| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੬. ਸਲ੍ਲਸੁਤ੍ਤવਣ੍ਣਨਾ
6. Sallasuttavaṇṇanā
੨੫੪. ਦ੍વੀਸੁ ਜਨੇਸੂਤਿ ਸੁਤવਨ੍ਤਅਸ੍ਸੁਤવਨ੍ਤੇਸੁ ਦ੍વੀਸੁ ਜਨੇਸੁ। ਅਨੁਗਤવੇਧਨ੍ਤਿ ਪੁਬ੍ਬੇ ਪવਤ੍ਤવੇਧਸ੍ਸ ਅਨੁਗਤવੇਧਂ। ਬਲવਤਰਾ ਦਿਗੁਣਾ વਿਯ ਹੁਤ੍વਾ ਦਲ਼੍ਹਤਰਪવਤ੍ਤਿਯਾ। ਏવਮੇવਾਤਿ ਯਥਾ વਿਦ੍ਧਸ੍ਸ ਪੁਰਿਸਸ੍ਸ ਅਨੁવੇਧਨਾ ਬਲવਤਰਾ, ਏવਮੇવ। ਸਮਾਧਿਮਗ੍ਗਫਲਾਨਿ ਨਿਸ੍ਸਰਣਂ વਿਕ੍ਖਮ੍ਭਨਸਮੁਚ੍ਛੇਦਪਟਿਪ੍ਪਸ੍ਸਦ੍ਧਿવਸੇਨ। ਸਮਾਧਿਸੀਸੇਨ ਹੇਤ੍ਥ ਝਾਨਞ੍ਚ ਗਹਿਤਂ। ਸੋ ਨ ਜਾਨਾਤਿ ਅਨਧਿਗਤਤ੍ਤਾ। ਨਿਸ੍ਸਰਣਨ੍ਤਿ ਜਾਨਾਤਿ ਅਨਿਸ੍ਸਰਣਮੇવ। ਤਾਸਂ ਸਮਧਿਗਤਾਨਂ ਸੁਖਦੁਕ੍ਖવੇਦਨਾਨਂ। ਨ વਿਪ੍ਪਯੁਤ੍ਤੋ ਅਪ੍ਪਹੀਨਕਿਲੇਸਤ੍ਤਾ। ਸਙ੍ਖਾਤਧਮ੍ਮਸ੍ਸਾਤਿ ਸਙ੍ਖਾਯ ਪਞ੍ਞਾਯ ਪਰਿਞ੍ਞਾਤਚਤੁਕ੍ਖਨ੍ਧਸ੍ਸ। ਤੇਨਾਹ ‘‘ਤੁਲਿਤਧਮ੍ਮਸ੍ਸਾ’’ਤਿ। ਇਮਸ੍ਮਿਮ੍ਪਿ ਸੁਤ੍ਤੇ ਪੁਰਿਮਸੁਤ੍ਤੇ વਿਯ ਆਰਮ੍ਮਣਾਨੁਸਯੋવ ਕਥਿਤੋ, ਸੋ ਪਨ ਤਤ੍ਥ વੁਤ੍ਤਨਯੇਨੇવ વੇਦਿਤਬ੍ਬੋ। ਅਨੁਰੋਧવਿਰੋਧਪਹਾਨਸ੍ਸ વੁਤ੍ਤਤ੍ਤਾ ਖੀਣਾਸવੋ ਧੁਰਂ। ਅਨਾਗਾਮੀਪਿ વਟ੍ਟਤਿ, ਤਸ੍ਸ વਿਰੋਧਪ੍ਪਹਾਨਂ ਲਬ੍ਭਤਿ।
254.Dvīsu janesūti sutavantaassutavantesu dvīsu janesu. Anugatavedhanti pubbe pavattavedhassa anugatavedhaṃ. Balavatarā diguṇā viya hutvā daḷhatarapavattiyā. Evamevāti yathā viddhassa purisassa anuvedhanā balavatarā, evameva. Samādhimaggaphalāni nissaraṇaṃ vikkhambhanasamucchedapaṭippassaddhivasena. Samādhisīsena hettha jhānañca gahitaṃ. So na jānāti anadhigatattā. Nissaraṇanti jānāti anissaraṇameva. Tāsaṃ samadhigatānaṃ sukhadukkhavedanānaṃ. Na vippayutto appahīnakilesattā. Saṅkhātadhammassāti saṅkhāya paññāya pariññātacatukkhandhassa. Tenāha ‘‘tulitadhammassā’’ti. Imasmimpi sutte purimasutte viya ārammaṇānusayova kathito, so pana tattha vuttanayeneva veditabbo. Anurodhavirodhapahānassa vuttattā khīṇāsavo dhuraṃ. Anāgāmīpi vaṭṭati, tassa virodhappahānaṃ labbhati.
ਸਲ੍ਲਸੁਤ੍ਤવਣ੍ਣਨਾ ਨਿਟ੍ਠਿਤਾ।
Sallasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਸਲ੍ਲਸੁਤ੍ਤਂ • 6. Sallasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੬. ਸਲ੍ਲਸੁਤ੍ਤવਣ੍ਣਨਾ • 6. Sallasuttavaṇṇanā
