| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៦. សាឡ្ហសុត្តវណ្ណនា
6. Sāḷhasuttavaṇṇanā
៦៧. ឆដ្ឋេ បាតោ អសិតព្ពភោជនំ បាតរាសំ, ភុត្តំ បាតរាសំ ឯតេសន្តិ ភុត្តបាតរាសា។ ទាសា នាម អន្តោជាតា វា ធនក្កីតា វា ករមរានីតា វា សយំ វា ទាសព្យំ ឧបគតា។ ភត្តវេតនភតា កម្មការា នាម។
67. Chaṭṭhe pāto asitabbabhojanaṃ pātarāsaṃ, bhuttaṃ pātarāsaṃ etesanti bhuttapātarāsā. Dāsā nāma antojātā vā dhanakkītā vā karamarānītā vā sayaṃ vā dāsabyaṃ upagatā. Bhattavetanabhatā kammakārā nāma.
និច្ឆាតោតិ ឯត្ថ ឆាតំ វុច្ចតិ តណ្ហា ជិឃច្ឆាហេតុតាយ, សា អស្ស នត្ថីតិ និច្ឆាតោ។ តេនាហ ‘‘និត្តណ្ហោ’’តិ។ អព្ភន្តរេ សន្តាបករានំ កិលេសានន្តិ អត្តនោ សន្តានេ ទរថបរិឡាហជននេន សន្តាបនកិលេសានំ។ អន្តោតាបនកិលេសានំ អភាវា សីតោ សីតលោ ភូតោ ជាតោតិ សីតិភូតោ។ តេនាហ ‘‘សីតលីភូតោ’’តិ។ មគ្គផលនិព្ពានសុខានិ វា បដិសំវេទេតីតិ សុខប្បដិសំវេទី។ សេសំ សុវិញ្ញេយ្យមេវ។
Nicchātoti ettha chātaṃ vuccati taṇhā jighacchāhetutāya, sā assa natthīti nicchāto. Tenāha ‘‘nittaṇho’’ti. Abbhantare santāpakarānaṃ kilesānanti attano santāne darathapariḷāhajananena santāpanakilesānaṃ. Antotāpanakilesānaṃ abhāvā sīto sītalo bhūto jātoti sītibhūto. Tenāha ‘‘sītalībhūto’’ti. Maggaphalanibbānasukhāni vā paṭisaṃvedetīti sukhappaṭisaṃvedī. Sesaṃ suviññeyyameva.
សាឡ្ហសុត្តវណ្ណនា និដ្ឋិតា។
Sāḷhasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៦. សាឡ្ហសុត្តំ • 6. Sāḷhasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៦. សាឡ្ហសុត្តវណ្ណនា • 6. Sāḷhasuttavaṇṇanā
