| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
6. ஸல்லஸுத்தவண்ணனா
6. Sallasuttavaṇṇanā
254. ச²ட்டே² தத்ராதி தேஸு த்³வீஸு ஜனேஸு. அனுவேத⁴ங் விஜ்ஜெ²ய்யாதி தஸ்ஸேவ வணமுக²ஸ்ஸ அங்கு³லந்தரே வா த்³வங்கு³லந்தரே வா ஆஸன்னபதே³ஸே அனுக³தவேத⁴ங். ஏவங் வித்³த⁴ஸ்ஸ ஹி ஸா அனுவேதா⁴ வேத³னா பட²மவேத³னாய ப³லவதரா ஹோதி, பச்சா² உப்பஜ்ஜமானா தோ³மனஸ்ஸவேத³னாபி ஏவமேவ புரிமவேத³னாய ப³லவதரா ஹோதி. து³க்கா²ய வேத³னாய நிஸ்ஸரணந்தி து³க்கா²ய வேத³னாய ஹி ஸமாதி⁴மக்³க³ப²லானி நிஸ்ஸரணங், தங் ஸோ ந ஜானாதி, காமஸுக²மேவ நிஸ்ஸரணந்தி ஜானாதி. தாஸங் வேத³னானந்தி தாஸங் ஸுக²து³க்க²வேத³னானங். ஸஞ்ஞுத்தோ நங் வேத³யதீதி கிலேஸேஹி ஸம்பயுத்தோவ ஹுத்வா தங் வேத³னங் வேத³யதி, ந விப்பயுத்தோ. ஸஞ்ஞுத்தோ து³க்க²ஸ்மாதி கரணத்தே² நிஸ்ஸக்கங், து³க்கே²ன ஸம்பயுத்தோதி அத்தோ². ஸங்கா²தத⁴ம்மஸ்ஸாதி விதி³தத⁴ம்மஸ்ஸ துலிதத⁴ம்மஸ்ஸ. ப³ஹுஸ்ஸுதஸ்ஸாதி பரியத்திப³ஹுஸ்ஸுதஸ்ஸ படிவேத⁴ப³ஹுஸ்ஸுதஸ்ஸ ச. ஸம்மா பஜானாதி ப⁴வஸ்ஸ பாரகூ³தி ப⁴வஸ்ஸ பாரங் நிப்³பா³னங் க³தோ, ததே³வ நிப்³பா³னங் ஸம்மா பஜானாதி. இமஸ்மிம்பி ஸுத்தே ஆரம்மணானுஸயோவ கதி²தோ. அரியஸாவகேஸு ச கீ²ணாஸவோ எத்த² து⁴ரங், அனாகா³மீபி வட்டதீதி வத³ந்தி.
254. Chaṭṭhe tatrāti tesu dvīsu janesu. Anuvedhaṃ vijjheyyāti tasseva vaṇamukhassa aṅgulantare vā dvaṅgulantare vā āsannapadese anugatavedhaṃ. Evaṃ viddhassa hi sā anuvedhā vedanā paṭhamavedanāya balavatarā hoti, pacchā uppajjamānā domanassavedanāpi evameva purimavedanāya balavatarā hoti. Dukkhāya vedanāya nissaraṇanti dukkhāya vedanāya hi samādhimaggaphalāni nissaraṇaṃ, taṃ so na jānāti, kāmasukhameva nissaraṇanti jānāti. Tāsaṃ vedanānanti tāsaṃ sukhadukkhavedanānaṃ. Saññutto naṃ vedayatīti kilesehi sampayuttova hutvā taṃ vedanaṃ vedayati, na vippayutto. Saññutto dukkhasmāti karaṇatthe nissakkaṃ, dukkhena sampayuttoti attho. Saṅkhātadhammassāti viditadhammassa tulitadhammassa. Bahussutassāti pariyattibahussutassa paṭivedhabahussutassa ca. Sammā pajānāti bhavassa pāragūti bhavassa pāraṃ nibbānaṃ gato, tadeva nibbānaṃ sammā pajānāti. Imasmimpi sutte ārammaṇānusayova kathito. Ariyasāvakesu ca khīṇāsavo ettha dhuraṃ, anāgāmīpi vaṭṭatīti vadanti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 6. ஸல்லஸுத்தங் • 6. Sallasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6. ஸல்லஸுத்தவண்ணனா • 6. Sallasuttavaṇṇanā
