| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৬. সাল়্হসুত্তৰণ্ণনা
6. Sāḷhasuttavaṇṇanā
৬৭. ছট্ঠে পাতো অসিতব্বভোজনং পাতরাসং, ভুত্তং পাতরাসং এতেসন্তি ভুত্তপাতরাসা। দাসা নাম অন্তোজাতা ৰা ধনক্কীতা ৰা করমরানীতা ৰা সযং ৰা দাসব্যং উপগতা। ভত্তৰেতনভতা কম্মকারা নাম।
67. Chaṭṭhe pāto asitabbabhojanaṃ pātarāsaṃ, bhuttaṃ pātarāsaṃ etesanti bhuttapātarāsā. Dāsā nāma antojātā vā dhanakkītā vā karamarānītā vā sayaṃ vā dāsabyaṃ upagatā. Bhattavetanabhatā kammakārā nāma.
নিচ্ছাতোতি এত্থ ছাতং ৰুচ্চতি তণ্হা জিঘচ্ছাহেতুতায, সা অস্স নত্থীতি নিচ্ছাতো। তেনাহ ‘‘নিত্তণ্হো’’তি। অব্ভন্তরে সন্তাপকরানং কিলেসানন্তি অত্তনো সন্তানে দরথপরিল়াহজননেন সন্তাপনকিলেসানং। অন্তোতাপনকিলেসানং অভাৰা সীতো সীতলো ভূতো জাতোতি সীতিভূতো। তেনাহ ‘‘সীতলীভূতো’’তি। মগ্গফলনিব্বানসুখানি ৰা পটিসংৰেদেতীতি সুখপ্পটিসংৰেদী। সেসং সুৰিঞ্ঞেয্যমেৰ।
Nicchātoti ettha chātaṃ vuccati taṇhā jighacchāhetutāya, sā assa natthīti nicchāto. Tenāha ‘‘nittaṇho’’ti. Abbhantare santāpakarānaṃ kilesānanti attano santāne darathapariḷāhajananena santāpanakilesānaṃ. Antotāpanakilesānaṃ abhāvā sīto sītalo bhūto jātoti sītibhūto. Tenāha ‘‘sītalībhūto’’ti. Maggaphalanibbānasukhāni vā paṭisaṃvedetīti sukhappaṭisaṃvedī. Sesaṃ suviññeyyameva.
সাল়্হসুত্তৰণ্ণনা নিট্ঠিতা।
Sāḷhasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৬. সাল়্হসুত্তং • 6. Sāḷhasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৬. সাল়্হসুত্তৰণ্ণনা • 6. Sāḷhasuttavaṇṇanā
