| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. саал̣хасуд̇д̇аван̣н̣анаа
6. Sāḷhasuttavaṇṇanā
67. чадтз миг̇ааранад̇д̇аад̇и миг̇аарасздтино над̇д̇аа. сзкунияанад̇д̇аад̇и сзкунияасздтино над̇д̇аа. убасан̇гамим̣сууд̇и бхуд̇д̇абаад̇араасаа д̣̇аасагаммагарабаривуд̇аа убасан̇гамим̣су. д̇зсам̣ гира бурзбхад̇д̇з буб̣б̣ан̣хасамаязязва г̇зхз зго бан̃хо самудтид̇о, д̇ам̣ бана гат̇зд̇ум̣ огаасо наахоси. д̇з ‘‘д̇ам̣ бан̃хам̣ соссаамаа’’д̇и т̇зрасса санд̇игам̣ г̇анд̇ваа ванд̣̇ид̇ваа д̇ун̣хий нисийд̣̇им̣су. т̇зро ‘‘г̇аамз д̇ам̣ самудтид̇ам̣ бан̃хам̣ сод̇ум̣ ааг̇ад̇аа бхависсанд̇ий’’д̇и д̇зсам̣ манам̣ н̃ад̇ваа д̇амзва бан̃хам̣ аарабханд̇о зт̇а д̇умхз саал̣хаад̇иаад̣̇имааха. д̇ад̇т̇а ад̇т̇и лобход̇и луб̣бханасабхааво лобхо наама ад̇т̇ийд̇и бужчад̇и. абхиж̇жхаад̇и ко ахам̣ саал̣хаа зд̇амад̇т̇ам̣ вад̣̇аамийд̇и зд̇ам̣ лобхасан̇каад̇ам̣ ад̇т̇ам̣ ахам̣ ‘‘абхиж̇жхаа’’д̇и вад̣̇аами, ‘‘д̇ан̣хаа’’д̇и вад̣̇аамийд̇и самудтид̇абан̃хасса ад̇т̇ам̣ д̣̇ийбзнд̇о ааха. звам̣ саб̣б̣аваарзсу наяо нзд̇аб̣б̣о.
67. Chaṭṭhe migāranattāti migāraseṭṭhino nattā. Sekhuniyanattāti sekhuniyaseṭṭhino nattā. Upasaṅkamiṃsūti bhuttapātarāsā dāsakammakaraparivutā upasaṅkamiṃsu. Tesaṃ kira purebhatte pubbaṇhasamayeyeva gehe eko pañho samuṭṭhito, taṃ pana kathetuṃ okāso nāhosi. Te ‘‘taṃ pañhaṃ sossāmā’’ti therassa santikaṃ gantvā vanditvā tuṇhī nisīdiṃsu. Thero ‘‘gāme taṃ samuṭṭhitaṃ pañhaṃ sotuṃ āgatā bhavissantī’’ti tesaṃ manaṃ ñatvā tameva pañhaṃ ārabhanto etha tumhe sāḷhātiādimāha. Tattha atthi lobhoti lubbhanasabhāvo lobho nāma atthīti pucchati. Abhijjhāti kho ahaṃ sāḷhā etamatthaṃ vadāmīti etaṃ lobhasaṅkhātaṃ atthaṃ ahaṃ ‘‘abhijjhā’’ti vadāmi, ‘‘taṇhā’’ti vadāmīti samuṭṭhitapañhassa atthaṃ dīpento āha. Evaṃ sabbavāresu nayo netabbo.
со звам̣ баж̇аанаад̇ийд̇и со жад̇д̇ааро б̣рахмавихаарз бхаавзд̇ваа тид̇о арияасааваго самаабад̇д̇ид̇о вудтааяа вибассанам̣ аарабханд̇о звам̣ баж̇аанаад̇и. ад̇т̇и ид̣̇анд̇и ад̇т̇и д̣̇угкасажжасан̇каад̇ам̣ канд̇хабан̃жагам̣ наамаруубавасзна барижчинд̣̇ид̇ваа баж̇аананд̇о зса ‘‘звам̣ баж̇аанаад̇и ад̇т̇и ид̣̇а’’нд̇и вуд̇д̇о. хийнанд̇и самуд̣̇аяасажжам̣. бан̣ийд̇анд̇и маг̇г̇асажжам̣. имасса сан̃н̃ааг̇ад̇асса уд̇д̇ари ниссаран̣анд̇и имасса вибассанаасан̃н̃аасан̇каад̇асса сан̃н̃ааг̇ад̇асса уд̇д̇ари ниссаран̣ам̣ наама ниб̣б̣аанам̣, д̇амад̇т̇ийд̇и иминаа нирод̇хасажжам̣ д̣̇ассзд̇и. вимуд̇д̇асмим̣ вимуд̇д̇амид̇и н̃аан̣анд̇и згуунавийсад̇ивид̇хам̣ бажжавзгкан̣ан̃аан̣ам̣ гат̇ид̇ам̣. аху буб̣б̣з лобход̇и буб̣б̣з мз лобхо ахоси. д̇ад̣̇аху агусаланд̇и д̇ам̣ агусалам̣ наама ахоси, д̇ад̣̇аа ваа агусалам̣ наама ахоси. ижжзд̇ам̣ гусаланд̇и ид̇и зд̇ам̣ гусалам̣, д̇ассзва агусаласса над̇т̇ибхаавам̣ гусалам̣ кзманд̇и санд̇хааяа вад̣̇ад̇и. нижчаад̇од̇и нид̇д̇ан̣хо. ниб̣б̣уд̇од̇и аб̣бханд̇арз санд̇аабагараанам̣ гилзсаанам̣ абхаавзна ниб̣б̣уд̇о. сийд̇ибхууд̇од̇и сийд̇алийбхууд̇о. сукаббадисам̣взд̣̇ийд̇и гааяигажзд̇асигасса сукасса бадисам̣взд̣̇ид̇аа. б̣рахмабхууд̇знаад̇и сздтабхууд̇зна. сзсам̣ саб̣б̣ад̇т̇а уд̇д̇аанад̇т̇амзваад̇и.
Soevaṃ pajānātīti so cattāro brahmavihāre bhāvetvā ṭhito ariyasāvako samāpattito vuṭṭhāya vipassanaṃ ārabhanto evaṃ pajānāti. Atthi idanti atthi dukkhasaccasaṅkhātaṃ khandhapañcakaṃ nāmarūpavasena paricchinditvā pajānanto esa ‘‘evaṃ pajānāti atthi ida’’nti vutto. Hīnanti samudayasaccaṃ. Paṇītanti maggasaccaṃ. Imassa saññāgatassa uttari nissaraṇanti imassa vipassanāsaññāsaṅkhātassa saññāgatassa uttari nissaraṇaṃ nāma nibbānaṃ, tamatthīti iminā nirodhasaccaṃ dasseti. Vimuttasmiṃ vimuttamiti ñāṇanti ekūnavīsatividhaṃ paccavekkhaṇañāṇaṃ kathitaṃ. Ahu pubbe lobhoti pubbe me lobho ahosi. Tadahu akusalanti taṃ akusalaṃ nāma ahosi, tadā vā akusalaṃ nāma ahosi. Iccetaṃ kusalanti iti etaṃ kusalaṃ, tasseva akusalassa natthibhāvaṃ kusalaṃ khemanti sandhāya vadati. Nicchātoti nittaṇho. Nibbutoti abbhantare santāpakarānaṃ kilesānaṃ abhāvena nibbuto. Sītibhūtoti sītalībhūto. Sukhappaṭisaṃvedīti kāyikacetasikassa sukhassa paṭisaṃveditā. Brahmabhūtenāti seṭṭhabhūtena. Sesaṃ sabbattha uttānatthamevāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. саал̣хасуд̇д̇ам̣ • 6. Sāḷhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. саал̣хасуд̇д̇аван̣н̣анаа • 6. Sāḷhasuttavaṇṇanā
