| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၆. သလ္လသုတ္တဝဏ္ဏနာ
6. Sallasuttavaṇṇanā
၂၅၄. ဒ္ဝီသု ဇနေသူတိ သုတဝန္တအသ္သုတဝန္တေသု ဒ္ဝီသု ဇနေသု။ အနုဂတဝေဓန္တိ ပုဗ္ဗေ ပဝတ္တဝေဓသ္သ အနုဂတဝေဓံ။ ဗလဝတရာ ဒိဂုဏာ ဝိယ ဟုတ္ဝာ ဒဠ္ဟတရပဝတ္တိယာ။ ဧဝမေဝာတိ ယထာ ဝိဒ္ဓသ္သ ပုရိသသ္သ အနုဝေဓနာ ဗလဝတရာ, ဧဝမေဝ။ သမာဓိမဂ္ဂဖလာနိ နိသ္သရဏံ ဝိက္ခမ္ဘနသမုစ္ဆေဒပဋိပ္ပသ္သဒ္ဓိဝသေန။ သမာဓိသီသေန ဟေတ္ထ ဈာနဉ္စ ဂဟိတံ။ သော န ဇာနာတိ အနဓိဂတတ္တာ။ နိသ္သရဏန္တိ ဇာနာတိ အနိသ္သရဏမေဝ။ တာသံ သမဓိဂတာနံ သုခဒုက္ခဝေဒနာနံ။ န ဝိပ္ပယုတ္တော အပ္ပဟီနကိလေသတ္တာ။ သင္ခာတဓမ္မသ္သာတိ သင္ခာယ ပညာယ ပရိညာတစတုက္ခန္ဓသ္သ။ တေနာဟ ‘‘တုလိတဓမ္မသ္သာ’’တိ။ ဣမသ္မိမ္ပိ သုတ္တေ ပုရိမသုတ္တေ ဝိယ အာရမ္မဏာနုသယောဝ ကထိတော, သော ပန တတ္ထ ဝုတ္တနယေနေဝ ဝေဒိတဗ္ဗော။ အနုရောဓဝိရောဓပဟာနသ္သ ဝုတ္တတ္တာ ခီဏာသဝော ဓုရံ။ အနာဂာမီပိ ဝဋ္ဋတိ, တသ္သ ဝိရောဓပ္ပဟာနံ လဗ္ဘတိ။
254.Dvīsu janesūti sutavantaassutavantesu dvīsu janesu. Anugatavedhanti pubbe pavattavedhassa anugatavedhaṃ. Balavatarā diguṇā viya hutvā daḷhatarapavattiyā. Evamevāti yathā viddhassa purisassa anuvedhanā balavatarā, evameva. Samādhimaggaphalāni nissaraṇaṃ vikkhambhanasamucchedapaṭippassaddhivasena. Samādhisīsena hettha jhānañca gahitaṃ. So na jānāti anadhigatattā. Nissaraṇanti jānāti anissaraṇameva. Tāsaṃ samadhigatānaṃ sukhadukkhavedanānaṃ. Na vippayutto appahīnakilesattā. Saṅkhātadhammassāti saṅkhāya paññāya pariññātacatukkhandhassa. Tenāha ‘‘tulitadhammassā’’ti. Imasmimpi sutte purimasutte viya ārammaṇānusayova kathito, so pana tattha vuttanayeneva veditabbo. Anurodhavirodhapahānassa vuttattā khīṇāsavo dhuraṃ. Anāgāmīpi vaṭṭati, tassa virodhappahānaṃ labbhati.
သလ္လသုတ္တဝဏ္ဏနာ နိဋ္ဌိတာ။
Sallasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၆. သလ္လသုတ္တံ • 6. Sallasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၆. သလ္လသုတ္တဝဏ္ဏနာ • 6. Sallasuttavaṇṇanā
