| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
6. සල්‌ලසුත්‌තවණ්‌ණනා
6. Sallasuttavaṇṇanā
254. ද්‌වීසු ජනෙසූති සුතවන්‌තඅස්‌සුතවන්‌තෙසු ද්‌වීසු ජනෙසු. අනුගතවෙධන්‌ති පුබ්‌බෙ පවත්‌තවෙධස්‌ස අනුගතවෙධං. බලවතරා දිගුණා විය හුත්‌වා දළ්‌හතරපවත්‌තියා. එවමෙවාති යථා විද්‌ධස්‌ස පුරිසස්‌ස අනුවෙධනා බලවතරා, එවමෙව. සමාධිමග්‌ගඵලානි නිස්‌සරණං වික්‌ඛම්‌භනසමුච්‌ඡෙදපටිප්‌පස්‌සද්‌ධිවසෙන. සමාධිසීසෙන හෙත්‌ථ ඣානඤ්‌ච ගහිතං. සො න ජානාති අනධිගතත්‌තා. නිස්‌සරණන්‌ති ජානාති අනිස්‌සරණමෙව. තාසං සමධිගතානං සුඛදුක්‌ඛවෙදනානං. න විප්‌පයුත්‌තො අප්‌පහීනකිලෙසත්‌තා. සඞ්‌ඛාතධම්‌මස්‌සාති සඞ්‌ඛාය පඤ්‌ඤාය පරිඤ්‌ඤාතචතුක්‌ඛන්‌ධස්‌ස. තෙනාහ ‘‘තුලිතධම්‌මස්‌සා’’ති. ඉමස්‌මිම්‌පි සුත්‌තෙ පුරිමසුත්‌තෙ විය ආරම්‌මණානුසයොව කථිතො, සො පන තත්‌ථ වුත්‌තනයෙනෙව වෙදිතබ්‌බො. අනුරොධවිරොධපහානස්‌ස වුත්‌තත්‌තා ඛීණාසවො ධුරං. අනාගාමීපි වට්‌ටති, තස්‌ස විරොධප්‌පහානං ලබ්‌භති.
254.Dvīsu janesūti sutavantaassutavantesu dvīsu janesu. Anugatavedhanti pubbe pavattavedhassa anugatavedhaṃ. Balavatarā diguṇā viya hutvā daḷhatarapavattiyā. Evamevāti yathā viddhassa purisassa anuvedhanā balavatarā, evameva. Samādhimaggaphalāni nissaraṇaṃ vikkhambhanasamucchedapaṭippassaddhivasena. Samādhisīsena hettha jhānañca gahitaṃ. So na jānāti anadhigatattā. Nissaraṇanti jānāti anissaraṇameva. Tāsaṃ samadhigatānaṃ sukhadukkhavedanānaṃ. Na vippayutto appahīnakilesattā. Saṅkhātadhammassāti saṅkhāya paññāya pariññātacatukkhandhassa. Tenāha ‘‘tulitadhammassā’’ti. Imasmimpi sutte purimasutte viya ārammaṇānusayova kathito, so pana tattha vuttanayeneva veditabbo. Anurodhavirodhapahānassa vuttattā khīṇāsavo dhuraṃ. Anāgāmīpi vaṭṭati, tassa virodhappahānaṃ labbhati.
සල්‌ලසුත්‌තවණ්‌ණනා නිට්‌ඨිතා.
Sallasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 6. සල්‌ලසුත්‌තං • 6. Sallasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 6. සල්‌ලසුත්‌තවණ්‌ණනා • 6. Sallasuttavaṇṇanā
