| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੬. ਸਲ੍ਲਸੁਤ੍ਤવਣ੍ਣਨਾ
6. Sallasuttavaṇṇanā
੨੫੪. ਛਟ੍ਠੇ ਤਤ੍ਰਾਤਿ ਤੇਸੁ ਦ੍વੀਸੁ ਜਨੇਸੁ। ਅਨੁવੇਧਂ વਿਜ੍ਝੇਯ੍ਯਾਤਿ ਤਸ੍ਸੇવ વਣਮੁਖਸ੍ਸ ਅਙ੍ਗੁਲਨ੍ਤਰੇ વਾ ਦ੍વਙ੍ਗੁਲਨ੍ਤਰੇ વਾ ਆਸਨ੍ਨਪਦੇਸੇ ਅਨੁਗਤવੇਧਂ। ਏવਂ વਿਦ੍ਧਸ੍ਸ ਹਿ ਸਾ ਅਨੁવੇਧਾ વੇਦਨਾ ਪਠਮવੇਦਨਾਯ ਬਲવਤਰਾ ਹੋਤਿ, ਪਚ੍ਛਾ ਉਪ੍ਪਜ੍ਜਮਾਨਾ ਦੋਮਨਸ੍ਸવੇਦਨਾਪਿ ਏવਮੇવ ਪੁਰਿਮવੇਦਨਾਯ ਬਲવਤਰਾ ਹੋਤਿ। ਦੁਕ੍ਖਾਯ વੇਦਨਾਯ ਨਿਸ੍ਸਰਣਨ੍ਤਿ ਦੁਕ੍ਖਾਯ વੇਦਨਾਯ ਹਿ ਸਮਾਧਿਮਗ੍ਗਫਲਾਨਿ ਨਿਸ੍ਸਰਣਂ, ਤਂ ਸੋ ਨ ਜਾਨਾਤਿ, ਕਾਮਸੁਖਮੇવ ਨਿਸ੍ਸਰਣਨ੍ਤਿ ਜਾਨਾਤਿ। ਤਾਸਂ વੇਦਨਾਨਨ੍ਤਿ ਤਾਸਂ ਸੁਖਦੁਕ੍ਖવੇਦਨਾਨਂ। ਸਞ੍ਞੁਤ੍ਤੋ ਨਂ વੇਦਯਤੀਤਿ ਕਿਲੇਸੇਹਿ ਸਮ੍ਪਯੁਤ੍ਤੋવ ਹੁਤ੍વਾ ਤਂ વੇਦਨਂ વੇਦਯਤਿ, ਨ વਿਪ੍ਪਯੁਤ੍ਤੋ। ਸਞ੍ਞੁਤ੍ਤੋ ਦੁਕ੍ਖਸ੍ਮਾਤਿ ਕਰਣਤ੍ਥੇ ਨਿਸ੍ਸਕ੍ਕਂ, ਦੁਕ੍ਖੇਨ ਸਮ੍ਪਯੁਤ੍ਤੋਤਿ ਅਤ੍ਥੋ। ਸਙ੍ਖਾਤਧਮ੍ਮਸ੍ਸਾਤਿ વਿਦਿਤਧਮ੍ਮਸ੍ਸ ਤੁਲਿਤਧਮ੍ਮਸ੍ਸ। ਬਹੁਸ੍ਸੁਤਸ੍ਸਾਤਿ ਪਰਿਯਤ੍ਤਿਬਹੁਸ੍ਸੁਤਸ੍ਸ ਪਟਿવੇਧਬਹੁਸ੍ਸੁਤਸ੍ਸ ਚ। ਸਮ੍ਮਾ ਪਜਾਨਾਤਿ ਭવਸ੍ਸ ਪਾਰਗੂਤਿ ਭવਸ੍ਸ ਪਾਰਂ ਨਿਬ੍ਬਾਨਂ ਗਤੋ, ਤਦੇવ ਨਿਬ੍ਬਾਨਂ ਸਮ੍ਮਾ ਪਜਾਨਾਤਿ। ਇਮਸ੍ਮਿਮ੍ਪਿ ਸੁਤ੍ਤੇ ਆਰਮ੍ਮਣਾਨੁਸਯੋવ ਕਥਿਤੋ। ਅਰਿਯਸਾવਕੇਸੁ ਚ ਖੀਣਾਸવੋ ਏਤ੍ਥ ਧੁਰਂ, ਅਨਾਗਾਮੀਪਿ વਟ੍ਟਤੀਤਿ વਦਨ੍ਤਿ।
254. Chaṭṭhe tatrāti tesu dvīsu janesu. Anuvedhaṃ vijjheyyāti tasseva vaṇamukhassa aṅgulantare vā dvaṅgulantare vā āsannapadese anugatavedhaṃ. Evaṃ viddhassa hi sā anuvedhā vedanā paṭhamavedanāya balavatarā hoti, pacchā uppajjamānā domanassavedanāpi evameva purimavedanāya balavatarā hoti. Dukkhāya vedanāya nissaraṇanti dukkhāya vedanāya hi samādhimaggaphalāni nissaraṇaṃ, taṃ so na jānāti, kāmasukhameva nissaraṇanti jānāti. Tāsaṃ vedanānanti tāsaṃ sukhadukkhavedanānaṃ. Saññutto naṃ vedayatīti kilesehi sampayuttova hutvā taṃ vedanaṃ vedayati, na vippayutto. Saññutto dukkhasmāti karaṇatthe nissakkaṃ, dukkhena sampayuttoti attho. Saṅkhātadhammassāti viditadhammassa tulitadhammassa. Bahussutassāti pariyattibahussutassa paṭivedhabahussutassa ca. Sammā pajānāti bhavassa pāragūti bhavassa pāraṃ nibbānaṃ gato, tadeva nibbānaṃ sammā pajānāti. Imasmimpi sutte ārammaṇānusayova kathito. Ariyasāvakesu ca khīṇāsavo ettha dhuraṃ, anāgāmīpi vaṭṭatīti vadanti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਸਲ੍ਲਸੁਤ੍ਤਂ • 6. Sallasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੬. ਸਲ੍ਲਸੁਤ੍ਤવਣ੍ਣਨਾ • 6. Sallasuttavaṇṇanā
