| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
8. саллзкасуд̇д̇ам̣
8. Sallekhasuttaṃ
81. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко ааяасмаа махаажунд̣̇о сааяанхасамаяам̣ бадисаллаанаа вудтид̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа махаажунд̣̇о бхаг̇аванд̇ам̣ зд̇ад̣̇авожа – ‘‘яаа имаа, бханд̇з, анзгавихид̇аа д̣̇идтияо логз уббаж̇ж̇анд̇и – ад̇д̇аваад̣̇абадисам̣яуд̇д̇аа ваа логаваад̣̇абадисам̣яуд̇д̇аа ваа – аад̣̇имзва ну ко, бханд̇з, бхигкуно манасигарод̇о звамзд̇аасам̣ д̣̇идтийнам̣ бахаанам̣ ход̇и, звамзд̇аасам̣ д̣̇идтийнам̣ бадиниссаг̇г̇о ход̇ий’’д̇и?
81. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho āyasmā mahācundo sāyanhasamayaṃ paṭisallānā vuṭṭhito yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā mahācundo bhagavantaṃ etadavoca – ‘‘yā imā, bhante, anekavihitā diṭṭhiyo loke uppajjanti – attavādapaṭisaṃyuttā vā lokavādapaṭisaṃyuttā vā – ādimeva nu kho, bhante, bhikkhuno manasikaroto evametāsaṃ diṭṭhīnaṃ pahānaṃ hoti, evametāsaṃ diṭṭhīnaṃ paṭinissaggo hotī’’ti?
82. ‘‘яаа имаа, жунд̣̇а, анзгавихид̇аа д̣̇идтияо логз уббаж̇ж̇анд̇и – ад̇д̇аваад̣̇абадисам̣яуд̇д̇аа ваа логаваад̣̇абадисам̣яуд̇д̇аа ваа – яад̇т̇а жзд̇аа д̣̇идтияо уббаж̇ж̇анд̇и яад̇т̇а жа анусзнд̇и яад̇т̇а жа самуд̣̇аажаранд̇и д̇ам̣ ‘нзд̇ам̣ мама, нзсохамасми, на мз со ад̇д̇аа’д̇и – звамзд̇ам̣ яат̇аабхууд̇ам̣ саммаббан̃н̃аа бассад̇о звамзд̇аасам̣ д̣̇идтийнам̣ бахаанам̣ ход̇и, звамзд̇аасам̣ д̣̇идтийнам̣ бадиниссаг̇г̇о ход̇и.
82. ‘‘Yā imā, cunda, anekavihitā diṭṭhiyo loke uppajjanti – attavādapaṭisaṃyuttā vā lokavādapaṭisaṃyuttā vā – yattha cetā diṭṭhiyo uppajjanti yattha ca anusenti yattha ca samudācaranti taṃ ‘netaṃ mama, nesohamasmi, na me so attā’ti – evametaṃ yathābhūtaṃ sammappaññā passato evametāsaṃ diṭṭhīnaṃ pahānaṃ hoti, evametāsaṃ diṭṭhīnaṃ paṭinissaggo hoti.
‘‘таанам̣ ко банзд̇ам̣, жунд̣̇а, виж̇ж̇ад̇и яам̣ ид̇хзгажжо бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарзяяа. д̇асса звамасса – ‘саллзкзна вихараамий’д̇и. на ко банзд̇з, жунд̣̇а, арияасса винаяз саллзкаа вужжанд̇и. д̣̇идтад̇хаммасукавихаараа зд̇з арияасса винаяз вужжанд̇и.
‘‘Ṭhānaṃ kho panetaṃ, cunda, vijjati yaṃ idhekacco bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja vihareyya. Tassa evamassa – ‘sallekhena viharāmī’ti. Na kho panete, cunda, ariyassa vinaye sallekhā vuccanti. Diṭṭhadhammasukhavihārā ete ariyassa vinaye vuccanti.
‘‘таанам̣ ко банзд̇ам̣, жунд̣̇а, виж̇ж̇ад̇и яам̣ ид̇хзгажжо бхигку вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарзяяа. д̇асса звамасса – ‘саллзкзна вихараамий’д̇и. на ко банзд̇з, жунд̣̇а, арияасса винаяз саллзкаа вужжанд̇и. д̣̇идтад̇хаммасукавихаараа зд̇з арияасса винаяз вужжанд̇и.
‘‘Ṭhānaṃ kho panetaṃ, cunda, vijjati yaṃ idhekacco bhikkhu vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja vihareyya. Tassa evamassa – ‘sallekhena viharāmī’ti. Na kho panete, cunda, ariyassa vinaye sallekhā vuccanti. Diṭṭhadhammasukhavihārā ete ariyassa vinaye vuccanti.
‘‘таанам̣ ко банзд̇ам̣, жунд̣̇а, виж̇ж̇ад̇и яам̣ ид̇хзгажжо бхигку бийд̇ияаа жа вирааг̇аа убзгкаго жа вихарзяяа, сад̇о жа самбаж̇аано сукан̃жа гааязна бадисам̣взд̣̇зяяа, яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихарзяяа. д̇асса звамасса – ‘саллзкзна вихараамий’д̇и. на ко банзд̇з, жунд̣̇а, арияасса винаяз саллзкаа вужжанд̇и. д̣̇идтад̇хаммасукавихаараа зд̇з арияасса винаяз вужжанд̇и.
‘‘Ṭhānaṃ kho panetaṃ, cunda, vijjati yaṃ idhekacco bhikkhu pītiyā ca virāgā upekkhako ca vihareyya, sato ca sampajāno sukhañca kāyena paṭisaṃvedeyya, yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja vihareyya. Tassa evamassa – ‘sallekhena viharāmī’ti. Na kho panete, cunda, ariyassa vinaye sallekhā vuccanti. Diṭṭhadhammasukhavihārā ete ariyassa vinaye vuccanti.
‘‘таанам̣ ко банзд̇ам̣, жунд̣̇а, виж̇ж̇ад̇и яам̣ ид̇хзгажжо бхигку сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасум̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарзяяа. д̇асса звамасса – ‘саллзкзна вихараамий’д̇и. на ко банзд̇з, жунд̣̇а, арияасса винаяз саллзкаа вужжанд̇и. д̣̇идтад̇хаммасукавихаараа зд̇з арияасса винаяз вужжанд̇и.
‘‘Ṭhānaṃ kho panetaṃ, cunda, vijjati yaṃ idhekacco bhikkhu sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasuṃ upekkhāsatipārisuddhiṃ catutthaṃ jhānaṃ upasampajja vihareyya. Tassa evamassa – ‘sallekhena viharāmī’ti. Na kho panete, cunda, ariyassa vinaye sallekhā vuccanti. Diṭṭhadhammasukhavihārā ete ariyassa vinaye vuccanti.
‘‘таанам̣ ко банзд̇ам̣, жунд̣̇а, виж̇ж̇ад̇и яам̣ ид̇хзгажжо бхигку саб̣б̣асо руубасан̃н̃аанам̣ самад̇иггамаа, бадигхасан̃н̃аанам̣ ад̇т̇ан̇г̇амаа, наанад̇д̇асан̃н̃аанам̣ аманасигаараа, ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихарзяяа. д̇асса звамасса – ‘саллзкзна вихараамий’д̇и. на ко банзд̇з, жунд̣̇а, арияасса винаяз саллзкаа вужжанд̇и. санд̇аа зд̇з вихаараа арияасса винаяз вужжанд̇и.
‘‘Ṭhānaṃ kho panetaṃ, cunda, vijjati yaṃ idhekacco bhikkhu sabbaso rūpasaññānaṃ samatikkamā, paṭighasaññānaṃ atthaṅgamā, nānattasaññānaṃ amanasikārā, ‘ananto ākāso’ti ākāsānañcāyatanaṃ upasampajja vihareyya. Tassa evamassa – ‘sallekhena viharāmī’ti. Na kho panete, cunda, ariyassa vinaye sallekhā vuccanti. Santā ete vihārā ariyassa vinaye vuccanti.
‘‘таанам̣ ко банзд̇ам̣, жунд̣̇а, виж̇ж̇ад̇и яам̣ ид̇хзгажжо бхигку саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарзяяа. д̇асса звамасса – ‘саллзкзна вихараамий’д̇и. на ко банзд̇з, жунд̣̇а, арияасса винаяз саллзкаа вужжанд̇и. санд̇аа зд̇з вихаараа арияасса винаяз вужжанд̇и.
‘‘Ṭhānaṃ kho panetaṃ, cunda, vijjati yaṃ idhekacco bhikkhu sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja vihareyya. Tassa evamassa – ‘sallekhena viharāmī’ti. Na kho panete, cunda, ariyassa vinaye sallekhā vuccanti. Santā ete vihārā ariyassa vinaye vuccanti.
‘‘таанам̣ ко банзд̇ам̣, жунд̣̇а, виж̇ж̇ад̇и яам̣ ид̇хзгажжо бхигку саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарзяяа. д̇асса звамасса – ‘саллзкзна вихараамий’д̇и. на ко банзд̇з, жунд̣̇а, арияасса винаяз саллзкаа вужжанд̇и. санд̇аа зд̇з вихаараа арияасса винаяз вужжанд̇и.
‘‘Ṭhānaṃ kho panetaṃ, cunda, vijjati yaṃ idhekacco bhikkhu sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja vihareyya. Tassa evamassa – ‘sallekhena viharāmī’ti. Na kho panete, cunda, ariyassa vinaye sallekhā vuccanti. Santā ete vihārā ariyassa vinaye vuccanti.
‘‘таанам̣ ко банзд̇ам̣, жунд̣̇а, виж̇ж̇ад̇и яам̣ ид̇хзгажжо бхигку саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарзяяа. д̇асса звамасса – ‘саллзкзна вихараамий’д̇и . на ко банзд̇з, жунд̣̇а, арияасса винаяз саллзкаа вужжанд̇и. санд̇аа зд̇з вихаараа арияасса винаяз вужжанд̇и.
‘‘Ṭhānaṃ kho panetaṃ, cunda, vijjati yaṃ idhekacco bhikkhu sabbaso ākiñcaññāyatanaṃ samatikkamma nevasaññānāsaññāyatanaṃ upasampajja vihareyya. Tassa evamassa – ‘sallekhena viharāmī’ti . Na kho panete, cunda, ariyassa vinaye sallekhā vuccanti. Santā ete vihārā ariyassa vinaye vuccanti.
83. ‘‘ид̇ха ко бана во, жунд̣̇а, саллзко гаран̣ийяо. ‘барз вихим̣сагаа бхависсанд̇и, маяамзд̇т̇а авихим̣сагаа бхависсаамаа’д̇и саллзко гаран̣ийяо. ‘барз баан̣аад̇ибаад̇ий бхависсанд̇и, маяамзд̇т̇а баан̣аад̇ибаад̇аа бадивирад̇аа бхависсаамаа’д̇и саллзко гаран̣ийяо. ‘барз ад̣̇иннаад̣̇ааяий бхависсанд̇и, маяамзд̇т̇а ад̣̇иннаад̣̇аанаа бадивирад̇аа бхависсаамаа’д̇и саллзко гаран̣ийяо. ‘барз аб̣рахмажаарий бхависсанд̇и, маяамзд̇т̇а б̣рахмажаарий бхависсаамаа’д̇и саллзко гаран̣ийяо. ‘барз мусааваад̣̇ий бхависсанд̇и, маяамзд̇т̇а мусааваад̣̇аа бадивирад̇аа бхависсаамаа’д̇и саллзко гаран̣ийяо. ‘барз бисун̣аваажаа 1 бхависсанд̇и, маяамзд̇т̇а бисун̣ааяа ваажааяа бадивирад̇аа бхависсаамаа’д̇и саллзко гаран̣ийяо. ‘барз парусаваажаа 2 бхависсанд̇и, маяамзд̇т̇а парусааяа ваажааяа бадивирад̇аа бхависсаамаа’д̇и саллзко гаран̣ийяо. ‘барз сампаббалаабий бхависсанд̇и, маяамзд̇т̇а сампаббалаабаа бадивирад̇аа бхависсаамаа’д̇и саллзко гаран̣ийяо. ‘барз абхиж̇жхаалуу бхависсанд̇и, маяамзд̇т̇а анабхиж̇жхаалуу бхависсаамаа’д̇и саллзко гаран̣ийяо. ‘барз б̣яаабаннажид̇д̇аа бхависсанд̇и, маяамзд̇т̇а аб̣яаабаннажид̇д̇аа бхависсаамаа’д̇и саллзко гаран̣ийяо. ‘барз мижчаад̣̇идтий бхависсанд̇и, маяамзд̇т̇а саммаад̣̇идтий бхависсаамаа’д̇и саллзко гаран̣ийяо. ‘барз мижчаасан̇габбаа бхависсанд̇и, маяамзд̇т̇а саммаасан̇габбаа бхависсаамаа’д̇и саллзко гаран̣ийяо. ‘барз мижчааваажаа бхависсанд̇и, маяамзд̇т̇а саммааваажаа бхависсаамаа’д̇и саллзко гаран̣ийяо. ‘барз мижчаагамманд̇аа бхависсанд̇и, маяамзд̇т̇а саммаагамманд̇аа бхависсаамаа’д̇и саллзко гаран̣ийяо. ‘барз мижчааааж̇ийваа бхависсанд̇и, маяамзд̇т̇а саммааааж̇ийваа бхависсаамаа’д̇и саллзко гаран̣ийяо. ‘барз мижчаавааяаамаа бхависсанд̇и, маяамзд̇т̇а саммаавааяаамаа бхависсаамаа’д̇и саллзко гаран̣ийяо. ‘барз мижчаасад̇ий бхависсанд̇и, маяамзд̇т̇а саммаасад̇ий бхависсаамаа’д̇и саллзко гаран̣ийяо. ‘барз мижчаасамаад̇хи бхависсанд̇и, маяамзд̇т̇а саммаасамаад̇хий бхависсаамаа’д̇и саллзко гаран̣ийяо. ‘барз мижчаан̃аан̣ий бхависсанд̇и, маяамзд̇т̇а саммаан̃аан̣ий бхависсаамаа’д̇и саллзко гаран̣ийяо. ‘барз мижчаавимуд̇д̇ий бхависсанд̇и, маяамзд̇т̇а саммаавимуд̇д̇ий бхависсаамаа’д̇и саллзко гаран̣ийяо.
83. ‘‘Idha kho pana vo, cunda, sallekho karaṇīyo. ‘Pare vihiṃsakā bhavissanti, mayamettha avihiṃsakā bhavissāmā’ti sallekho karaṇīyo. ‘Pare pāṇātipātī bhavissanti, mayamettha pāṇātipātā paṭiviratā bhavissāmā’ti sallekho karaṇīyo. ‘Pare adinnādāyī bhavissanti, mayamettha adinnādānā paṭiviratā bhavissāmā’ti sallekho karaṇīyo. ‘Pare abrahmacārī bhavissanti, mayamettha brahmacārī bhavissāmā’ti sallekho karaṇīyo. ‘Pare musāvādī bhavissanti, mayamettha musāvādā paṭiviratā bhavissāmā’ti sallekho karaṇīyo. ‘Pare pisuṇavācā 3 bhavissanti, mayamettha pisuṇāya vācāya paṭiviratā bhavissāmā’ti sallekho karaṇīyo. ‘Pare pharusavācā 4 bhavissanti, mayamettha pharusāya vācāya paṭiviratā bhavissāmā’ti sallekho karaṇīyo. ‘Pare samphappalāpī bhavissanti, mayamettha samphappalāpā paṭiviratā bhavissāmā’ti sallekho karaṇīyo. ‘Pare abhijjhālū bhavissanti, mayamettha anabhijjhālū bhavissāmā’ti sallekho karaṇīyo. ‘Pare byāpannacittā bhavissanti, mayamettha abyāpannacittā bhavissāmā’ti sallekho karaṇīyo. ‘Pare micchādiṭṭhī bhavissanti, mayamettha sammādiṭṭhī bhavissāmā’ti sallekho karaṇīyo. ‘Pare micchāsaṅkappā bhavissanti, mayamettha sammāsaṅkappā bhavissāmā’ti sallekho karaṇīyo. ‘Pare micchāvācā bhavissanti, mayamettha sammāvācā bhavissāmā’ti sallekho karaṇīyo. ‘Pare micchākammantā bhavissanti, mayamettha sammākammantā bhavissāmā’ti sallekho karaṇīyo. ‘Pare micchāājīvā bhavissanti, mayamettha sammāājīvā bhavissāmā’ti sallekho karaṇīyo. ‘Pare micchāvāyāmā bhavissanti, mayamettha sammāvāyāmā bhavissāmā’ti sallekho karaṇīyo. ‘Pare micchāsatī bhavissanti, mayamettha sammāsatī bhavissāmā’ti sallekho karaṇīyo. ‘Pare micchāsamādhi bhavissanti, mayamettha sammāsamādhī bhavissāmā’ti sallekho karaṇīyo. ‘Pare micchāñāṇī bhavissanti, mayamettha sammāñāṇī bhavissāmā’ti sallekho karaṇīyo. ‘Pare micchāvimuttī bhavissanti, mayamettha sammāvimuttī bhavissāmā’ti sallekho karaṇīyo.
‘‘‘барз т̇ийнамид̣̇д̇хабарияудтид̇аа бхависсанд̇и, маяамзд̇т̇а виг̇ад̇ат̇ийнамид̣̇д̇хаа бхависсаамаа’д̇и саллзко гаран̣ийяо . ‘барз уд̣̇д̇хад̇аа бхависсанд̇и, маяамзд̇т̇а ануд̣̇д̇хад̇аа бхависсаамаа’д̇и саллзко гаран̣ийяо. ‘барз вижигижчий 5 бхависсанд̇и, маяамзд̇т̇а д̇ин̣н̣авижигижчаа бхависсаамаа’д̇и саллзко гаран̣ийяо. ‘барз год̇ханаа бхависсанд̇и, маяамзд̇т̇а аггод̇ханаа бхависсаамаа’д̇и саллзко гаран̣ийяо. ‘барз убанаахий бхависсанд̇и, маяамзд̇т̇а анубанаахий бхависсаамаа’д̇и саллзко гаран̣ийяо. ‘барз магкий бхависсанд̇и , маяамзд̇т̇а амагкий бхависсаамаа’д̇и саллзко гаран̣ийяо. ‘барз бал̣аасий бхависсанд̇и, маяамзд̇т̇а абал̣аасий бхависсаамаа’д̇и саллзко гаран̣ийяо. ‘барз иссугий бхависсанд̇и, маяамзд̇т̇а аниссугий бхависсаамаа’д̇и саллзко гаран̣ийяо. ‘барз мажчарий бхависсанд̇и, маяамзд̇т̇а амажчарий бхависсаамаа’д̇и саллзко гаран̣ийяо. ‘барз сатаа бхависсанд̇и, маяамзд̇т̇а асатаа бхависсаамаа’д̇и саллзко гаран̣ийяо. ‘барз мааяаавий бхависсанд̇и, маяамзд̇т̇а амааяаавий бхависсаамаа’д̇и саллзко гаран̣ийяо. ‘барз т̇ад̣̇д̇хаа бхависсанд̇и, маяамзд̇т̇а ад̇т̇ад̣̇д̇хаа бхависсаамаа’д̇и саллзко гаран̣ийяо. ‘барз ад̇имааний бхависсанд̇и, маяамзд̇т̇а анад̇имааний бхависсаамаа’д̇и саллзко гаран̣ийяо. ‘барз д̣̇уб̣б̣ажаа бхависсанд̇и, маяамзд̇т̇а суважаа бхависсаамаа’д̇и саллзко гаран̣ийяо. ‘барз баабамид̇д̇аа бхависсанд̇и, маяамзд̇т̇а галяаан̣амид̇д̇аа бхависсаамаа’д̇и саллзко гаран̣ийяо. ‘барз бамад̇д̇аа бхависсанд̇и, маяамзд̇т̇а аббамад̇д̇аа бхависсаамаа’д̇и саллзко гаран̣ийяо. ‘барз ассад̣̇д̇хаа бхависсанд̇и, маяамзд̇т̇а сад̣̇д̇хаа бхависсаамаа’д̇и саллзко гаран̣ийяо. ‘барз ахиригаа бхависсанд̇и, маяамзд̇т̇а хириманаа бхависсаамаа’д̇и саллзко гаран̣ийяо. ‘барз анод̇д̇аабий 6 бхависсанд̇и, маяамзд̇т̇а од̇д̇аабий бхависсаамаа’д̇и саллзко гаран̣ийяо. ‘барз аббассуд̇аа бхависсанд̇и, маяамзд̇т̇а б̣ахуссуд̇аа бхависсаамаа’д̇и саллзко гаран̣ийяо. ‘барз гусийд̇аа бхависсанд̇и, маяамзд̇т̇а аарад̣̇д̇хавийрияаа бхависсаамаа’д̇и саллзко гаран̣ийяо. ‘барз мудтассад̇ий бхависсанд̇и, маяамзд̇т̇а убадтид̇ассад̇ий бхависсаамаа’д̇и саллзко гаран̣ийяо. ‘барз д̣̇уббан̃н̃аа бхависсанд̇и, маяамзд̇т̇а бан̃н̃аасамбаннаа бхависсаамаа’д̇и саллзко гаран̣ийяо. ‘барз санд̣̇идтибараамаасий аад̇хаанаг̇г̇аахий д̣̇уббадиниссаг̇г̇ий бхависсанд̇и, маяамзд̇т̇а асанд̣̇идтибараамаасий анаад̇хаанаг̇г̇аахий суббадиниссаг̇г̇ий бхависсаамаа’д̇и саллзко гаран̣ийяо.
‘‘‘Pare thīnamiddhapariyuṭṭhitā bhavissanti, mayamettha vigatathīnamiddhā bhavissāmā’ti sallekho karaṇīyo . ‘Pare uddhatā bhavissanti, mayamettha anuddhatā bhavissāmā’ti sallekho karaṇīyo. ‘Pare vicikicchī 7 bhavissanti, mayamettha tiṇṇavicikicchā bhavissāmā’ti sallekho karaṇīyo. ‘Pare kodhanā bhavissanti, mayamettha akkodhanā bhavissāmā’ti sallekho karaṇīyo. ‘Pare upanāhī bhavissanti, mayamettha anupanāhī bhavissāmā’ti sallekho karaṇīyo. ‘Pare makkhī bhavissanti , mayamettha amakkhī bhavissāmā’ti sallekho karaṇīyo. ‘Pare paḷāsī bhavissanti, mayamettha apaḷāsī bhavissāmā’ti sallekho karaṇīyo. ‘Pare issukī bhavissanti, mayamettha anissukī bhavissāmā’ti sallekho karaṇīyo. ‘Pare maccharī bhavissanti, mayamettha amaccharī bhavissāmā’ti sallekho karaṇīyo. ‘Pare saṭhā bhavissanti, mayamettha asaṭhā bhavissāmā’ti sallekho karaṇīyo. ‘Pare māyāvī bhavissanti, mayamettha amāyāvī bhavissāmā’ti sallekho karaṇīyo. ‘Pare thaddhā bhavissanti, mayamettha atthaddhā bhavissāmā’ti sallekho karaṇīyo. ‘Pare atimānī bhavissanti, mayamettha anatimānī bhavissāmā’ti sallekho karaṇīyo. ‘Pare dubbacā bhavissanti, mayamettha suvacā bhavissāmā’ti sallekho karaṇīyo. ‘Pare pāpamittā bhavissanti, mayamettha kalyāṇamittā bhavissāmā’ti sallekho karaṇīyo. ‘Pare pamattā bhavissanti, mayamettha appamattā bhavissāmā’ti sallekho karaṇīyo. ‘Pare assaddhā bhavissanti, mayamettha saddhā bhavissāmā’ti sallekho karaṇīyo. ‘Pare ahirikā bhavissanti, mayamettha hirimanā bhavissāmā’ti sallekho karaṇīyo. ‘Pare anottāpī 8 bhavissanti, mayamettha ottāpī bhavissāmā’ti sallekho karaṇīyo. ‘Pare appassutā bhavissanti, mayamettha bahussutā bhavissāmā’ti sallekho karaṇīyo. ‘Pare kusītā bhavissanti, mayamettha āraddhavīriyā bhavissāmā’ti sallekho karaṇīyo. ‘Pare muṭṭhassatī bhavissanti, mayamettha upaṭṭhitassatī bhavissāmā’ti sallekho karaṇīyo. ‘Pare duppaññā bhavissanti, mayamettha paññāsampannā bhavissāmā’ti sallekho karaṇīyo. ‘Pare sandiṭṭhiparāmāsī ādhānaggāhī duppaṭinissaggī bhavissanti, mayamettha asandiṭṭhiparāmāsī anādhānaggāhī suppaṭinissaggī bhavissāmā’ti sallekho karaṇīyo.
84. ‘‘жид̇д̇уббаад̣̇амби ко ахам̣, жунд̣̇а, гусалзсу д̇хаммзсу б̣ахугаарам̣ 9 вад̣̇аами, го бана ваад̣̇о гааязна ваажааяа анувид̇хийяанаасу! д̇асмаад̇иха, жунд̣̇а, ‘барз вихим̣сагаа бхависсанд̇и, маяамзд̇т̇а авихим̣сагаа бхависсаамаа’д̇и жид̇д̇ам̣ уббаад̣̇зд̇аб̣б̣ам̣. ‘барз баан̣аад̇ибаад̇ий бхависсанд̇и, маяамзд̇т̇а баан̣аад̇ибаад̇аа бадивирад̇аа бхависсаамаа’д̇и жид̇д̇ам̣ уббаад̣̇зд̇аб̣б̣ам̣…‘барз санд̣̇идтибараамаасий аад̇хаанаг̇г̇аахий д̣̇уббадиниссаг̇г̇ий бхависсанд̇и, маяамзд̇т̇а асанд̣̇идтибараамаасий анаад̇хаанаг̇г̇аахий суббадиниссаг̇г̇ий бхависсаамаа’д̇и жид̇д̇ам̣ уббаад̣̇зд̇аб̣б̣ам̣.
84. ‘‘Cittuppādampi kho ahaṃ, cunda, kusalesu dhammesu bahukāraṃ 10 vadāmi, ko pana vādo kāyena vācāya anuvidhīyanāsu! Tasmātiha, cunda, ‘pare vihiṃsakā bhavissanti, mayamettha avihiṃsakā bhavissāmā’ti cittaṃ uppādetabbaṃ. ‘Pare pāṇātipātī bhavissanti, mayamettha pāṇātipātā paṭiviratā bhavissāmā’ti cittaṃ uppādetabbaṃ…‘pare sandiṭṭhiparāmāsī ādhānaggāhī duppaṭinissaggī bhavissanti, mayamettha asandiṭṭhiparāmāsī anādhānaggāhī suppaṭinissaggī bhavissāmā’ti cittaṃ uppādetabbaṃ.
85. ‘‘сзяяат̇ааби, жунд̣̇а, висамо маг̇г̇о асса, д̇асса 11 ан̃н̃о само маг̇г̇о бариггаманааяа; сзяяат̇аа ваа бана, жунд̣̇а, висамам̣ д̇ид̇т̇ам̣ асса, д̇асса ан̃н̃ам̣ самам̣ д̇ид̇т̇ам̣ бариггаманааяа; звамзва ко, жунд̣̇а, вихим̣сагасса бурисабуг̇г̇аласса авихим̣саа ход̇и бариггаманааяа, баан̣аад̇ибаад̇исса бурисабуг̇г̇аласса баан̣аад̇ибаад̇аа взраман̣ий ход̇и бариггаманааяа, ад̣̇иннаад̣̇ааяисса бурисабуг̇г̇аласса ад̣̇иннаад̣̇аанаа взраман̣ий ход̇и бариггаманааяа, аб̣рахмажаарисса бурисабуг̇г̇аласса аб̣рахмажарияаа взраман̣ий ход̇и бариггаманааяа , мусааваад̣̇исса бурисабуг̇г̇аласса мусааваад̣̇аа взраман̣ий ход̇и бариггаманааяа, бисун̣аваажасса бурисабуг̇г̇аласса бисун̣ааяа ваажааяа взраман̣ий ход̇и бариггаманааяа, парусаваажасса бурисабуг̇г̇аласса парусааяа ваажааяа взраман̣ий ход̇и бариггаманааяа, сампаббалаабисса бурисабуг̇г̇аласса сампаббалаабаа взраман̣ий ход̇и бариггаманааяа, абхиж̇жхаалусса бурисабуг̇г̇аласса анабхиж̇жхаа ход̇и бариггаманааяа, б̣яаабаннажид̇д̇асса бурисабуг̇г̇аласса аб̣яаабаад̣̇о ход̇и бариггаманааяа, мижчаад̣̇идтисса бурисабуг̇г̇аласса саммаад̣̇идти ход̇и бариггаманааяа, мижчаасан̇габбасса бурисабуг̇г̇аласса саммаасан̇габбо ход̇и бариггаманааяа, мижчааваажасса бурисабуг̇г̇аласса саммааваажаа ход̇и бариггаманааяа, мижчаагамманд̇асса бурисабуг̇г̇аласса саммаагамманд̇о ход̇и бариггаманааяа, мижчааааж̇ийвасса бурисабуг̇г̇аласса саммааааж̇ийво ход̇и бариггаманааяа, мижчаавааяаамасса бурисабуг̇г̇аласса саммаавааяаамо ход̇и бариггаманааяа, мижчаасад̇исса бурисабуг̇г̇аласса саммаасад̇и ход̇и бариггаманааяа, мижчаасамаад̇хисса бурисабуг̇г̇аласса саммаасамаад̇хи ход̇и бариггаманааяа, мижчаан̃аан̣исса бурисабуг̇г̇аласса саммаан̃аан̣ам̣ ход̇и бариггаманааяа, мижчаавимуд̇д̇исса бурисабуг̇г̇аласса саммаавимуд̇д̇и ход̇и бариггаманааяа.
85. ‘‘Seyyathāpi, cunda, visamo maggo assa, tassa 12 añño samo maggo parikkamanāya; seyyathā vā pana, cunda, visamaṃ titthaṃ assa, tassa aññaṃ samaṃ titthaṃ parikkamanāya; evameva kho, cunda, vihiṃsakassa purisapuggalassa avihiṃsā hoti parikkamanāya, pāṇātipātissa purisapuggalassa pāṇātipātā veramaṇī hoti parikkamanāya, adinnādāyissa purisapuggalassa adinnādānā veramaṇī hoti parikkamanāya, abrahmacārissa purisapuggalassa abrahmacariyā veramaṇī hoti parikkamanāya , musāvādissa purisapuggalassa musāvādā veramaṇī hoti parikkamanāya, pisuṇavācassa purisapuggalassa pisuṇāya vācāya veramaṇī hoti parikkamanāya, pharusavācassa purisapuggalassa pharusāya vācāya veramaṇī hoti parikkamanāya, samphappalāpissa purisapuggalassa samphappalāpā veramaṇī hoti parikkamanāya, abhijjhālussa purisapuggalassa anabhijjhā hoti parikkamanāya, byāpannacittassa purisapuggalassa abyāpādo hoti parikkamanāya, micchādiṭṭhissa purisapuggalassa sammādiṭṭhi hoti parikkamanāya, micchāsaṅkappassa purisapuggalassa sammāsaṅkappo hoti parikkamanāya, micchāvācassa purisapuggalassa sammāvācā hoti parikkamanāya, micchākammantassa purisapuggalassa sammākammanto hoti parikkamanāya, micchāājīvassa purisapuggalassa sammāājīvo hoti parikkamanāya, micchāvāyāmassa purisapuggalassa sammāvāyāmo hoti parikkamanāya, micchāsatissa purisapuggalassa sammāsati hoti parikkamanāya, micchāsamādhissa purisapuggalassa sammāsamādhi hoti parikkamanāya, micchāñāṇissa purisapuggalassa sammāñāṇaṃ hoti parikkamanāya, micchāvimuttissa purisapuggalassa sammāvimutti hoti parikkamanāya.
‘‘т̇ийнамид̣̇д̇хабарияудтид̇асса бурисабуг̇г̇аласса виг̇ад̇ат̇инамид̣̇д̇хад̇аа ход̇и бариггаманааяа, уд̣̇д̇хад̇асса бурисабуг̇г̇аласса ануд̣̇д̇хажжам̣ ход̇и бариггаманааяа, вижигижчисса бурисабуг̇г̇аласса д̇ин̣н̣авижигижчад̇аа ход̇и бариггаманааяа, год̇ханасса бурисабуг̇г̇аласса аггод̇хо ход̇и бариггаманааяа, убанаахисса бурисабуг̇г̇аласса анубанаахо ход̇и бариггаманааяа, магкисса бурисабуг̇г̇аласса амагко ход̇и бариггаманааяа, бал̣аасисса бурисабуг̇г̇аласса абал̣аасо ход̇и бариггаманааяа , иссугисса бурисабуг̇г̇аласса аниссугид̇аа ход̇и бариггаманааяа, мажчарисса бурисабуг̇г̇аласса амажчарияам̣ ход̇и бариггаманааяа, сатасса бурисабуг̇г̇аласса асаатзяяам̣ ход̇и бариггаманааяа, мааяаависса бурисабуг̇г̇аласса амааяаа 13 ход̇и бариггаманааяа, т̇ад̣̇д̇хасса бурисабуг̇г̇аласса ад̇т̇ад̣̇д̇хияам̣ ход̇и бариггаманааяа, ад̇имаанисса бурисабуг̇г̇аласса анад̇имаано ход̇и бариггаманааяа, д̣̇уб̣б̣ажасса бурисабуг̇г̇аласса соважассад̇аа ход̇и бариггаманааяа, баабамид̇д̇асса бурисабуг̇г̇аласса галяаан̣амид̇д̇ад̇аа ход̇и бариггаманааяа, бамад̇д̇асса бурисабуг̇г̇аласса аббамаад̣̇о ход̇и бариггаманааяа, ассад̣̇д̇хасса бурисабуг̇г̇аласса сад̣̇д̇хаа ход̇и бариггаманааяа, ахиригасса бурисабуг̇г̇аласса хирий ход̇и бариггаманааяа, анод̇д̇аабисса бурисабуг̇г̇аласса од̇д̇аббам̣ ход̇и бариггаманааяа, аббассуд̇асса бурисабуг̇г̇аласса б̣аахусажжам̣ ход̇и бариггаманааяа, гусийд̇асса бурисабуг̇г̇аласса вийрияаарамбхо ход̇и бариггаманааяа, мудтассад̇исса бурисабуг̇г̇аласса убадтид̇ассад̇ид̇аа ход̇и бариггаманааяа, д̣̇уббан̃н̃асса бурисабуг̇г̇аласса бан̃н̃аасамбад̣̇аа ход̇и бариггаманааяа , санд̣̇идтибараамааси-аад̇хаанаг̇г̇аахи-д̣̇уббадиниссаг̇г̇исса бурисабуг̇г̇аласса асанд̣̇идтибараамаасианаад̇хаанаг̇г̇аахи-суббадиниссаг̇г̇ид̇аа ход̇и бариггаманааяа.
‘‘Thīnamiddhapariyuṭṭhitassa purisapuggalassa vigatathinamiddhatā hoti parikkamanāya, uddhatassa purisapuggalassa anuddhaccaṃ hoti parikkamanāya, vicikicchissa purisapuggalassa tiṇṇavicikicchatā hoti parikkamanāya, kodhanassa purisapuggalassa akkodho hoti parikkamanāya, upanāhissa purisapuggalassa anupanāho hoti parikkamanāya, makkhissa purisapuggalassa amakkho hoti parikkamanāya, paḷāsissa purisapuggalassa apaḷāso hoti parikkamanāya , issukissa purisapuggalassa anissukitā hoti parikkamanāya, maccharissa purisapuggalassa amacchariyaṃ hoti parikkamanāya, saṭhassa purisapuggalassa asāṭheyyaṃ hoti parikkamanāya, māyāvissa purisapuggalassa amāyā 14 hoti parikkamanāya, thaddhassa purisapuggalassa atthaddhiyaṃ hoti parikkamanāya, atimānissa purisapuggalassa anatimāno hoti parikkamanāya, dubbacassa purisapuggalassa sovacassatā hoti parikkamanāya, pāpamittassa purisapuggalassa kalyāṇamittatā hoti parikkamanāya, pamattassa purisapuggalassa appamādo hoti parikkamanāya, assaddhassa purisapuggalassa saddhā hoti parikkamanāya, ahirikassa purisapuggalassa hirī hoti parikkamanāya, anottāpissa purisapuggalassa ottappaṃ hoti parikkamanāya, appassutassa purisapuggalassa bāhusaccaṃ hoti parikkamanāya, kusītassa purisapuggalassa vīriyārambho hoti parikkamanāya, muṭṭhassatissa purisapuggalassa upaṭṭhitassatitā hoti parikkamanāya, duppaññassa purisapuggalassa paññāsampadā hoti parikkamanāya , sandiṭṭhiparāmāsi-ādhānaggāhi-duppaṭinissaggissa purisapuggalassa asandiṭṭhiparāmāsianādhānaggāhi-suppaṭinissaggitā hoti parikkamanāya.
86. ‘‘сзяяат̇ааби, жунд̣̇а, яз гзжи агусалаа д̇хаммаа саб̣б̣з д̇з ад̇хобхааг̇ан̇г̇аманийяаа 15, яз гзжи гусалаа д̇хаммаа саб̣б̣з д̇з убарибхааг̇ан̇г̇аманийяаа 16, звамзва ко, жунд̣̇а, вихим̣сагасса бурисабуг̇г̇аласса авихим̣саа ход̇и убарибхааг̇ааяа 17, баан̣аад̇ибаад̇исса бурисабуг̇г̇аласса баан̣аад̇ибаад̇аа взраман̣ий ход̇и убарибхааг̇ааяа…бз… санд̣̇идтибараамааси-аад̇хаанаг̇г̇аахи-д̣̇уббадиниссаг̇г̇исса бурисабуг̇г̇аласса асанд̣̇идтибараамааси-анаад̇хаанаг̇г̇аахи-суббадиниссаг̇г̇ид̇аа ход̇и убарибхааг̇ааяа.
86. ‘‘Seyyathāpi, cunda, ye keci akusalā dhammā sabbe te adhobhāgaṅgamanīyā 18, ye keci kusalā dhammā sabbe te uparibhāgaṅgamanīyā 19, evameva kho, cunda, vihiṃsakassa purisapuggalassa avihiṃsā hoti uparibhāgāya 20, pāṇātipātissa purisapuggalassa pāṇātipātā veramaṇī hoti uparibhāgāya…pe… sandiṭṭhiparāmāsi-ādhānaggāhi-duppaṭinissaggissa purisapuggalassa asandiṭṭhiparāmāsi-anādhānaggāhi-suppaṭinissaggitā hoti uparibhāgāya.
87. ‘‘со вад̇а, жунд̣̇а, ад̇д̇анаа балибабалибанно барам̣ балибабалибаннам̣ уд̣̇д̇хариссад̇ийд̇и нзд̇ам̣ таанам̣ виж̇ж̇ад̇и. со вад̇а, жунд̣̇а, ад̇д̇анаа абалибабалибанно барам̣ балибабалибаннам̣ уд̣̇д̇хариссад̇ийд̇и таанамзд̇ам̣ виж̇ж̇ад̇и. со вад̇а, жунд̣̇а, ад̇д̇анаа ад̣̇анд̇о авинийд̇о абариниб̣б̣уд̇о барам̣ д̣̇амзссад̇и винзссад̇и бариниб̣б̣аабзссад̇ийд̇и нзд̇ам̣ таанам̣ виж̇ж̇ад̇и. со вад̇а , жунд̣̇а, ад̇д̇анаа д̣̇анд̇о винийд̇о бариниб̣б̣уд̇о барам̣ д̣̇амзссад̇и винзссад̇и бариниб̣б̣аабзссад̇ийд̇и таанамзд̇ам̣ виж̇ж̇ад̇и. звамзва ко, жунд̣̇а, вихим̣сагасса бурисабуг̇г̇аласса авихим̣саа ход̇и бариниб̣б̣аанааяа, баан̣аад̇ибаад̇исса бурисабуг̇г̇аласса баан̣аад̇ибаад̇аа взраман̣ий ход̇и бариниб̣б̣аанааяа. ад̣̇иннаад̣̇ааяисса бурисабуг̇г̇аласса ад̣̇иннаад̣̇аанаа взраман̣ий ход̇и бариниб̣б̣аанааяа. аб̣рахмажаарисса бурисабуг̇г̇аласса аб̣рахмажарияаа взраман̣ий ход̇и бариниб̣б̣аанааяа. мусааваад̣̇исса бурисабуг̇г̇аласса мусааваад̣̇аа взраман̣ий ход̇и бариниб̣б̣аанааяа. бисун̣аваажасса бурисабуг̇г̇аласса бисун̣ааяа ваажааяа взраман̣ий ход̇и бариниб̣б̣аанааяа. парусаваажасса бурисабуг̇г̇аласса парусааяа ваажааяа взраман̣ий ход̇и бариниб̣б̣аанааяа. сампаббалаабисса бурисабуг̇г̇аласса сампаббалаабаа взраман̣ий ход̇и бариниб̣б̣аанааяа. абхиж̇жхаалусса бурисабуг̇г̇аласса анабхиж̇жхаа ход̇и бариниб̣б̣аанааяа. б̣яаабаннажид̇д̇асса бурисабуг̇г̇аласса аб̣яаабаад̣̇о ход̇и бариниб̣б̣аанааяа. мижчаад̣̇идтисса бурисабуг̇г̇аласса саммаад̣̇идти ход̇и бариниб̣б̣аанааяа. мижчаасан̇габбасса бурисабуг̇г̇аласса саммаасан̇габбо ход̇и бариниб̣б̣аанааяа. мижчааваажасса бурисабуг̇г̇аласса саммааваажаа ход̇и бариниб̣б̣аанааяа. мижчаагамманд̇асса бурисабуг̇г̇аласса саммаагамманд̇о ход̇и бариниб̣б̣аанааяа. мижчааааж̇ийвасса бурисабуг̇г̇аласса саммааааж̇ийво ход̇и бариниб̣б̣аанааяа. мижчаавааяаамасса бурисабуг̇г̇аласса саммаавааяаамо ход̇и бариниб̣б̣аанааяа. мижчаасад̇исса бурисабуг̇г̇аласса саммаасад̇и ход̇и бариниб̣б̣аанааяа. мижчаасамаад̇хисса бурисабуг̇г̇аласса саммаасамаад̇хи ход̇и бариниб̣б̣аанааяа. мижчаан̃аан̣исса бурисабуг̇г̇аласса саммаан̃аан̣ам̣ ход̇и бариниб̣б̣аанааяа. мижчаавимуд̇д̇исса бурисабуг̇г̇аласса саммаавимуд̇д̇и ход̇и бариниб̣б̣аанааяа.
87. ‘‘So vata, cunda, attanā palipapalipanno paraṃ palipapalipannaṃ uddharissatīti netaṃ ṭhānaṃ vijjati. So vata, cunda, attanā apalipapalipanno paraṃ palipapalipannaṃ uddharissatīti ṭhānametaṃ vijjati. So vata, cunda, attanā adanto avinīto aparinibbuto paraṃ damessati vinessati parinibbāpessatīti netaṃ ṭhānaṃ vijjati. So vata , cunda, attanā danto vinīto parinibbuto paraṃ damessati vinessati parinibbāpessatīti ṭhānametaṃ vijjati. Evameva kho, cunda, vihiṃsakassa purisapuggalassa avihiṃsā hoti parinibbānāya, pāṇātipātissa purisapuggalassa pāṇātipātā veramaṇī hoti parinibbānāya. Adinnādāyissa purisapuggalassa adinnādānā veramaṇī hoti parinibbānāya. Abrahmacārissa purisapuggalassa abrahmacariyā veramaṇī hoti parinibbānāya. Musāvādissa purisapuggalassa musāvādā veramaṇī hoti parinibbānāya. Pisuṇavācassa purisapuggalassa pisuṇāya vācāya veramaṇī hoti parinibbānāya. Pharusavācassa purisapuggalassa pharusāya vācāya veramaṇī hoti parinibbānāya. Samphappalāpissa purisapuggalassa samphappalāpā veramaṇī hoti parinibbānāya. Abhijjhālussa purisapuggalassa anabhijjhā hoti parinibbānāya. Byāpannacittassa purisapuggalassa abyāpādo hoti parinibbānāya. Micchādiṭṭhissa purisapuggalassa sammādiṭṭhi hoti parinibbānāya. Micchāsaṅkappassa purisapuggalassa sammāsaṅkappo hoti parinibbānāya. Micchāvācassa purisapuggalassa sammāvācā hoti parinibbānāya. Micchākammantassa purisapuggalassa sammākammanto hoti parinibbānāya. Micchāājīvassa purisapuggalassa sammāājīvo hoti parinibbānāya. Micchāvāyāmassa purisapuggalassa sammāvāyāmo hoti parinibbānāya. Micchāsatissa purisapuggalassa sammāsati hoti parinibbānāya. Micchāsamādhissa purisapuggalassa sammāsamādhi hoti parinibbānāya. Micchāñāṇissa purisapuggalassa sammāñāṇaṃ hoti parinibbānāya. Micchāvimuttissa purisapuggalassa sammāvimutti hoti parinibbānāya.
‘‘т̇ийнамид̣̇д̇хабарияудтид̇асса бурисабуг̇г̇аласса виг̇ад̇ат̇инамид̣̇д̇хад̇аа ход̇и бариниб̣б̣аанааяа. уд̣̇д̇хад̇асса бурисабуг̇г̇аласса ануд̣̇д̇хажжам̣ ход̇и бариниб̣б̣аанааяа. вижигижчисса бурисабуг̇г̇аласса д̇ин̣н̣авижигижчад̇аа ход̇и бариниб̣б̣аанааяа. год̇ханасса бурисабуг̇г̇аласса аггод̇хо ход̇и бариниб̣б̣аанааяа. убанаахисса бурисабуг̇г̇аласса анубанаахо ход̇и бариниб̣б̣аанааяа. магкисса бурисабуг̇г̇аласса амагко ход̇и бариниб̣б̣аанааяа. бал̣аасисса бурисабуг̇г̇аласса абал̣аасо ход̇и бариниб̣б̣аанааяа. иссугисса бурисабуг̇г̇аласса аниссугид̇аа ход̇и бариниб̣б̣аанааяа. мажчарисса бурисабуг̇г̇аласса амажчарияам̣ ход̇и бариниб̣б̣аанааяа. сатасса бурисабуг̇г̇аласса асаатзяяам̣ ход̇и бариниб̣б̣аанааяа. мааяаависса бурисабуг̇г̇аласса амааяаа ход̇и бариниб̣б̣аанааяа. т̇ад̣̇д̇хасса бурисабуг̇г̇аласса ад̇т̇ад̣̇д̇хияам̣ ход̇и бариниб̣б̣аанааяа. ад̇имаанисса бурисабуг̇г̇аласса анад̇имаано ход̇и бариниб̣б̣аанааяа. д̣̇уб̣б̣ажасса бурисабуг̇г̇аласса соважассад̇аа ход̇и бариниб̣б̣аанааяа. баабамид̇д̇асса бурисабуг̇г̇аласса галяаан̣амид̇д̇ад̇аа ход̇и бариниб̣б̣аанааяа. бамад̇д̇асса бурисабуг̇г̇аласса аббамаад̣̇о ход̇и бариниб̣б̣аанааяа. ассад̣̇д̇хасса бурисабуг̇г̇аласса сад̣̇д̇хаа ход̇и бариниб̣б̣аанааяа. ахиригасса бурисабуг̇г̇аласса хирий ход̇и бариниб̣б̣аанааяа. анод̇д̇аабисса бурисабуг̇г̇аласса од̇д̇аббам̣ ход̇и бариниб̣б̣аанааяа. аббассуд̇асса бурисабуг̇г̇аласса б̣аахусажжам̣ ход̇и бариниб̣б̣аанааяа. гусийд̇асса бурисабуг̇г̇аласса вийрияаарамбхо ход̇и бариниб̣б̣аанааяа. мудтассад̇исса бурисабуг̇г̇аласса убадтид̇ассад̇ид̇аа ход̇и бариниб̣б̣аанааяа. д̣̇уббан̃н̃асса бурисабуг̇г̇аласса бан̃н̃аасамбад̣̇аа ход̇и бариниб̣б̣аанааяа. санд̣̇идтибараамааси-аад̇хаанаг̇г̇аахи-д̣̇уббадиниссаг̇г̇исса бурисабуг̇г̇аласса асанд̣̇идтибараамааси-анаад̇хаанаг̇г̇аахи-суббадиниссаг̇г̇ид̇аа ход̇и бариниб̣б̣аанааяа.
‘‘Thīnamiddhapariyuṭṭhitassa purisapuggalassa vigatathinamiddhatā hoti parinibbānāya. Uddhatassa purisapuggalassa anuddhaccaṃ hoti parinibbānāya. Vicikicchissa purisapuggalassa tiṇṇavicikicchatā hoti parinibbānāya. Kodhanassa purisapuggalassa akkodho hoti parinibbānāya. Upanāhissa purisapuggalassa anupanāho hoti parinibbānāya. Makkhissa purisapuggalassa amakkho hoti parinibbānāya. Paḷāsissa purisapuggalassa apaḷāso hoti parinibbānāya. Issukissa purisapuggalassa anissukitā hoti parinibbānāya. Maccharissa purisapuggalassa amacchariyaṃ hoti parinibbānāya. Saṭhassa purisapuggalassa asāṭheyyaṃ hoti parinibbānāya. Māyāvissa purisapuggalassa amāyā hoti parinibbānāya. Thaddhassa purisapuggalassa atthaddhiyaṃ hoti parinibbānāya. Atimānissa purisapuggalassa anatimāno hoti parinibbānāya. Dubbacassa purisapuggalassa sovacassatā hoti parinibbānāya. Pāpamittassa purisapuggalassa kalyāṇamittatā hoti parinibbānāya. Pamattassa purisapuggalassa appamādo hoti parinibbānāya. Assaddhassa purisapuggalassa saddhā hoti parinibbānāya. Ahirikassa purisapuggalassa hirī hoti parinibbānāya. Anottāpissa purisapuggalassa ottappaṃ hoti parinibbānāya. Appassutassa purisapuggalassa bāhusaccaṃ hoti parinibbānāya. Kusītassa purisapuggalassa vīriyārambho hoti parinibbānāya. Muṭṭhassatissa purisapuggalassa upaṭṭhitassatitā hoti parinibbānāya. Duppaññassa purisapuggalassa paññāsampadā hoti parinibbānāya. Sandiṭṭhiparāmāsi-ādhānaggāhi-duppaṭinissaggissa purisapuggalassa asandiṭṭhiparāmāsi-anādhānaggāhi-suppaṭinissaggitā hoti parinibbānāya.
88. ‘‘ид̇и ко, жунд̣̇а, д̣̇зсид̇о маяаа саллзкабарияааяо, д̣̇зсид̇о жид̇д̇уббаад̣̇абарияааяо, д̣̇зсид̇о бариггаманабарияааяо, д̣̇зсид̇о убарибхааг̇абарияааяо, д̣̇зсид̇о бариниб̣б̣аанабарияааяо. яам̣ ко, жунд̣̇а, сад̇т̇аараа гаран̣ийяам̣ саавагаанам̣ хид̇зсинаа анугамбагзна анугамбам̣ убаад̣̇ааяа, гад̇ам̣ во д̇ам̣ маяаа. ‘зд̇аани, жунд̣̇а, ругкамуулаани, зд̇аани сун̃н̃ааг̇аараани, жхааяат̇а, жунд̣̇а, маа бамаад̣̇ад̇т̇а, маа бажчаавиббадисаарино ахувад̇т̇а’ – аяам̣ ко амхаагам̣ анусаасаний’’д̇и.
88. ‘‘Iti kho, cunda, desito mayā sallekhapariyāyo, desito cittuppādapariyāyo, desito parikkamanapariyāyo, desito uparibhāgapariyāyo, desito parinibbānapariyāyo. Yaṃ kho, cunda, satthārā karaṇīyaṃ sāvakānaṃ hitesinā anukampakena anukampaṃ upādāya, kataṃ vo taṃ mayā. ‘Etāni, cunda, rukkhamūlāni, etāni suññāgārāni, jhāyatha, cunda, mā pamādattha, mā pacchāvippaṭisārino ahuvattha’ – ayaṃ kho amhākaṃ anusāsanī’’ti.
ид̣̇амавожа бхаг̇аваа. ад̇д̇амано ааяасмаа махаажунд̣̇о бхаг̇авад̇о бхаасид̇ам̣ абхинанд̣̇ийд̇и.
Idamavoca bhagavā. Attamano āyasmā mahācundo bhagavato bhāsitaṃ abhinandīti.
жад̇уд̇д̇аалийсабад̣̇аа вуд̇д̇аа, санд̇хаяо бан̃жа д̣̇зсид̇аа;
Catuttālīsapadā vuttā, sandhayo pañca desitā;
саллзко наама суд̇д̇анд̇о, г̇амбхийро сааг̇аруубамод̇и.
Sallekho nāma suttanto, gambhīro sāgarūpamoti.
саллзкасуд̇д̇ам̣ нидтид̇ам̣ адтамам̣.
Sallekhasuttaṃ niṭṭhitaṃ aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 8. саллзкасуд̇д̇аван̣н̣анаа • 8. Sallekhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 8. саллзкасуд̇д̇аван̣н̣анаа • 8. Sallekhasuttavaṇṇanā
