| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
6. ஸாள்ஹஸுத்தவண்ணனா
6. Sāḷhasuttavaṇṇanā
67. ச²ட்டே² பாதோ அஸிதப்³ப³போ⁴ஜனங் பாதராஸங், பு⁴த்தங் பாதராஸங் ஏதேஸந்தி பு⁴த்தபாதராஸா. தா³ஸா நாம அந்தோஜாதா வா த⁴னக்கீதா வா கரமரானீதா வா ஸயங் வா தா³ஸப்³யங் உபக³தா. ப⁴த்தவேதனப⁴தா கம்மகாரா நாம.
67. Chaṭṭhe pāto asitabbabhojanaṃ pātarāsaṃ, bhuttaṃ pātarāsaṃ etesanti bhuttapātarāsā. Dāsā nāma antojātā vā dhanakkītā vā karamarānītā vā sayaṃ vā dāsabyaṃ upagatā. Bhattavetanabhatā kammakārā nāma.
நிச்சா²தோதி எத்த² சா²தங் வுச்சதி தண்ஹா ஜிக⁴ச்சா²ஹேதுதாய, ஸா அஸ்ஸ நத்தீ²தி நிச்சா²தோ. தேனாஹ ‘‘நித்தண்ஹோ’’தி. அப்³ப⁴ந்தரே ஸந்தாபகரானங் கிலேஸானந்தி அத்தனோ ஸந்தானே த³ரத²பரிளாஹஜனநேன ஸந்தாபனகிலேஸானங். அந்தோதாபனகிலேஸானங் அபா⁴வா ஸீதோ ஸீதலோ பூ⁴தோ ஜாதோதி ஸீதிபூ⁴தோ. தேனாஹ ‘‘ஸீதலீபூ⁴தோ’’தி. மக்³க³ப²லனிப்³பா³னஸுகா²னி வா படிஸங்வேதே³தீதி ஸுக²ப்படிஸங்வேதீ³. ஸேஸங் ஸுவிஞ்ஞெய்யமேவ.
Nicchātoti ettha chātaṃ vuccati taṇhā jighacchāhetutāya, sā assa natthīti nicchāto. Tenāha ‘‘nittaṇho’’ti. Abbhantare santāpakarānaṃ kilesānanti attano santāne darathapariḷāhajananena santāpanakilesānaṃ. Antotāpanakilesānaṃ abhāvā sīto sītalo bhūto jātoti sītibhūto. Tenāha ‘‘sītalībhūto’’ti. Maggaphalanibbānasukhāni vā paṭisaṃvedetīti sukhappaṭisaṃvedī. Sesaṃ suviññeyyameva.
ஸாள்ஹஸுத்தவண்ணனா நிட்டி²தா.
Sāḷhasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 6. ஸாள்ஹஸுத்தங் • 6. Sāḷhasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 6. ஸாள்ஹஸுத்தவண்ணனா • 6. Sāḷhasuttavaṇṇanā
