| Library / Tipiṭaka / д̇ибидага • Tipiṭaka / суд̇д̇анибаад̇абаал̣и • Suttanipātapāḷi |
8. салласуд̇д̇ам̣
8. Sallasuttaṃ
579.
579.
анимид̇д̇аманан̃н̃аад̇ам̣ , мажжаанам̣ ид̇ха ж̇ийвид̇ам̣;
Animittamanaññātaṃ , maccānaṃ idha jīvitaṃ;
гасиран̃жа барид̇д̇ан̃жа, д̇ан̃жа д̣̇угкзна сам̣яуд̇ам̣.
Kasirañca parittañca, tañca dukkhena saṃyutaṃ.
580.
580.
на хи со убаггамо ад̇т̇и, язна ж̇аад̇аа на мияяарз;
Na hi so upakkamo atthi, yena jātā na miyyare;
ж̇арамби бад̇ваа маран̣ам̣, звам̣д̇хаммаа хи баан̣ино.
Jarampi patvā maraṇaṃ, evaṃdhammā hi pāṇino.
581.
581.
звам̣ ж̇аад̇аана мажжаанам̣, нижжам̣ маран̣ад̇о бхаяам̣.
Evaṃ jātāna maccānaṃ, niccaṃ maraṇato bhayaṃ.
582.
582.
яат̇ааби гумбхагаарасса, гад̇аа мад̇д̇игабхааж̇анаа;
Yathāpi kumbhakārassa, katā mattikabhājanā;
саб̣б̣з бхзд̣̇анабарияанд̇аа 3, звам̣ мажжаана ж̇ийвид̇ам̣.
Sabbe bhedanapariyantā 4, evaṃ maccāna jīvitaṃ.
583.
583.
д̣̇ахараа жа маханд̇аа жа, яз б̣аалаа яз жа бан̣д̣ид̇аа;
Daharā ca mahantā ca, ye bālā ye ca paṇḍitā;
саб̣б̣з мажжувасам̣ яанд̇и, саб̣б̣з мажжубарааяан̣аа.
Sabbe maccuvasaṃ yanti, sabbe maccuparāyaṇā.
584.
584.
д̇зсам̣ мажжубарзд̇аанам̣, г̇ажчад̇ам̣ баралогад̇о;
Tesaṃ maccuparetānaṃ, gacchataṃ paralokato;
на бид̇аа д̇ааяад̇з буд̇д̇ам̣, н̃аад̇ий ваа бана н̃аад̇агз.
Na pitā tāyate puttaṃ, ñātī vā pana ñātake.
585.
585.
бзгкад̇ам̣ язва н̃аад̇ийнам̣, басса лаалабад̇ам̣ бут̇у;
Pekkhataṃ yeva ñātīnaṃ, passa lālapataṃ puthu;
586.
586.
звамаб̣бхаахад̇о лого, мажжунаа жа ж̇арааяа жа;
Evamabbhāhato loko, maccunā ca jarāya ca;
д̇асмаа д̇хийраа на сожанд̇и, вид̣̇ид̇ваа логабарияааяам̣.
Tasmā dhīrā na socanti, viditvā lokapariyāyaṃ.
587.
587.
яасса маг̇г̇ам̣ на ж̇аанааси, ааг̇ад̇асса г̇ад̇асса ваа;
Yassa maggaṃ na jānāsi, āgatassa gatassa vā;
убхо анд̇з асамбассам̣, нирад̇т̇ам̣ барид̣̇зваси.
Ubho ante asampassaṃ, niratthaṃ paridevasi.
588.
588.
барид̣̇зваяамаано жз, гин̃жид̣̇ад̇т̇ам̣ уд̣̇аб̣б̣ахз;
Paridevayamāno ce, kiñcidatthaṃ udabbahe;
саммуул̣хо хим̣самад̇д̇аанам̣, гаяираа жз нам̣ вижагкан̣о.
Sammūḷho hiṃsamattānaṃ, kayirā ce naṃ vicakkhaṇo.
589.
589.
на хи рун̣н̣зна согзна, санд̇им̣ баббод̇и жзд̇асо;
Na hi ruṇṇena sokena, santiṃ pappoti cetaso;
бхияяассуббаж̇ж̇ад̇з д̣̇угкам̣, сарийрам̣ жубахан̃н̃ад̇и.
Bhiyyassuppajjate dukkhaṃ, sarīraṃ cupahaññati.
590.
590.
гисо виван̣н̣о бхавад̇и, хим̣самад̇д̇аанамад̇д̇анаа;
Kiso vivaṇṇo bhavati, hiṃsamattānamattanā;
на д̇зна бзд̇аа баалзнд̇и, нирад̇т̇аа барид̣̇званаа.
Na tena petā pālenti, niratthā paridevanā.
591.
591.
согамаббаж̇ахам̣ ж̇анд̇у, бхияяо д̣̇угкам̣ ниг̇ажчад̇и;
Sokamappajahaṃ jantu, bhiyyo dukkhaṃ nigacchati;
ануд̇т̇унанд̇о гаалан̇гад̇ам̣ 7, согасса васаманваг̇уу.
Anutthunanto kālaṅkataṃ 8, sokassa vasamanvagū.
592.
592.
ан̃н̃зби басса г̇аминз, яат̇аагаммуубаг̇з нарз;
Aññepi passa gamine, yathākammūpage nare;
мажжуно васамааг̇амма, панд̣̇анд̇звид̇ха баан̣ино.
Maccuno vasamāgamma, phandantevidha pāṇino.
593.
593.
язна язна хи ман̃н̃анд̇и, д̇ад̇о д̇ам̣ ход̇и ан̃н̃ат̇аа;
Yena yena hi maññanti, tato taṃ hoti aññathā;
зд̇аад̣̇исо винаабхааво, басса логасса барияааяам̣.
Etādiso vinābhāvo, passa lokassa pariyāyaṃ.
594.
594.
аби вассасад̇ам̣ ж̇ийвз, бхияяо ваа бана маан̣аво;
Api vassasataṃ jīve, bhiyyo vā pana māṇavo;
н̃аад̇исан̇гхаа винаа ход̇и, ж̇ахаад̇и ид̇ха ж̇ийвид̇ам̣.
Ñātisaṅghā vinā hoti, jahāti idha jīvitaṃ.
595.
595.
д̇асмаа арахад̇о суд̇ваа, винзяяа барид̣̇звид̇ам̣;
Tasmā arahato sutvā, vineyya paridevitaṃ;
бзд̇ам̣ гаалан̇гад̇ам̣ д̣̇исваа, нзсо лаб̣бхаа маяаа ид̇и.
Petaṃ kālaṅkataṃ disvā, neso labbhā mayā iti.
596.
596.
яат̇аа саран̣амаад̣̇ид̇д̇ам̣, вааринаа бариниб̣б̣аяз 9;
Yathā saraṇamādittaṃ, vārinā parinibbaye 10;
звамби д̇хийро сабан̃н̃о, бан̣д̣ид̇о гусало наро;
Evampi dhīro sapañño, paṇḍito kusalo naro;
киббамуббад̇ид̇ам̣ согам̣, ваад̇о д̇уулам̣ва д̇хам̣саяз.
Khippamuppatitaṃ sokaṃ, vāto tūlaṃva dhaṃsaye.
597.
597.
барид̣̇звам̣ баж̇аббан̃жа, д̣̇оманассан̃жа ад̇д̇ано;
Paridevaṃ pajappañca, domanassañca attano;
ад̇д̇ано сукамзсаано, аб̣б̣ахз салламад̇д̇ано.
Attano sukhamesāno, abbahe sallamattano.
598.
598.
аб̣б̣ул̣хасалло асид̇о, санд̇им̣ баббуяяа жзд̇асо;
Abbuḷhasallo asito, santiṃ pappuyya cetaso;
саб̣б̣асогам̣ ад̇игганд̇о, асого ход̇и ниб̣б̣уд̇од̇и.
Sabbasokaṃ atikkanto, asoko hoti nibbutoti.
салласуд̇д̇ам̣ адтамам̣ нидтид̇ам̣.
Sallasuttaṃ aṭṭhamaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / суд̇д̇анибаад̇а-адтагат̇аа • Suttanipāta-aṭṭhakathā / 8. салласуд̇д̇аван̣н̣анаа • 8. Sallasuttavaṇṇanā
