| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੬. ਸਾਲ਼੍ਹਸੁਤ੍ਤવਣ੍ਣਨਾ
6. Sāḷhasuttavaṇṇanā
੧੯੬. ਛਟ੍ਠੇ ਦ੍વਯੇਨਾਤਿ ਦ੍વੀਹਿ ਕੋਟ੍ਠਾਸੇਹਿ। ਓਘਸ੍ਸ ਨਿਤ੍ਥਰਣਨ੍ਤਿ ਚਤੁਰੋਘਨਿਤ੍ਥਰਣਂ। ਤਪੋਜਿਗੁਚ੍ਛਾਹੇਤੂਤਿ ਦੁਕ੍ਕਰਕਾਰਿਕਸਙ੍ਖਾਤੇਨ ਤਪੇਨ ਪਾਪਜਿਗੁਚ੍ਛਨਹੇਤੁ । ਅਞ੍ਞਤਰਂ ਸਾਮਞ੍ਞਙ੍ਗਨ੍ਤਿ ਏਕਂ ਸਮਣਧਮ੍ਮਕੋਟ੍ਠਾਸਂ। ਅਪਰਿਸੁਦ੍ਧਕਾਯਸਮਾਚਾਰਾਤਿਆਦੀਸੁ ਪੁਰਿਮੇਹਿ ਤੀਹਿ ਪਦੇਹਿ ਕਾਯਿਕવਾਚਸਿਕਚੇਤਸਿਕਸੀਲਾਨਂ ਅਪਰਿਸੁਦ੍ਧਤਂ ਦਸ੍ਸੇਤ੍વਾ ਪਚ੍ਛਿਮੇਨ ਪਦੇਨ ਅਪਰਿਸੁਦ੍ਧਾਜੀવਤਂ ਦਸ੍ਸੇਤਿ। ਞਾਣਦਸ੍ਸਨਾਯਾਤਿ ਮਗ੍ਗਞਾਣਸਙ੍ਖਾਤਾਯ ਦਸ੍ਸਨਾਯ। ਅਨੁਤ੍ਤਰਾਯ ਸਮ੍ਬੋਧਾਯਾਤਿ ਅਰਹਤ੍ਤਾਯ, ਅਰਹਤ੍ਤਞਾਣਫਸ੍ਸੇਨ ਫੁਸਿਤੁਂ ਅਭਬ੍ਬਾਤਿ વੁਤ੍ਤਂ ਹੋਤਿ। ਸਾਲਲਟ੍ਠਿਨ੍ਤਿ ਸਾਲਰੁਕ੍ਖਂ। ਨવਨ੍ਤਿ ਤਰੁਣਂ। ਅਕੁਕ੍ਕੁਚ੍ਚਕਜਾਤਨ੍ਤਿ ‘‘ਭવੇਯ੍ਯ ਨੁ ਖੋ, ਨ ਭવੇਯ੍ਯਾ’’ਤਿ ਅਜਨੇਤਬ੍ਬਕੁਕ੍ਕੁਚ੍ਚਂ। ਲੇਖਣਿਯਾ ਲਿਖੇਯ੍ਯਾਤਿ ਅવਲੇਖਨਮਤ੍ਤਕੇਨ ਅવਲਿਖੇਯ੍ਯ। ਧੋવੇਯ੍ਯਾਤਿ ਘਂਸੇਯ੍ਯ। ਅਨ੍ਤੋ ਅવਿਸੁਦ੍ਧਾਤਿ ਅਬ੍ਭਨ੍ਤਰੇ ਅਸੁਦ੍ਧਾ ਅਪਨੀਤਸਾਰਾ।
196. Chaṭṭhe dvayenāti dvīhi koṭṭhāsehi. Oghassanittharaṇanti caturoghanittharaṇaṃ. Tapojigucchāhetūti dukkarakārikasaṅkhātena tapena pāpajigucchanahetu . Aññataraṃ sāmaññaṅganti ekaṃ samaṇadhammakoṭṭhāsaṃ. Aparisuddhakāyasamācārātiādīsu purimehi tīhi padehi kāyikavācasikacetasikasīlānaṃ aparisuddhataṃ dassetvā pacchimena padena aparisuddhājīvataṃ dasseti. Ñāṇadassanāyāti maggañāṇasaṅkhātāya dassanāya. Anuttarāya sambodhāyāti arahattāya, arahattañāṇaphassena phusituṃ abhabbāti vuttaṃ hoti. Sālalaṭṭhinti sālarukkhaṃ. Navanti taruṇaṃ. Akukkuccakajātanti ‘‘bhaveyya nu kho, na bhaveyyā’’ti ajanetabbakukkuccaṃ. Lekhaṇiyā likheyyāti avalekhanamattakena avalikheyya. Dhoveyyāti ghaṃseyya. Anto avisuddhāti abbhantare asuddhā apanītasārā.
ਏવਮੇવ ਖੋਤਿ ਏਤ੍ਥ ਇਦਂ ਓਪਮ੍ਮਸਂਸਨ੍ਦਨਂ – ਸਾਲਲਟ੍ਠਿ વਿਯ ਹਿ ਅਤ੍ਤਭਾવੋ ਦਟ੍ਠਬ੍ਬੋ, ਨਦੀਸੋਤਂ વਿਯ ਸਂਸਾਰਸੋਤਂ, ਪਾਰਂ ਗਨ੍ਤੁਕਾਮਪੁਰਿਸੋ વਿਯ ਦ੍વਾਸਟ੍ਠਿ ਦਿਟ੍ਠਿਯੋ ਗਹੇਤ੍વਾ ਠਿਤਪੁਰਿਸੋ, ਸਾਲਲਟ੍ਠਿਯਾ ਬਹਿਦ੍ਧਾ ਸੁਪਰਿਕਮ੍ਮਕਤਕਾਲੋ વਿਯ ਬਹਿਦ੍ਧਾ ਤਪਚਰਣਂ ਗਾਲ਼੍ਹਂ ਕਤ੍વਾ ਗਹਿਤਕਾਲੋ, ਅਨ੍ਤੋ ਅਸੁਦ੍ਧਕਾਲੋ વਿਯ ਅਬ੍ਭਨ੍ਤਰੇ ਸੀਲਾਨਂ ਅਪਰਿਸੁਦ੍ਧਕਾਲੋ, ਸਾਲਲਟ੍ਠਿਯਾ ਸਂਸੀਦਿਤ੍વਾ ਅਧੋਗਮਨਂ વਿਯ ਦਿਟ੍ਠਿਗਤਿਕਸ੍ਸ ਸਂਸਾਰਸੋਤੇ ਸਂਸੀਦਨਂ વੇਦਿਤਬ੍ਬਂ।
Evameva khoti ettha idaṃ opammasaṃsandanaṃ – sālalaṭṭhi viya hi attabhāvo daṭṭhabbo, nadīsotaṃ viya saṃsārasotaṃ, pāraṃ gantukāmapuriso viya dvāsaṭṭhi diṭṭhiyo gahetvā ṭhitapuriso, sālalaṭṭhiyā bahiddhā suparikammakatakālo viya bahiddhā tapacaraṇaṃ gāḷhaṃ katvā gahitakālo, anto asuddhakālo viya abbhantare sīlānaṃ aparisuddhakālo, sālalaṭṭhiyā saṃsīditvā adhogamanaṃ viya diṭṭhigatikassa saṃsārasote saṃsīdanaṃ veditabbaṃ.
ਫਿਯਾਰਿਤ੍ਤਂ ਬਨ੍ਧੇਯ੍ਯਾਤਿ ਫਿਯਞ੍ਚ ਅਰਿਤ੍ਤਞ੍ਚ ਯੋਜੇਯ੍ਯ। ਏવਮੇવਾਤਿ ਏਤ੍ਥਾਪਿ ਇਦਂ ਓਪਮ੍ਮਸਂਸਨ੍ਦਨਂ – ਸਾਲਲਟ੍ਠਿ વਿਯ ਅਤ੍ਤਭਾવੋ, ਨਦੀਸੋਤਂ વਿਯ ਸਂਸਾਰਸੋਤਂ, ਪਾਰਂ ਗਨ੍ਤੁਕਾਮਪੁਰਿਸੋ વਿਯ ਯੋਗਾવਚਰੋ, ਬਹਿਦ੍ਧਾ ਸੁਪਰਿਕਮ੍ਮਕਤਕਾਲੋ વਿਯ ਛਸੁ ਦ੍વਾਰੇਸੁ ਸਂવਰਸ੍ਸ ਪਚ੍ਚੁਪਟ੍ਠਿਤਕਾਲੋ, ਅਨ੍ਤੋ ਸੁવਿਸੋਧਿਤਭਾવੋ વਿਯ ਅਬ੍ਭਨ੍ਤਰੇ ਪਰਿਸੁਦ੍ਧਸੀਲਭਾવੋ, ਫਿਯਾਰਿਤ੍ਤਬਨ੍ਧਨਂ વਿਯ ਕਾਯਿਕਚੇਤਸਿਕવੀਰਿਯਕਰਣਂ, ਸੋਤ੍ਥਿਨਾ ਪਾਰਿਮਤੀਰਗਮਨਂ વਿਯ ਅਨੁਪੁਬ੍ਬੇਨ ਸੀਲਂ ਪੂਰੇਤ੍વਾ ਸਮਾਧਿਂ ਪੂਰੇਤ੍વਾ ਪਞ੍ਞਂ ਪੂਰੇਤ੍વਾ ਨਿਬ੍ਬਾਨਗਮਨਂ ਦਟ੍ਠਬ੍ਬਂ।
Phiyārittaṃ bandheyyāti phiyañca arittañca yojeyya. Evamevāti etthāpi idaṃ opammasaṃsandanaṃ – sālalaṭṭhi viya attabhāvo, nadīsotaṃ viya saṃsārasotaṃ, pāraṃ gantukāmapuriso viya yogāvacaro, bahiddhā suparikammakatakālo viya chasu dvāresu saṃvarassa paccupaṭṭhitakālo, anto suvisodhitabhāvo viya abbhantare parisuddhasīlabhāvo, phiyārittabandhanaṃ viya kāyikacetasikavīriyakaraṇaṃ, sotthinā pārimatīragamanaṃ viya anupubbena sīlaṃ pūretvā samādhiṃ pūretvā paññaṃ pūretvā nibbānagamanaṃ daṭṭhabbaṃ.
ਕਣ੍ਡਚਿਤ੍ਰਕਾਨੀਤਿ ਸਰਲਟ੍ਠਿਸਰਰਜ੍ਜੁਸਰਪਾਸਾਦਸਰਸਾਣਿਸਰਪੋਕ੍ਖਰਣਿਸਰਪਦੁਮਾਨੀਤਿ ਅਨੇਕਾਨਿ ਕਣ੍ਡੇਹਿ ਕਤ੍ਤਬ੍ਬਚਿਤ੍ਰਾਨਿ। ਅਥ ਖੋ ਸੋ ਤੀਹਿ ਠਾਨੇਹੀਤਿ ਸੋ ਏવਂ ਬਹੂਨਿ ਕਣ੍ਡਚਿਤ੍ਰਕਾਨਿ ਜਾਨਨ੍ਤੋਪਿ ਨ ਰਾਜਾਰਹੋ ਹੋਤਿ, ਤੀਹਿਯੇવ ਪਨ ਠਾਨੇਹਿ ਹੋਤੀਤਿ ਅਤ੍ਥੋ। ਸਮ੍ਮਾਸਮਾਧਿ ਹੋਤੀਤਿ ਮਗ੍ਗਸਮਾਧਿਨਾ ਚ ਫਲਸਮਾਧਿਨਾ ਚ ਸਮਾਹਿਤੋ ਹੋਤੀਤਿ ਅਯਮੇਤ੍ਥ ਅਤ੍ਥੋ। ਸਮ੍ਮਾਦਿਟ੍ਠੀਤਿ ਮਗ੍ਗਸਮ੍ਮਾਦਿਟ੍ਠਿਯਾ ਸਮਨ੍ਨਾਗਤੋ। ਇਦਂ ਦੁਕ੍ਖਨ੍ਤਿਆਦੀਹਿ ਚਤੂਹਿ ਸਚ੍ਚੇਹਿ ਚਤ੍ਤਾਰੋ ਮਗ੍ਗਾ ਤੀਣਿ ਚ ਫਲਾਨਿ ਕਥਿਤਾਨਿ। ਅਯਂ ਪਨ ਮਗ੍ਗੇਨੇવ ਅવਿਰਾਧਿਤਂ વਿਜ੍ਝਤਿ ਨਾਮਾਤਿ વੇਦਿਤਬ੍ਬੋ। ਸਮ੍ਮਾવਿਮੁਤ੍ਤੀਤਿ ਅਰਹਤ੍ਤਫਲવਿਮੁਤ੍ਤਿਯਾ ਸਮਨ੍ਨਾਗਤੋ। ਅવਿਜ੍ਜਾਕ੍ਖਨ੍ਧਂ ਪਦਾਲੇਤੀਤਿ ਅਰਹਤ੍ਤਮਗ੍ਗੇਨ ਪਦਾਲੇਤਿ ਨਾਮਾਤਿ વੁਚ੍ਚਤਿ। ਇਮਿਨਾ ਹਿ ਹੇਟ੍ਠਾ ਅਰਹਤ੍ਤਮਗ੍ਗੇਨ ਅવਿਜ੍ਜਾਕ੍ਖਨ੍ਧੋ ਪਦਾਲਿਤੋ , ਇਧ ਪਨ ਪਦਾਲਿਤਂ ਉਪਾਦਾਯ ਪਦਾਲੇਤੀਤਿ વਤ੍ਤੁਂ વਟ੍ਟਤੀਤਿ।
Kaṇḍacitrakānīti saralaṭṭhisararajjusarapāsādasarasāṇisarapokkharaṇisarapadumānīti anekāni kaṇḍehi kattabbacitrāni. Atha kho so tīhi ṭhānehīti so evaṃ bahūni kaṇḍacitrakāni jānantopi na rājāraho hoti, tīhiyeva pana ṭhānehi hotīti attho. Sammāsamādhihotīti maggasamādhinā ca phalasamādhinā ca samāhito hotīti ayamettha attho. Sammādiṭṭhīti maggasammādiṭṭhiyā samannāgato. Idaṃ dukkhantiādīhi catūhi saccehi cattāro maggā tīṇi ca phalāni kathitāni. Ayaṃ pana maggeneva avirādhitaṃ vijjhati nāmāti veditabbo. Sammāvimuttīti arahattaphalavimuttiyā samannāgato. Avijjākkhandhaṃ padāletīti arahattamaggena padāleti nāmāti vuccati. Iminā hi heṭṭhā arahattamaggena avijjākkhandho padālito , idha pana padālitaṃ upādāya padāletīti vattuṃ vaṭṭatīti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਸਾਲ਼੍ਹਸੁਤ੍ਤਂ • 6. Sāḷhasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. ਸਾਲ਼੍ਹਸੁਤ੍ਤવਣ੍ਣਨਾ • 6. Sāḷhasuttavaṇṇanā
