| Library / Tipiṭaka / तिपिटक • Tipiṭaka / जातकपाळि • Jātakapāḷi |
१४. पकिण्णकनिपातो
14. Pakiṇṇakanipāto
४८४. सालिकेदारजातकं (१)
484. Sālikedārajātakaṃ (1)
१.
1.
सम्पन्नं सालिकेदारं, सुवा भुञ्जन्ति कोसिय।
Sampannaṃ sālikedāraṃ, suvā bhuñjanti kosiya;
२.
2.
भुत्वा सालिं यथाकामं, तुण्डेनादाय गच्छति॥
Bhutvā sāliṃ yathākāmaṃ, tuṇḍenādāya gacchati.
३.
3.
४.
4.
एको बद्धोस्मि पासेन, किं पापं पकतं मया॥
Eko baddhosmi pāsena, kiṃ pāpaṃ pakataṃ mayā.
५.
5.
उदरं नून अञ्ञेसं, सुव अच्चोदरं तव।
Udaraṃ nūna aññesaṃ, suva accodaraṃ tava;
भुत्वा सालिं यथाकामं, तुण्डेनादाय गच्छसि॥
Bhutvā sāliṃ yathākāmaṃ, tuṇḍenādāya gacchasi.
६.
6.
कोट्ठं नु तत्थ पूरेसि, सुव वेरं नु ते मया।
Koṭṭhaṃ nu tattha pūresi, suva veraṃ nu te mayā;
७.
7.
न मे वेरं तया सद्धिं, कोट्ठो मय्हं न विज्जति।
Na me veraṃ tayā saddhiṃ, koṭṭho mayhaṃ na vijjati;
इणं मुञ्चामिणं दम्मि, सम्पत्तो कोटसिम्बलिं।
Iṇaṃ muñcāmiṇaṃ dammi, sampatto koṭasimbaliṃ;
निधिम्पि तत्थ निदहामि, एवं जानाहि कोसिय॥
Nidhimpi tattha nidahāmi, evaṃ jānāhi kosiya.
८.
8.
कीदिसं ते इणदानं, इणमोक्खो च कीदिसो।
Kīdisaṃ te iṇadānaṃ, iṇamokkho ca kīdiso;
निधिनिधानमक्खाहि , अथ पासा पमोक्खसि॥
Nidhinidhānamakkhāhi , atha pāsā pamokkhasi.
९.
9.
अजातपक्खा तरुणा, पुत्तका मय्ह कोसिय।
Ajātapakkhā taruṇā, puttakā mayha kosiya;
ते मं भता भरिस्सन्ति, तस्मा तेसं इणं ददे॥
Te maṃ bhatā bharissanti, tasmā tesaṃ iṇaṃ dade.
१०.
10.
माता पिता च मे वुद्धा, जिण्णका गतयोब्बना।
Mātā pitā ca me vuddhā, jiṇṇakā gatayobbanā;
११.
11.
अञ्ञेपि तत्थ सकुणा, खीणपक्खा सुदुब्बला।
Aññepi tattha sakuṇā, khīṇapakkhā sudubbalā;
तेसं पुञ्ञत्थिको दम्मि, तं निधिं आहु पण्डिता॥
Tesaṃ puññatthiko dammi, taṃ nidhiṃ āhu paṇḍitā.
१२.
12.
१३.
13.
भद्दको वतयं पक्खी, दिजो परमधम्मिको।
Bhaddako vatayaṃ pakkhī, dijo paramadhammiko;
एकच्चेसु मनुस्सेसु, अयं धम्मो न विज्जति॥
Ekaccesu manussesu, ayaṃ dhammo na vijjati.
१४.
14.
भुञ्ज सालिं यथाकामं, सह सब्बेहि ञातिभि।
Bhuñja sāliṃ yathākāmaṃ, saha sabbehi ñātibhi;
पुनापि सुव पस्सेमु, पियं मे तव दस्सनं॥
Punāpi suva passemu, piyaṃ me tava dassanaṃ.
१५.
15.
निक्खित्तदण्डेसु ददाहि दानं, जिण्णे च मातापितरो भरस्सु॥
Nikkhittadaṇḍesu dadāhi dānaṃ, jiṇṇe ca mātāpitaro bharassu.
१६.
16.
लक्खी वत मे उदपादि अज्ज, यो अद्दसासिं पवरं 23 दिजानं।
Lakkhī vata me udapādi ajja, yo addasāsiṃ pavaraṃ 24 dijānaṃ;
सुवस्स सुत्वान सुभासितानि, काहामि पुञ्ञानि अनप्पकानि॥
Suvassa sutvāna subhāsitāni, kāhāmi puññāni anappakāni.
१७.
17.
सो कोसियो अत्तमनो उदग्गो, अन्नञ्च पानञ्चभिसङ्खरित्वा 25।
So kosiyo attamano udaggo, annañca pānañcabhisaṅkharitvā 26;
अन्नेन पानेन पसन्नचित्तो, सन्तप्पयि समणब्राह्मणे चाति॥
Annena pānena pasannacitto, santappayi samaṇabrāhmaṇe cāti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [४८४] १. सालिकेदारजातकवण्णना • [484] 1. Sālikedārajātakavaṇṇanā
