| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൬. സല്ലസുത്തവണ്ണനാ
6. Sallasuttavaṇṇanā
൨൫൪. ദ്വീസു ജനേസൂതി സുതവന്തഅസ്സുതവന്തേസു ദ്വീസു ജനേസു. അനുഗതവേധന്തി പുബ്ബേ പവത്തവേധസ്സ അനുഗതവേധം. ബലവതരാ ദിഗുണാ വിയ ഹുത്വാ ദള്ഹതരപവത്തിയാ. ഏവമേവാതി യഥാ വിദ്ധസ്സ പുരിസസ്സ അനുവേധനാ ബലവതരാ, ഏവമേവ. സമാധിമഗ്ഗഫലാനി നിസ്സരണം വിക്ഖമ്ഭനസമുച്ഛേദപടിപ്പസ്സദ്ധിവസേന. സമാധിസീസേന ഹേത്ഥ ഝാനഞ്ച ഗഹിതം. സോ ന ജാനാതി അനധിഗതത്താ. നിസ്സരണന്തി ജാനാതി അനിസ്സരണമേവ. താസം സമധിഗതാനം സുഖദുക്ഖവേദനാനം. ന വിപ്പയുത്തോ അപ്പഹീനകിലേസത്താ. സങ്ഖാതധമ്മസ്സാതി സങ്ഖായ പഞ്ഞായ പരിഞ്ഞാതചതുക്ഖന്ധസ്സ. തേനാഹ ‘‘തുലിതധമ്മസ്സാ’’തി. ഇമസ്മിമ്പി സുത്തേ പുരിമസുത്തേ വിയ ആരമ്മണാനുസയോവ കഥിതോ, സോ പന തത്ഥ വുത്തനയേനേവ വേദിതബ്ബോ. അനുരോധവിരോധപഹാനസ്സ വുത്തത്താ ഖീണാസവോ ധുരം. അനാഗാമീപി വട്ടതി, തസ്സ വിരോധപ്പഹാനം ലബ്ഭതി.
254.Dvīsu janesūti sutavantaassutavantesu dvīsu janesu. Anugatavedhanti pubbe pavattavedhassa anugatavedhaṃ. Balavatarā diguṇā viya hutvā daḷhatarapavattiyā. Evamevāti yathā viddhassa purisassa anuvedhanā balavatarā, evameva. Samādhimaggaphalāni nissaraṇaṃ vikkhambhanasamucchedapaṭippassaddhivasena. Samādhisīsena hettha jhānañca gahitaṃ. So na jānāti anadhigatattā. Nissaraṇanti jānāti anissaraṇameva. Tāsaṃ samadhigatānaṃ sukhadukkhavedanānaṃ. Na vippayutto appahīnakilesattā. Saṅkhātadhammassāti saṅkhāya paññāya pariññātacatukkhandhassa. Tenāha ‘‘tulitadhammassā’’ti. Imasmimpi sutte purimasutte viya ārammaṇānusayova kathito, so pana tattha vuttanayeneva veditabbo. Anurodhavirodhapahānassa vuttattā khīṇāsavo dhuraṃ. Anāgāmīpi vaṭṭati, tassa virodhappahānaṃ labbhati.
സല്ലസുത്തവണ്ണനാ നിട്ഠിതാ.
Sallasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൬. സല്ലസുത്തം • 6. Sallasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൬. സല്ലസുത്തവണ്ണനാ • 6. Sallasuttavaṇṇanā
