| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੬. ਸਾਲ਼੍ਹਸੁਤ੍ਤવਣ੍ਣਨਾ
6. Sāḷhasuttavaṇṇanā
੬੭. ਛਟ੍ਠੇ ਪਾਤੋ ਅਸਿਤਬ੍ਬਭੋਜਨਂ ਪਾਤਰਾਸਂ, ਭੁਤ੍ਤਂ ਪਾਤਰਾਸਂ ਏਤੇਸਨ੍ਤਿ ਭੁਤ੍ਤਪਾਤਰਾਸਾ। ਦਾਸਾ ਨਾਮ ਅਨ੍ਤੋਜਾਤਾ વਾ ਧਨਕ੍ਕੀਤਾ વਾ ਕਰਮਰਾਨੀਤਾ વਾ ਸਯਂ વਾ ਦਾਸਬ੍ਯਂ ਉਪਗਤਾ। ਭਤ੍ਤવੇਤਨਭਤਾ ਕਮ੍ਮਕਾਰਾ ਨਾਮ।
67. Chaṭṭhe pāto asitabbabhojanaṃ pātarāsaṃ, bhuttaṃ pātarāsaṃ etesanti bhuttapātarāsā. Dāsā nāma antojātā vā dhanakkītā vā karamarānītā vā sayaṃ vā dāsabyaṃ upagatā. Bhattavetanabhatā kammakārā nāma.
ਨਿਚ੍ਛਾਤੋਤਿ ਏਤ੍ਥ ਛਾਤਂ વੁਚ੍ਚਤਿ ਤਣ੍ਹਾ ਜਿਘਚ੍ਛਾਹੇਤੁਤਾਯ, ਸਾ ਅਸ੍ਸ ਨਤ੍ਥੀਤਿ ਨਿਚ੍ਛਾਤੋ। ਤੇਨਾਹ ‘‘ਨਿਤ੍ਤਣ੍ਹੋ’’ਤਿ। ਅਬ੍ਭਨ੍ਤਰੇ ਸਨ੍ਤਾਪਕਰਾਨਂ ਕਿਲੇਸਾਨਨ੍ਤਿ ਅਤ੍ਤਨੋ ਸਨ੍ਤਾਨੇ ਦਰਥਪਰਿਲ਼ਾਹਜਨਨੇਨ ਸਨ੍ਤਾਪਨਕਿਲੇਸਾਨਂ। ਅਨ੍ਤੋਤਾਪਨਕਿਲੇਸਾਨਂ ਅਭਾવਾ ਸੀਤੋ ਸੀਤਲੋ ਭੂਤੋ ਜਾਤੋਤਿ ਸੀਤਿਭੂਤੋ। ਤੇਨਾਹ ‘‘ਸੀਤਲੀਭੂਤੋ’’ਤਿ। ਮਗ੍ਗਫਲਨਿਬ੍ਬਾਨਸੁਖਾਨਿ વਾ ਪਟਿਸਂવੇਦੇਤੀਤਿ ਸੁਖਪ੍ਪਟਿਸਂવੇਦੀ। ਸੇਸਂ ਸੁવਿਞ੍ਞੇਯ੍ਯਮੇવ।
Nicchātoti ettha chātaṃ vuccati taṇhā jighacchāhetutāya, sā assa natthīti nicchāto. Tenāha ‘‘nittaṇho’’ti. Abbhantare santāpakarānaṃ kilesānanti attano santāne darathapariḷāhajananena santāpanakilesānaṃ. Antotāpanakilesānaṃ abhāvā sīto sītalo bhūto jātoti sītibhūto. Tenāha ‘‘sītalībhūto’’ti. Maggaphalanibbānasukhāni vā paṭisaṃvedetīti sukhappaṭisaṃvedī. Sesaṃ suviññeyyameva.
ਸਾਲ਼੍ਹਸੁਤ੍ਤવਣ੍ਣਨਾ ਨਿਟ੍ਠਿਤਾ।
Sāḷhasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਸਾਲ਼੍ਹਸੁਤ੍ਤਂ • 6. Sāḷhasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੬. ਸਾਲ਼੍ਹਸੁਤ੍ਤવਣ੍ਣਨਾ • 6. Sāḷhasuttavaṇṇanā
