| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6. салласуд̇д̇аван̣н̣анаа
6. Sallasuttavaṇṇanā
254. чадтз д̇ад̇раад̇и д̇зсу д̣̇вийсу ж̇анзсу. анувзд̇хам̣ виж̇жхзяяаад̇и д̇ассзва ван̣амукасса ан̇г̇уланд̇арз ваа д̣̇ван̇г̇уланд̇арз ваа аасаннабад̣̇зсз ануг̇ад̇авзд̇хам̣. звам̣ вид̣̇д̇хасса хи саа анувзд̇хаа взд̣̇анаа батамавзд̣̇анааяа б̣алавад̇араа ход̇и, бажчаа уббаж̇ж̇амаанаа д̣̇оманассавзд̣̇анааби звамзва буримавзд̣̇анааяа б̣алавад̇араа ход̇и. д̣̇угкааяа взд̣̇анааяа ниссаран̣анд̇и д̣̇угкааяа взд̣̇анааяа хи самаад̇химаг̇г̇апалаани ниссаран̣ам̣, д̇ам̣ со на ж̇аанаад̇и, гаамасукамзва ниссаран̣анд̇и ж̇аанаад̇и. д̇аасам̣ взд̣̇анаананд̇и д̇аасам̣ сукад̣̇угкавзд̣̇анаанам̣. сан̃н̃уд̇д̇о нам̣ взд̣̇аяад̇ийд̇и гилзсзхи самбаяуд̇д̇ова худ̇ваа д̇ам̣ взд̣̇анам̣ взд̣̇аяад̇и, на виббаяуд̇д̇о. сан̃н̃уд̇д̇о д̣̇угкасмаад̇и гаран̣ад̇т̇з ниссаггам̣, д̣̇угкзна самбаяуд̇д̇од̇и ад̇т̇о. сан̇каад̇ад̇хаммассаад̇и вид̣̇ид̇ад̇хаммасса д̇улид̇ад̇хаммасса. б̣ахуссуд̇ассаад̇и барияад̇д̇иб̣ахуссуд̇асса бадивзд̇хаб̣ахуссуд̇асса жа. саммаа баж̇аанаад̇и бхавасса баараг̇ууд̇и бхавасса баарам̣ ниб̣б̣аанам̣ г̇ад̇о, д̇ад̣̇зва ниб̣б̣аанам̣ саммаа баж̇аанаад̇и. имасмимби суд̇д̇з аарамман̣аанусаяова гат̇ид̇о. арияасаавагзсу жа кийн̣аасаво зд̇т̇а д̇хурам̣, анааг̇аамийби ваддад̇ийд̇и вад̣̇анд̇и.
254. Chaṭṭhe tatrāti tesu dvīsu janesu. Anuvedhaṃ vijjheyyāti tasseva vaṇamukhassa aṅgulantare vā dvaṅgulantare vā āsannapadese anugatavedhaṃ. Evaṃ viddhassa hi sā anuvedhā vedanā paṭhamavedanāya balavatarā hoti, pacchā uppajjamānā domanassavedanāpi evameva purimavedanāya balavatarā hoti. Dukkhāya vedanāya nissaraṇanti dukkhāya vedanāya hi samādhimaggaphalāni nissaraṇaṃ, taṃ so na jānāti, kāmasukhameva nissaraṇanti jānāti. Tāsaṃ vedanānanti tāsaṃ sukhadukkhavedanānaṃ. Saññutto naṃ vedayatīti kilesehi sampayuttova hutvā taṃ vedanaṃ vedayati, na vippayutto. Saññutto dukkhasmāti karaṇatthe nissakkaṃ, dukkhena sampayuttoti attho. Saṅkhātadhammassāti viditadhammassa tulitadhammassa. Bahussutassāti pariyattibahussutassa paṭivedhabahussutassa ca. Sammā pajānāti bhavassa pāragūti bhavassa pāraṃ nibbānaṃ gato, tadeva nibbānaṃ sammā pajānāti. Imasmimpi sutte ārammaṇānusayova kathito. Ariyasāvakesu ca khīṇāsavo ettha dhuraṃ, anāgāmīpi vaṭṭatīti vadanti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. салласуд̇д̇ам̣ • 6. Sallasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. салласуд̇д̇аван̣н̣анаа • 6. Sallasuttavaṇṇanā
