Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya

    6. салласуд̇д̇ам̣

    6. Sallasuttaṃ

    254. ‘‘ассуд̇аваа, бхигкавз, бут̇уж̇ж̇ано сукамби взд̣̇анам̣ взд̣̇аяад̇и 1, д̣̇угкамби взд̣̇анам̣ взд̣̇аяад̇и, ад̣̇угкамасукамби взд̣̇анам̣ взд̣̇аяад̇и. суд̇аваа, бхигкавз, арияасааваго сукамби взд̣̇анам̣ взд̣̇аяад̇и , д̣̇угкамби взд̣̇анам̣ взд̣̇аяад̇и, ад̣̇угкамасукамби взд̣̇анам̣ взд̣̇аяад̇и. д̇ад̇ра, бхигкавз, го висзсо го ад̇хиббаяаасо 2 гим̣ наанаагаран̣ам̣ суд̇авад̇о арияасаавагасса ассуд̇авад̇аа бут̇уж̇ж̇анзнаа’’д̇и? бхаг̇авам̣муулагаа но, бханд̇з, д̇хаммаа…бз… ассуд̇аваа. бхигкавз, бут̇уж̇ж̇ано д̣̇угкааяа взд̣̇анааяа пудто самаано сожад̇и гиламад̇и барид̣̇звад̇и урад̇д̇аал̣им̣ ганд̣̇ад̇и саммохам̣ аабаж̇ж̇ад̇и. со д̣̇вз взд̣̇анаа взд̣̇аяад̇и – гааяиган̃жа, жзд̇асиган̃жа. сзяяат̇ааби, бхигкавз, бурисам̣ саллзна виж̇жхзяяа 3. д̇амзнам̣ д̣̇уд̇иязна саллзна анувзд̇хам̣ виж̇жхзяяа 4. зван̃хи со, бхигкавз, бурисо д̣̇висаллзна взд̣̇анам̣ взд̣̇аяад̇и. звамзва ко, бхигкавз, ассуд̇аваа бут̇уж̇ж̇ано д̣̇угкааяа взд̣̇анааяа пудто самаано сожад̇и гиламад̇и барид̣̇звад̇и урад̇д̇аал̣им̣ ганд̣̇ад̇и саммохам̣ аабаж̇ж̇ад̇и. со д̣̇вз взд̣̇анаа взд̣̇аяад̇и – гааяиган̃жа, жзд̇асиган̃жа. д̇ассааязва ко бана д̣̇угкааяа взд̣̇анааяа пудто самаано бадигхаваа ход̇и. д̇амзнам̣ д̣̇угкааяа взд̣̇анааяа бадигхаванд̇ам̣, яо д̣̇угкааяа взд̣̇анааяа бадигхаанусаяо, со анусзд̇и. со д̣̇угкааяа взд̣̇анааяа пудто самаано гаамасукам̣ абхинанд̣̇ад̇и. д̇ам̣ гисса хзд̇у? на хи со, бхигкавз, баж̇аанаад̇и ассуд̇аваа бут̇уж̇ж̇ано ан̃н̃ад̇ра гаамасукаа д̣̇угкааяа взд̣̇анааяа ниссаран̣ам̣, д̇асса гаамасукан̃жа абхинанд̣̇ад̇о, яо сукааяа взд̣̇анааяа рааг̇аанусаяо, со анусзд̇и. со д̇аасам̣ взд̣̇анаанам̣ самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ наббаж̇аанаад̇и. д̇асса д̇аасам̣ взд̣̇анаанам̣ самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ аббаж̇аанад̇о, яо ад̣̇угкамасукааяа взд̣̇анааяа авиж̇ж̇аанусаяо, со анусзд̇и. со сукан̃жз взд̣̇анам̣ взд̣̇аяад̇и, сан̃н̃уд̇д̇о нам̣ взд̣̇аяад̇и. д̣̇угкан̃жз взд̣̇анам̣ взд̣̇аяад̇и, сан̃н̃уд̇д̇о нам̣ взд̣̇аяад̇и. ад̣̇угкамасукан̃жз взд̣̇анам̣ взд̣̇аяад̇и, сан̃н̃уд̇д̇о нам̣ взд̣̇аяад̇и. аяам̣ вужжад̇и, бхигкавз, ‘ассуд̇аваа бут̇уж̇ж̇ано сан̃н̃уд̇д̇о ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, сан̃н̃уд̇д̇о д̣̇угкасмаа’д̇и вад̣̇аами.

    254. ‘‘Assutavā, bhikkhave, puthujjano sukhampi vedanaṃ vedayati 5, dukkhampi vedanaṃ vedayati, adukkhamasukhampi vedanaṃ vedayati. Sutavā, bhikkhave, ariyasāvako sukhampi vedanaṃ vedayati , dukkhampi vedanaṃ vedayati, adukkhamasukhampi vedanaṃ vedayati. Tatra, bhikkhave, ko viseso ko adhippayāso 6 kiṃ nānākaraṇaṃ sutavato ariyasāvakassa assutavatā puthujjanenā’’ti? Bhagavaṃmūlakā no, bhante, dhammā…pe… assutavā. Bhikkhave, puthujjano dukkhāya vedanāya phuṭṭho samāno socati kilamati paridevati urattāḷiṃ kandati sammohaṃ āpajjati. So dve vedanā vedayati – kāyikañca, cetasikañca. Seyyathāpi, bhikkhave, purisaṃ sallena vijjheyya 7. Tamenaṃ dutiyena sallena anuvedhaṃ vijjheyya 8. Evañhi so, bhikkhave, puriso dvisallena vedanaṃ vedayati. Evameva kho, bhikkhave, assutavā puthujjano dukkhāya vedanāya phuṭṭho samāno socati kilamati paridevati urattāḷiṃ kandati sammohaṃ āpajjati. So dve vedanā vedayati – kāyikañca, cetasikañca. Tassāyeva kho pana dukkhāya vedanāya phuṭṭho samāno paṭighavā hoti. Tamenaṃ dukkhāya vedanāya paṭighavantaṃ, yo dukkhāya vedanāya paṭighānusayo, so anuseti. So dukkhāya vedanāya phuṭṭho samāno kāmasukhaṃ abhinandati. Taṃ kissa hetu? Na hi so, bhikkhave, pajānāti assutavā puthujjano aññatra kāmasukhā dukkhāya vedanāya nissaraṇaṃ, tassa kāmasukhañca abhinandato, yo sukhāya vedanāya rāgānusayo, so anuseti. So tāsaṃ vedanānaṃ samudayañca atthaṅgamañca assādañca ādīnavañca nissaraṇañca yathābhūtaṃ nappajānāti. Tassa tāsaṃ vedanānaṃ samudayañca atthaṅgamañca assādañca ādīnavañca nissaraṇañca yathābhūtaṃ appajānato, yo adukkhamasukhāya vedanāya avijjānusayo, so anuseti. So sukhañce vedanaṃ vedayati, saññutto naṃ vedayati. Dukkhañce vedanaṃ vedayati, saññutto naṃ vedayati. Adukkhamasukhañce vedanaṃ vedayati, saññutto naṃ vedayati. Ayaṃ vuccati, bhikkhave, ‘assutavā puthujjano saññutto jātiyā jarāya maraṇena sokehi paridevehi dukkhehi domanassehi upāyāsehi, saññutto dukkhasmā’ti vadāmi.

    ‘‘суд̇аваа жа ко, бхигкавз, арияасааваго д̣̇угкааяа взд̣̇анааяа пудто самаано на сожад̇и, на гиламад̇и, на барид̣̇звад̇и, на урад̇д̇аал̣им̣ ганд̣̇ад̇и, на саммохам̣ аабаж̇ж̇ад̇и. со згам̣ взд̣̇анам̣ взд̣̇аяад̇и – гааяигам̣, на жзд̇асигам̣.

    ‘‘Sutavā ca kho, bhikkhave, ariyasāvako dukkhāya vedanāya phuṭṭho samāno na socati, na kilamati, na paridevati, na urattāḷiṃ kandati, na sammohaṃ āpajjati. So ekaṃ vedanaṃ vedayati – kāyikaṃ, na cetasikaṃ.

    ‘‘сзяяат̇ааби , бхигкавз, бурисам̣ саллзна виж̇жхзяяа. д̇амзнам̣ д̣̇уд̇иязна саллзна анувзд̇хам̣ на виж̇жхзяяа. зван̃хи со, бхигкавз, бурисо згасаллзна взд̣̇анам̣ взд̣̇аяад̇и. звамзва ко, бхигкавз, суд̇аваа арияасааваго д̣̇угкааяа взд̣̇анааяа пудто самаано на сожад̇и, на гиламад̇и, на барид̣̇звад̇и, на урад̇д̇аал̣им̣ ганд̣̇ад̇и, на саммохам̣ аабаж̇ж̇ад̇и. со згам̣ взд̣̇анам̣ взд̣̇аяад̇и – гааяигам̣, на жзд̇асигам̣. д̇ассааязва ко бана д̣̇угкааяа взд̣̇анааяа пудто самаано бадигхаваа на ход̇и. д̇амзнам̣ д̣̇угкааяа взд̣̇анааяа аббадигхаванд̇ам̣, яо д̣̇угкааяа взд̣̇анааяа бадигхаанусаяо, со наанусзд̇и. со д̣̇угкааяа взд̣̇анааяа пудто самаано гаамасукам̣ наабхинанд̣̇ад̇и. д̇ам̣ гисса хзд̇у? баж̇аанаад̇и хи со, бхигкавз, суд̇аваа арияасааваго ан̃н̃ад̇ра гаамасукаа д̣̇угкааяа взд̣̇анааяа ниссаран̣ам̣. д̇асса гаамасукам̣ наабхинанд̣̇ад̇о яо сукааяа взд̣̇анааяа рааг̇аанусаяо, со наанусзд̇и. со д̇аасам̣ взд̣̇анаанам̣ самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнавам̣ жа ниссаран̣ан̃жа яат̇аабхууд̇ам̣ баж̇аанаад̇и. д̇асса д̇аасам̣ взд̣̇анаанам̣ самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ баж̇аанад̇о, яо ад̣̇угкамасукааяа взд̣̇анааяа авиж̇ж̇аанусаяо, со наанусзд̇и. со сукан̃жз взд̣̇анам̣ взд̣̇аяад̇и, висан̃н̃уд̇д̇о нам̣ взд̣̇аяад̇и. д̣̇угкан̃жз взд̣̇анам̣ взд̣̇аяад̇и , висан̃н̃уд̇д̇о нам̣ взд̣̇аяад̇и. ад̣̇угкамасукан̃жз взд̣̇анам̣ взд̣̇аяад̇и, висан̃н̃уд̇д̇о нам̣ взд̣̇аяад̇и. аяам̣ вужжад̇и, бхигкавз, ‘суд̇аваа арияасааваго висан̃н̃уд̇д̇о ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи , висан̃н̃уд̇д̇о д̣̇угкасмаа’д̇и вад̣̇аами. аяам̣ ко, бхигкавз, висзсо, аяам̣ ад̇хиббаяаасо, ид̣̇ам̣ наанаагаран̣ам̣ суд̇авад̇о арияасаавагасса ассуд̇авад̇аа бут̇уж̇ж̇анзнаа’’д̇и.

    ‘‘Seyyathāpi , bhikkhave, purisaṃ sallena vijjheyya. Tamenaṃ dutiyena sallena anuvedhaṃ na vijjheyya. Evañhi so, bhikkhave, puriso ekasallena vedanaṃ vedayati. Evameva kho, bhikkhave, sutavā ariyasāvako dukkhāya vedanāya phuṭṭho samāno na socati, na kilamati, na paridevati, na urattāḷiṃ kandati, na sammohaṃ āpajjati. So ekaṃ vedanaṃ vedayati – kāyikaṃ, na cetasikaṃ. Tassāyeva kho pana dukkhāya vedanāya phuṭṭho samāno paṭighavā na hoti. Tamenaṃ dukkhāya vedanāya appaṭighavantaṃ, yo dukkhāya vedanāya paṭighānusayo, so nānuseti. So dukkhāya vedanāya phuṭṭho samāno kāmasukhaṃ nābhinandati. Taṃ kissa hetu? Pajānāti hi so, bhikkhave, sutavā ariyasāvako aññatra kāmasukhā dukkhāya vedanāya nissaraṇaṃ. Tassa kāmasukhaṃ nābhinandato yo sukhāya vedanāya rāgānusayo, so nānuseti. So tāsaṃ vedanānaṃ samudayañca atthaṅgamañca assādañca ādīnavaṃ ca nissaraṇañca yathābhūtaṃ pajānāti. Tassa tāsaṃ vedanānaṃ samudayañca atthaṅgamañca assādañca ādīnavañca nissaraṇañca yathābhūtaṃ pajānato, yo adukkhamasukhāya vedanāya avijjānusayo, so nānuseti. So sukhañce vedanaṃ vedayati, visaññutto naṃ vedayati. Dukkhañce vedanaṃ vedayati , visaññutto naṃ vedayati. Adukkhamasukhañce vedanaṃ vedayati, visaññutto naṃ vedayati. Ayaṃ vuccati, bhikkhave, ‘sutavā ariyasāvako visaññutto jātiyā jarāya maraṇena sokehi paridevehi dukkhehi domanassehi upāyāsehi , visaññutto dukkhasmā’ti vadāmi. Ayaṃ kho, bhikkhave, viseso, ayaṃ adhippayāso, idaṃ nānākaraṇaṃ sutavato ariyasāvakassa assutavatā puthujjanenā’’ti.

    ‘‘на взд̣̇анам̣ взд̣̇аяад̇и сабан̃н̃о,

    ‘‘Na vedanaṃ vedayati sapañño,

    сукамби д̣̇угкамби б̣ахуссуд̇оби;

    Sukhampi dukkhampi bahussutopi;

    аяан̃жа д̇хийрасса бут̇уж̇ж̇анзна,

    Ayañca dhīrassa puthujjanena,

    махаа 9 висзсо гусаласса ход̇и.

    Mahā 10 viseso kusalassa hoti.

    ‘‘сан̇каад̇ад̇хаммасса б̣ахуссуд̇асса,

    ‘‘Saṅkhātadhammassa bahussutassa,

    вибассад̇о 11 логамимам̣ баран̃жа;

    Vipassato 12 lokamimaṃ parañca;

    идтасса д̇хаммаа на мат̇знд̇и жид̇д̇ам̣,

    Iṭṭhassa dhammā na mathenti cittaṃ,

    анидтад̇о но бадигхаад̇амзд̇и.

    Aniṭṭhato no paṭighātameti.

    ‘‘д̇ассаанурод̇хаа ат̇аваа вирод̇хаа,

    ‘‘Tassānurodhā athavā virodhā,

    вид̇хуубид̇аа ад̇т̇аг̇ад̇аа на санд̇и;

    Vidhūpitā atthagatā na santi;

    бад̣̇ан̃жа н̃ад̇ваа вираж̇ам̣ асогам̣,

    Padañca ñatvā virajaṃ asokaṃ,

    саммаа баж̇аанаад̇и бхавасса баараг̇уу’’д̇и. чадтам̣;

    Sammā pajānāti bhavassa pāragū’’ti. chaṭṭhaṃ;




    Next: 7. батамаг̇злан̃н̃асуд̇д̇ам̣ • 7. Paṭhamagelaññasuttaṃ




    Footnotes:
    1. взд̣̇ияад̇и (сий. бий.)
    2. ад̇хиббааяо (сий. га.), ад̇хиббааяасо (сяаа. гам̣.), ад̇хиббааяосо (бий.)
    3. саллзна анувиж̇жхзяяум̣ (сий. сяаа. гам̣. бий.)
    4. саллзна анувиж̇жхзяяум̣ (сий.), саллзна анувзд̇хам̣ виж̇жхзяяум̣ (сяаа. гам̣.), саллзна виж̇жхзяяум̣ (бий.)
    5. vediyati (sī. pī.)
    6. adhippāyo (sī. ka.), adhippāyaso (syā. kaṃ.), adhippāyoso (pī.)
    7. sallena anuvijjheyyuṃ (sī. syā. kaṃ. pī.)
    8. sallena anuvijjheyyuṃ (sī.), sallena anuvedhaṃ vijjheyyuṃ (syā. kaṃ.), sallena vijjheyyuṃ (pī.)
    9. аяам̣ (сяаа. гам̣. га.)
    10. ayaṃ (syā. kaṃ. ka.)
    11. самбассад̇о (сий. бий.)
    12. sampassato (sī. pī.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. салласуд̇д̇аван̣н̣анаа • 6. Sallasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. салласуд̇д̇аван̣н̣анаа • 6. Sallasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact