| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
6. саал̣хасуд̇д̇аван̣н̣анаа
6. Sāḷhasuttavaṇṇanā
196. чадтз гааяад̣̇ал̣хиб̣ахулад̇ам̣ д̇абад̇ийд̇и д̇або, ад̇д̇агиламат̇аануяог̇авасзна бавад̇д̇ам̣ вийрияам̣. д̇зна гааяад̣̇ал̣хиб̣ахулад̇аанимид̇д̇асса баабасса ж̇иг̇ужчанам̣ вираж̇ж̇анам̣ д̇абож̇иг̇ужчаад̇и ааха ‘‘д̣̇уггарагааригасан̇каад̇знаа’’д̇иаад̣̇и. д̇абож̇иг̇ужчаваад̣̇аад̇иаад̣̇ийсу д̇абож̇иг̇ужчам̣ вад̣̇анд̇и, манасааби д̇амзва саарад̇о г̇ахзд̇ваа вижаранд̇и, гааязнаби д̇амзва аллийнаа наанаббагаарам̣ ад̇д̇агиламат̇аануяог̇амануяуд̇д̇аа вихаранд̇ийд̇и ад̇т̇о. абарисуд̣̇д̇хагааяасамаажаараад̇и абарисуд̣̇д̇хзна баан̣аад̇ибаад̇аад̣̇инаа гааяасамаажаарзна саманнааг̇ад̇аа. абарисуд̣̇д̇хаважийсамаажаараад̇и абарисуд̣̇д̇хзна мусааваад̣̇аад̣̇инаа важийсамаажаарзна саманнааг̇ад̇аа. абарисуд̣̇д̇хаманосамаажаараад̇и абарисуд̣̇д̇хзна абхиж̇жхаад̣̇инаа маносамаажаарзна саманнааг̇ад̇аа. гаамам̣ агусалагааяасамаажаараважийсамаажаараббавад̇д̇игаалзби абхиж̇жхаад̣̇аяо бавад̇д̇анд̇иязва, д̇ад̣̇аа бана д̇з жзд̇анаабагкигаа ваа аб̣б̣охааригаа ваад̇и, маносамаажаараваарз зва абхиж̇жхаад̣̇ивасзна яож̇анаа гад̇аа. ат̇а ваа д̣̇вааранд̇арз бавад̇д̇аанам̣ баан̣аад̇ибаад̇аад̣̇ийнам̣ важийсамаажаараад̣̇ибхааваабхааво вияа д̣̇вааранд̇арз бавад̇д̇аанамби абхиж̇жхаад̣̇ийнам̣ гааяасамаажаараад̣̇ибхааво асид̣̇д̇хо, маносамаажаарабхааво зва бана сид̣̇д̇ход̇и гад̇ваа маносамаажаараваарз зва абхиж̇жхаад̣̇аяо уд̣̇д̇хадаа. д̇ат̇аа хи вуд̇д̇ам̣ –
196. Chaṭṭhe kāyadaḷhibahulataṃ tapatīti tapo, attakilamathānuyogavasena pavattaṃ vīriyaṃ. Tena kāyadaḷhibahulatānimittassa pāpassa jigucchanaṃ virajjanaṃ tapojigucchāti āha ‘‘dukkarakārikasaṅkhātenā’’tiādi. Tapojigucchavādātiādīsu tapojigucchaṃ vadanti, manasāpi tameva sārato gahetvā vicaranti, kāyenapi tameva allīnā nānappakāraṃ attakilamathānuyogamanuyuttā viharantīti attho. Aparisuddhakāyasamācārāti aparisuddhena pāṇātipātādinā kāyasamācārena samannāgatā. Aparisuddhavacīsamācārāti aparisuddhena musāvādādinā vacīsamācārena samannāgatā. Aparisuddhamanosamācārāti aparisuddhena abhijjhādinā manosamācārena samannāgatā. Kāmaṃ akusalakāyasamācāravacīsamācārappavattikālepi abhijjhādayo pavattantiyeva, tadā pana te cetanāpakkhikā vā abbohārikā vāti, manosamācāravāre eva abhijjhādivasena yojanā katā. Atha vā dvārantare pavattānaṃ pāṇātipātādīnaṃ vacīsamācārādibhāvābhāvo viya dvārantare pavattānampi abhijjhādīnaṃ kāyasamācārādibhāvo asiddho, manosamācārabhāvo eva pana siddhoti katvā manosamācāravāre eva abhijjhādayo uddhaṭā. Tathā hi vuttaṃ –
‘‘д̣̇ваарз жаранд̇и гаммаани, на д̣̇ваараа д̣̇вааражаарино;
‘‘Dvāre caranti kammāni, na dvārā dvāracārino;
д̇асмаа д̣̇ваарзхи гаммаани, ан̃н̃аман̃н̃ам̣ вавад̇т̇ид̇аа’’д̇и. (д̇ха. са. адта. 1 гаамааважарагусалад̣̇ваарагат̇аа);
Tasmā dvārehi kammāni, aññamaññaṃ vavatthitā’’ti. (dha. sa. aṭṭha. 1 kāmāvacarakusaladvārakathā);
абарисуд̣̇д̇хааж̇ийваад̇и абарисуд̣̇д̇хзна взж̇ж̇агаммад̣̇ууд̇агаммавад̣дхияог̇аад̣̇инаа згавийсад̇ианзсанаабхзд̣̇зна ааж̇ийвзна саманнааг̇ад̇аа. ид̣̇ан̃жа саасанз баб̣б̣аж̇ид̇аанам̣язва васзна вуд̇д̇ам̣, ‘‘язби д̇з саман̣аб̣раахман̣аа’’д̇и бана важанад̇о б̣аахирагавасзна г̇ахадтавасзна жа яож̇анаа взд̣̇ид̇аб̣б̣аа. г̇ахадтаанамби хи ж̇аад̇ид̇хаммагулад̇хаммад̣̇зсад̇хаммавиломанавасзна ан̃н̃ат̇ааби мижчааж̇ийво лаб̣бхад̇зва.
Aparisuddhājīvāti aparisuddhena vejjakammadūtakammavaḍḍhiyogādinā ekavīsatianesanābhedena ājīvena samannāgatā. Idañca sāsane pabbajitānaṃyeva vasena vuttaṃ, ‘‘yepi te samaṇabrāhmaṇā’’ti pana vacanato bāhirakavasena gahaṭṭhavasena ca yojanā veditabbā. Gahaṭṭhānampi hi jātidhammakuladhammadesadhammavilomanavasena aññathāpi micchājīvo labbhateva.
н̃аан̣ад̣̇ассанааяаад̇и зд̇т̇а н̃аан̣ад̣̇ассананд̇и маг̇г̇ан̃аан̣амби вужжад̇и палан̃аан̣амби саб̣б̣ан̃н̃уд̇ан̃н̃аан̣амби бажжавзгкан̣ан̃аан̣амби вибассанаан̃аан̣амби. ‘‘гим̣ ну ко, аавусо, н̃аан̣ад̣̇ассанависуд̣̇д̇хад̇т̇ам̣ бхаг̇авад̇и б̣рахмажарияам̣ вуссад̇ий’’д̇и (ма. ни. 1.257) хи зд̇т̇а маг̇г̇ан̃аан̣ам̣ ‘‘н̃аан̣ад̣̇ассана’’нд̇и вуд̇д̇ам̣. ‘‘аяаман̃н̃о уд̇д̇аримануссад̇хаммо аламарияан̃аан̣ад̣̇ассанависзсо ад̇хиг̇ад̇о паасувихааро’’д̇и (ма. ни. 1.328) зд̇т̇а палан̃аан̣ам̣. ‘‘бхаг̇авад̇оби ко н̃аан̣ам̣ уд̣̇абаад̣̇и сад̇д̇аахагаалагад̇о аал̣ааро гаалаамо’’д̇и (махаава. 10) зд̇т̇а саб̣б̣ан̃н̃уд̇ан̃н̃аан̣ам̣. ‘‘н̃аан̣ан̃жа бана мз д̣̇ассанам̣ уд̣̇абаад̣̇и, агуббаа мз вимуд̇д̇и, аяаманд̇имаа ж̇аад̇ий’’д̇и (сам̣. ни. 5.1081; махаава. 16; бади. ма. 2.30) зд̇т̇а бажжавзгкан̣ан̃аан̣ам̣. ‘‘н̃аан̣ад̣̇ассанааяа жид̇д̇ам̣ абхинийхарад̇ий’’д̇и (д̣̇ий. ни. 1.234-235) зд̇т̇а вибассанаан̃аан̣ам̣. ид̇ха бана н̃аан̣ад̣̇ассанааяаад̇и маг̇г̇ан̃аан̣ам̣ ‘‘н̃аан̣ад̣̇ассана’’нд̇и вуд̇д̇ам̣. д̇знааха ‘‘маг̇г̇ан̃аан̣асан̇каад̇ааяа д̣̇ассанааяаа’’д̇и. авираад̇хид̇ам̣ виж̇жхад̇ийд̇и авираад̇хид̇ам̣ гад̇ваа виж̇жхад̇и. сзсамзд̇т̇а сувин̃н̃зяяамзва.
Ñāṇadassanāyāti ettha ñāṇadassananti maggañāṇampi vuccati phalañāṇampi sabbaññutaññāṇampi paccavekkhaṇañāṇampi vipassanāñāṇampi. ‘‘Kiṃ nu kho, āvuso, ñāṇadassanavisuddhatthaṃ bhagavati brahmacariyaṃ vussatī’’ti (ma. ni. 1.257) hi ettha maggañāṇaṃ ‘‘ñāṇadassana’’nti vuttaṃ. ‘‘Ayamañño uttarimanussadhammo alamariyañāṇadassanaviseso adhigato phāsuvihāro’’ti (ma. ni. 1.328) ettha phalañāṇaṃ. ‘‘Bhagavatopi kho ñāṇaṃ udapādi sattāhakālakato āḷāro kālāmo’’ti (mahāva. 10) ettha sabbaññutaññāṇaṃ. ‘‘Ñāṇañca pana me dassanaṃ udapādi, akuppā me vimutti, ayamantimā jātī’’ti (saṃ. ni. 5.1081; mahāva. 16; paṭi. ma. 2.30) ettha paccavekkhaṇañāṇaṃ. ‘‘Ñāṇadassanāya cittaṃ abhinīharatī’’ti (dī. ni. 1.234-235) ettha vipassanāñāṇaṃ. Idha pana ñāṇadassanāyāti maggañāṇaṃ ‘‘ñāṇadassana’’nti vuttaṃ. Tenāha ‘‘maggañāṇasaṅkhātāya dassanāyā’’ti. Avirādhitaṃ vijjhatīti avirādhitaṃ katvā vijjhati. Sesamettha suviññeyyameva.
саал̣хасуд̇д̇аван̣н̣анаа нидтид̇аа.
Sāḷhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. саал̣хасуд̇д̇ам̣ • 6. Sāḷhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. саал̣хасуд̇д̇аван̣н̣анаа • 6. Sāḷhasuttavaṇṇanā
