| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. саал̣хасуд̇д̇аван̣н̣анаа
6. Sāḷhasuttavaṇṇanā
196. чадтз д̣̇ваязнаад̇и д̣̇вийхи годтаасзхи. огхасса нид̇т̇аран̣анд̇и жад̇урогханид̇т̇аран̣ам̣. д̇абож̇иг̇ужчаахзд̇ууд̇и д̣̇уггарагааригасан̇каад̇зна д̇абзна баабаж̇иг̇ужчанахзд̇у . ан̃н̃ад̇арам̣ сааман̃н̃ан̇г̇анд̇и згам̣ саман̣ад̇хаммагодтаасам̣. абарисуд̣̇д̇хагааяасамаажаараад̇иаад̣̇ийсу буримзхи д̇ийхи бад̣̇зхи гааяигаваажасигажзд̇асигасийлаанам̣ абарисуд̣̇д̇хад̇ам̣ д̣̇ассзд̇ваа бажчимзна бад̣̇зна абарисуд̣̇д̇хааж̇ийвад̇ам̣ д̣̇ассзд̇и. н̃аан̣ад̣̇ассанааяаад̇и маг̇г̇ан̃аан̣асан̇каад̇ааяа д̣̇ассанааяа. ануд̇д̇арааяа самб̣од̇хааяаад̇и арахад̇д̇ааяа, арахад̇д̇ан̃аан̣апассзна пусид̇ум̣ абхаб̣б̣аад̇и вуд̇д̇ам̣ ход̇и. саалаладтинд̇и сааларугкам̣. наванд̇и д̇арун̣ам̣. агуггужжагаж̇аад̇анд̇и ‘‘бхавзяяа ну ко, на бхавзяяаа’’д̇и аж̇анзд̇аб̣б̣агуггужжам̣. лзкан̣ияаа ликзяяаад̇и авалзканамад̇д̇агзна аваликзяяа. д̇ховзяяаад̇и гхам̣сзяяа. анд̇о ависуд̣̇д̇хаад̇и аб̣бханд̇арз асуд̣̇д̇хаа абанийд̇асаараа.
196. Chaṭṭhe dvayenāti dvīhi koṭṭhāsehi. Oghassanittharaṇanti caturoghanittharaṇaṃ. Tapojigucchāhetūti dukkarakārikasaṅkhātena tapena pāpajigucchanahetu . Aññataraṃ sāmaññaṅganti ekaṃ samaṇadhammakoṭṭhāsaṃ. Aparisuddhakāyasamācārātiādīsu purimehi tīhi padehi kāyikavācasikacetasikasīlānaṃ aparisuddhataṃ dassetvā pacchimena padena aparisuddhājīvataṃ dasseti. Ñāṇadassanāyāti maggañāṇasaṅkhātāya dassanāya. Anuttarāya sambodhāyāti arahattāya, arahattañāṇaphassena phusituṃ abhabbāti vuttaṃ hoti. Sālalaṭṭhinti sālarukkhaṃ. Navanti taruṇaṃ. Akukkuccakajātanti ‘‘bhaveyya nu kho, na bhaveyyā’’ti ajanetabbakukkuccaṃ. Lekhaṇiyā likheyyāti avalekhanamattakena avalikheyya. Dhoveyyāti ghaṃseyya. Anto avisuddhāti abbhantare asuddhā apanītasārā.
звамзва код̇и зд̇т̇а ид̣̇ам̣ обаммасам̣санд̣̇анам̣ – саалаладти вияа хи ад̇д̇абхааво д̣̇адтаб̣б̣о, над̣̇ийсод̇ам̣ вияа сам̣саарасод̇ам̣, баарам̣ г̇анд̇угаамабурисо вияа д̣̇ваасадти д̣̇идтияо г̇ахзд̇ваа тид̇абурисо, саалаладтияаа б̣ахид̣̇д̇хаа субаригаммагад̇агаало вияа б̣ахид̣̇д̇хаа д̇абажаран̣ам̣ г̇аал̣хам̣ гад̇ваа г̇ахид̇агаало, анд̇о асуд̣̇д̇хагаало вияа аб̣бханд̇арз сийлаанам̣ абарисуд̣̇д̇хагаало, саалаладтияаа сам̣сийд̣̇ид̇ваа ад̇хог̇аманам̣ вияа д̣̇идтиг̇ад̇игасса сам̣саарасод̇з сам̣сийд̣̇анам̣ взд̣̇ид̇аб̣б̣ам̣.
Evameva khoti ettha idaṃ opammasaṃsandanaṃ – sālalaṭṭhi viya hi attabhāvo daṭṭhabbo, nadīsotaṃ viya saṃsārasotaṃ, pāraṃ gantukāmapuriso viya dvāsaṭṭhi diṭṭhiyo gahetvā ṭhitapuriso, sālalaṭṭhiyā bahiddhā suparikammakatakālo viya bahiddhā tapacaraṇaṃ gāḷhaṃ katvā gahitakālo, anto asuddhakālo viya abbhantare sīlānaṃ aparisuddhakālo, sālalaṭṭhiyā saṃsīditvā adhogamanaṃ viya diṭṭhigatikassa saṃsārasote saṃsīdanaṃ veditabbaṃ.
пияаарид̇д̇ам̣ б̣анд̇хзяяаад̇и пияан̃жа арид̇д̇ан̃жа яож̇зяяа. звамзваад̇и зд̇т̇ааби ид̣̇ам̣ обаммасам̣санд̣̇анам̣ – саалаладти вияа ад̇д̇абхааво, над̣̇ийсод̇ам̣ вияа сам̣саарасод̇ам̣, баарам̣ г̇анд̇угаамабурисо вияа яог̇ааважаро, б̣ахид̣̇д̇хаа субаригаммагад̇агаало вияа часу д̣̇ваарзсу сам̣варасса бажжубадтид̇агаало, анд̇о сувисод̇хид̇абхааво вияа аб̣бханд̇арз барисуд̣̇д̇хасийлабхааво, пияаарид̇д̇аб̣анд̇ханам̣ вияа гааяигажзд̇асигавийрияагаран̣ам̣, сод̇т̇инаа бааримад̇ийраг̇аманам̣ вияа анубуб̣б̣зна сийлам̣ буурзд̇ваа самаад̇хим̣ буурзд̇ваа бан̃н̃ам̣ буурзд̇ваа ниб̣б̣аанаг̇аманам̣ д̣̇адтаб̣б̣ам̣.
Phiyārittaṃ bandheyyāti phiyañca arittañca yojeyya. Evamevāti etthāpi idaṃ opammasaṃsandanaṃ – sālalaṭṭhi viya attabhāvo, nadīsotaṃ viya saṃsārasotaṃ, pāraṃ gantukāmapuriso viya yogāvacaro, bahiddhā suparikammakatakālo viya chasu dvāresu saṃvarassa paccupaṭṭhitakālo, anto suvisodhitabhāvo viya abbhantare parisuddhasīlabhāvo, phiyārittabandhanaṃ viya kāyikacetasikavīriyakaraṇaṃ, sotthinā pārimatīragamanaṃ viya anupubbena sīlaṃ pūretvā samādhiṃ pūretvā paññaṃ pūretvā nibbānagamanaṃ daṭṭhabbaṃ.
ган̣д̣ажид̇рагаанийд̇и сараладтисарараж̇ж̇усарабаасаад̣̇асарасаан̣исарабогкаран̣исарабад̣̇умаанийд̇и анзгаани ган̣д̣зхи гад̇д̇аб̣б̣ажид̇раани. ат̇а ко со д̇ийхи таанзхийд̇и со звам̣ б̣ахууни ган̣д̣ажид̇рагаани ж̇аананд̇оби на рааж̇аарахо ход̇и, д̇ийхиязва бана таанзхи ход̇ийд̇и ад̇т̇о. саммаасамаад̇хи ход̇ийд̇и маг̇г̇асамаад̇хинаа жа паласамаад̇хинаа жа самаахид̇о ход̇ийд̇и аяамзд̇т̇а ад̇т̇о. саммаад̣̇идтийд̇и маг̇г̇асаммаад̣̇идтияаа саманнааг̇ад̇о. ид̣̇ам̣ д̣̇угканд̇иаад̣̇ийхи жад̇уухи сажжзхи жад̇д̇ааро маг̇г̇аа д̇ийн̣и жа палаани гат̇ид̇аани. аяам̣ бана маг̇г̇знзва авираад̇хид̇ам̣ виж̇жхад̇и наамаад̇и взд̣̇ид̇аб̣б̣о. саммаавимуд̇д̇ийд̇и арахад̇д̇апалавимуд̇д̇ияаа саманнааг̇ад̇о. авиж̇ж̇аагканд̇хам̣ бад̣̇аалзд̇ийд̇и арахад̇д̇амаг̇г̇зна бад̣̇аалзд̇и наамаад̇и вужжад̇и. иминаа хи хздтаа арахад̇д̇амаг̇г̇зна авиж̇ж̇аагканд̇хо бад̣̇аалид̇о , ид̇ха бана бад̣̇аалид̇ам̣ убаад̣̇ааяа бад̣̇аалзд̇ийд̇и вад̇д̇ум̣ ваддад̇ийд̇и.
Kaṇḍacitrakānīti saralaṭṭhisararajjusarapāsādasarasāṇisarapokkharaṇisarapadumānīti anekāni kaṇḍehi kattabbacitrāni. Atha kho so tīhi ṭhānehīti so evaṃ bahūni kaṇḍacitrakāni jānantopi na rājāraho hoti, tīhiyeva pana ṭhānehi hotīti attho. Sammāsamādhihotīti maggasamādhinā ca phalasamādhinā ca samāhito hotīti ayamettha attho. Sammādiṭṭhīti maggasammādiṭṭhiyā samannāgato. Idaṃ dukkhantiādīhi catūhi saccehi cattāro maggā tīṇi ca phalāni kathitāni. Ayaṃ pana maggeneva avirādhitaṃ vijjhati nāmāti veditabbo. Sammāvimuttīti arahattaphalavimuttiyā samannāgato. Avijjākkhandhaṃ padāletīti arahattamaggena padāleti nāmāti vuccati. Iminā hi heṭṭhā arahattamaggena avijjākkhandho padālito , idha pana padālitaṃ upādāya padāletīti vattuṃ vaṭṭatīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. саал̣хасуд̇д̇ам̣ • 6. Sāḷhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. саал̣хасуд̇д̇аван̣н̣анаа • 6. Sāḷhasuttavaṇṇanā
