| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๖. สลฺลสุตฺตวณฺณนา
6. Sallasuttavaṇṇanā
๒๕๔. ทฺวีสุ ชเนสูติ สุตวนฺตอสฺสุตวเนฺตสุ ทฺวีสุ ชเนสุฯ อนุคตเวธนฺติ ปุเพฺพ ปวตฺตเวธสฺส อนุคตเวธํฯ พลวตรา ทิคุณา วิย หุตฺวา ทฬฺหตรปวตฺติยาฯ เอวเมวาติ ยถา วิทฺธสฺส ปุริสสฺส อนุเวธนา พลวตรา, เอวเมวฯ สมาธิมคฺคผลานิ นิสฺสรณํ วิกฺขมฺภนสมุเจฺฉทปฎิปฺปสฺสทฺธิวเสนฯ สมาธิสีเสน เหตฺถ ฌานญฺจ คหิตํฯ โส น ชานาติ อนธิคตตฺตาฯ นิสฺสรณนฺติ ชานาติ อนิสฺสรณเมวฯ ตาสํ สมธิคตานํ สุขทุกฺขเวทนานํฯ น วิปฺปยุโตฺต อปฺปหีนกิเลสตฺตาฯ สงฺขาตธมฺมสฺสาติ สงฺขาย ปญฺญาย ปริญฺญาตจตุกฺขนฺธสฺสฯ เตนาห ‘‘ตุลิตธมฺมสฺสา’’ติฯ อิมสฺมิมฺปิ สุเตฺต ปุริมสุเตฺต วิย อารมฺมณานุสโยว กถิโต, โส ปน ตตฺถ วุตฺตนเยเนว เวทิตโพฺพฯ อนุโรธวิโรธปหานสฺส วุตฺตตฺตา ขีณาสโว ธุรํฯ อนาคามีปิ วฎฺฎติ, ตสฺส วิโรธปฺปหานํ ลพฺภติฯ
254.Dvīsu janesūti sutavantaassutavantesu dvīsu janesu. Anugatavedhanti pubbe pavattavedhassa anugatavedhaṃ. Balavatarā diguṇā viya hutvā daḷhatarapavattiyā. Evamevāti yathā viddhassa purisassa anuvedhanā balavatarā, evameva. Samādhimaggaphalāni nissaraṇaṃ vikkhambhanasamucchedapaṭippassaddhivasena. Samādhisīsena hettha jhānañca gahitaṃ. So na jānāti anadhigatattā. Nissaraṇanti jānāti anissaraṇameva. Tāsaṃ samadhigatānaṃ sukhadukkhavedanānaṃ. Na vippayutto appahīnakilesattā. Saṅkhātadhammassāti saṅkhāya paññāya pariññātacatukkhandhassa. Tenāha ‘‘tulitadhammassā’’ti. Imasmimpi sutte purimasutte viya ārammaṇānusayova kathito, so pana tattha vuttanayeneva veditabbo. Anurodhavirodhapahānassa vuttattā khīṇāsavo dhuraṃ. Anāgāmīpi vaṭṭati, tassa virodhappahānaṃ labbhati.
สลฺลสุตฺตวณฺณนา นิฎฺฐิตาฯ
Sallasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๖. สลฺลสุตฺตํ • 6. Sallasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๖. สลฺลสุตฺตวณฺณนา • 6. Sallasuttavaṇṇanā
