| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. саал̣хасуд̇д̇ам̣
6. Sāḷhasuttaṃ
196. згам̣ самаяам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣. ат̇а ко саал̣хо жа лижчави абхаяо жа лижчави язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисинно ко саал̣хо лижчави бхаг̇аванд̇ам̣ зд̇ад̣̇авожа –
196. Ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Atha kho sāḷho ca licchavi abhayo ca licchavi yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinno kho sāḷho licchavi bhagavantaṃ etadavoca –
‘‘санд̇и, бханд̇з, згз саман̣аб̣раахман̣аа д̣̇ваязна огхасса нид̇т̇аран̣ам̣ бан̃н̃абзнд̇и – сийлависуд̣̇д̇хихзд̇у жа д̇абож̇иг̇ужчаахзд̇у жа. ид̇ха, бханд̇з, бхаг̇аваа гимаахаа’’д̇и?
‘‘Santi, bhante, eke samaṇabrāhmaṇā dvayena oghassa nittharaṇaṃ paññapenti – sīlavisuddhihetu ca tapojigucchāhetu ca. Idha, bhante, bhagavā kimāhā’’ti?
‘‘сийлависуд̣̇д̇хим̣ ко ахам̣, саал̣ха, ан̃н̃ад̇арам̣ сааман̃н̃ан̇г̇анд̇и вад̣̇аами. яз д̇з, саал̣ха, саман̣аб̣раахман̣аа д̇абож̇иг̇ужчааваад̣̇аа д̇абож̇иг̇ужчаасаараа д̇абож̇иг̇ужчаааллийнаа вихаранд̇и, абхаб̣б̣аа д̇з огхасса нид̇т̇аран̣ааяа. язби д̇з, саал̣ха, саман̣аб̣раахман̣аа абарисуд̣̇д̇хагааяасамаажаараа абарисуд̣̇д̇хаважийсамаажаараа абарисуд̣̇д̇хаманосамаажаараа абарисуд̣̇д̇хааж̇ийваа, абхаб̣б̣аа д̇з н̃аан̣ад̣̇ассанааяа ануд̇д̇арааяа самб̣од̇хааяа.
‘‘Sīlavisuddhiṃ kho ahaṃ, sāḷha, aññataraṃ sāmaññaṅganti vadāmi. Ye te, sāḷha, samaṇabrāhmaṇā tapojigucchāvādā tapojigucchāsārā tapojigucchāallīnā viharanti, abhabbā te oghassa nittharaṇāya. Yepi te, sāḷha, samaṇabrāhmaṇā aparisuddhakāyasamācārā aparisuddhavacīsamācārā aparisuddhamanosamācārā aparisuddhājīvā, abhabbā te ñāṇadassanāya anuttarāya sambodhāya.
‘‘сзяяат̇ааби, саал̣ха, бурисо над̣̇им̣ д̇арид̇угаамо д̇ин̣хам̣ гутаарим̣ 1 аад̣̇ааяа ванам̣ бависзяяа. со д̇ад̇т̇а бассзяяа махад̇им̣ саалаладтим̣ уж̇ум̣ навам̣ агуггужжагаж̇аад̇ам̣. д̇амзнам̣ муулз чинд̣̇зяяа; муулз чзд̇ваа аг̇г̇з чинд̣̇зяяа; аг̇г̇з чзд̇ваа саакаабалаасам̣ сувисод̇хид̇ам̣ висод̇хзяяа; саакаабалаасам̣ сувисод̇хид̇ам̣ висод̇хзд̇ваа гутаарийхи д̇ажчзяяа; гутаарийхи д̇ажчзд̇ваа ваасийхи д̇ажчзяяа; ваасийхи д̇ажчзд̇ваа лзкан̣ияаа ликзяяа; лзкан̣ияаа ликид̇ваа баасаан̣аг̇ул̣зна д̇ховзяяа 2; баасаан̣аг̇ул̣зна д̇ховзд̇ваа над̣̇им̣ бад̇аарзяяа.
‘‘Seyyathāpi, sāḷha, puriso nadiṃ taritukāmo tiṇhaṃ kuṭhāriṃ 3 ādāya vanaṃ paviseyya. So tattha passeyya mahatiṃ sālalaṭṭhiṃ ujuṃ navaṃ akukkuccakajātaṃ. Tamenaṃ mūle chindeyya; mūle chetvā agge chindeyya; agge chetvā sākhāpalāsaṃ suvisodhitaṃ visodheyya; sākhāpalāsaṃ suvisodhitaṃ visodhetvā kuṭhārīhi taccheyya; kuṭhārīhi tacchetvā vāsīhi taccheyya; vāsīhi tacchetvā lekhaṇiyā likheyya; lekhaṇiyā likhitvā pāsāṇaguḷena dhoveyya 4; pāsāṇaguḷena dhovetvā nadiṃ patāreyya.
‘‘д̇ам̣ гим̣ ман̃н̃аси, саал̣ха, бхаб̣б̣о ну ко со бурисо над̣̇им̣ д̇арид̇у’’нд̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘асу хи, бханд̇з, саалаладти б̣ахид̣̇д̇хаа субаригаммагад̇аа анд̇о ависуд̣̇д̇хаа. д̇ассзд̇ам̣ баадиган̇кам̣ – саалаладти сам̣сийд̣̇иссад̇и, бурисо анаяаб̣яасанам̣ аабаж̇ж̇иссад̇ий’’д̇и.
‘‘Taṃ kiṃ maññasi, sāḷha, bhabbo nu kho so puriso nadiṃ taritu’’nti? ‘‘No hetaṃ, bhante’’. ‘‘Taṃ kissa hetu’’? ‘‘Asu hi, bhante, sālalaṭṭhi bahiddhā suparikammakatā anto avisuddhā. Tassetaṃ pāṭikaṅkhaṃ – sālalaṭṭhi saṃsīdissati, puriso anayabyasanaṃ āpajjissatī’’ti.
‘‘звамзвам̣ ко, саал̣ха, яз д̇з саман̣аб̣раахман̣аа д̇абож̇иг̇ужчааваад̣̇аа д̇абож̇иг̇ужчаасаараа д̇абож̇иг̇ужчаааллийнаа вихаранд̇и, абхаб̣б̣аа д̇з огхасса нид̇т̇аран̣ааяа. язби д̇з, саал̣ха, саман̣аб̣раахман̣аа абарисуд̣̇д̇хагааяасамаажаараа абарисуд̣̇д̇хаважийсамаажаараа абарисуд̣̇д̇хаманосамаажаараа абарисуд̣̇д̇хааж̇ийваа, абхаб̣б̣аа д̇з н̃аан̣ад̣̇ассанааяа ануд̇д̇арааяа самб̣од̇хааяа.
‘‘Evamevaṃ kho, sāḷha, ye te samaṇabrāhmaṇā tapojigucchāvādā tapojigucchāsārā tapojigucchāallīnā viharanti, abhabbā te oghassa nittharaṇāya. Yepi te, sāḷha, samaṇabrāhmaṇā aparisuddhakāyasamācārā aparisuddhavacīsamācārā aparisuddhamanosamācārā aparisuddhājīvā, abhabbā te ñāṇadassanāya anuttarāya sambodhāya.
‘‘яз жа ко д̇з, саал̣ха, саман̣аб̣раахман̣аа на д̇абож̇иг̇ужчааваад̣̇аа на д̇абож̇иг̇ужчаасаараа на д̇абож̇иг̇ужчаааллийнаа вихаранд̇и, бхаб̣б̣аа д̇з огхасса нид̇т̇аран̣ааяа. язби д̇з, саал̣ха, саман̣аб̣раахман̣аа барисуд̣̇д̇хагааяасамаажаараа барисуд̣̇д̇хаважийсамаажаараа барисуд̣̇д̇хаманосамаажаараа барисуд̣̇д̇хааж̇ийваа, бхаб̣б̣аа д̇з н̃аан̣ад̣̇ассанааяа ануд̇д̇арааяа самб̣од̇хааяа.
‘‘Ye ca kho te, sāḷha, samaṇabrāhmaṇā na tapojigucchāvādā na tapojigucchāsārā na tapojigucchāallīnā viharanti, bhabbā te oghassa nittharaṇāya. Yepi te, sāḷha, samaṇabrāhmaṇā parisuddhakāyasamācārā parisuddhavacīsamācārā parisuddhamanosamācārā parisuddhājīvā, bhabbā te ñāṇadassanāya anuttarāya sambodhāya.
‘‘сзяяат̇ааби , саал̣ха, бурисо над̣̇им̣ д̇арид̇угаамо д̇ин̣хам̣ гутаарим̣ аад̣̇ааяа ванам̣ бависзяяа. со д̇ад̇т̇а бассзяяа махад̇им̣ саалаладтим̣ уж̇ум̣ навам̣ агуггужжагаж̇аад̇ам̣. д̇амзнам̣ муулз чинд̣̇зяяа; муулз чинд̣̇ид̇ваа аг̇г̇з чинд̣̇зяяа; аг̇г̇з чинд̣̇ид̇ваа саакаабалаасам̣ сувисод̇хид̇ам̣ висод̇хзяяа; саакаабалаасам̣ сувисод̇хид̇ам̣ висод̇хзд̇ваа гутаарийхи д̇ажчзяяа; гутаарийхи д̇ажчзд̇ваа ваасийхи д̇ажчзяяа; ваасийхи д̇ажчзд̇ваа никаад̣̇анам̣ аад̣̇ааяа анд̇о сувисод̇хид̇ам̣ висод̇хзяяа; анд̇о сувисод̇хид̇ам̣ висод̇хзд̇ваа лзкан̣ияаа ликзяяа; лзкан̣ияаа ликид̇ваа баасаан̣аг̇ул̣зна д̇ховзяяа; баасаан̣аг̇ул̣зна д̇ховзд̇ваа наавам̣ гарзяяа; наавам̣ гад̇ваа пияаарид̇д̇ам̣ 5 б̣анд̇хзяяа; пияаарид̇д̇ам̣ б̣анд̇хид̇ваа над̣̇им̣ бад̇аарзяяа.
‘‘Seyyathāpi , sāḷha, puriso nadiṃ taritukāmo tiṇhaṃ kuṭhāriṃ ādāya vanaṃ paviseyya. So tattha passeyya mahatiṃ sālalaṭṭhiṃ ujuṃ navaṃ akukkuccakajātaṃ. Tamenaṃ mūle chindeyya; mūle chinditvā agge chindeyya; agge chinditvā sākhāpalāsaṃ suvisodhitaṃ visodheyya; sākhāpalāsaṃ suvisodhitaṃ visodhetvā kuṭhārīhi taccheyya; kuṭhārīhi tacchetvā vāsīhi taccheyya; vāsīhi tacchetvā nikhādanaṃ ādāya anto suvisodhitaṃ visodheyya; anto suvisodhitaṃ visodhetvā lekhaṇiyā likheyya; lekhaṇiyā likhitvā pāsāṇaguḷena dhoveyya; pāsāṇaguḷena dhovetvā nāvaṃ kareyya; nāvaṃ katvā phiyārittaṃ 6 bandheyya; phiyārittaṃ bandhitvā nadiṃ patāreyya.
‘‘д̇ам̣ гим̣ ман̃н̃аси, саал̣ха, бхаб̣б̣о ну ко со бурисо над̣̇им̣ д̇арид̇у’’нд̇и? ‘‘звам̣, бханд̇з’’. ‘‘д̇ам̣ гисса хзд̇у’’? ‘‘асу хи, бханд̇з, саалаладти б̣ахид̣̇д̇хаа субаригаммагад̇аа, анд̇о сувисуд̣̇д̇хаа нааваагад̇аа 7 пияаарид̇д̇аб̣ад̣̇д̇хаа. д̇ассзд̇ам̣ баадиган̇кам̣ – ‘нааваа на сам̣сийд̣̇иссад̇и, бурисо сод̇т̇инаа баарам̣ г̇амиссад̇ий’’’д̇и.
‘‘Taṃ kiṃ maññasi, sāḷha, bhabbo nu kho so puriso nadiṃ taritu’’nti? ‘‘Evaṃ, bhante’’. ‘‘Taṃ kissa hetu’’? ‘‘Asu hi, bhante, sālalaṭṭhi bahiddhā suparikammakatā, anto suvisuddhā nāvākatā 8 phiyārittabaddhā. Tassetaṃ pāṭikaṅkhaṃ – ‘nāvā na saṃsīdissati, puriso sotthinā pāraṃ gamissatī’’’ti.
‘‘звамзвам̣ ко , саал̣ха, яз д̇з саман̣аб̣раахман̣аа на д̇абож̇иг̇ужчааваад̣̇аа на д̇абож̇иг̇ужчаасаараа на д̇абож̇иг̇ужчаааллийнаа вихаранд̇и, бхаб̣б̣аа д̇з огхасса нид̇т̇аран̣ааяа. язби д̇з, саал̣ха, саман̣аб̣раахман̣аа барисуд̣̇д̇хагааяасамаажаараа барисуд̣̇д̇хаважийсамаажаараа барисуд̣̇д̇хаманосамаажаараа барисуд̣̇д̇хааж̇ийваа, бхаб̣б̣аа д̇з н̃аан̣ад̣̇ассанааяа ануд̇д̇арааяа самб̣од̇хааяа. сзяяат̇ааби, саал̣ха, яод̇хааж̇ийво б̣ахууни жзби ган̣д̣ажид̇рагаани ж̇аанаад̇и; ат̇а ко со д̇ийхи таанзхи рааж̇аарахо ход̇и рааж̇абхог̇г̇о, ран̃н̃о ан̇г̇анд̇зва сан̇кам̣ г̇ажчад̇и. гад̇амзхи д̇ийхи? д̣̇уурзбаад̇ий жа, агкан̣авзд̇хий жа, махад̇о жа гааяасса бад̣̇аалзд̇аа.
‘‘Evamevaṃ kho , sāḷha, ye te samaṇabrāhmaṇā na tapojigucchāvādā na tapojigucchāsārā na tapojigucchāallīnā viharanti, bhabbā te oghassa nittharaṇāya. Yepi te, sāḷha, samaṇabrāhmaṇā parisuddhakāyasamācārā parisuddhavacīsamācārā parisuddhamanosamācārā parisuddhājīvā, bhabbā te ñāṇadassanāya anuttarāya sambodhāya. Seyyathāpi, sāḷha, yodhājīvo bahūni cepi kaṇḍacitrakāni jānāti; atha kho so tīhi ṭhānehi rājāraho hoti rājabhoggo, rañño aṅganteva saṅkhaṃ gacchati. Katamehi tīhi? Dūrepātī ca, akkhaṇavedhī ca, mahato ca kāyassa padāletā.
‘‘сзяяат̇ааби, саал̣ха, яод̇хааж̇ийво д̣̇уурзбаад̇ий; звамзвам̣ ко, саал̣ха, арияасааваго саммаасамаад̇хи ход̇и. саммаасамаад̇хи, саал̣ха, арияасааваго яам̣ гин̃жи руубам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа саб̣б̣ам̣ руубам̣ ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇и. яаа гаажи взд̣̇анаа…бз… яаа гаажи сан̃н̃аа… яз гзжи сан̇каараа… яам̣ гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ вин̃н̃аан̣ам̣ ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇и.
‘‘Seyyathāpi, sāḷha, yodhājīvo dūrepātī; evamevaṃ kho, sāḷha, ariyasāvako sammāsamādhi hoti. Sammāsamādhi, sāḷha, ariyasāvako yaṃ kiñci rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā sabbaṃ rūpaṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya passati. Yā kāci vedanā…pe… yā kāci saññā… ye keci saṅkhārā… yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ viññāṇaṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya passati.
‘‘сзяяат̇ааби, саал̣ха, яод̇хааж̇ийво агкан̣авзд̇хий; звамзвам̣ ко, саал̣ха, арияасааваго саммаад̣̇идти ход̇и. саммаад̣̇идти , саал̣ха, арияасааваго ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и.
‘‘Seyyathāpi, sāḷha, yodhājīvo akkhaṇavedhī; evamevaṃ kho, sāḷha, ariyasāvako sammādiṭṭhi hoti. Sammādiṭṭhi , sāḷha, ariyasāvako ‘idaṃ dukkha’nti yathābhūtaṃ pajānāti…pe… ‘ayaṃ dukkhanirodhagāminī paṭipadā’ti yathābhūtaṃ pajānāti.
‘‘сзяяат̇ааби, саал̣ха, яод̇хааж̇ийво махад̇о гааяасса бад̣̇аалзд̇аа; звамзвам̣ ко, саал̣ха, арияасааваго саммаавимуд̇д̇и ход̇и. саммаавимуд̇д̇и, саал̣ха, арияасааваго маханд̇ам̣ авиж̇ж̇аагканд̇хам̣ бад̣̇аалзд̇ий’’д̇и. чадтам̣.
‘‘Seyyathāpi, sāḷha, yodhājīvo mahato kāyassa padāletā; evamevaṃ kho, sāḷha, ariyasāvako sammāvimutti hoti. Sammāvimutti, sāḷha, ariyasāvako mahantaṃ avijjākkhandhaṃ padāletī’’ti. Chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. саал̣хасуд̇д̇аван̣н̣анаа • 6. Sāḷhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. саал̣хасуд̇д̇аван̣н̣анаа • 6. Sāḷhasuttavaṇṇanā
