇т̇аавахам̣ сукааваха’’нд̇и. д̇ад̇т̇а ад̇т̇ааваханд̇и д̣̇идтад̇хаммигасамбарааяигабарамад̇т̇асан̃хид̇ахид̇аавахам̣. сукааваханд̇и д̇аббарияаабаннад̇ивид̇хасукаавахам̣. д̇ат̇ааруубаананд̇и д̇аад̣̇исаанам̣. яаад̣̇исзхи бана г̇ун̣зхи бхаг̇аваа саманнааг̇ад̇о, д̇зхи жад̇уббамаан̣игасса логасса саб̣б̣ат̇ааби ажжанд̇ааяа басаад̣̇анийяод̇и д̣̇ассзд̇ум̣ ‘‘анзгзхибий’’д̇иаад̣̇и вуд̇д̇ам̣. д̇ад̇т̇а яат̇аабхууд̇а…бз… арахад̇анд̇и иминаа д̇хаммаббамаан̣аанам̣ луукаббамаан̣аанам̣ сад̇д̇аанам̣ бхаг̇авад̇о басаад̣̇аавахад̇амааха, ид̇арзна ид̇арзсам̣. д̣̇ассанамад̇д̇амби саад̇ху ход̇ийд̇и зд̇т̇а госияасагун̣асса вад̇т̇у гат̇зд̇аб̣б̣ам̣. згам̣ бад̣̇амби сод̇ум̣ лабхиссаама, саад̇худ̇арам̣язва бхависсад̇ийд̇и зд̇т̇а ман̣д̣уугад̣̇звабуд̇д̇авад̇т̇у гат̇зд̇аб̣б̣ам̣.
Sundaranti bhaddakaṃ. Tañca passantassa hitasukhāvahabhāvena veditabbanti āha ‘‘atthāvahaṃ sukhāvaha’’nti. Tattha atthāvahanti diṭṭhadhammikasamparāyikaparamatthasañhitahitāvahaṃ. Sukhāvahanti tappariyāpannatividhasukhāvahaṃ. Tathārūpānanti tādisānaṃ. Yādisehi pana guṇehi bhagavā samannāgato, tehi catuppamāṇikassa lokassa sabbathāpi accantāya pasādanīyoti dassetuṃ ‘‘anekehipī’’tiādi vuttaṃ. Tattha yathābhūta…pe… arahatanti iminā dhammappamāṇānaṃ lūkhappamāṇānaṃ sattānaṃ bhagavato pasādāvahatamāha, itarena itaresaṃ. Dassanamattampisādhuhotīti ettha kosiyasakuṇassa vatthu kathetabbaṃ. Ekaṃ padampi sotuṃ labhissāma, sādhutaraṃyeva bhavissatīti ettha maṇḍūkadevaputtavatthu kathetabbaṃ.
иминаа наязна аг̇ааригабужчаа ааг̇ад̇аад̇и ид̣̇ам̣ язбхуяяавасзна вуд̇д̇ам̣. язбхуяязна хи аг̇ааригаа звам̣ бужчанд̇и. анаг̇ааригабужчааяаби зсзва наяо. яат̇аа на саггонд̇и…бз… виссаж̇ж̇знд̇од̇и иминаа сад̇т̇у д̇зсам̣ б̣раахман̣аг̇ахабад̇игаанам̣ ниг̇г̇ан̣ханавид̇хим̣ д̣̇ассзд̇и. д̇зсан̃хи сам̣кид̇д̇аружид̇ааяа сан̇кзбад̣̇зсанаа, д̇ааяа ад̇т̇ам̣ аж̇аананд̇аа вид̇т̇аарад̣̇зсанам̣ ааяаажанд̇и, саа жа нзсам̣ сам̣кид̇д̇аружид̇аа бан̣д̣ид̇амаанид̇ааяа, со жа маано яат̇аад̣̇зсид̇асса ад̇т̇асса аж̇аананд̇з аббад̇идто ход̇и , ид̇и бхаг̇аваа д̇зсам̣ маананиг̇г̇ахавид̇хим̣ жинд̇зд̇ваа сан̇кзбзнзва бан̃хам̣ виссаж̇ж̇зси, на саб̣б̣асо д̣̇зсанааяа асаллагкан̣ад̇т̇ам̣. д̇знааха ‘‘бан̣д̣ид̇амаанигаа хий’’д̇иаад̣̇и. яасмаа мам̣ д̇умхз яаажат̇а, сам̣кид̇д̇зна вуд̇д̇амад̇т̇ам̣ на ж̇аанид̇т̇аад̇и ад̇хиббааяо.
Iminā nayena agārikapucchā āgatāti idaṃ yebhuyyavasena vuttaṃ. Yebhuyyena hi agārikā evaṃ pucchanti. Anagārikapucchāyapi eseva nayo. Yathā na sakkonti…pe… vissajjentoti iminā satthu tesaṃ brāhmaṇagahapatikānaṃ niggaṇhanavidhiṃ dasseti. Tesañhi saṃkhittarucitāya saṅkhepadesanā, tāya atthaṃ ajānantā vitthāradesanaṃ āyācanti, sā ca nesaṃ saṃkhittarucitā paṇḍitamānitāya, so ca māno yathādesitassa atthassa ajānante appatiṭṭho hoti , iti bhagavā tesaṃ mānaniggahavidhiṃ cintetvā saṅkhepeneva pañhaṃ vissajjesi, na sabbaso desanāya asallakkhaṇatthaṃ. Tenāha ‘‘paṇḍitamānikā hī’’tiādi. Yasmā maṃ tumhe yācatha, saṃkhittena vuttamatthaṃ na jānitthāti adhippāyo.
440. ‘‘згавид̇хзна н̃аан̣авад̇т̇у’’нд̇иаад̣̇ийсу (вибха. 751) вияа годтаасад̇т̇о вид̇ха-сад̣̇д̣̇о, со жа вибхад̇д̇иважанавибаллаасам̣ гад̇ваа бажжад̇д̇з гаран̣аважанавасзна ‘‘д̇ивид̇ха’’нд̇и вуд̇д̇о. ад̇т̇о бана гаран̣абут̇уважанавасзна д̣̇адтаб̣б̣од̇и ааха ‘‘д̇ивид̇ханд̇и д̇ийхи годтаасзхий’’д̇и. багаарад̇т̇о ваа вид̇ха-сад̣̇д̣̇о, багаарад̇т̇ад̇д̇ааязва лаб̣бхамаанам̣ ад̇хаммажарияаависамажарияаабхаавасааман̃н̃ам̣, гааяад̣̇вааригабхаавасааман̃н̃ам̣ ваа убаад̣̇ааяа згад̇д̇ам̣ нзд̇ваа ‘‘д̇ивид̇ха’’нд̇и вуд̇д̇ам̣. багаарабхзд̣̇з бана абзгкид̇з ‘‘д̇ивид̇хаа’’ижжзва вуд̇д̇ам̣ ход̇и. гааязнаад̇и зд̇т̇а гааяод̇и жобанагааяо ад̇хиббзд̇о, со жа ад̇хаммажарияааяа д̣̇ваарабхууд̇о д̇зна винаа д̇ассаа аббавад̇д̇анад̇о. гааязнаад̇и жа хзд̇умхи гаран̣аважанам̣. гин̃жааби хи ад̇хаммажарияаасан̇каад̇ажзд̇анаасамудтаанаа саа вин̃н̃ад̇д̇и, на жа саа бадтаанз ааг̇ад̇зсу жад̇увийсад̇ияаа бажжаязсу згзнаби бажжаязна жзд̇анааяа бажжаяо ход̇и, д̇ассаа бана д̇ат̇аабавад̇д̇амаанааяа гааяагаммасан̃н̃ид̇ааяа жзд̇анааяа бавад̇д̇и ход̇ийд̇и д̇зна д̣̇ваарзна лагкид̇аб̣б̣абхаавад̇о д̇ассаа гааран̣ам̣ вияа жа саб̣б̣охаарамад̇д̇ам̣ ход̇и. гааяад̣̇ваарзнаад̇и ваа гааязна д̣̇ваарабхууд̇зна гааяад̣̇ваарабхууд̇знаад̇и д̇ам̣ ид̇т̇амбхууд̇алагкан̣з гаран̣аважанам̣. ад̇хаммам̣ жарад̇и зд̇ааяаад̇и ад̇хаммажарияаа, д̇ат̇аабавад̇д̇аа жзд̇анаа. ад̇хаммод̇и бана д̇ам̣самудтаано баяог̇о д̣̇адтаб̣б̣о. д̇хаммад̇о анабзд̇аад̇и д̇хаммаа, на д̇хаммаад̇и ад̇хаммаа, ад̇хаммаа жа саа жарияаа жаад̇и ад̇хаммажарияаа. бажжанийгасаманадтзна самам̣, самаанам̣ сад̣̇исам̣ яуд̇д̇анд̇и ваа самам̣, сужарид̇ам̣. самад̇о виг̇ад̇ам̣, вируд̣̇д̇хам̣ ваа д̇ассаад̇и висамам̣, д̣̇ужжарид̇ам̣. саа зва висамаа жарияаад̇и висамажарияаа. саб̣б̣зсу ган̣хасуггабад̣̇зсууд̇и ‘‘жад̇уб̣б̣ид̇хам̣ ваажааяа ад̇хаммажарияаависамажарияаа ход̇ий’’д̇иаад̣̇инаа уд̣̇д̣̇зсанид̣̇д̣̇зсавасзна ааг̇ад̇зсу саб̣б̣зсу ган̣хабад̣̇зсу – ‘‘д̇ивид̇хам̣ ко г̇ахабад̇аяо гааязна д̇хаммажарияаасамажарияаа ход̇ий’’д̇иаад̣̇инаа уд̣̇д̣̇зсанид̣̇д̣̇зсавасзна ааг̇ад̇зсу саб̣б̣зсу суггабад̣̇зсу жа.
440. ‘‘Ekavidhena ñāṇavatthu’’ntiādīsu (vibha. 751) viya koṭṭhāsattho vidha-saddo, so ca vibhattivacanavipallāsaṃ katvā paccatte karaṇavacanavasena ‘‘tividha’’nti vutto. Attho pana karaṇaputhuvacanavasena daṭṭhabboti āha ‘‘tividhanti tīhi koṭṭhāsehī’’ti. Pakārattho vā vidha-saddo, pakāratthattāyeva labbhamānaṃ adhammacariyāvisamacariyābhāvasāmaññaṃ, kāyadvārikabhāvasāmaññaṃ vā upādāya ekattaṃ netvā ‘‘tividha’’nti vuttaṃ. Pakārabhede pana apekkhite ‘‘tividhā’’icceva vuttaṃ hoti. Kāyenāti ettha kāyoti copanakāyo adhippeto, so ca adhammacariyāya dvārabhūto tena vinā tassā appavattanato. Kāyenāti ca hetumhi karaṇavacanaṃ. Kiñcāpi hi adhammacariyāsaṅkhātacetanāsamuṭṭhānā sā viññatti, na ca sā paṭṭhāne āgatesu catuvīsatiyā paccayesu ekenapi paccayena cetanāya paccayo hoti, tassā pana tathāpavattamānāya kāyakammasaññitāya cetanāya pavatti hotīti tena dvārena lakkhitabbabhāvato tassā kāraṇaṃ viya ca sabbohāramattaṃ hoti. Kāyadvārenāti vā kāyena dvārabhūtena kāyadvārabhūtenāti taṃ itthambhūtalakkhaṇe karaṇavacanaṃ. Adhammaṃ carati etāyāti adhammacariyā, tathāpavattā cetanā. Adhammoti pana taṃsamuṭṭhāno payogo daṭṭhabbo. Dhammato anapetāti dhammā, na dhammāti adhammā, adhammā ca sā cariyā cāti adhammacariyā. Paccanīkasamanaṭṭhena samaṃ, samānaṃ sadisaṃ yuttanti vā samaṃ, sucaritaṃ. Samato vigataṃ, viruddhaṃ vā tassāti visamaṃ, duccaritaṃ. Sā eva visamā cariyāti visamacariyā. Sabbesu kaṇhasukkapadesūti ‘‘catubbidhaṃ vācāya adhammacariyāvisamacariyā hotī’’tiādinā uddesaniddesavasena āgatesu sabbesu kaṇhapadesu – ‘‘tividhaṃ kho gahapatayo kāyena dhammacariyāsamacariyā hotī’’tiādinā uddesaniddesavasena āgatesu sabbesu sukkapadesu ca.
род̣̇зд̇и гуруурагамманд̇ад̇ааяа барабадиб̣ад̣̇д̇хз сад̇д̇з ассууни можзд̇ийд̇и руд̣̇д̣̇о, со зва луд̣̇д̣̇о ра-гаарасса ла-гаарам̣ гад̇ваа. гагкал̣од̇и луд̣̇д̣̇о. д̣̇аарун̣од̇и парусо. саахасигод̇и саахассагаарий. сажзби на либбанд̇и. д̇ат̇аавид̇хо барзсам̣ гхаад̇анасийло лохид̇абаан̣ийд̇взва вужжад̇и яат̇аа д̣̇аанасийло барзсам̣ д̣̇аанад̇т̇ам̣ ад̇ход̇ахад̇т̇оби ‘‘баяад̇абаан̣ий’’д̇взва вужжад̇и. бахаран̣ам̣ бахаарад̣̇аанамад̇д̇ам̣ хад̇ам̣, бавуд̣̇д̇хам̣ бахаран̣ам̣ барасса мааран̣ам̣ бахад̇анд̇и д̣̇ассзнд̇о ‘‘хад̇з’’д̇иаад̣̇имааха. д̇ад̇т̇а нивидтод̇и абхинивидто басуд̇о.
Rodeti kurūrakammantatāya parapaṭibaddhe satte assūni mocetīti ruddo, so eva luddo ra-kārassa la-kāraṃ katvā. Kakkhaḷoti luddo. Dāruṇoti pharuso. Sāhasikoti sāhassakārī. Sacepi na lippanti. Tathāvidho paresaṃ ghātanasīlo lohitapāṇītveva vuccati yathā dānasīlo paresaṃ dānatthaṃ adhotahatthopi ‘‘payatapāṇī’’tveva vuccati. Paharaṇaṃ pahāradānamattaṃ hataṃ, pavuddhaṃ paharaṇaṃ parassa māraṇaṃ pahatanti dassento ‘‘hate’’tiādimāha. Tattha niviṭṭhoti abhiniviṭṭho pasuto.
яасса васзна ‘‘барассаа’’д̇и сааминид̣̇д̣̇зсо, д̇ам̣ саабад̇зяяам̣. яан̃хи сааман̃н̃ад̇о г̇ахид̇ам̣, д̇ам̣ д̇знзва сааминид̣̇д̣̇зсзна багаасид̇анд̇и ааха ‘‘барасса санд̇ага’’нд̇и. барассабаравид̇д̇уубагаран̣анд̇и ваа згамзвзд̇ам̣ самаасабад̣̇ам̣, яам̣ гин̃жи барасанд̇агам̣ висзсад̇о барасса вид̇д̇уубагаран̣ам̣ ваад̇и ад̇т̇о. д̇зхи барзхийд̇и язсам̣ санд̇агам̣, д̇зхи. яасса васзна бурисо ‘‘т̇зно’’д̇и вужжад̇и, д̇ам̣ т̇зяяанд̇и ааха ‘‘авахаран̣ажид̇д̇ассзд̇ам̣ ад̇хиважана’’нд̇и. т̇зяяасан̇каад̇зна, на виссаасад̇аавагаалигаад̣̇ивасзнаад̇и ад̇т̇о.
Yassa vasena ‘‘parassā’’ti sāminiddeso, taṃ sāpateyyaṃ. Yañhi sāmaññato gahitaṃ, taṃ teneva sāminiddesena pakāsitanti āha ‘‘parassa santaka’’nti. Parassaparavittūpakaraṇanti vā ekamevetaṃ samāsapadaṃ, yaṃ kiñci parasantakaṃ visesato parassa vittūpakaraṇaṃ vāti attho. Tehi parehīti yesaṃ santakaṃ, tehi. Yassa vasena puriso ‘‘theno’’ti vuccati, taṃ theyyanti āha ‘‘avaharaṇacittassetaṃ adhivacana’’nti. Theyyasaṅkhātena, na vissāsatāvakālikādivasenāti attho.
мад̇з ваад̇и ваа-сад̣̇д̣̇о авуд̇д̇авигаббад̇т̇о. д̇зна баб̣б̣аж̇ид̇аад̣̇ибхаавам̣ сан̇г̇ан̣хаад̇и. зд̇знубааязнаад̇и яам̣ маад̇ари мад̇ааяа, надтааяа ваа бид̇аа рагкад̇и, саа бид̇урагкид̇аа. яам̣ убхосу асанд̇зсу бхаад̇аа рагкад̇и, саа бхаад̇урагкид̇аад̇и звамаад̣̇им̣ санд̇хааяааха. сабхааг̇агулаанийд̇и ааваахагирияааяа сабхааг̇аани гулаани. д̣̇ассугавид̇хим̣ ваа уд̣̇д̣̇исса табид̇ад̣̇ан̣д̣аарааж̇аад̣̇ийхи. саммаад̣̇идтисуд̇д̇з (ма. ни. адта. 1.89) ‘‘асад̣̇д̇хаммаад̇хиббааязна гааяад̣̇ваараббавад̇д̇аа аг̇аманийяадтаанавийд̇иггамажзд̇анаа’’д̇и звам̣ вуд̇д̇амижчаажааралагкан̣авасзна.
Mate vāti vā-saddo avuttavikappattho. Tena pabbajitādibhāvaṃ saṅgaṇhāti. Etenupāyenāti yaṃ mātari matāya, naṭṭhāya vā pitā rakkhati, sā piturakkhitā. Yaṃ ubhosu asantesu bhātā rakkhati, sā bhāturakkhitāti evamādiṃ sandhāyāha. Sabhāgakulānīti āvāhakiriyāya sabhāgāni kulāni. Dassukavidhiṃ vā uddissa ṭhapitadaṇḍārājādīhi. Sammādiṭṭhisutte (ma. ni. aṭṭha. 1.89) ‘‘asaddhammādhippāyena kāyadvārappavattā agamanīyaṭṭhānavītikkamacetanā’’ti evaṃ vuttamicchācāralakkhaṇavasena.
хад̇т̇абаад̣̇аад̣̇ихзд̇ууд̇и хад̇т̇абаад̣̇аад̣̇ибхзд̣̇анахзд̇у. д̇ханахзд̇ууд̇и д̇ханасса лаабхахзд̇у ж̇аанихзд̇у жа. лаабход̇и гхаасажчаад̣̇анаани лаб̣бхад̇ийд̇и лаабхо. гин̃жигканд̇и гин̃жимад̇д̇агам̣ аамисаж̇аад̇ам̣. д̇знааха ‘‘яам̣ ваа’’д̇иаад̣̇и. ж̇аананд̇оязваад̇и мусаабхаавам̣ д̇асса вад̇т̇уно ад̇т̇и, д̇ам̣ ж̇аананд̇о зва.
Hatthapādādihetūti hatthapādādibhedanahetu. Dhanahetūti dhanassa lābhahetu jānihetu ca. Lābhoti ghāsacchādanāni labbhatīti lābho. Kiñcikkhanti kiñcimattakaṃ āmisajātaṃ. Tenāha ‘‘yaṃ vā’’tiādi. Jānantoyevāti musābhāvaṃ tassa vatthuno atthi, taṃ jānanto eva.
ан̣д̣агаад̇и вужжад̇и ругкз ан̣д̣асад̣̇исаа г̇ан̣тияо. яат̇аа т̇ад̣̇д̇хаа висамаа д̣̇уб̣б̣инийд̇аа жа хонд̇и, звамзвам̣ кум̣санавамбханавасзна бавад̇д̇аваажааби хи ‘‘ан̣д̣агаа’’д̇и вуд̇д̇аа. д̇знааха ‘‘яат̇аа сад̣̇осз ругкз’’д̇иаад̣̇и. гаггасаад̇и парусаа зва, со банассаа гаггасабхааво б̣яаабаад̣̇анимид̇д̇ад̇ааяа д̇ад̇о бууд̇игаад̇и. д̇знааха ‘‘яат̇аа наамаа’’д̇иаад̣̇и. гадугаад̇и анидтаа. аманаабаад̇и на манавад̣дханий, д̇ад̇о зва д̣̇осаж̇ананий, жид̇д̇асанд̣̇осуббад̇д̇игааригаа. маммзсууд̇и гхадданзна д̣̇угкуббад̇д̇ид̇о маммасад̣̇исзсу ж̇аад̇иаад̣̇ийсу. лаг̇г̇анагаарийд̇и звам̣ вад̣̇анд̇асса звам̣ вад̣̇аамийд̇и ад̇т̇аад̇хиббааязна лаг̇г̇анагаарий, на б̣яан̃ж̇анавасзна. год̇хасса аасаннаа д̇асса гааран̣абхаавад̇о. сад̣̇осаваажааяаад̇и ад̇д̇ано самудтаабагад̣̇осасса васзна сад̣̇осаваажааяа взважанаани.
Aṇḍakāti vuccati rukkhe aṇḍasadisā gaṇṭhiyo. Yathā thaddhā visamā dubbinītā ca honti, evamevaṃ khuṃsanavambhanavasena pavattavācāpi hi ‘‘aṇḍakā’’ti vuttā. Tenāha ‘‘yathā sadose rukkhe’’tiādi. Kakkasāti pharusā eva, so panassā kakkasabhāvo byāpādanimittatāya tato pūtikāti. Tenāha ‘‘yathā nāmā’’tiādi. Kaṭukāti aniṭṭhā. Amanāpāti na manavaḍḍhanī, tato eva dosajananī, cittasandosuppattikārikā. Mammesūti ghaṭṭanena dukkhuppattito mammasadisesu jātiādīsu. Lagganakārīti evaṃ vadantassa evaṃ vadāmīti atthādhippāyena lagganakārī, na byañjanavasena. Kodhassa āsannā tassa kāraṇabhāvato. Sadosavācāyāti attano samuṭṭhāpakadosassa vasena sadosavācāya vevacanāni.
агаалзнаад̇и аяуд̇д̇агаалзна. агааран̣аниссид̇анд̇и нибпалам̣. палан̃хи гааран̣аниссид̇ам̣ наама д̇ад̣̇авинаабхаавад̇о. агааран̣аниссид̇ам̣ нибпалам̣, сампанд̇и ад̇т̇о. асабхаававад̇д̇аад̇и аяаат̇аававаад̣̇ий. асам̣варавинаяабадисам̣яуд̇д̇ассаад̇и сам̣варавинаяарахид̇асса, ад̇д̇ано сун̣анд̇асса жа на сам̣варавинаяаавахасса вад̇д̇аа. хад̣̇аяаман̃ж̇уусааяам̣ нид̇хзд̇унд̇и ахид̇асам̣хид̇ад̇д̇аа жид̇д̇ам̣ ануббависзд̇ваа нид̇хзд̇ум̣ . аяуд̇д̇агаалзд̇и д̇хаммам̣ гат̇знд̇зна яо ад̇т̇о яасмим̣ гаалз вад̇д̇аб̣б̣о, д̇ад̇о буб̣б̣з бажчаа д̇асса агаало, д̇асмим̣ аяуд̇д̇агаалз вад̇д̇аа ход̇и. анабад̣̇зсанд̇и бхаг̇авад̇аа асугасуд̇д̇з звам̣ вуд̇д̇анд̇и суд̇д̇аабад̣̇зсавирахид̇ам̣. абарижчзд̣̇анд̇и барижчзд̣̇арахид̇ам̣ . яат̇аа бана ваажаа барижчзд̣̇арахид̇аа ход̇и, д̇ам̣ д̣̇ассзд̇ум̣ ‘‘суд̇д̇ам̣ ваа’’д̇иаад̣̇и вуд̇д̇ам̣. убалаб̣бханд̇и ануяог̇ам̣. б̣аахирагат̇ам̣язваад̇и яам̣ суд̇д̇ам̣, ж̇аад̇агам̣ ваа нигкид̇д̇ам̣, д̇асса сарийрабхууд̇ам̣ гат̇ам̣ анаамасид̇ваа д̇ад̇о б̣ахибхууд̇ам̣язва гат̇ам̣. самбаж̇ж̇ид̇ваад̇и вирул̣хам̣ аабаж̇ж̇ид̇ваа. бавзн̣иж̇аад̇агааваад̇и ануж̇аад̇абаарохамуулааниязва д̇идтанд̇и. аахарид̇ваад̇и нигкид̇д̇асуд̇д̇ад̇о ан̃н̃амби ануяог̇аубамаавад̇т̇увасзна д̇ад̣̇анубаяог̇инам̣ аахарид̇ваа. ж̇аанаабзд̇унд̇и зд̇ад̣̇ад̇т̇амид̣̇ам̣ вуд̇д̇анд̇и ж̇аанаабзд̇ум̣ яо саггод̇и. д̇асса гат̇зд̇унд̇и д̇асса д̇ат̇ааруубасса д̇хаммагат̇игасса б̣ахумби гат̇зд̇ум̣ ваддад̇и. на ад̇т̇аниссид̇анд̇и ад̇д̇ано барзсан̃жа на хид̇аавахам̣.
Akālenāti ayuttakālena. Akāraṇanissitanti nipphalaṃ. Phalañhi kāraṇanissitaṃ nāma tadavinābhāvato. Akāraṇanissitaṃ nipphalaṃ, samphanti attho. Asabhāvavattāti ayāthāvavādī. Asaṃvaravinayapaṭisaṃyuttassāti saṃvaravinayarahitassa, attano suṇantassa ca na saṃvaravinayāvahassa vattā. Hadayamañjūsāyaṃ nidhetunti ahitasaṃhitattā cittaṃ anuppavisetvā nidhetuṃ . Ayuttakāleti dhammaṃ kathentena yo attho yasmiṃ kāle vattabbo, tato pubbe pacchā tassa akālo, tasmiṃ ayuttakāle vattā hoti. Anapadesanti bhagavatā asukasutte evaṃ vuttanti suttāpadesavirahitaṃ. Aparicchedanti paricchedarahitaṃ . Yathā pana vācā paricchedarahitā hoti, taṃ dassetuṃ ‘‘suttaṃ vā’’tiādi vuttaṃ. Upalabbhanti anuyogaṃ. Bāhirakathaṃyevāti yaṃ suttaṃ, jātakaṃ vā nikkhittaṃ, tassa sarīrabhūtaṃ kathaṃ anāmasitvā tato bahibhūtaṃyeva kathaṃ. Sampajjitvāti viruḷhaṃ āpajjitvā. Paveṇijātakāvāti anujātapārohamūlāniyeva tiṭṭhanti. Āharitvāti nikkhittasuttato aññampi anuyogaupamāvatthuvasena tadanupayoginaṃ āharitvā. Jānāpetunti etadatthamidaṃ vuttanti jānāpetuṃ yo sakkoti. Tassa kathetunti tassa tathārūpassa dhammakathikassa bahumpi kathetuṃ vaṭṭati. Na atthanissitanti attano paresañca na hitāvahaṃ.
абхиж̇жхааяанам̣ язбхуяязна барасанд̇агасса д̣̇ассанавасзна ход̇ийд̇и ‘‘абхиж̇жхааяа ологзд̇аа ход̇ий’’д̇и вуд̇д̇ам̣. абхиж̇жхааяанд̇о ваа абхиж̇жхааяид̇ам̣ вад̇т̇ум̣ яад̇т̇а гад̇т̇ажи тид̇амби бажжагкад̇о бассанд̇о вияа абхиж̇жхааяад̇ийд̇и вуд̇д̇ам̣ ‘‘абхиж̇жхааяа ологзд̇аа ход̇ий’’д̇и. гаммабат̇абхзд̣̇о на ход̇и, гзвалам̣ лобхамад̇д̇ова ход̇и барин̣ааманавасзна аббавад̇д̇ад̇д̇аа. яат̇аа бана гаммабат̇абхзд̣̇о ход̇и, д̇ам̣ д̣̇ассзд̇ум̣ ‘‘яад̣̇аа банаа’’д̇иаад̣̇и вуд̇д̇ам̣. барин̣аамзд̇ийд̇и ад̇д̇ано санд̇агабхаавзна бариг̇г̇аяха наамзд̇и.
Abhijjhāyanaṃ yebhuyyena parasantakassa dassanavasena hotīti ‘‘abhijjhāya oloketā hotī’’ti vuttaṃ. Abhijjhāyanto vā abhijjhāyitaṃ vatthuṃ yattha katthaci ṭhitampi paccakkhato passanto viya abhijjhāyatīti vuttaṃ ‘‘abhijjhāya oloketā hotī’’ti. Kammapathabhedo na hoti, kevalaṃ lobhamattova hoti pariṇāmanavasena appavattattā. Yathā pana kammapathabhedo hoti, taṃ dassetuṃ ‘‘yadā panā’’tiādi vuttaṃ. Pariṇāmetīti attano santakabhāvena pariggayha nāmeti.
вибаннажид̇д̇од̇и б̣яаабаад̣̇зна вибад̇д̇им̣ аабаад̣̇ид̇ажид̇д̇о. д̇знааха ‘‘бууд̇ибхууд̇ажид̇д̇о’’д̇и. б̣яаабаад̣̇о хи висам̣ вияа лохид̇асса жид̇д̇ам̣ бууд̇ибхаавам̣ ж̇анзд̇и. д̣̇осзна д̣̇удтажид̇д̇асан̇габбод̇и висзна вияа саббиаад̣̇игобзна д̣̇уусид̇ажид̇д̇асан̇габбо. гхаад̇ийяанд̇ууд̇и ханийяанд̇у. вад̇хам̣ баабун̣анд̇ууд̇и маран̣ам̣ баабун̣анд̇у. маа ваа ахзсунд̇и саб̣б̣зна саб̣б̣ам̣ на хонд̇у. д̇знааха ‘‘гин̃жиби маа ахзсу’’нд̇и, анавасзсавинаасам̣ баабун̣анд̇ууд̇и ад̇т̇о. хан̃н̃анд̇ууд̇и аад̣̇ижинд̇анзнзваад̇и зганд̇ад̇о винаасажинд̇ааяа зва.
Vipannacittoti byāpādena vipattiṃ āpāditacitto. Tenāha ‘‘pūtibhūtacitto’’ti. Byāpādo hi visaṃ viya lohitassa cittaṃ pūtibhāvaṃ janeti. Dosena duṭṭhacittasaṅkappoti visena viya sappiādikopena dūsitacittasaṅkappo. Ghātīyantūti hanīyantu. Vadhaṃ pāpuṇantūti maraṇaṃ pāpuṇantu. Mā vā ahesunti sabbena sabbaṃ na hontu. Tenāha ‘‘kiñcipi mā ahesu’’nti, anavasesavināsaṃ pāpuṇantūti attho. Haññantūti ādicintanenevāti ekantato vināsacintāya eva.
мижчаад̣̇идтигод̇и аяонисо уббаннад̣̇идтиго. со жа зганд̇ад̇о гусалабадибагкад̣̇идтигод̇и ааха ‘‘агусалад̣̇ассано’’д̇и. вибаллад̇т̇ад̣̇ассанод̇и д̇хаммад̇ааяа вибарияаасаг̇г̇аахий. над̇т̇и д̣̇иннанд̇и д̣̇зяяад̇хаммасийсзна д̣̇аанам̣ вуд̇д̇анд̇и ааха ‘‘д̣̇иннасса палаабхаавам̣ санд̇хааяа вад̣̇ад̇ий’’д̇и. д̣̇иннам̣ бана аннаад̣̇ивад̇т̇ум̣ гат̇ам̣ бадигкибад̇и. зса наяо ‘‘яидтам̣ худ̇а’’нд̇и зд̇т̇ааби. махааяааг̇од̇и саб̣б̣асаад̇хааран̣ам̣ махаад̣̇аанам̣. бахзн̣агасаггаарод̇и баахунагаанам̣ гад̇д̇аб̣б̣асаггааро. паланд̇и аанисам̣сапалан̃жа ниссанд̣̇апалан̃жа. вибаагод̇и сад̣̇исам̣ палам̣. баралогз тид̇асса аяам̣ лого над̇т̇ийд̇и баралогз тид̇асса гаммунаа лад̣̇д̇хаб̣б̣о аяам̣ лого на ход̇и. ид̇халогз тид̇ассаби баралого над̇т̇ийд̇и ид̇халогз тид̇асса гаммунаа лад̣̇д̇хаб̣б̣о баралого на ход̇и. д̇ад̇т̇а гааран̣амааха ‘‘саб̣б̣з д̇ад̇т̇а д̇ад̇т̇зва ужчиж̇ж̇анд̇ий’’д̇и . имз сад̇д̇аа яад̇т̇а яад̇т̇а бхаваяониг̇ад̇иаад̣̇ийсу тид̇аа д̇ад̇т̇а д̇ад̇т̇зва ужчиж̇ж̇анд̇и нируд̣̇аяавинаасавасзна винассанд̇и. палаабхаававасзнаад̇и маад̇аабид̇уусу саммаабадибад̇д̇имижчаабадибад̇д̇ийнам̣ паласса абхаававасзна ‘‘над̇т̇и маад̇аа, над̇т̇и бид̇аа’’д̇и вад̣̇ад̇и, на маад̇аабид̇уунам̣, нааби д̇зсу саммаабадибад̇д̇имижчаабадибад̇д̇ийнам̣ абхаававасзна д̇зсам̣ логабажжагкад̇д̇аа. б̣уб̣б̣ул̣агасса вияа имзсам̣ сад̇д̇аанам̣ уббаад̣̇о наама гзвалова, на жавид̇ваа ааг̇аманабуб̣б̣агод̇и д̣̇ассанад̇т̇ам̣ ‘‘над̇т̇и сад̇д̇аа обабаад̇игаа’’д̇и вуд̇д̇анд̇и ааха ‘‘жавид̇ваа убабаж̇ж̇анагасад̇д̇аа наама над̇т̇ийд̇и вад̣̇ад̇ий’’д̇и. саман̣зна наама яаат̇аавад̇о ж̇аананд̇зна гассажи гин̃жи агат̇зд̇ваа сан̃н̃ад̇зна бхавид̇аб̣б̣ам̣, ан̃н̃ат̇аа ахобурисигаа наама сияаа, гим̣ баро барасса гариссад̇и, д̇ат̇аа ад̇д̇ано самбаад̣̇анасса гассажи авасаро зва над̇т̇и д̇ад̇т̇а д̇ад̇т̇зва ужчиж̇ж̇анад̇од̇и ааха ‘‘яз иман̃жа…бз… бавзд̣̇знд̇ий’’д̇и. зд̇д̇аавад̇аад̇и ‘‘над̇т̇и д̣̇инна’’нд̇иаад̣̇инаа б̣яабад̣̇зсзна. д̣̇асавад̇т̇угаад̇и бадигкибид̇аб̣б̣аани д̣̇аса вад̇т̇ууни зд̇иссаад̇и д̣̇асавад̇т̇угаа.
Micchādiṭṭhikoti ayoniso uppannadiṭṭhiko. So ca ekantato kusalapaṭipakkhadiṭṭhikoti āha ‘‘akusaladassano’’ti. Vipallatthadassanoti dhammatāya vipariyāsaggāhī. Natthi dinnanti deyyadhammasīsena dānaṃ vuttanti āha ‘‘dinnassa phalābhāvaṃ sandhāya vadatī’’ti. Dinnaṃ pana annādivatthuṃ kathaṃ paṭikkhipati. Esa nayo ‘‘yiṭṭhaṃ huta’’nti etthāpi. Mahāyāgoti sabbasādhāraṇaṃ mahādānaṃ. Paheṇakasakkāroti pāhunakānaṃ kattabbasakkāro. Phalanti ānisaṃsaphalañca nissandaphalañca. Vipākoti sadisaṃ phalaṃ. Paraloke ṭhitassa ayaṃ loko natthīti paraloke ṭhitassa kammunā laddhabbo ayaṃ loko na hoti. Idhaloke ṭhitassapi paraloko natthīti idhaloke ṭhitassa kammunā laddhabbo paraloko na hoti. Tattha kāraṇamāha ‘‘sabbe tattha tattheva ucchijjantī’’ti . Ime sattā yattha yattha bhavayonigatiādīsu ṭhitā tattha tattheva ucchijjanti nirudayavināsavasena vinassanti. Phalābhāvavasenāti mātāpitūsu sammāpaṭipattimicchāpaṭipattīnaṃ phalassa abhāvavasena ‘‘natthi mātā, natthi pitā’’ti vadati, na mātāpitūnaṃ, nāpi tesu sammāpaṭipattimicchāpaṭipattīnaṃ abhāvavasena tesaṃ lokapaccakkhattā. Bubbuḷakassa viya imesaṃ sattānaṃ uppādo nāma kevalova, na cavitvā āgamanapubbakoti dassanatthaṃ ‘‘natthi sattā opapātikā’’ti vuttanti āha ‘‘cavitvā upapajjanakasattā nāma natthīti vadatī’’ti. Samaṇena nāma yāthāvato jānantena kassaci kiñci akathetvā saññatena bhavitabbaṃ, aññathā ahopurisikā nāma siyā, kiṃ paro parassa karissati, tathā attano sampādanassa kassaci avasaro eva natthi tattha tattheva ucchijjanatoti āha ‘‘ye imañca…pe… pavedentī’’ti. Ettāvatāti ‘‘natthi dinna’’ntiādinā byapadesena. Dasavatthukāti paṭikkhipitabbāni dasa vatthūni etissāti dasavatthukā.
441. анабхиж̇жхаад̣̇аяо хздтаа ад̇т̇ад̇о багаасид̇ад̇д̇аа уд̇д̇аанад̇т̇ааязва.
441.Anabhijjhādayo heṭṭhā atthato pakāsitattā uttānatthāyeva.
442. саха б̣яаяад̇и г̇ажчад̇ийд̇и сахаб̣яо, сахавад̇д̇анаго, д̇асса бхааво сахаб̣яад̇аа, сахабавад̇д̇ийд̇и ааха ‘‘сахабхаавам̣ убаг̇ажчзяяа’’нд̇и. б̣рахмаанам̣ гааяо самууход̇и б̣рахмагааяо, д̇аббарияаабаннад̇ааяа д̇ад̇т̇а г̇ад̇аад̇и б̣рахмагааяигаа. гаамам̣ жзд̇ааяа саб̣б̣ассаби б̣рахманигааяасса саман̃н̃ааяа бхавид̇аб̣б̣ам̣, ‘‘аабхаана’’нд̇иаад̣̇инаа бана д̣̇уд̇ияаж̇жхаанабхуумигаад̣̇ийнам̣ убари г̇ахид̇ад̇д̇аа г̇об̣алийб̣ад̣̇д̣̇ан̃ааязна д̇ад̣̇авасзсаанам̣ аяам̣ саман̃н̃аад̇и ааха ‘‘б̣рахмагааяигаанам̣ д̣̇зваананд̇и батамаж̇жхаанабхуумид̣̇зваана’’нд̇и. аабхаа наама висум̣ д̣̇зваа над̇т̇и, барид̇д̇аабхаад̣̇ийнам̣язва бана аабхааванд̇ад̇аасааман̃н̃зна згаж̇жхам̣ г̇ахзд̇ваа бавад̇д̇ам̣ зд̇ам̣ ад̇хиважанам̣, яад̣̇ид̣̇ам̣ ‘‘аабхаа’’д̇и яат̇аа ‘‘б̣рахмабаарисаж̇ж̇аб̣рахмабурохид̇амахааб̣рахмаанам̣ б̣рахмагааяигаа’’д̇и. барид̇д̇аабхаананд̇иаад̣̇и банаад̇и аад̣̇и-сад̣̇д̣̇зна аббамаан̣аабхаанам̣ д̣̇зваанам̣ аабхассараанам̣ д̣̇зваананд̇и имам̣ баал̣им̣ сан̇г̇ан̣хаад̇и. згад̇о аг̇г̇ахзд̇ваад̇и аабхаад̇и ваа, згад̇д̇агааяанаанад̇д̇асан̃н̃аад̇и ваа згад̇о аг̇г̇ахзд̇ваа. д̇зсам̣язваад̇и аабхаад̇и вуд̇д̇ад̣̇зваанам̣язва. бхзд̣̇ад̇о г̇ахан̣анд̇и гааран̣асса хийнаад̣̇ибхзд̣̇абхиннад̇аад̣̇ассанавасзна барид̇д̇аабхаад̣̇иг̇г̇ахан̣ам̣. ид̇и бхаг̇аваа аасавагкаяам̣ д̣̇ассзд̇ваад̇и звам̣ бхаг̇аваа д̇хаммажарияам̣, самажарияам̣, вадданиссид̇ам̣ суг̇ад̇иг̇аамибадибад̣̇ам̣, вивадданиссид̇ам̣ аасавагкаяаг̇аамибадибад̣̇ам̣ гад̇ваа д̇ибхавабхан̃ж̇анад̇о аасавагкаяам̣ д̣̇ассзд̇ваа арахад̇д̇анигуудзна д̣̇зсанам̣ нидтабзси.
442. Saha byayati gacchatīti sahabyo, sahavattanako, tassa bhāvo sahabyatā, sahapavattīti āha ‘‘sahabhāvaṃ upagaccheyya’’nti. Brahmānaṃ kāyo samūhoti brahmakāyo, tappariyāpannatāya tattha gatāti brahmakāyikā. Kāmaṃ cetāya sabbassapi brahmanikāyassa samaññāya bhavitabbaṃ, ‘‘ābhāna’’ntiādinā pana dutiyajjhānabhūmikādīnaṃ upari gahitattā gobalībaddañāyena tadavasesānaṃ ayaṃ samaññāti āha ‘‘brahmakāyikānaṃ devānanti paṭhamajjhānabhūmidevāna’’nti. Ābhā nāma visuṃ devā natthi, parittābhādīnaṃyeva pana ābhāvantatāsāmaññena ekajjhaṃ gahetvā pavattaṃ etaṃ adhivacanaṃ, yadidaṃ ‘‘ābhā’’ti yathā ‘‘brahmapārisajjabrahmapurohitamahābrahmānaṃ brahmakāyikā’’ti. Parittābhānantiādi panāti ādi-saddena appamāṇābhānaṃ devānaṃ ābhassarānaṃ devānanti imaṃ pāḷiṃ saṅgaṇhāti. Ekato aggahetvāti ābhāti vā, ekattakāyanānattasaññāti vā ekato aggahetvā. Tesaṃyevāti ābhāti vuttadevānaṃyeva. Bhedato gahaṇanti kāraṇassa hīnādibhedabhinnatādassanavasena parittābhādiggahaṇaṃ. Iti bhagavā āsavakkhayaṃ dassetvāti evaṃ bhagavā dhammacariyaṃ, samacariyaṃ, vaṭṭanissitaṃ sugatigāmipaṭipadaṃ, vivaṭṭanissitaṃ āsavakkhayagāmipaṭipadaṃ katvā tibhavabhañjanato āsavakkhayaṃ dassetvā arahattanikūṭena desanaṃ niṭṭhapesi.
ид̇ха тад̇ваад̇и имасмим̣ д̇хаммажарияаасамажарияааяа нид̣̇д̣̇зсз тад̇ваа. д̣̇звалогаа самаанзд̇аб̣б̣аад̇и чаб̣б̣ийсад̇иби д̣̇звалогаа самод̇хаанзд̇аб̣б̣аа. вийсад̇и б̣рахмалогаад̇и д̇ам̣д̇ам̣бхавабарияаабаннанигааяавасзна вийсад̇и б̣рахмалогаа, вийсад̇и б̣рахманигааяаад̇и ад̇т̇о. д̣̇асагусалагаммабат̇зхийд̇и яат̇аарахам̣ д̣̇асагусалагаммабат̇зхи гаммуубаниссаяабажжаяабхууд̇зхи гзвалам̣ убаниссаяабхууд̇зхи жа ниб̣б̣ад̇д̇и д̣̇ассид̇аа.
Idha ṭhatvāti imasmiṃ dhammacariyāsamacariyāya niddese ṭhatvā. Devalokā samānetabbāti chabbīsatipi devalokā samodhānetabbā. Vīsati brahmalokāti taṃtaṃbhavapariyāpannanikāyavasena vīsati brahmalokā, vīsati brahmanikāyāti attho. Dasakusalakammapathehīti yathārahaṃ dasakusalakammapathehi kammūpanissayapaccayabhūtehi kevalaṃ upanissayabhūtehi ca nibbatti dassitā.
д̇ин̣н̣ам̣ сужарид̇аананд̇и д̇ин̣н̣ам̣ гаамааважарасужарид̇аанам̣. гаамааважараг̇г̇ахан̣ан̃жзд̇т̇а маносужарид̇аабзгкааяа. вибаагзнзваад̇и иминаа вибаагуббаад̣̇знзва ниб̣б̣ад̇д̇и ход̇и, на убаниссаяад̇аамад̇д̇знаад̇и д̣̇ассзд̇и. ‘‘убаниссаяавасзнаа’’д̇и вуд̇д̇амад̇т̇ам̣ виварид̇ум̣ ‘‘д̣̇аса гусалагаммабат̇аа хий’’д̇иаад̣̇и вуд̇д̇ам̣. д̣̇уд̇ияаад̣̇ийни бхаавзд̇ваад̇иаад̣̇ийсуби ‘‘сийлз бад̇идтааяаа’’д̇и бад̣̇ам̣ аанзд̇ваа самб̣анд̇хид̇аб̣б̣ам̣. гасмаа банзд̇т̇а ‘‘убаниссаяавасзнаа’’д̇и вуд̇д̇ам̣, нану бадисамбхид̣̇аамаг̇г̇з (бади. ма. 1.41) – ‘‘батамзна жхаанзна нийваран̣аанам̣ бахаанам̣ сийлам̣, взраман̣и сийлам̣, жзд̇анаа сийлам̣, сам̣варо сийлам̣, авийд̇иггамо сийла’’нд̇иаад̣̇инаа саб̣б̣зсуби жхаанзсу сийлам̣ уд̣̇д̇хаданд̇и д̇асса васзна убарид̣̇звалогаанамби вибаагзна ниб̣б̣ад̇д̇и вад̇д̇аб̣б̣аад̇и? на, д̇асса барин̃н̃ааяа д̣̇зсанад̇д̇аа, барин̃н̃ааяа д̣̇зсанад̇аа жасса ‘‘яад̇т̇а жа бахаана’’нд̇иаад̣̇инаа висуд̣̇д̇химаг̇г̇асам̣ван̣н̣анааяан̃жа (висуд̣̇д̇хи. махаадий. 2.837, 839) багаасид̇аа зва. д̇ат̇аа хи ид̇хааби ‘‘д̣̇аса гусалагаммабат̇аа хи сийла’’нд̇иаад̣̇инаа сийласса руубааруубабхаваанам̣ убаниссаяад̇аа вибхаавид̇аа, на ниб̣б̣ад̇д̇агад̇ааяа. гасмаа банзд̇т̇а бхааванаалагкан̣ааяа д̇хаммажарияааяа бхавависзсз вибхаж̇ияамаанз асан̃н̃абхаво на г̇ахид̇од̇и ааха ‘‘асан̃н̃абхаво бана…бз… на нид̣̇д̣̇идто’’д̇и. б̣аахирагаа хи аяат̇аабхууд̇ад̣̇ассид̇ааяа асан̃н̃абхавам̣ бхававиббамогкам̣ ман̃н̃амаанаа д̇ад̣̇убаг̇аж̇жхаанам̣ бхаавзд̇ваа асан̃н̃зсу ниб̣б̣ад̇д̇анд̇и. аяамзд̇т̇а сан̇кзбо, яам̣ банзд̇т̇а вад̇д̇аб̣б̣ам̣, д̇ам̣ б̣рахмаж̇ааладтагат̇ааяам̣ д̇ам̣сам̣ван̣н̣анааяан̃жа (д̣̇ий. ни. адта. 1.68-73; д̣̇ий. ни. дий. 1.68-73) вуд̇д̇анаязнзва взд̣̇ид̇аб̣б̣ам̣.
Tiṇṇaṃ sucaritānanti tiṇṇaṃ kāmāvacarasucaritānaṃ. Kāmāvacaraggahaṇañcettha manosucaritāpekkhāya. Vipākenevāti iminā vipākuppādeneva nibbatti hoti, na upanissayatāmattenāti dasseti. ‘‘Upanissayavasenā’’ti vuttamatthaṃ vivarituṃ ‘‘dasa kusalakammapathā hī’’tiādi vuttaṃ. Dutiyādīni bhāvetvātiādīsupi ‘‘sīle patiṭṭhāyā’’ti padaṃ ānetvā sambandhitabbaṃ. Kasmā panettha ‘‘upanissayavasenā’’ti vuttaṃ, nanu paṭisambhidāmagge (paṭi. ma. 1.41) – ‘‘paṭhamena jhānena nīvaraṇānaṃ pahānaṃ sīlaṃ, veramaṇi sīlaṃ, cetanā sīlaṃ, saṃvaro sīlaṃ, avītikkamo sīla’’ntiādinā sabbesupi jhānesu sīlaṃ uddhaṭanti tassa vasena uparidevalokānampi vipākena nibbatti vattabbāti? Na, tassa pariññāya desanattā, pariññāya desanatā cassa ‘‘yattha ca pahāna’’ntiādinā visuddhimaggasaṃvaṇṇanāyañca (visuddhi. mahāṭī. 2.837, 839) pakāsitā eva. Tathā hi idhāpi ‘‘dasa kusalakammapathā hi sīla’’ntiādinā sīlassa rūpārūpabhavānaṃ upanissayatā vibhāvitā, na nibbattakatāya. Kasmā panettha bhāvanālakkhaṇāya dhammacariyāya bhavavisese vibhajiyamāne asaññabhavo na gahitoti āha ‘‘asaññabhavopana…pe… na niddiṭṭho’’ti. Bāhirakā hi ayathābhūtadassitāya asaññabhavaṃ bhavavippamokkhaṃ maññamānā tadupagajjhānaṃ bhāvetvā asaññesu nibbattanti. Ayamettha saṅkhepo, yaṃ panettha vattabbaṃ, taṃ brahmajālaṭṭhakathāyaṃ taṃsaṃvaṇṇanāyañca (dī. ni. aṭṭha. 1.68-73; dī. ni. ṭī. 1.68-73) vuttanayeneva veditabbaṃ.
саалзяяагасуд̇д̇аван̣н̣анааяа лийнад̇т̇аббагаасанаа самад̇д̇аа.
Sāleyyakasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. саалзяяагасуд̇д̇ам̣ • 1. Sāleyyakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 1. саалзяяагасуд̇д̇аван̣н̣анаа • 1. Sāleyyakasuttavaṇṇanā
