| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
8. саллзкасуд̇д̇аван̣н̣анаа
8. Sallekhasuttavaṇṇanā
81. звам̣ мз суд̇анд̇и саллзкасуд̇д̇ам̣. д̇ад̇т̇а махаажунд̣̇од̇и д̇асса т̇зрасса наамам̣. сааяанхасамаяанд̇и сааяанхагаалз. бадисаллаанаа вудтид̇од̇и зд̇т̇а бадисаллаананд̇и д̇зхи д̇зхи сад̇д̇асан̇каарзхи бадинивад̇д̇ид̇ваа саллаанам̣ нилийяанам̣, згийбхааво бавивзгод̇и вуд̇д̇ам̣ ход̇и. яо д̇ад̇о вудтид̇о, со бадисаллаанаа вудтид̇о наама ход̇и. аяам̣ бана яасмаа бадисаллаанаанам̣ уд̇д̇амад̇о паласамаабад̇д̇ид̇о вудтааси, д̇асмаа ‘‘бадисаллаанаа вудтид̇о’’д̇и вуд̇д̇о. бхаг̇аванд̇ам̣ абхиваад̣̇зд̇ваад̇и самад̣̇асанакуж̇ж̇алавибхуусид̇зна сирасаа бхаг̇аванд̇ам̣ саггажжам̣ ванд̣̇ид̇ваа, абхиваад̣̇аабзд̇ваа ваа ‘‘сукий бхава, жунд̣̇аа’’д̇и звам̣ важийбхзд̣̇ам̣ гаараабзд̇ваа, бхаг̇аваа бана гира ванд̣̇ид̇о самаано суван̣н̣ад̣̇унд̣̇убхисад̣̇исам̣ г̇ийвам̣ баг̇г̇аяха ган̣н̣асукам̣ бзманияам̣ амад̇аабхисзгасад̣̇исам̣ б̣рахмагхосам̣ нижчаарзнд̇о ‘‘сукий хохий’’д̇и д̇асса д̇асса наамам̣ г̇ахзд̇ваа вад̣̇ад̇и, зд̇ам̣ аажин̣н̣ам̣ д̇ат̇ааг̇ад̇аанам̣. д̇ад̇рид̣̇ам̣ саад̇хагасуд̇д̇ам̣, ‘‘сагго, бханд̇з, д̣̇зваанаминд̣̇о саамажжо сабариж̇ано бхаг̇авад̇о баад̣̇з сирасаа ванд̣̇ад̇ийд̇и, сукий ход̇у бан̃жасика сагго д̣̇зваанаминд̣̇о саамажжо сабариж̇ано, сукагаамаа хи д̣̇зваа мануссаа асураа нааг̇аа г̇анд̇хаб̣б̣аа, яз жан̃н̃з санд̇и бут̇угааяаа’’д̇и. зван̃жа бана д̇ат̇ааг̇ад̇аа зваруубз махзсагкз яагкз абхивад̣̇анд̇ийд̇и.
81.Evaṃme sutanti sallekhasuttaṃ. Tattha mahācundoti tassa therassa nāmaṃ. Sāyanhasamayanti sāyanhakāle. Paṭisallānā vuṭṭhitoti ettha paṭisallānanti tehi tehi sattasaṅkhārehi paṭinivattitvā sallānaṃ nilīyanaṃ, ekībhāvo pavivekoti vuttaṃ hoti. Yo tato vuṭṭhito, so paṭisallānā vuṭṭhito nāma hoti. Ayaṃ pana yasmā paṭisallānānaṃ uttamato phalasamāpattito vuṭṭhāsi, tasmā ‘‘paṭisallānā vuṭṭhito’’ti vutto. Bhagavantaṃ abhivādetvāti samadasanakhujjalavibhūsitena sirasā bhagavantaṃ sakkaccaṃ vanditvā, abhivādāpetvā vā ‘‘sukhī bhava, cundā’’ti evaṃ vacībhedaṃ kārāpetvā, bhagavā pana kira vandito samāno suvaṇṇadundubhisadisaṃ gīvaṃ paggayha kaṇṇasukhaṃ pemaniyaṃ amatābhisekasadisaṃ brahmaghosaṃ nicchārento ‘‘sukhī hohī’’ti tassa tassa nāmaṃ gahetvā vadati, etaṃ āciṇṇaṃ tathāgatānaṃ. Tatridaṃ sādhakasuttaṃ, ‘‘sakko, bhante, devānamindo sāmacco saparijano bhagavato pāde sirasā vandatīti, sukhī hotu pañcasikha sakko devānamindo sāmacco saparijano, sukhakāmā hi devā manussā asurā nāgā gandhabbā, ye caññe santi puthukāyā’’ti. Evañca pana tathāgatā evarūpe mahesakkhe yakkhe abhivadantīti.
яаа имаад̇и ид̣̇аани вад̇д̇аб̣б̣аабхимукам̣ гаронд̇о вияа ааха. анзгавихид̇аад̇и наанаббагаараа. д̣̇идтияод̇и мижчаад̣̇идтияо . логз уббаж̇ж̇анд̇ийд̇и сад̇д̇зсу баад̇убхаванд̇и. ад̇д̇аваад̣̇аббадисам̣яуд̇д̇аад̇и ‘‘руубам̣ ад̇д̇ад̇о саманубассад̇ий’’д̇иаад̣̇инаяаббавад̇д̇зна ад̇д̇аваад̣̇зна бадисам̣яуд̇д̇аа, д̇аа вийсад̇и бхаванд̇и. логаваад̣̇аббадисам̣яуд̇д̇аад̇и ‘‘сассад̇о ад̇д̇аа жа лого жаа’’д̇иаад̣̇инаяаббавад̇д̇зна логаваад̣̇зна бадисам̣яуд̇д̇аа, д̇аа адта хонд̇и сассад̇о, асассад̇о, сассад̇о жа асассад̇о жа, нзва сассад̇о наасассад̇о, анд̇аваа, ананд̇аваа, анд̇аваа жа ананд̇аваа жа, нзванд̇аваа наананд̇аваа ад̇д̇аа жа лого жаад̇и звам̣ бавад̇д̇ад̇д̇аа.
Yā imāti idāni vattabbābhimukhaṃ karonto viya āha. Anekavihitāti nānappakārā. Diṭṭhiyoti micchādiṭṭhiyo . Loke uppajjantīti sattesu pātubhavanti. Attavādappaṭisaṃyuttāti ‘‘rūpaṃ attato samanupassatī’’tiādinayappavattena attavādena paṭisaṃyuttā, tā vīsati bhavanti. Lokavādappaṭisaṃyuttāti ‘‘sassato attā ca loko cā’’tiādinayappavattena lokavādena paṭisaṃyuttā, tā aṭṭha honti sassato, asassato, sassato ca asassato ca, neva sassato nāsassato, antavā, anantavā, antavā ca anantavā ca, nevantavā nānantavā attā ca loko cāti evaṃ pavattattā.
аад̣̇имзваад̇иаад̣̇ийсу аяамад̇т̇о гим̣ ну ко бханд̇з аад̣̇имзва манасигаронд̇асса аббад̇вааби сод̇аабад̇д̇имаг̇г̇ам̣ вибассанаамиссагабатамаманасигаарамзва манасигаронд̇асса бхигкуно звамзд̇аасам̣ зд̇д̇агзнзва убааязна зд̇аасам̣ д̣̇идтийнам̣ бахаанан̃жа бадиниссаг̇г̇о жа ход̇ийд̇и. ид̣̇ан̃жа т̇зро ад̇д̇анаа анад̇химаанигоби самаано ад̇химаанигаанам̣ ад̇химаанаббахаанад̇т̇ам̣ ад̇химааниго вияа худ̇ваа бужчад̇ийд̇и взд̣̇ид̇аб̣б̣о. абарз банааху ‘‘т̇зрасса анд̇зваасигаа аад̣̇иманасигаарзнзва д̣̇идтийнам̣ самужчзд̣̇аббахаанам̣ ход̇ийд̇и звам̣сан̃н̃иноби, самаабад̇д̇ивихаараа саллзкавихаараад̇и звам̣сан̃н̃иноби ад̇т̇и. со д̇зсам̣ ад̇т̇ааяа бхаг̇аванд̇ам̣ бужчад̇ий’’д̇и.
Ādimevātiādīsu ayamattho kiṃ nu kho bhante ādimeva manasikarontassa appatvāpi sotāpattimaggaṃ vipassanāmissakapaṭhamamanasikārameva manasikarontassa bhikkhuno evametāsaṃ ettakeneva upāyena etāsaṃ diṭṭhīnaṃ pahānañca paṭinissaggo ca hotīti. Idañca thero attanā anadhimānikopi samāno adhimānikānaṃ adhimānappahānatthaṃ adhimāniko viya hutvā pucchatīti veditabbo. Apare panāhu ‘‘therassa antevāsikā ādimanasikāreneva diṭṭhīnaṃ samucchedappahānaṃ hotīti evaṃsaññinopi, samāpattivihārā sallekhavihārāti evaṃsaññinopi atthi. So tesaṃ atthāya bhagavantaṃ pucchatī’’ti.
82. ат̇асса бхаг̇аваа д̇аасам̣ д̣̇идтийнам̣ бахаануубааяам̣ д̣̇ассзнд̇о яаа имаад̇иаад̣̇имааха. д̇ад̇т̇а яад̇т̇а жзд̇аа д̣̇идтияо уббаж̇ж̇анд̇ийд̇иаад̣̇и бан̃жагканд̇хз санд̇хааяа вуд̇д̇ам̣. зд̇зсу хи зд̇аа д̣̇идтияо уббаж̇ж̇анд̇и. яат̇ааха ‘‘руубз ко, бхигкавз, сад̇и руубам̣ абхинивисса звам̣ д̣̇идти уббаж̇ж̇ад̇и, со ад̇д̇аа со лого со бзжжа бхависсаами нижжо д̇хуво сассад̇о авибарин̣аамад̇хаммо’’д̇и (сам̣. ни. 3.152) вид̇т̇ааро. аарамман̣авасзна бана згаважанам̣ гад̇ваа яад̇т̇а жаад̇и ааха, яасмим̣ аарамман̣з уббаж̇ж̇анд̇ийд̇и вуд̇д̇ам̣ ход̇и. зд̇т̇а жа уббаж̇ж̇анд̇и анусзнд̇и самуд̣̇аажаранд̇ийд̇и имзсам̣ звам̣ наанаагаран̣ам̣ взд̣̇ид̇аб̣б̣ам̣. ж̇аад̇ивасзна хи аж̇аад̇аа ж̇ааяамаанаа уббаж̇ж̇анд̇ийд̇и вужжанд̇и. бунаббунам̣ аасзвид̇аа т̇аамаг̇ад̇аа аббадивинийд̇аа анусзнд̇ийд̇и. гааяаважийд̣̇ваарам̣ самбад̇д̇аа самуд̣̇аажаранд̇ийд̇и, ид̣̇амзд̇зсам̣ наанаагаран̣ам̣. д̇ам̣ нзд̇ам̣ мамаад̇иаад̣̇ийсу д̇ам̣ бан̃жагканд̇хаббабхзд̣̇ам̣ аарамман̣амзд̇ам̣ маяхам̣ на ход̇и, ахамби зсо на асми, зсо мз ад̇д̇ааби на ход̇ийд̇и звамзд̇ам̣ яат̇аабхууд̇ам̣ саммаббан̃н̃ааяа бассад̇од̇и звам̣ д̇аава бад̣̇ад̇т̇о взд̣̇ид̇аб̣б̣о.
82. Athassa bhagavā tāsaṃ diṭṭhīnaṃ pahānūpāyaṃ dassento yā imātiādimāha. Tattha yattha cetā diṭṭhiyo uppajjantītiādi pañcakkhandhe sandhāya vuttaṃ. Etesu hi etā diṭṭhiyo uppajjanti. Yathāha ‘‘rūpe kho, bhikkhave, sati rūpaṃ abhinivissa evaṃ diṭṭhi uppajjati, so attā so loko so pecca bhavissāmi nicco dhuvo sassato avipariṇāmadhammo’’ti (saṃ. ni. 3.152) vitthāro. Ārammaṇavasena pana ekavacanaṃ katvā yattha cāti āha, yasmiṃ ārammaṇe uppajjantīti vuttaṃ hoti. Ettha ca uppajjanti anusenti samudācarantīti imesaṃ evaṃ nānākaraṇaṃ veditabbaṃ. Jātivasena hi ajātā jāyamānā uppajjantīti vuccanti. Punappunaṃ āsevitā thāmagatā appaṭivinītā anusentīti. Kāyavacīdvāraṃ sampattā samudācarantīti, idametesaṃ nānākaraṇaṃ. Taṃ netaṃ mamātiādīsu taṃ pañcakkhandhappabhedaṃ ārammaṇametaṃ mayhaṃ na hoti, ahampi eso na asmi, eso me attāpi na hotīti evametaṃ yathābhūtaṃ sammappaññāya passatoti evaṃ tāva padattho veditabbo.
яасмаа бана зд̇т̇а зд̇ам̣ мамаад̇и д̇ан̣хааг̇аахо, д̇ан̃жа г̇ан̣ханд̇о адтасад̇ад̇ан̣хаавижарид̇аббабхзд̣̇ам̣ д̇ан̣хаабабан̃жам̣ г̇ан̣хаад̇и. зсохамасмийд̇и маанаг̇аахо, д̇ан̃жа г̇ан̣ханд̇о наваббабхзд̣̇ам̣ маанабабан̃жам̣ г̇ан̣хаад̇и. зсо мз ад̇д̇аад̇и д̣̇идтиг̇аахо, д̇ан̃жа г̇ан̣ханд̇о д̣̇ваасадтид̣̇идтиг̇ад̇аббабхзд̣̇ам̣ д̣̇идтибабан̃жам̣ г̇ан̣хаад̇и. д̇асмаа нзд̇ам̣ мамаад̇и вад̣̇анд̇о бхаг̇аваа яат̇аавуд̇д̇аббабхзд̣̇ам̣ д̇ан̣хаабабан̃жам̣ бадигкибад̇и. нзсохамасмийд̇и маанабабан̃жам̣. на мзсо ад̇д̇аад̇и д̣̇идтибабан̃жам̣. д̣̇идтзгадтааязва жзд̇т̇а д̇ан̣хаамаанаа взд̣̇ид̇аб̣б̣аа. звамзд̇анд̇и звам̣ ‘‘нзд̇ам̣ мамаа’’д̇иаад̣̇инаа аагаарзна зд̇ам̣ канд̇хабан̃жагам̣. яат̇аабхууд̇анд̇и яат̇аа сабхаавам̣, яат̇аа ад̇т̇ийд̇и вуд̇д̇ам̣ ход̇и. канд̇хабан̃жаган̃хи зд̇знзва аагаарзна ад̇т̇и. маманд̇иаад̣̇инаа бана г̇аяхамаанамби д̇знаагаарзна нзвад̇т̇ийд̇и ад̇хиббааяо. саммаббан̃н̃ааяа бассад̇од̇и сод̇аабад̇д̇имаг̇г̇абан̃н̃аабарияосаанааяа вибассанаабан̃н̃ааяа судту бассанд̇асса. звамзд̇аасанд̇и зд̇зна убааязна зд̇аасам̣. бахаанам̣ бадиниссаг̇г̇од̇и убхаяамбзд̇ам̣ самужчзд̣̇аббахаанассзваад̇хиважанам̣.
Yasmā pana ettha etaṃ mamāti taṇhāgāho, tañca gaṇhanto aṭṭhasatataṇhāvicaritappabhedaṃ taṇhāpapañcaṃ gaṇhāti. Esohamasmīti mānagāho, tañca gaṇhanto navappabhedaṃ mānapapañcaṃ gaṇhāti. Eso me attāti diṭṭhigāho, tañca gaṇhanto dvāsaṭṭhidiṭṭhigatappabhedaṃ diṭṭhipapañcaṃ gaṇhāti. Tasmā netaṃ mamāti vadanto bhagavā yathāvuttappabhedaṃ taṇhāpapañcaṃ paṭikkhipati. Nesohamasmīti mānapapañcaṃ. Na meso attāti diṭṭhipapañcaṃ. Diṭṭhekaṭṭhāyeva cettha taṇhāmānā veditabbā. Evametanti evaṃ ‘‘netaṃ mamā’’tiādinā ākārena etaṃ khandhapañcakaṃ. Yathābhūtanti yathā sabhāvaṃ, yathā atthīti vuttaṃ hoti. Khandhapañcakañhi eteneva ākārena atthi. Mamantiādinā pana gayhamānampi tenākārena nevatthīti adhippāyo. Sammappaññāya passatoti sotāpattimaggapaññāpariyosānāya vipassanāpaññāya suṭṭhu passantassa. Evametāsanti etena upāyena etāsaṃ. Pahānaṃ paṭinissaggoti ubhayampetaṃ samucchedappahānassevādhivacanaṃ.
звам̣ бхаг̇аваа аад̣̇иманасигаарзнзва д̣̇идтийнам̣ бахаанам̣ ход̇и ну ко нод̇и ааяасмад̇аа махаажунд̣̇зна ад̇химаанигаанам̣ васзна бан̃хам̣ будто сод̇аабад̇д̇имаг̇г̇зна д̣̇идтиббахаанам̣ д̣̇ассзд̇ваа ид̣̇аани саяамзва ад̇химаанигаанам̣ жхаанам̣ вибхаж̇анд̇о таанам̣ ко банзд̇анд̇иаад̣̇имааха. д̇ад̇т̇а ад̇химаанигаа наама язсам̣ аббад̇д̇з бад̇д̇асан̃н̃ааяа ад̇химаано уббаж̇ж̇ад̇и, свааяам̣ уббаж̇ж̇амаано нзва логаваддаанусаарийнам̣ б̣аалабут̇уж̇ж̇анаанам̣ уббаж̇ж̇ад̇и, на арияасаавагаанам̣. на хи сод̇аабаннасса ‘‘сагад̣̇ааг̇аамий аха’’нд̇и ад̇химаано уббаж̇ж̇ад̇и, на сагад̣̇ааг̇аамисса ‘‘анааг̇аамий аха’’нд̇и, на анааг̇аамино ‘‘арахаа аха’’нд̇и, гаарагассзва бана самат̇авасзна ваа вибассанаавасзна ваа вигкамбхид̇агилзсасса нижжам̣ яуд̇д̇абаяуд̇д̇асса аарад̣̇д̇хавибассагасса уббаж̇ж̇ад̇и. д̇асса хи самат̇авигкамбхид̇аанам̣ ваа вибассанаавигкамбхид̇аанам̣ ваа гилзсаанам̣ самуд̣̇аажаарам̣ абассад̇о ‘‘сод̇аабанно аханд̇и ваа, сагад̣̇ааг̇аамий, анааг̇аамий , арахаа аха’’нд̇и ваа ад̇химаано уббаж̇ж̇ад̇и, д̇алан̇г̇арад̇иссабаб̣б̣ад̇аваасид̇хаммад̣̇иннад̇т̇зрзна оваад̣̇ияамаанад̇т̇зраанам̣ вияа.
Evaṃ bhagavā ādimanasikāreneva diṭṭhīnaṃ pahānaṃ hoti nu kho noti āyasmatā mahācundena adhimānikānaṃ vasena pañhaṃ puṭṭho sotāpattimaggena diṭṭhippahānaṃ dassetvā idāni sayameva adhimānikānaṃ jhānaṃ vibhajanto ṭhānaṃ kho panetantiādimāha. Tattha adhimānikā nāma yesaṃ appatte pattasaññāya adhimāno uppajjati, svāyaṃ uppajjamāno neva lokavaṭṭānusārīnaṃ bālaputhujjanānaṃ uppajjati, na ariyasāvakānaṃ. Na hi sotāpannassa ‘‘sakadāgāmī aha’’nti adhimāno uppajjati, na sakadāgāmissa ‘‘anāgāmī aha’’nti, na anāgāmino ‘‘arahā aha’’nti, kārakasseva pana samathavasena vā vipassanāvasena vā vikkhambhitakilesassa niccaṃ yuttapayuttassa āraddhavipassakassa uppajjati. Tassa hi samathavikkhambhitānaṃ vā vipassanāvikkhambhitānaṃ vā kilesānaṃ samudācāraṃ apassato ‘‘sotāpanno ahanti vā, sakadāgāmī, anāgāmī , arahā aha’’nti vā adhimāno uppajjati, talaṅgaratissapabbatavāsidhammadinnattherena ovādiyamānattherānaṃ viya.
т̇зрасса гира ажируубасамбаннассзва оваад̣̇з тад̇ваа б̣ахуу бхигкуу висзсам̣ ад̇хиг̇ажчим̣су. д̇ам̣ бавад̇д̇им̣ суд̇ваа д̇иссамахаавихаараваасий бхигкусан̇гхо ‘‘на адтаананияож̇аго т̇зрод̇и т̇зрам̣ аанзт̇аа’’д̇и самб̣ахулз бхигкуу баахзси. д̇з г̇анд̇ваа, ‘‘аавусо, д̇хаммад̣̇инна бхигкусан̇гхо д̇ам̣ баггосаабзд̇ий’’д̇и аахам̣су. со ааха ‘‘гим̣ бана д̇умхз, бханд̇з, ад̇д̇аанам̣ г̇авзсат̇а бара’’нд̇и? ад̇д̇аанам̣ саббурисаад̇и, со д̇зсам̣ гаммадтаанамад̣̇ааси, саб̣б̣зва арахад̇д̇ам̣ баабун̣им̣су. бхигкусан̇гхо буна ан̃н̃з бхигкуу баахзси, звам̣ яаавад̇ад̇ияам̣ бахид̇аа саб̣б̣зби д̇ад̇т̇зва арахад̇д̇ам̣ бад̇ваа вихарим̣су.
Therassa kira acirūpasampannasseva ovāde ṭhatvā bahū bhikkhū visesaṃ adhigacchiṃsu. Taṃ pavattiṃ sutvā tissamahāvihāravāsī bhikkhusaṅgho ‘‘na aṭṭhānaniyojako theroti theraṃ ānethā’’ti sambahule bhikkhū pāhesi. Te gantvā, ‘‘āvuso, dhammadinna bhikkhusaṅgho taṃ pakkosāpetī’’ti āhaṃsu. So āha ‘‘kiṃ pana tumhe, bhante, attānaṃ gavesatha para’’nti? Attānaṃ sappurisāti, so tesaṃ kammaṭṭhānamadāsi, sabbeva arahattaṃ pāpuṇiṃsu. Bhikkhusaṅgho puna aññe bhikkhū pāhesi, evaṃ yāvatatiyaṃ pahitā sabbepi tattheva arahattaṃ patvā vihariṃsu.
д̇ад̇о сан̇гхо г̇ад̇аг̇ад̇аа нааг̇ажчанд̇ийд̇и ан̃н̃ад̇арам̣ вуд̣дхабаб̣б̣аж̇ид̇ам̣ баахзси. со г̇анд̇ваа жа, ‘‘бханд̇з, д̇хаммад̣̇инна д̇игкад̇д̇ум̣ д̇иссамахаавихаараваасий бхигкусан̇гхо д̇уяхам̣ санд̇игз бзсзси, д̇вам̣ наама сан̇гхасса аан̣ам̣ г̇арум̣ на гароси, нааг̇ажчасий’’д̇и ааха. т̇зро гимзд̇анд̇и бан̣н̣асаалам̣ аббависид̇ваава бад̇д̇ажийварам̣ г̇аахаабзд̇ваа д̇аавад̣̇зва нигками, со анд̇араамаг̇г̇з хан̇ганавихаарам̣ баависи. д̇ад̇т̇а жзго махаат̇зро садтивассаад̇ийд̇о ад̇химаанзна арахад̇д̇ам̣ бадиж̇аанаад̇и. т̇зро д̇ам̣ убасан̇гамид̇ваа ванд̣̇ид̇ваа бадисант̇аарам̣ гад̇ваа ад̇хиг̇амам̣ бужчи. т̇зро ааха ‘‘аама д̇хаммад̣̇инна, яам̣ баб̣б̣аж̇ид̇зна гаад̇аб̣б̣ам̣, жирагад̇ам̣ д̇ам̣ маяаа, ад̇ийд̇асадтивассомхи зд̇арахий’’д̇и. гим̣, бханд̇з, ид̣̇д̇химби вал̣ан̃ж̇зт̇аад̇и. аама д̇хаммад̣̇иннаад̇и. саад̇ху вад̇а, бханд̇з, хад̇т̇им̣ д̇умхаагам̣ бадимукам̣ ааг̇ажчанд̇ам̣ маабзт̇аад̇и. саад̇хаавусод̇и т̇зро саб̣б̣асзд̇ам̣ сад̇д̇аббад̇идтам̣ д̇ид̇хаабабхиннам̣ нан̇г̇удтам̣ б̣ийж̇аяамаанам̣ сон̣д̣ам̣ мукз багкибид̇ваа д̣̇вийхи д̣̇анд̇зхи виж̇жхид̇угаамам̣ вияа бадимукам̣ ааг̇ажчанд̇ам̣ махаахад̇т̇им̣ маабзси. со д̇ам̣ ад̇д̇анааязва маабид̇ам̣ хад̇т̇им̣ д̣̇исваа бхийд̇о балааяид̇ум̣ аарабхи. д̇ад̣̇аава ад̇д̇аанам̣ ‘‘наахам̣ арахаа’’д̇и н̃ад̇ваа д̇хаммад̣̇иннасса баад̣̇амуулз уггудигам̣ нисийд̣̇ид̇ваа ‘‘бад̇идтаа мз хохи, аавусо’’д̇и ааха. д̇хаммад̣̇инно ‘‘маа, бханд̇з, сожи, маа анад̇д̇амано ахоси, гаарагаанам̣язва ад̇химаано уббаж̇ж̇ад̇ий’’д̇и т̇зрам̣ самассаасзд̇ваа гаммадтаанамад̣̇ааси. т̇зро д̇ассоваад̣̇з тад̇ваа арахад̇д̇ам̣ баабун̣и.
Tato saṅgho gatagatā nāgacchantīti aññataraṃ vuḍḍhapabbajitaṃ pāhesi. So gantvā ca, ‘‘bhante, dhammadinna tikkhattuṃ tissamahāvihāravāsī bhikkhusaṅgho tuyhaṃ santike pesesi, tvaṃ nāma saṅghassa āṇaṃ garuṃ na karosi, nāgacchasī’’ti āha. Thero kimetanti paṇṇasālaṃ appavisitvāva pattacīvaraṃ gāhāpetvā tāvadeva nikkhami, so antarāmagge haṅkanavihāraṃ pāvisi. Tattha ceko mahāthero saṭṭhivassātīto adhimānena arahattaṃ paṭijānāti. Thero taṃ upasaṅkamitvā vanditvā paṭisanthāraṃ katvā adhigamaṃ pucchi. Thero āha ‘‘āma dhammadinna, yaṃ pabbajitena kātabbaṃ, cirakataṃ taṃ mayā, atītasaṭṭhivassomhi etarahī’’ti. Kiṃ, bhante, iddhimpi vaḷañjethāti. Āma dhammadinnāti. Sādhu vata, bhante, hatthiṃ tumhākaṃ paṭimukhaṃ āgacchantaṃ māpethāti. Sādhāvusoti thero sabbasetaṃ sattappatiṭṭhaṃ tidhāpabhinnaṃ naṅguṭṭhaṃ bījayamānaṃ soṇḍaṃ mukhe pakkhipitvā dvīhi dantehi vijjhitukāmaṃ viya paṭimukhaṃ āgacchantaṃ mahāhatthiṃ māpesi. So taṃ attanāyeva māpitaṃ hatthiṃ disvā bhīto palāyituṃ ārabhi. Tadāva attānaṃ ‘‘nāhaṃ arahā’’ti ñatvā dhammadinnassa pādamūle ukkuṭikaṃ nisīditvā ‘‘patiṭṭhā me hohi, āvuso’’ti āha. Dhammadinno ‘‘mā, bhante, soci, mā anattamano ahosi, kārakānaṃyeva adhimāno uppajjatī’’ti theraṃ samassāsetvā kammaṭṭhānamadāsi. Thero tassovāde ṭhatvā arahattaṃ pāpuṇi.
жид̇д̇алабаб̣б̣ад̇зби д̇аад̣̇исова т̇зро васад̇и. д̇хаммад̣̇инно д̇амби убасан̇гамид̇ваа д̇ат̇зва бужчи. соби д̇ат̇зва б̣яаагааси. д̇ад̇о нам̣ д̇хаммад̣̇инно гим̣, бханд̇з, ид̣̇д̇химби вал̣ан̃ж̇зт̇аад̇и ааха. аамаавусод̇и. саад̇ху вад̇а, бханд̇з, згам̣ богкаран̣им̣ маабзт̇аад̇и. т̇зро маабзси. зд̇т̇а, бханд̇з, бад̣̇умаг̇умб̣ам̣ маабзт̇аад̇и. д̇амби маабзси. бад̣̇умаг̇умб̣з махаабад̣̇умам̣ маабзт̇аад̇и. д̇амби маабзси. зд̇асмим̣ бад̣̇умаг̇умб̣з тад̇ваа мад̇хурассарзна г̇ааяанд̇ам̣ нажжанд̇ан̃жа згам̣ ид̇т̇ивиг̇г̇ахам̣ маабзт̇аад̇и. д̇амби маабзси. со зд̇ам̣, бханд̇з, бунаббунам̣ убаниж̇жхааяат̇аад̇и вад̇ваа саяам̣ баасаад̣̇ам̣ баависи. т̇зрасса д̇ам̣ убаниж̇жхааяад̇о садтивассаани вигкамбхид̇агилзсаа жалим̣су, со д̇ад̣̇аа ад̇д̇аанам̣ н̃ад̇ваа буримад̇т̇зро вияа д̇хаммад̣̇иннад̇т̇зрасса санд̇игз гаммадтаанам̣ г̇ахзд̇ваа арахад̇д̇ам̣ баабун̣и.
Cittalapabbatepi tādisova thero vasati. Dhammadinno tampi upasaṅkamitvā tatheva pucchi. Sopi tatheva byākāsi. Tato naṃ dhammadinno kiṃ, bhante, iddhimpi vaḷañjethāti āha. Āmāvusoti. Sādhu vata, bhante, ekaṃ pokkharaṇiṃ māpethāti. Thero māpesi. Ettha, bhante, padumagumbaṃ māpethāti. Tampi māpesi. Padumagumbe mahāpadumaṃ māpethāti. Tampi māpesi. Etasmiṃ padumagumbe ṭhatvā madhurassarena gāyantaṃ naccantañca ekaṃ itthiviggahaṃ māpethāti. Tampi māpesi. So etaṃ, bhante, punappunaṃ upanijjhāyathāti vatvā sayaṃ pāsādaṃ pāvisi. Therassa taṃ upanijjhāyato saṭṭhivassāni vikkhambhitakilesā caliṃsu, so tadā attānaṃ ñatvā purimatthero viya dhammadinnattherassa santike kammaṭṭhānaṃ gahetvā arahattaṃ pāpuṇi.
д̇хаммад̣̇инноби анубуб̣б̣зна д̇иссамахаавихаарам̣ аг̇амааси. д̇асмин̃жа самаяз т̇зраа жзд̇ияан̇г̇ан̣ам̣ саммаж̇ж̇ид̇ваа б̣уд̣̇д̇хаарамман̣ам̣ бийд̇им̣ уббаад̣̇зд̇ваа нисиннаа хонд̇и, зд̇ам̣ гира д̇зсам̣ вад̇д̇ам̣. д̇зна нзсам̣ згоби ‘‘ид̇ха бад̇д̇ажийварам̣ табзхий’’д̇и д̇хаммад̣̇иннам̣ вад̇д̇аа бужчид̇ааби наахоси. д̇хаммад̣̇инно зсо бхавзяяаад̇и н̃ад̇ваа бана бан̃хам̣ бужчим̣су. со бужчид̇абан̃хз д̇ин̣хзна асинаа гумуд̣̇анаал̣агалаабам̣ вияа чинд̣̇ид̇ваа баад̣̇ан̇г̇улияаа махаабат̇авим̣ бахари. бханд̇з аяам̣ ажзд̇анаа махаабат̇авийби д̇хаммад̣̇иннасса г̇ун̣ам̣ ж̇аанаад̇и. д̇умхз бана на ж̇аанид̇т̇аад̇и жа вад̇ваа имам̣ г̇аат̇амааха –
Dhammadinnopi anupubbena tissamahāvihāraṃ agamāsi. Tasmiñca samaye therā cetiyaṅgaṇaṃ sammajjitvā buddhārammaṇaṃ pītiṃ uppādetvā nisinnā honti, etaṃ kira tesaṃ vattaṃ. Tena nesaṃ ekopi ‘‘idha pattacīvaraṃ ṭhapehī’’ti dhammadinnaṃ vattā pucchitāpi nāhosi. Dhammadinno eso bhaveyyāti ñatvā pana pañhaṃ pucchiṃsu. So pucchitapañhe tiṇhena asinā kumudanāḷakalāpaṃ viya chinditvā pādaṅguliyā mahāpathaviṃ pahari. Bhante ayaṃ acetanā mahāpathavīpi dhammadinnassa guṇaṃ jānāti. Tumhe pana na jānitthāti ca vatvā imaṃ gāthamāha –
‘‘ажзд̇анааяам̣ бат̇авий, виж̇аанаад̇и г̇ун̣ааг̇ун̣ам̣;
‘‘Acetanāyaṃ pathavī, vijānāti guṇāguṇaṃ;
сажзд̇анаат̇а ко бханд̇з, на ж̇аанаат̇а г̇ун̣ааг̇ун̣а’’нд̇и.
Sacetanātha kho bhante, na jānātha guṇāguṇa’’nti.
д̇аавад̣̇зва жа аагаасз аб̣бхуг̇г̇анд̇ваа д̇алан̇г̇арад̇иссабаб̣б̣ад̇амзва аг̇амааси. звам̣ гаарагассзва ад̇химаано уббаж̇ж̇ад̇и. д̇асмаа бхаг̇аваа д̇аад̣̇исаанам̣ бхигкуунам̣ васзна жхаанам̣ вибхаж̇анд̇о таанам̣ ко банзд̇анд̇иаад̣̇имааха.
Tāvadeva ca ākāse abbhuggantvā talaṅgaratissapabbatameva agamāsi. Evaṃ kārakasseva adhimāno uppajjati. Tasmā bhagavā tādisānaṃ bhikkhūnaṃ vasena jhānaṃ vibhajanto ṭhānaṃ kho panetantiādimāha.
д̇ассад̇т̇о, ад̇т̇зд̇ам̣ гааран̣ам̣, но над̇т̇и. язна ид̇хзгажжо бхигку б̣аахирабариб̣б̣ааж̇агзхи саад̇хааран̣ам̣ вивижжзва гаамзхи…бз… батамам̣ жхаанам̣ убасамбаж̇ж̇а вихарзяяа, яам̣ бана д̇асса звамасса саллзкзна вихараамийд̇и, яам̣ бадибад̇д̇ивид̇хаанам̣ гилзсз сам̣ликад̇и, д̇знаахам̣ вихараамийд̇и, д̇ам̣ на яуж̇ж̇ад̇и, на хи ад̇химаанигасса бхигкуно жхаанам̣ саллзко ваа саллзкабадибад̣̇аа ваа ход̇и. гасмаа? авибассанаабаад̣̇агад̇д̇аа. на хи со жхаанам̣ самаабаж̇ж̇ид̇ваа д̇ад̇о вудтааяа сан̇каарз саммасад̇и, жхаанам̣ банасса жид̇д̇згаг̇г̇амад̇д̇ам̣ гарод̇и, д̣̇идтад̇хаммасукавихааро ход̇и. д̇асмаа д̇амад̇т̇ам̣ д̣̇ассзнд̇о бхаг̇аваа ‘‘на ко банзд̇з, жунд̣̇а, арияасса винаяз саллзкаа вужжанд̇и, д̣̇идтад̇хаммасукавихаараа зд̇з арияасса винаяз вужжанд̇ий’’д̇и ааха.
Tassattho, atthetaṃ kāraṇaṃ, no natthi. Yena idhekacco bhikkhu bāhiraparibbājakehi sādhāraṇaṃ vivicceva kāmehi…pe… paṭhamaṃ jhānaṃ upasampajja vihareyya, yaṃ pana tassa evamassa sallekhena viharāmīti, yaṃ paṭipattividhānaṃ kilese saṃlikhati, tenāhaṃ viharāmīti, taṃ na yujjati, na hi adhimānikassa bhikkhuno jhānaṃ sallekho vā sallekhapaṭipadā vā hoti. Kasmā? Avipassanāpādakattā. Na hi so jhānaṃ samāpajjitvā tato vuṭṭhāya saṅkhāre sammasati, jhānaṃ panassa cittekaggamattaṃ karoti, diṭṭhadhammasukhavihāro hoti. Tasmā tamatthaṃ dassento bhagavā ‘‘na kho panete, cunda, ariyassa vinaye sallekhā vuccanti, diṭṭhadhammasukhavihārā ete ariyassa vinaye vuccantī’’ti āha.
д̇ад̇т̇а зд̇зд̇и жхаанад̇хаммавасзна б̣ахуважанам̣ взд̣̇ид̇аб̣б̣ам̣, зд̇з батамаж̇жхаанад̇хаммаад̇и вуд̇д̇ам̣ ход̇и. самаабад̇д̇ивасзна ваа, згамби хи батамаж̇жхаанам̣ бунаббунам̣ самаабад̇д̇ивасзна бавад̇д̇ад̇д̇аа б̣ахуд̇д̇ам̣ г̇ажчад̇и. аарамман̣авасзна ваа, згамби хи батамаж̇жхаанам̣ бат̇авийгасин̣аад̣̇ийсу бавад̇д̇ивасзна б̣ахуд̇д̇ам̣ г̇ажчад̇ийд̇и. зса наяо д̣̇уд̇ияад̇ад̇ияажад̇уд̇т̇аж̇жхаанзсу. ааруббажхаанзсу бана аарамман̣абхзд̣̇аабхаавад̇о буримагааран̣ад̣̇ваяавасзнзва б̣ахуважанам̣ взд̣̇ид̇аб̣б̣ам̣.
Tattha eteti jhānadhammavasena bahuvacanaṃ veditabbaṃ, ete paṭhamajjhānadhammāti vuttaṃ hoti. Samāpattivasena vā, ekampi hi paṭhamajjhānaṃ punappunaṃ samāpattivasena pavattattā bahuttaṃ gacchati. Ārammaṇavasena vā, ekampi hi paṭhamajjhānaṃ pathavīkasiṇādīsu pavattivasena bahuttaṃ gacchatīti. Esa nayo dutiyatatiyacatutthajjhānesu. Āruppajhānesu pana ārammaṇabhedābhāvato purimakāraṇadvayavaseneva bahuvacanaṃ veditabbaṃ.
яасмаа жзд̇зсам̣ ан̇г̇ааниби санд̇аани аарамман̣ааниби, ниб̣б̣уд̇аани жзва сукумаани жаад̇и вуд̇д̇ам̣ ход̇и, д̇асмаа д̇аани санд̇аа зд̇з вихаараад̇и звам̣ вуд̇д̇аанийд̇и взд̣̇ид̇аб̣б̣аани. аяам̣ д̇аава д̇зсам̣ жад̇уннамби саад̇хааран̣аа ван̣н̣анаа. висзсаван̣н̣анаа бана ‘‘саб̣б̣асо руубасан̃н̃аана’’нд̇иаад̣̇ибад̣̇аанусаарад̇о вад̇д̇аб̣б̣аа сияаа. саа висуд̣̇д̇химаг̇г̇з саб̣б̣аагаарзна вуд̇д̇ааязва.
Yasmā cetesaṃ aṅgānipi santāni ārammaṇānipi, nibbutāni ceva sukhumāni cāti vuttaṃ hoti, tasmā tāni santā ete vihārāti evaṃ vuttānīti veditabbāni. Ayaṃ tāva tesaṃ catunnampi sādhāraṇā vaṇṇanā. Visesavaṇṇanā pana ‘‘sabbaso rūpasaññāna’’ntiādipadānusārato vattabbā siyā. Sā visuddhimagge sabbākārena vuttāyeva.
83. звам̣ яасмаа ад̇химаанигасса бхигкуно жхаанавихааро авибассанаабаад̣̇агад̇д̇аа саллзкавихааро на ход̇и, на хи со жхаанам̣ самаабаж̇ж̇ид̇ваа д̇ад̇о вудтааяа сан̇каарз саммасад̇и, жид̇д̇згаг̇г̇агаро д̣̇идтад̇хаммз сукавихааро банасса ход̇и, д̇асмаа д̇амад̇т̇ам̣ д̣̇ассзнд̇о руубаж̇жхаанаани жа аруубаж̇жхаанаани жа вибхаж̇ид̇ваа ид̣̇аани жа яад̇т̇а саллзко гаад̇аб̣б̣о жад̇ужад̇д̇аалийсааяа аагаарзхи, д̇ан̃жа вад̇т̇ум̣ д̇ан̃жа саллзкам̣ д̣̇ассзнд̇о ид̇ха ко бана вод̇иаад̣̇имааха.
83. Evaṃ yasmā adhimānikassa bhikkhuno jhānavihāro avipassanāpādakattā sallekhavihāro na hoti, na hi so jhānaṃ samāpajjitvā tato vuṭṭhāya saṅkhāre sammasati, cittekaggakaro diṭṭhadhamme sukhavihāro panassa hoti, tasmā tamatthaṃ dassento rūpajjhānāni ca arūpajjhānāni ca vibhajitvā idāni ca yattha sallekho kātabbo catucattālīsāya ākārehi, tañca vatthuṃ tañca sallekhaṃ dassento idha kho pana votiādimāha.
гасмаа бана ‘‘адтахи самаабад̇д̇ийхи авихим̣саад̣̇аяо саллзкаа’’д̇и вуд̇д̇аа? логуд̇д̇арабаад̣̇агад̇д̇аа. б̣аахирагаанан̃хи адта самаабад̇д̇ияо ваддабаад̣̇агааязва. саасанз саран̣аг̇аманамби логуд̇д̇арабаад̣̇агам̣, баг̇зва авихим̣саад̣̇аяо. иминааязва жа суд̇д̇зна взд̣̇ид̇аб̣б̣ам̣ ‘‘яат̇аа б̣аахирагасса адтасамаабад̇д̇илаабхино бан̃жаабхин̃н̃ассааби д̣̇иннад̣̇аанад̇о саасанз д̇исаран̣аг̇ад̇асса д̣̇иннад̣̇аанам̣ махабпалад̇арам̣ ход̇ий’’д̇и. ид̣̇ан̃хи санд̇хааяа д̣̇агкин̣аависуд̣̇д̇хисуд̇д̇з ‘‘б̣аахирагз гаамзсу вийд̇арааг̇з д̣̇аанам̣ д̣̇ад̇ваа годисад̇асахассаг̇ун̣аа баадиган̇кид̇аб̣б̣аа. сод̇аабад̇д̇ипаласажчигирияааяа бадибаннз д̣̇аанам̣ д̣̇ад̇ваа асан̇кзяяаа аббамзяяаа д̣̇агкин̣аа баадиган̇кид̇аб̣б̣аа, го бана ваад̣̇о сод̇аабаннз’’д̇и вуд̇д̇ам̣ (ма. ни. 3.379). саран̣аг̇аманад̇о бадтааяа хи д̇ад̇т̇а сод̇аабад̇д̇ипаласажчигирияааяа бадибанно ад̇хиббзд̇од̇и, аяам̣ д̇аавзд̇т̇а баал̣ияож̇анаа.
Kasmā pana ‘‘aṭṭhahi samāpattīhi avihiṃsādayo sallekhā’’ti vuttā? Lokuttarapādakattā. Bāhirakānañhi aṭṭha samāpattiyo vaṭṭapādakāyeva. Sāsane saraṇagamanampi lokuttarapādakaṃ, pageva avihiṃsādayo. Imināyeva ca suttena veditabbaṃ ‘‘yathā bāhirakassa aṭṭhasamāpattilābhino pañcābhiññassāpi dinnadānato sāsane tisaraṇagatassa dinnadānaṃ mahapphalataraṃ hotī’’ti. Idañhi sandhāya dakkhiṇāvisuddhisutte ‘‘bāhirake kāmesu vītarāge dānaṃ datvā koṭisatasahassaguṇā pāṭikaṅkhitabbā. Sotāpattiphalasacchikiriyāya paṭipanne dānaṃ datvā asaṅkheyyā appameyyā dakkhiṇā pāṭikaṅkhitabbā, ko pana vādo sotāpanne’’ti vuttaṃ (ma. ni. 3.379). Saraṇagamanato paṭṭhāya hi tattha sotāpattiphalasacchikiriyāya paṭipanno adhippetoti, ayaṃ tāvettha pāḷiyojanā.
анубад̣̇аван̣н̣анааяам̣ бана ид̇хаад̇и вихим̣саад̣̇ивад̇т̇уд̣̇ийбанамзд̇ам̣. ко банаад̇и нибаад̇амад̇д̇ам̣. вод̇и гаран̣ад̇т̇з саамиважанам̣, аяам̣ бана сан̇кзбад̇т̇о, яад̣̇зд̇ам̣ ‘‘барз вихим̣сагаа бхависсанд̇ий’’д̇иаад̣̇инаа наязна вихим̣саад̣̇ивад̇т̇ум̣ вад̣̇аама. ид̇ха, жунд̣̇а, д̇умхзхи саллзко гаад̇аб̣б̣од̇и.
Anupadavaṇṇanāyaṃ pana idhāti vihiṃsādivatthudīpanametaṃ. Kho panāti nipātamattaṃ. Voti karaṇatthe sāmivacanaṃ, ayaṃ pana saṅkhepattho, yadetaṃ ‘‘pare vihiṃsakā bhavissantī’’tiādinā nayena vihiṃsādivatthuṃ vadāma. Idha, cunda, tumhehi sallekho kātabboti.
звам̣ сан̇кзбад̇о вад̇ваа ид̣̇аани вид̇т̇аарзнд̇о ‘‘барз вихим̣сагаа бхависсанд̇и, маяамзд̇т̇а авихим̣сагаа бхависсаамаад̇и саллзко гаран̣ийяо’’д̇иаад̣̇имааха.
Evaṃ saṅkhepato vatvā idāni vitthārento ‘‘pare vihiṃsakā bhavissanti, mayamettha avihiṃsakā bhavissāmāti sallekho karaṇīyo’’tiādimāha.
д̇ад̇т̇а барзд̇и яз гзжи имам̣ саллзкаманануяуд̇д̇аа. вихим̣сагаа бхависсанд̇ийд̇и баан̣инаа ваа лзд̣д̣унаа ваад̇иаад̣̇ийхи сад̇д̇аанам̣ вихзсагаа бхависсанд̇и. маяамзд̇т̇а авихим̣сагаа бхависсаамаад̇и маяам̣ бана яад̇т̇зва вад̇т̇усмим̣ барз звам̣ вихим̣сагаа бхависсанд̇и, зд̇т̇зва авихим̣сагаа бхависсаама, авихим̣сам̣ уббаад̣̇зд̇ваа вихариссаама. ид̇и саллзко гаран̣ийяод̇и звам̣ д̇умхзхи саллзко гаад̇аб̣б̣о . саллзкод̇и жа ид̇ха авихим̣саава взд̣̇ид̇аб̣б̣аа. авихим̣саа хи вихим̣сам̣ саллзкад̇и, д̇ам̣ чинд̣̇ад̇и, д̇асмаа саллзкод̇и вужжад̇и. зса наяо саб̣б̣ад̇т̇а. аяам̣ бана висзсо. барз мижчаад̣̇идтийд̇и зд̇т̇а гаммабат̇аанам̣ анд̇амижчаад̣̇идтин̃жа мижчад̇д̇аанам̣ аад̣̇имижчаад̣̇идтин̃жа миссзд̇ваа д̣̇идти вуд̇д̇аад̇и взд̣̇ид̇аб̣б̣аа. д̇ат̇аа маяамзд̇т̇а саммаад̣̇идтийд̇и вуд̇д̇адтаанз саммаад̣̇идти. зд̇т̇а жа гаммабат̇агат̇аа вид̇т̇аарад̇о саммаад̣̇идтисуд̇д̇з аави бхависсад̇и. мижчад̇д̇зсу мижчаад̣̇идтиаад̣̇аяо д̣̇взд̇хаавид̇аггз.
Tattha pareti ye keci imaṃ sallekhamananuyuttā. Vihiṃsakā bhavissantīti pāṇinā vā leḍḍunā vātiādīhi sattānaṃ vihesakā bhavissanti. Mayamettha avihiṃsakā bhavissāmāti mayaṃ pana yattheva vatthusmiṃ pare evaṃ vihiṃsakā bhavissanti, ettheva avihiṃsakā bhavissāma, avihiṃsaṃ uppādetvā viharissāma. Iti sallekho karaṇīyoti evaṃ tumhehi sallekho kātabbo . Sallekhoti ca idha avihiṃsāva veditabbā. Avihiṃsā hi vihiṃsaṃ sallekhati, taṃ chindati, tasmā sallekhoti vuccati. Esa nayo sabbattha. Ayaṃ pana viseso. Pare micchādiṭṭhīti ettha kammapathānaṃ antamicchādiṭṭhiñca micchattānaṃ ādimicchādiṭṭhiñca missetvā diṭṭhi vuttāti veditabbā. Tathā mayamettha sammādiṭṭhīti vuttaṭṭhāne sammādiṭṭhi. Ettha ca kammapathakathā vitthārato sammādiṭṭhisutte āvi bhavissati. Micchattesu micchādiṭṭhiādayo dvedhāvitakke.
аяам̣ банзд̇т̇а сан̇кзбо, баан̣ам̣ ад̇ибаад̇знд̇ийд̇и баан̣аад̇ибаад̇ий баан̣агхаад̇агаад̇и ад̇т̇о. ад̣̇иннам̣ аад̣̇ияанд̇ийд̇и ад̣̇иннаад̣̇ааяий, барасса хааринод̇и ад̇т̇о. аб̣рахмам̣ хийнам̣ лаамагад̇хаммам̣ жаранд̇ийд̇и аб̣рахмажаарий, мзт̇унад̇хаммаббадисзвагаад̇и ад̇т̇о. б̣рахмам̣ сздтам̣ бадибад̣̇ам̣ жаранд̇ийд̇и б̣рахмажаарий, мзт̇унаа бадивирад̇аад̇и ад̇т̇о. зд̇т̇а жа б̣рахмажарияам̣ саллзкод̇и взд̣̇ид̇аб̣б̣ам̣. б̣рахмажарияан̃хи аб̣рахмажарияам̣ саллзкад̇и. мусаа вад̣̇анд̇ийд̇и мусааваад̣̇ий, барзсам̣ ад̇т̇абхан̃ж̇анагам̣ д̇ужчам̣ алигам̣ ваажам̣ бхаасид̇аарод̇и ад̇т̇о. бисун̣аа ваажаа зд̇зсанд̇и бисун̣аваажаа. барзсам̣ маммажчзд̣̇игаа парусаа ваажаа зд̇зсанд̇и парусаваажаа. сампам̣ нирад̇т̇агаважанам̣ балабанд̇ийд̇и сампаббалаабий. абхиж̇жхааяанд̇ийд̇и абхиж̇жхаалуу, барабхан̣д̣алуб̣бханасийлаад̇и ад̇т̇о. б̣яаабаннам̣ бууд̇ибхууд̇ам̣ жид̇д̇амзд̇зсанд̇и б̣яаабаннажид̇д̇аа. мижчаа баабигаа вин̃н̃уг̇арахид̇аа зд̇зсам̣ д̣̇идтийд̇и мижчаад̣̇идтий, гаммабат̇абарияаабаннааяа над̇т̇и д̣̇иннанд̇иаад̣̇ивад̇т̇угааяа, мижчад̇д̇абарияаабаннааяа анияяаанигад̣̇идтияаа жа саманнааг̇ад̇аад̇и ад̇т̇о. саммаа собханаа вин̃н̃уббасад̇т̇аа зд̇зсам̣ д̣̇идтийд̇и саммаад̣̇идтий, гаммабат̇абарияаабаннааяа ад̇т̇и д̣̇иннанд̇иаад̣̇игааяа гаммассагад̇аад̣̇идтияаа, саммад̇д̇абарияаабаннааяа маг̇г̇ад̣̇идтияаа жа саманнааг̇ад̇аад̇и ад̇т̇о.
Ayaṃ panettha saṅkhepo, pāṇaṃ atipātentīti pāṇātipātī pāṇaghātakāti attho. Adinnaṃ ādiyantīti adinnādāyī, parassa hārinoti attho. Abrahmaṃ hīnaṃ lāmakadhammaṃ carantīti abrahmacārī, methunadhammappaṭisevakāti attho. Brahmaṃ seṭṭhaṃ paṭipadaṃ carantīti brahmacārī, methunā paṭiviratāti attho. Ettha ca brahmacariyaṃ sallekhoti veditabbaṃ. Brahmacariyañhi abrahmacariyaṃ sallekhati. Musā vadantīti musāvādī, paresaṃ atthabhañjanakaṃ tucchaṃ alikaṃ vācaṃ bhāsitāroti attho. Pisuṇā vācā etesanti pisuṇavācā. Paresaṃ mammacchedikā pharusā vācā etesanti pharusavācā. Samphaṃ niratthakavacanaṃ palapantīti samphappalāpī. Abhijjhāyantīti abhijjhālū, parabhaṇḍalubbhanasīlāti attho. Byāpannaṃ pūtibhūtaṃ cittametesanti byāpannacittā. Micchā pāpikā viññugarahitā etesaṃ diṭṭhīti micchādiṭṭhī, kammapathapariyāpannāya natthi dinnantiādivatthukāya, micchattapariyāpannāya aniyyānikadiṭṭhiyā ca samannāgatāti attho. Sammā sobhanā viññuppasatthā etesaṃ diṭṭhīti sammādiṭṭhī, kammapathapariyāpannāya atthi dinnantiādikāya kammassakatādiṭṭhiyā, sammattapariyāpannāya maggadiṭṭhiyā ca samannāgatāti attho.
мижчаасан̇габбаад̇и аяаат̇ааваанияяаанигаагусаласан̇габбаа. зса наяо мижчааваажаад̇иаад̣̇ийсу. аяам̣ бана висзсо, мижчаасан̇габбаад̣̇аяо вияа хи мижчаасад̇и наама баадизгго гожи д̇хаммо над̇т̇и, ад̇ийд̇ам̣ бана жинд̇аяад̇о бавад̇д̇аанам̣ жад̇уннамби агусалагканд̇хаанамзд̇ам̣ ад̇хиважанам̣. яамби вуд̇д̇ам̣ бхаг̇авад̇аа – ‘‘ад̇т̇зсаа, бхигкавз, ануссад̇и, нзсаа над̇т̇ийд̇и вад̣̇аами, буд̇д̇алаабхам̣ ваа, бхигкавз, ануссарад̇о, д̇ханалаабхам̣ ваа, бхигкавз, ануссарад̇о, яасалаабхам̣ ваа, бхигкавз, ануссарад̇о’’д̇и, д̇амби д̇ам̣ д̇ам̣ жинд̇знд̇асса сад̇ибад̇ируубагзна уббад̇д̇им̣ санд̇хааяа вуд̇д̇анд̇и взд̣̇ид̇аб̣б̣ам̣ . мижчаан̃аан̣ийд̇и зд̇т̇а жа мижчаан̃аан̣анд̇и баабагирияаасу убааяажинд̇аавасзна баабам̣ гад̇ваа ‘‘сугад̇ам̣ маяаа’’д̇и бажжавзгкан̣аагаарзна жа уббанно мохо взд̣̇ид̇аб̣б̣о, д̇зна саманнааг̇ад̇аа буг̇г̇алаа мижчаан̃аан̣ий. саммаан̃аан̣ийд̇и зд̇т̇а бана згуунавийсад̇ибхзд̣̇ам̣ бажжавзгкан̣аан̃аан̣ам̣ ‘‘саммаан̃аан̣а’’нд̇и вужжад̇и, д̇зна саманнааг̇ад̇аа буг̇г̇алаа саммаан̃аан̣ий. мижчаавимуд̇д̇ийд̇и авимуд̇д̇ааязва самаанаа ‘‘вимуд̇д̇аа маяа’’нд̇и звам̣сан̃н̃ино, авимуд̇д̇ияам̣ ваа вимуд̇д̇исан̃н̃ино. д̇ад̇рааяам̣ важанад̇т̇о, мижчаа баабигаа вибарийд̇аа вимуд̇д̇и зд̇зсам̣ ад̇т̇ийд̇и мижчаавимуд̇д̇ий. мижчаавимуд̇д̇ийд̇и жа яат̇аавуд̇д̇знаагаарзна бавад̇д̇аанам̣ агусалагканд̇хаанамзд̇ам̣ ад̇хиважанам̣. паласамбаяуд̇д̇аани бана саммаад̣̇идтиаад̣̇ийни адтан̇г̇аани табзд̇ваа сзсад̇хаммаа саммаавимуд̇д̇ийд̇и взд̣̇ид̇аб̣б̣аа. саа жа мижчаавимуд̇д̇им̣ салликид̇ваа тид̇ад̇д̇аа саллзкод̇и взд̣̇ид̇аб̣б̣аа. д̇ад̇т̇а нияож̇знд̇о ааха ‘‘маяамзд̇т̇а саммаавимуд̇д̇ий бхависсаамаад̇и саллзко гаран̣ийяо’’д̇и.
Micchāsaṅkappāti ayāthāvaaniyyānikaakusalasaṅkappā. Esa nayo micchāvācātiādīsu. Ayaṃ pana viseso, micchāsaṅkappādayo viya hi micchāsati nāma pāṭiekko koci dhammo natthi, atītaṃ pana cintayato pavattānaṃ catunnampi akusalakkhandhānametaṃ adhivacanaṃ. Yampi vuttaṃ bhagavatā – ‘‘atthesā, bhikkhave, anussati, nesā natthīti vadāmi, puttalābhaṃ vā, bhikkhave, anussarato, dhanalābhaṃ vā, bhikkhave, anussarato, yasalābhaṃ vā, bhikkhave, anussarato’’ti, tampi taṃ taṃ cintentassa satipatirūpakena uppattiṃ sandhāya vuttanti veditabbaṃ . Micchāñāṇīti ettha ca micchāñāṇanti pāpakiriyāsu upāyacintāvasena pāpaṃ katvā ‘‘sukataṃ mayā’’ti paccavekkhaṇākārena ca uppanno moho veditabbo, tena samannāgatā puggalā micchāñāṇī. Sammāñāṇīti ettha pana ekūnavīsatibhedaṃ paccavekkhaṇāñāṇaṃ ‘‘sammāñāṇa’’nti vuccati, tena samannāgatā puggalā sammāñāṇī. Micchāvimuttīti avimuttāyeva samānā ‘‘vimuttā maya’’nti evaṃsaññino, avimuttiyaṃ vā vimuttisaññino. Tatrāyaṃ vacanattho, micchā pāpikā viparītā vimutti etesaṃ atthīti micchāvimuttī. Micchāvimuttīti ca yathāvuttenākārena pavattānaṃ akusalakkhandhānametaṃ adhivacanaṃ. Phalasampayuttāni pana sammādiṭṭhiādīni aṭṭhaṅgāni ṭhapetvā sesadhammā sammāvimuttīti veditabbā. Sā ca micchāvimuttiṃ sallikhitvā ṭhitattā sallekhoti veditabbā. Tattha niyojento āha ‘‘mayamettha sammāvimuttī bhavissāmāti sallekho karaṇīyo’’ti.
ид̇о бараани д̇ийн̣и нийваран̣авасзна вуд̇д̇аани. абхиж̇жхаалуу б̣яаабаннажид̇д̇аад̇и звам̣ гаммабат̇зсу вуд̇д̇ад̇д̇аа банзд̇т̇а батамаани д̣̇вз нийваран̣аани на вуд̇д̇аанийд̇и взд̣̇ид̇аб̣б̣аани. д̇ад̇т̇а т̇инамид̣̇д̇хзна барияудтид̇аа абхибхууд̇аад̇и т̇инамид̣̇д̇хабарияудтид̇аа. уд̣̇д̇хажжзна саманнааг̇ад̇аад̇и уд̣̇д̇хад̇аа. вижинанд̇аа гижчанд̇и на саггонд̇и саннидтаанам̣ гаад̇унд̇и вижигижчий. год̇ханаад̇иаад̣̇ийни д̣̇аса жид̇д̇асса убаггилзсавасзна вуд̇д̇аани. д̇ад̇т̇а год̇хаад̣̇ийсу яам̣ вад̇д̇аб̣б̣ам̣ сияаа, д̇ам̣ саб̣б̣ам̣ д̇хаммад̣̇ааяаад̣̇авад̇т̇асуд̇д̇зсу вуд̇д̇ам̣. аяам̣ банзд̇т̇а важанад̇т̇о – год̇ханаад̇и гуж̇жханасийлаа. убанаахийд̇и убанааханасийлаа, убанаахо ваа зд̇зсам̣ ад̇т̇ийд̇и убанаахий. д̇ат̇аа магкий балаасий жа. иссанд̇ийд̇и иссугий. мажчарааяанд̇ийд̇и мажчарий, мажчзрам̣ ваа зд̇зсам̣ ад̇т̇ийд̇и мажчарий. сатаяанд̇ийд̇и сатаа, на саммаа бхаасанд̇ийд̇и вуд̇д̇ам̣ ход̇и, гзраадигаяуд̇д̇аанамзд̇ам̣ ад̇хиважанам̣. мааяаа зд̇зсам̣ ад̇т̇ийд̇и мааяаавий. т̇амбхасаман̇г̇ид̇ааяа т̇ад̣̇д̇хаа. ад̇имаанаяог̇зна ад̇имааний. вуд̇д̇абажжанийганаязна суггабагко взд̣̇ид̇аб̣б̣о.
Ito parāni tīṇi nīvaraṇavasena vuttāni. Abhijjhālū byāpannacittāti evaṃ kammapathesu vuttattā panettha paṭhamāni dve nīvaraṇāni na vuttānīti veditabbāni. Tattha thinamiddhena pariyuṭṭhitā abhibhūtāti thinamiddhapariyuṭṭhitā. Uddhaccena samannāgatāti uddhatā. Vicinantā kicchanti na sakkonti sanniṭṭhānaṃ kātunti vicikicchī. Kodhanātiādīni dasa cittassa upakkilesavasena vuttāni. Tattha kodhādīsu yaṃ vattabbaṃ siyā, taṃ sabbaṃ dhammadāyādavatthasuttesu vuttaṃ. Ayaṃ panettha vacanattho – kodhanāti kujjhanasīlā. Upanāhīti upanāhanasīlā, upanāho vā etesaṃ atthīti upanāhī. Tathā makkhī palāsī ca. Issantīti issukī. Maccharāyantīti maccharī, maccheraṃ vā etesaṃ atthīti maccharī. Saṭhayantīti saṭhā, na sammā bhāsantīti vuttaṃ hoti, kerāṭikayuttānametaṃ adhivacanaṃ. Māyā etesaṃ atthīti māyāvī. Thambhasamaṅgitāya thaddhā. Atimānayogena atimānī. Vuttapaccanīkanayena sukkapakkho veditabbo.
д̣̇уб̣б̣ажаад̇и вад̇д̇ум̣ д̣̇угкаа гин̃жи вужжамаанаа на саханд̇и. д̇аб̣б̣ибарийд̇аа суважаа. д̣̇звад̣̇ад̇д̇аад̣̇исад̣̇исаа баабагаа мид̇д̇аа зд̇зсанд̇и баабамид̇д̇аа. б̣уд̣̇д̇хаа ваа саарибуд̇д̇аад̣̇исад̣̇исаа ваа галяаан̣аа мид̇д̇аа зд̇зсанд̇и галяаан̣амид̇д̇аа. гааяад̣̇ужжарид̇аад̣̇ийсу жид̇д̇авоссаг̇г̇авасзна бамад̇д̇аа. вибарийд̇аа аббамад̇д̇аад̇и взд̣̇ид̇аб̣б̣аа. имаани д̇ийн̣и багин̣н̣агавасзна вуд̇д̇аани. ассад̣̇д̇хаад̇иаад̣̇ийни сад̇д̇а асад̣̇д̇хаммавасзна. д̇ад̇т̇а д̇ийсу вад̇т̇уусу сад̣̇д̇хаа зд̇зсам̣ над̇т̇ийд̇и ассад̣̇д̇хаа. суггабагкз сад̣̇д̣̇аханд̇ийд̇и сад̣̇д̇хаа, сад̣̇д̇хаа ваа зд̇зсам̣ ад̇т̇ийд̇иби сад̣̇д̇хаа. над̇т̇и зд̇зсам̣ хирийд̇и ахиригаа, агусаласамаабад̇д̇ияаа аж̇иг̇ужчамаанаанамзд̇ам̣ ад̇хиважанам̣. хирий зд̇зсам̣ манз, хирияаа ваа яуд̇д̇аманаад̇и хириманаа. на од̇д̇аббанд̇ийд̇и анод̇д̇аббий, агусаласамаабад̇д̇ияаа на бхааяанд̇ийд̇и вуд̇д̇ам̣ ход̇и. д̇аб̣б̣ибарийд̇аа од̇д̇аббий. аббам̣ суд̇амзд̇зсанд̇и аббассуд̇аа, аббанд̇и жа т̇оганд̇и на г̇ахзд̇аб̣б̣ам̣, над̇т̇ийд̇и г̇ахзд̇аб̣б̣ам̣. ‘‘аббассуд̇аа’’д̇и хи ниссуд̇аа суд̇авирахид̇аа вужжанд̇и. б̣аху суд̇амзд̇зсанд̇и б̣ахуссуд̇аа, д̇ат̇ааг̇ад̇абхаасид̇ам̣ згамби г̇аат̇ам̣ яаат̇аавад̇о н̃ад̇ваа ануруубабадибаннаанамзд̇ам̣ ад̇хиважанам̣. гужчид̇аа сийд̣̇анд̇ийд̇и гусийд̇аа, хийнавийрияаанамзд̇ам̣ ад̇хиважанам̣. аарад̣̇д̇хам̣ вийрияамзд̇зсанд̇и аарад̣̇д̇хавийрияаа, саммаббад̇хаанаяуд̇д̇аанамзд̇ам̣ ад̇хиважанам̣, мудтаа сад̇и зд̇зсанд̇и мудтассад̇ий, надтассад̇ийд̇и вуд̇д̇ам̣ ход̇и. убадтид̇аа сад̇и зд̇зсанд̇и убадтид̇ассад̇ий, нижжам̣ аарамман̣аабхимукаббавад̇д̇асад̇ийнамзд̇ам̣ ад̇хиважанам̣. д̣̇удтаа бан̃н̃аа зд̇зсанд̇и д̣̇уббан̃н̃аа, надтабан̃н̃аад̇и вуд̇д̇ам̣ ход̇и. бан̃н̃ааяа самбаннаад̇и бан̃н̃аасамбаннаа, бан̃н̃аад̇и жа ид̇ха вибассанаабан̃н̃аа взд̣̇ид̇аб̣б̣аа. вибассанаасамбхааро хи барибууро имасмим̣ таанз ааг̇ад̇о, д̇асмаа вибассанаабан̃н̃аава аяанд̇и бораан̣аанам̣ аан̣аа.
Dubbacāti vattuṃ dukkhā kiñci vuccamānā na sahanti. Tabbiparītā suvacā. Devadattādisadisā pāpakā mittā etesanti pāpamittā. Buddhā vā sāriputtādisadisā vā kalyāṇā mittā etesanti kalyāṇamittā. Kāyaduccaritādīsu cittavossaggavasena pamattā. Viparītā appamattāti veditabbā. Imāni tīṇi pakiṇṇakavasena vuttāni. Assaddhātiādīni satta asaddhammavasena. Tattha tīsu vatthūsu saddhā etesaṃ natthīti assaddhā. Sukkapakkhe saddahantīti saddhā, saddhā vā etesaṃ atthītipi saddhā. Natthi etesaṃ hirīti ahirikā, akusalasamāpattiyā ajigucchamānānametaṃ adhivacanaṃ. Hirī etesaṃ mane, hiriyā vā yuttamanāti hirimanā. Na ottappantīti anottappī, akusalasamāpattiyā na bhāyantīti vuttaṃ hoti. Tabbiparītā ottappī. Appaṃ sutametesanti appassutā, appanti ca thokanti na gahetabbaṃ, natthīti gahetabbaṃ. ‘‘Appassutā’’ti hi nissutā sutavirahitā vuccanti. Bahu sutametesanti bahussutā, tathāgatabhāsitaṃ ekampi gāthaṃ yāthāvato ñatvā anurūpapaṭipannānametaṃ adhivacanaṃ. Kucchitā sīdantīti kusītā, hīnavīriyānametaṃ adhivacanaṃ. Āraddhaṃ vīriyametesanti āraddhavīriyā, sammappadhānayuttānametaṃ adhivacanaṃ, muṭṭhā sati etesanti muṭṭhassatī, naṭṭhassatīti vuttaṃ hoti. Upaṭṭhitā sati etesanti upaṭṭhitassatī, niccaṃ ārammaṇābhimukhappavattasatīnametaṃ adhivacanaṃ. Duṭṭhā paññā etesanti duppaññā, naṭṭhapaññāti vuttaṃ hoti. Paññāya sampannāti paññāsampannā, paññāti ca idha vipassanāpaññā veditabbā. Vipassanāsambhāro hi paripūro imasmiṃ ṭhāne āgato, tasmā vipassanāpaññāva ayanti porāṇānaṃ āṇā.
ид̣̇аани згамзва логуд̇д̇араг̇ун̣аанам̣ анд̇арааяагарам̣ анияяаанигад̣̇идтим̣ д̇ийхаагаарзхи д̣̇ассзнд̇о санд̣̇идтибараамаасийд̇иаад̣̇имааха. д̇ад̇т̇а санд̣̇идтим̣ бараамасанд̇ийд̇и санд̣̇идтибараамаасий. аад̇хаанам̣ г̇ан̣ханд̇ийд̇и аад̇хаанаг̇г̇аахий, аад̇хаананд̇и д̣̇ал̣хам̣ вужжад̇и, д̣̇ал̣хаг̇г̇аахийд̇и ад̇т̇о. яуд̇д̇агааран̣ам̣ д̣̇исваава лад̣̇д̇хим̣ бадиниссаж̇ж̇анд̇ийд̇и бадиниссаг̇г̇ий, д̣̇угкзна гижчзна гасирзна б̣ахумби гааран̣ам̣ д̣̇ассзд̇ваа на саггаа бадиниссаг̇г̇ам̣ гаад̇унд̇и д̣̇уббадиниссаг̇г̇ий, яз ад̇д̇ано уббаннам̣ д̣̇идтим̣ ид̣̇амзва сажжанд̇и д̣̇ал̣хам̣ г̇ан̣хид̇ваа аби б̣уд̣̇д̇хаад̣̇ийхи гааран̣ам̣ д̣̇ассзд̇ваа вужжамаанаа на бадиниссаж̇ж̇анд̇и, д̇зсамзд̇ам̣ ад̇хиважанам̣. д̇аад̣̇исаа хи буг̇г̇алаа яам̣ яад̣̇зва д̇хаммам̣ ваа ад̇хаммам̣ ваа г̇ан̣ханд̇и, д̇ам̣ саб̣б̣ам̣ ‘‘звам̣ амхаагам̣ аажариязхи гат̇ид̇ам̣, звам̣ амхзхи суд̇а’’нд̇и гуммова ан̇г̇аани сагз габаалз анд̇оязва самод̣̇аханд̇и, гумбхийлаг̇г̇аахам̣ г̇ан̣ханд̇и на виссаж̇ж̇анд̇и. вуд̇д̇авибарияааязна суггабагко взд̣̇ид̇аб̣б̣о.
Idāni ekameva lokuttaraguṇānaṃ antarāyakaraṃ aniyyānikadiṭṭhiṃ tīhākārehi dassento sandiṭṭhiparāmāsītiādimāha. Tattha sandiṭṭhiṃ parāmasantīti sandiṭṭhiparāmāsī. Ādhānaṃ gaṇhantīti ādhānaggāhī, ādhānanti daḷhaṃ vuccati, daḷhaggāhīti attho. Yuttakāraṇaṃ disvāva laddhiṃ paṭinissajjantīti paṭinissaggī, dukkhena kicchena kasirena bahumpi kāraṇaṃ dassetvā na sakkā paṭinissaggaṃ kātunti duppaṭinissaggī, ye attano uppannaṃ diṭṭhiṃ idameva saccanti daḷhaṃ gaṇhitvā api buddhādīhi kāraṇaṃ dassetvā vuccamānā na paṭinissajjanti, tesametaṃ adhivacanaṃ. Tādisā hi puggalā yaṃ yadeva dhammaṃ vā adhammaṃ vā gaṇhanti, taṃ sabbaṃ ‘‘evaṃ amhākaṃ ācariyehi kathitaṃ, evaṃ amhehi suta’’nti kummova aṅgāni sake kapāle antoyeva samodahanti, kumbhīlaggāhaṃ gaṇhanti na vissajjanti. Vuttavipariyāyena sukkapakkho veditabbo.
84. звам̣ жад̇ужад̇д̇аалийсааяа аагаарзхи саллзкам̣ д̣̇ассзд̇ваа ид̣̇аани д̇асмим̣ саллзкз жид̇д̇уббаад̣̇ассааби б̣ахуубагаарад̇ам̣ д̣̇ассзд̇ум̣ жид̇д̇уббаад̣̇амби ко аханд̇иаад̣̇имааха.
84. Evaṃ catucattālīsāya ākārehi sallekhaṃ dassetvā idāni tasmiṃ sallekhe cittuppādassāpi bahūpakārataṃ dassetuṃ cittuppādampi kho ahantiādimāha.
д̇ассад̇т̇о , ахам̣, жунд̣̇а, гусалзсу д̇хаммзсу жид̇д̇уббаад̣̇амби б̣ахуубагаарам̣ вад̣̇аами, яаа банзд̇аа гааязна жа ваажааяа жа анувид̇хияанаа, яат̇аа батамам̣ жид̇д̇ам̣ уббаннам̣, д̇ат̇зва д̇зсам̣ д̇хаммаанам̣ гааязна гаран̣ам̣, ваажааяа жа ‘‘гарот̇аа’’д̇и аан̣аабанам̣ ваа, уг̇г̇ахабарибужчаад̣̇ийни ваа, д̇ад̇т̇а ваад̣̇оязва го, зганд̇аб̣ахуубагаарааязва хи д̇аа анувид̇хияанаад̇и д̣̇ассзд̇и. гасмаа банзд̇т̇а жид̇д̇уббаад̣̇оби б̣ахуубагаарод̇и? зганд̇ахид̇асукаавахад̇д̇аа анувид̇хияанаанам̣ хзд̇уд̇д̇аа жа.
Tassattho , ahaṃ, cunda, kusalesu dhammesu cittuppādampi bahūpakāraṃ vadāmi, yā panetā kāyena ca vācāya ca anuvidhiyanā, yathā paṭhamaṃ cittaṃ uppannaṃ, tatheva tesaṃ dhammānaṃ kāyena karaṇaṃ, vācāya ca ‘‘karothā’’ti āṇāpanaṃ vā, uggahaparipucchādīni vā, tattha vādoyeva ko, ekantabahūpakārāyeva hi tā anuvidhiyanāti dasseti. Kasmā panettha cittuppādopi bahūpakāroti? Ekantahitasukhāvahattā anuvidhiyanānaṃ hetuttā ca.
‘‘д̣̇аанам̣ д̣̇ассаамий’’д̇и хи жид̇д̇уббаад̣̇о саяамби зганд̇ахид̇асукаавахо анувид̇хияанаанамби хзд̇у, зван̃хи уббаннажид̇д̇ад̇д̇ааязва д̣̇уд̇ияад̣̇ивасз махаавийт̇им̣ бид̣̇ахид̇ваа махааман̣д̣абам̣ гад̇ваа бхигкусад̇асса ваа бхигкусахассасса ваа д̣̇аанам̣ д̣̇зд̇и, ‘‘бхигкусан̇гхам̣ ниманд̇зт̇а бууж̇зт̇а баривисат̇аа’’д̇и бариж̇анз аан̣аабзд̇и. звам̣ ‘‘сан̇гхасса жийварам̣ сзнаасанам̣ бхзсаж̇ж̇ам̣ д̣̇ассаамий’’д̇и жид̇д̇уббаад̣̇о саяамби зганд̇ахид̇асукаавахо анувид̇хияанаанамби хзд̇у, звам̣ уббаннажид̇д̇ад̇д̇ааязва хи жийвараад̣̇ийни абхисан̇карод̇и д̣̇зд̇и д̣̇аабзд̇и жа. зса наяо саран̣аг̇аманаад̣̇ийсу.
‘‘Dānaṃ dassāmī’’ti hi cittuppādo sayampi ekantahitasukhāvaho anuvidhiyanānampi hetu, evañhi uppannacittattāyeva dutiyadivase mahāvīthiṃ pidahitvā mahāmaṇḍapaṃ katvā bhikkhusatassa vā bhikkhusahassassa vā dānaṃ deti, ‘‘bhikkhusaṅghaṃ nimantetha pūjetha parivisathā’’ti parijane āṇāpeti. Evaṃ ‘‘saṅghassa cīvaraṃ senāsanaṃ bhesajjaṃ dassāmī’’ti cittuppādo sayampi ekantahitasukhāvaho anuvidhiyanānampi hetu, evaṃ uppannacittattāyeva hi cīvarādīni abhisaṅkharoti deti dāpeti ca. Esa nayo saraṇagamanādīsu.
‘‘саран̣ам̣ г̇ажчаамий’’д̇и хи жид̇д̇ам̣ уббаад̣̇зд̇ваава бажчаа гааязна ваа ваажааяа ваа саран̣ам̣ г̇ан̣хаад̇и. д̇ат̇аа ‘‘бан̃жан̇г̇ам̣ адтан̇г̇ам̣ д̣̇асан̇г̇ам̣ ваа сийлам̣ самаад̣̇ияиссаамий’’д̇и жид̇д̇ам̣ уббаад̣̇зд̇ваа гааязна ваа ваажааяа ваа самаад̣̇ияад̇и, ‘‘баб̣б̣аж̇ид̇ваа жад̇уусу сийлзсу бад̇идтахиссаамий’’д̇и жа жид̇д̇ам̣ уббаад̣̇зд̇ваа гааязна ваажааяа жа буурзд̇аб̣б̣ам̣ сийлам̣ буурзд̇и. ‘‘б̣уд̣̇д̇хаважанам̣ уг̇г̇ахзссаамий’’д̇и жид̇д̇ам̣ уббаад̣̇зд̇ваава згам̣ ваа нигааяам̣ д̣̇вз ваа д̇аяо ваа жад̇д̇ааро ваа бан̃жа ваа нигааяз ваажааяа уг̇г̇ан̣хаад̇и. звам̣ д̇худ̇ан̇г̇асамаад̣̇аана-гаммадтаануг̇г̇аха-гасин̣абаригамма-жхаанасамаабад̇д̇ивибассанаамаг̇г̇апала- бажжзгаб̣од̇хи-саммаасамб̣од̇хивасзна нзд̇аб̣б̣ам̣.
‘‘Saraṇaṃ gacchāmī’’ti hi cittaṃ uppādetvāva pacchā kāyena vā vācāya vā saraṇaṃ gaṇhāti. Tathā ‘‘pañcaṅgaṃ aṭṭhaṅgaṃ dasaṅgaṃ vā sīlaṃ samādiyissāmī’’ti cittaṃ uppādetvā kāyena vā vācāya vā samādiyati, ‘‘pabbajitvā catūsu sīlesu patiṭṭhahissāmī’’ti ca cittaṃ uppādetvā kāyena vācāya ca pūretabbaṃ sīlaṃ pūreti. ‘‘Buddhavacanaṃ uggahessāmī’’ti cittaṃ uppādetvāva ekaṃ vā nikāyaṃ dve vā tayo vā cattāro vā pañca vā nikāye vācāya uggaṇhāti. Evaṃ dhutaṅgasamādāna-kammaṭṭhānuggaha-kasiṇaparikamma-jhānasamāpattivipassanāmaggaphala- paccekabodhi-sammāsambodhivasena netabbaṃ.
‘‘б̣уд̣̇д̇хо бхависсаамий’’д̇и хи жид̇д̇уббаад̣̇о саяамби зганд̇ахид̇асукаавахо анувид̇хияанаанамби хзд̇у, зван̃хи уббаннажид̇д̇ад̇д̇ааязва абарзна самаязна габбасад̇асахассаад̇хигаани жад̇д̇аари асан̇кзяяаани гааязна ваажааяа жа баарамияо буурзд̇ваа сад̣̇звагам̣ логам̣ д̇аарзнд̇о вижарад̇и. звам̣ саб̣б̣ад̇т̇а жид̇д̇уббаад̣̇оби б̣ахуубагааро. гааяаваажаахи бана анувид̇хияанаа ад̇иб̣ахуубагаарааязваад̇и взд̣̇ид̇аб̣б̣аа.
‘‘Buddho bhavissāmī’’ti hi cittuppādo sayampi ekantahitasukhāvaho anuvidhiyanānampi hetu, evañhi uppannacittattāyeva aparena samayena kappasatasahassādhikāni cattāri asaṅkheyyāni kāyena vācāya ca pāramiyo pūretvā sadevakaṃ lokaṃ tārento vicarati. Evaṃ sabbattha cittuppādopi bahūpakāro. Kāyavācāhi pana anuvidhiyanā atibahūpakārāyevāti veditabbā.
звам̣ гусалзсу д̇хаммзсу жид̇д̇уббаад̣̇ассааби б̣ахуубагаарад̇ам̣ д̣̇ассзд̇ваа ид̣̇аани д̇ад̇т̇а нияож̇знд̇о ‘‘д̇асмаа д̇иха жунд̣̇аа’’д̇иаад̣̇имааха. д̇ам̣ ад̇т̇ад̇о баагадамзва.
Evaṃ kusalesu dhammesu cittuppādassāpi bahūpakārataṃ dassetvā idāni tattha niyojento ‘‘tasmā tiha cundā’’tiādimāha. Taṃ atthato pākaṭameva.
85. звам̣ жад̇ужад̇д̇аалийсааяа аагаарзхи д̣̇ассид̇з саллзкз жид̇д̇уббаад̣̇ассааби б̣ахуубагаарад̇ам̣ д̣̇ассзд̇ваа ид̣̇аани д̇ассзва саллзкасса хид̇аад̇хиг̇амааяа маг̇г̇абхаавам̣ д̣̇ассзнд̇о сзяяат̇аабийд̇иаад̣̇имааха.
85. Evaṃ catucattālīsāya ākārehi dassite sallekhe cittuppādassāpi bahūpakārataṃ dassetvā idāni tasseva sallekhassa hitādhigamāya maggabhāvaṃ dassento seyyathāpītiādimāha.
д̇ассад̇т̇о , яат̇аа наама, жунд̣̇а, каан̣уган̣дагабаасаан̣аад̣̇ийхи висамо маг̇г̇о бхавзяяа, д̇асса бариггаманааяа бариваж̇ж̇анад̇т̇ааяа ан̃н̃о субаригаммагад̇о вияа бхуумибхааг̇о само маг̇г̇о бхавзяяа, яат̇аа жа ругкамуулабаасаан̣абабаад̇агумбхийламагараад̣̇и бариб̣яаагулам̣ висамам̣ д̇ид̇т̇амасса, д̇асса бариггаманааяа бариваж̇ж̇анад̇т̇ааяа ан̃н̃ам̣ ависамам̣ анубуб̣б̣аг̇амбхийрам̣ собаанапалагасад̣̇исам̣ д̇ид̇т̇ам̣ бхавзяяа, яам̣ бадибанно сукзнзва д̇ам̣ над̣̇им̣ ваа д̇ал̣аагам̣ ваа аж̇жхог̇аахзд̇ваа нхааязяяа ваа уд̇д̇арзяяа ваа, звамзва ко, жунд̣̇а, висамамаг̇г̇ависамад̇ид̇т̇асад̣̇исааяа вихим̣сааяа саманнааг̇ад̇асса вихим̣сагабуг̇г̇аласса самамаг̇г̇асамад̇ид̇т̇асад̣̇исаа авихим̣саа ход̇и бариггаманааяа. яат̇зва хи висамамаг̇г̇ад̇ид̇т̇абариваж̇ж̇анад̇т̇ааяа само маг̇г̇о жа д̇ид̇т̇ан̃жа бадияад̇д̇ам̣, звам̣ вихим̣саабариваж̇ж̇анад̇т̇ааяа авихим̣саа бадияад̇д̇аа, яам̣ бадибанно сукзнзва мануссаг̇ад̇им̣ ваа д̣̇зваг̇ад̇им̣ ваа аж̇жхог̇аахзд̇ваа самбад̇д̇им̣ ваа анубхавзяяа уд̇д̇арзяяа ваа логаа. зд̇знзва убааязна саб̣б̣абад̣̇аани яож̇зд̇аб̣б̣аани.
Tassattho , yathā nāma, cunda, khāṇukaṇṭakapāsāṇādīhi visamo maggo bhaveyya, tassa parikkamanāya parivajjanatthāya añño suparikammakato viya bhūmibhāgo samo maggo bhaveyya, yathā ca rukkhamūlapāsāṇapapātakumbhīlamakarādi paribyākulaṃ visamaṃ titthamassa, tassa parikkamanāya parivajjanatthāya aññaṃ avisamaṃ anupubbagambhīraṃ sopānaphalakasadisaṃ titthaṃ bhaveyya, yaṃ paṭipanno sukheneva taṃ nadiṃ vā taḷākaṃ vā ajjhogāhetvā nhāyeyya vā uttareyya vā, evameva kho, cunda, visamamaggavisamatitthasadisāya vihiṃsāya samannāgatassa vihiṃsakapuggalassa samamaggasamatitthasadisā avihiṃsā hoti parikkamanāya. Yatheva hi visamamaggatitthaparivajjanatthāya samo maggo ca titthañca paṭiyattaṃ, evaṃ vihiṃsāparivajjanatthāya avihiṃsā paṭiyattā, yaṃ paṭipanno sukheneva manussagatiṃ vā devagatiṃ vā ajjhogāhetvā sampattiṃ vā anubhaveyya uttareyya vā lokā. Eteneva upāyena sabbapadāni yojetabbāni.
86. звам̣ д̇ассзва хид̇аад̇хиг̇амааяа маг̇г̇абхаавам̣ д̣̇ассзд̇ваа ид̣̇аани убарибхааг̇ан̇г̇аманийяад̇ам̣ д̣̇ассзнд̇о, сзяяат̇аабийд̇иаад̣̇имааха.
86. Evaṃ tasseva hitādhigamāya maggabhāvaṃ dassetvā idāni uparibhāgaṅgamanīyataṃ dassento, seyyathāpītiādimāha.
д̇ассад̇т̇о, яат̇аа наама, жунд̣̇а, яз гзжи агусалаа д̇хаммаа бадисанд̇хияаа ж̇анагаа ваа аж̇анагаа ваа, д̣̇иннааяаби бадисанд̇хияаа вибаагаж̇анагаа ваа аж̇анагаа ваа, саб̣б̣з д̇з ж̇аад̇ивасзна ад̇хобхааг̇ан̇г̇аманийяаад̇и звам̣наамаава хонд̇и, вибаагагаалз анидтааганд̇авибаагад̇д̇аа. яат̇аа жа яз гзжи гусалаа д̇хаммаа бадисанд̇хияаа ж̇анагаа ваа аж̇анагаа ваа д̣̇иннааяаби бадисанд̇хияаа вибаагаж̇анагаа ваа аж̇анагаа ваа, саб̣б̣з д̇з ж̇аад̇ивасзна убарибхааг̇ан̇г̇аманийяаад̇и звам̣наамаава хонд̇и, вибаагагаалз идтаганд̇авибаагад̇д̇аа, звамзва ко, жунд̣̇а, вихим̣сагасса…бз… убарибхааг̇ааяаад̇и. д̇ад̇рааяам̣ обаммасам̣санд̣̇анаа – яат̇аа саб̣б̣з агусалаа ад̇хобхааг̇ан̇г̇аманийяаа, звам̣ вихим̣сагасса згаа вихим̣сааби. яат̇аа жа саб̣б̣з гусалаа убарибхааг̇ан̇г̇аманийяаа, звам̣ авихим̣сагасса згаа авихим̣сааби. зд̇знзва убааязна агусалам̣ агусалзна гусалан̃жа гусалзна убамзд̇аб̣б̣ам̣, аяам̣ гирзд̇т̇а ад̇хиббааяод̇и.
Tassattho, yathā nāma, cunda, ye keci akusalā dhammā paṭisandhiyā janakā vā ajanakā vā, dinnāyapi paṭisandhiyā vipākajanakā vā ajanakā vā, sabbe te jātivasena adhobhāgaṅgamanīyāti evaṃnāmāva honti, vipākakāle aniṭṭhākantavipākattā. Yathā ca ye keci kusalā dhammā paṭisandhiyā janakā vā ajanakā vā dinnāyapi paṭisandhiyā vipākajanakā vā ajanakā vā, sabbe te jātivasena uparibhāgaṅgamanīyāti evaṃnāmāva honti, vipākakāle iṭṭhakantavipākattā, evameva kho, cunda, vihiṃsakassa…pe… uparibhāgāyāti. Tatrāyaṃ opammasaṃsandanā – yathā sabbe akusalā adhobhāgaṅgamanīyā, evaṃ vihiṃsakassa ekā vihiṃsāpi. Yathā ca sabbe kusalā uparibhāgaṅgamanīyā, evaṃ avihiṃsakassa ekā avihiṃsāpi. Eteneva upāyena akusalaṃ akusalena kusalañca kusalena upametabbaṃ, ayaṃ kirettha adhippāyoti.
87. звам̣ д̇ассзва саллзкасса убарибхааг̇ан̇г̇аманийяад̇ам̣ д̣̇ассзд̇ваа ид̣̇аани бариниб̣б̣аабанз самад̇т̇абхаавам̣ д̣̇ассзд̇ум̣ со вад̇а жунд̣̇аад̇иаад̣̇имааха. д̇ад̇т̇а сод̇и вуд̇д̇аббагаарабуг̇г̇аланид̣̇д̣̇зсо. д̇асса яод̇и имам̣ уд̣̇д̣̇зсаважанам̣ аахарид̇ваа яо ад̇д̇анаа балибабалибанно, со вад̇а, жунд̣̇а, барам̣ балибабалибаннам̣ уд̣̇д̇хариссад̇ийд̇и звам̣ саб̣б̣абад̣̇зсу самб̣анд̇хо взд̣̇ид̇аб̣б̣о. балибабалибаннод̇и г̇амбхийрагад̣̇д̣̇амз нимуг̇г̇о вужжад̇и, но жа ко арияасса винаяз. арияасса бана винаяз балибанд̇и бан̃жа гаамаг̇ун̣аа вужжанд̇и. балибаннод̇и д̇ад̇т̇а нимуг̇г̇о б̣аалабут̇уж̇ж̇ано, д̇асмаа звамзд̇т̇а ад̇т̇аяож̇анаа взд̣̇ид̇аб̣б̣аа. яат̇аа, жунд̣̇а, гожи бурисо яаава наасигаг̇г̇аа г̇амбхийрз гад̣̇д̣̇амз нимуг̇г̇о абарам̣ д̇ад̇т̇зва нимуг̇г̇ам̣ хад̇т̇з ваа сийсз ваа г̇ахзд̇ваа уд̣̇д̇хариссад̇ийд̇и нзд̇ам̣ таанам̣ виж̇ж̇ад̇и, на хи д̇ам̣ гааран̣амад̇т̇и, язна со д̇ам̣ уд̣̇д̇харид̇ваа т̇алз бад̇идтабзяяа, звамзва яо ад̇д̇анаа бан̃жагаамаг̇ун̣абалибз балибанно, со вад̇а барам̣ д̇ат̇зва балибабалибаннам̣ уд̣̇д̇хариссад̇ийд̇и нзд̇ам̣ таанам̣ виж̇ж̇ад̇и.
87. Evaṃ tasseva sallekhassa uparibhāgaṅgamanīyataṃ dassetvā idāni parinibbāpane samatthabhāvaṃ dassetuṃ so vata cundātiādimāha. Tattha soti vuttappakārapuggalaniddeso. Tassa yoti imaṃ uddesavacanaṃ āharitvā yo attanā palipapalipanno, so vata, cunda, paraṃ palipapalipannaṃ uddharissatīti evaṃ sabbapadesu sambandho veditabbo. Palipapalipannoti gambhīrakaddame nimuggo vuccati, no ca kho ariyassa vinaye. Ariyassa pana vinaye palipanti pañca kāmaguṇā vuccanti. Palipannoti tattha nimuggo bālaputhujjano, tasmā evamettha atthayojanā veditabbā. Yathā, cunda, koci puriso yāva nāsikaggā gambhīre kaddame nimuggo aparaṃ tattheva nimuggaṃ hatthe vā sīse vā gahetvā uddharissatīti netaṃ ṭhānaṃ vijjati, na hi taṃ kāraṇamatthi, yena so taṃ uddharitvā thale patiṭṭhapeyya, evameva yo attanā pañcakāmaguṇapalipe palipanno, so vata paraṃ tatheva palipapalipannaṃ uddharissatīti netaṃ ṭhānaṃ vijjati.
д̇ад̇т̇а сияаа аяуд̇д̇амзд̇ам̣, бут̇уж̇ж̇анаанамби бхигкубхигкунийубаасагаубаасигаанам̣ д̇хаммад̣̇зсанам̣ суд̇ваа хонд̇иязва д̇хаммам̣ абхисамзд̇ааро, д̇асмаа балибабалибанно уд̣̇д̇харад̇ийд̇и, д̇ам̣ на д̇ат̇аа д̣̇адтаб̣б̣ам̣. бхаг̇авааязва хи д̇ад̇т̇а уд̣̇д̇харад̇и, басам̣саамад̇д̇амзва бана д̇хаммагат̇игаа лабханд̇и ран̃н̃аа бахид̇алзкаваажаго вияа. яат̇аа хи ран̃н̃о бажжанд̇аж̇анабад̣̇з бахид̇ам̣ лзкам̣ д̇ад̇т̇а мануссаа лзкам̣ ваажзд̇ум̣ аж̇аананд̇аа яо ваажзд̇ум̣ ж̇аанаад̇и, д̇зна ваажаабзд̇ваа д̇амад̇т̇ам̣ суд̇ваа ‘‘ран̃н̃о аан̣аа’’д̇и аад̣̇арзна самбаад̣̇знд̇и, на жа нзсам̣ ход̇и ‘‘лзкаваажагасса аяам̣ аан̣аа’’д̇и. лзкаваажаго бана ‘‘виссадтааяа ваажааяа ваажзси анзлаг̇ал̣ааяаа’’д̇и басам̣саамад̇д̇амзва лабхад̇и, звамзва гин̃жааби саарибуд̇д̇абабхуд̇аяо д̇хаммагат̇игаа д̇хаммам̣ д̣̇зсзнд̇и, ат̇а ко ликид̇абан̣н̣аваажаго вияа д̇з хонд̇и. бхаг̇авад̇оязва бана саа д̇хаммад̣̇зсанаа ран̃н̃о аан̣аа вияа. яз жа д̇ам̣ суд̇ваа д̇хаммам̣ абхисамзнд̇и, д̇з бхаг̇авааязва уд̣̇д̇харад̇ийд̇и взд̣̇ид̇аб̣б̣аа. д̇хаммагат̇игаа бана ‘‘виссадтааяа ваажааяа д̇хаммам̣ д̣̇зсзнд̇и анзлаг̇ал̣ааяаа’’д̇и басам̣саамад̇д̇амзва лабханд̇ийд̇и. д̇асмаа яуд̇д̇амзвзд̇анд̇и. вуд̇д̇авибарияааязна суггабагко взд̣̇ид̇аб̣б̣о.
Tattha siyā ayuttametaṃ, puthujjanānampi bhikkhubhikkhunīupāsakaupāsikānaṃ dhammadesanaṃ sutvā hontiyeva dhammaṃ abhisametāro, tasmā palipapalipanno uddharatīti, taṃ na tathā daṭṭhabbaṃ. Bhagavāyeva hi tattha uddharati, pasaṃsāmattameva pana dhammakathikā labhanti raññā pahitalekhavācako viya. Yathā hi rañño paccantajanapade pahitaṃ lekhaṃ tattha manussā lekhaṃ vācetuṃ ajānantā yo vācetuṃ jānāti, tena vācāpetvā tamatthaṃ sutvā ‘‘rañño āṇā’’ti ādarena sampādenti, na ca nesaṃ hoti ‘‘lekhavācakassa ayaṃ āṇā’’ti. Lekhavācako pana ‘‘vissaṭṭhāya vācāya vācesi anelagaḷāyā’’ti pasaṃsāmattameva labhati, evameva kiñcāpi sāriputtapabhutayo dhammakathikā dhammaṃ desenti, atha kho likhitapaṇṇavācako viya te honti. Bhagavatoyeva pana sā dhammadesanā rañño āṇā viya. Ye ca taṃ sutvā dhammaṃ abhisamenti, te bhagavāyeva uddharatīti veditabbā. Dhammakathikā pana ‘‘vissaṭṭhāya vācāya dhammaṃ desenti anelagaḷāyā’’ti pasaṃsāmattameva labhantīti. Tasmā yuttamevetanti. Vuttavipariyāyena sukkapakkho veditabbo.
ад̣̇анд̇о авинийд̇о абариниб̣б̣уд̇од̇и зд̇т̇а бана аниб̣б̣исад̇ааяа ад̣̇анд̇о. асигкид̇авинаяад̇ааяа авинийд̇о. аниб̣б̣уд̇агилзсад̇ааяа абариниб̣б̣уд̇од̇и взд̣̇ид̇аб̣б̣о. со д̇аад̣̇исо барам̣ д̣̇амзссад̇и, ниб̣б̣исам̣ гариссад̇и , винзссад̇и ваа д̇иссо сигкаа сигкаабзссад̇и, бариниб̣б̣аабзссад̇и ваа д̇асса гилзсз ниб̣б̣аабзссад̇ийд̇и нзд̇ам̣ таанам̣ виж̇ж̇ад̇и. вуд̇д̇авибарияааязна суггабагко взд̣̇ид̇аб̣б̣о.
Adantoavinīto aparinibbutoti ettha pana anibbisatāya adanto. Asikkhitavinayatāya avinīto. Anibbutakilesatāya aparinibbutoti veditabbo. So tādiso paraṃ damessati, nibbisaṃ karissati , vinessati vā tisso sikkhā sikkhāpessati, parinibbāpessati vā tassa kilese nibbāpessatīti netaṃ ṭhānaṃ vijjati. Vuttavipariyāyena sukkapakkho veditabbo.
звамзва ко, жунд̣̇а, вихим̣сагасса…бз… бариниб̣б̣аанааяаад̇и зд̇т̇а бана звамад̇т̇о взд̣̇ид̇аб̣б̣о – яат̇аа хи ад̇д̇анаа абалибабалибанно барам̣ балибабалибаннам̣ уд̣̇д̇хариссад̇и, д̣̇анд̇о д̣̇амзссад̇и, винийд̇о винзссад̇и, бариниб̣б̣уд̇о бариниб̣б̣аабзссад̇ийд̇и таанамзд̇ам̣ виж̇ж̇ад̇ийд̇и. гим̣ бана д̇анд̇и? абалибабалибаннад̇д̇ам̣, д̣̇анд̇ад̇д̇ам̣ винийд̇ад̇д̇ам̣ бариниб̣б̣уд̇ад̇д̇ан̃жа, звамзва ко, жунд̣̇а, вихим̣сагасса бурисабуг̇г̇аласса авихим̣саа ход̇и бариниб̣б̣аанааяа. гим̣ вуд̇д̇ам̣ ход̇и? яо ад̇д̇анаа авихим̣саго, д̇асса яаа авихим̣саа, аяам̣ яаа зсаа вихим̣сагасса барасса вихим̣саа, д̇ассаа бариниб̣б̣аанааяа ход̇и, ад̇д̇анаа хи авихим̣саго барасса вихим̣саажзд̇анам̣ ниб̣б̣аабзссад̇ийд̇и таанамзд̇ам̣ виж̇ж̇ад̇и. гим̣ бана д̇анд̇и? авихим̣сагад̇д̇амзва. яан̃хи язна ад̇д̇анаа ад̇хиг̇ад̇ам̣ ход̇и, со барам̣ д̇ад̣̇ад̇т̇ааяа самаад̣̇абзд̇ум̣ саггод̇ийд̇и.
Evameva kho, cunda, vihiṃsakassa…pe… parinibbānāyāti ettha pana evamattho veditabbo – yathā hi attanā apalipapalipanno paraṃ palipapalipannaṃ uddharissati, danto damessati, vinīto vinessati, parinibbuto parinibbāpessatīti ṭhānametaṃ vijjatīti. Kiṃ pana tanti? Apalipapalipannattaṃ, dantattaṃ vinītattaṃ parinibbutattañca, evameva kho, cunda, vihiṃsakassa purisapuggalassa avihiṃsā hoti parinibbānāya. Kiṃ vuttaṃ hoti? Yo attanā avihiṃsako, tassa yā avihiṃsā, ayaṃ yā esā vihiṃsakassa parassa vihiṃsā, tassā parinibbānāya hoti, attanā hi avihiṃsako parassa vihiṃsācetanaṃ nibbāpessatīti ṭhānametaṃ vijjati. Kiṃ pana tanti? Avihiṃsakattameva. Yañhi yena attanā adhigataṃ hoti, so paraṃ tadatthāya samādapetuṃ sakkotīti.
ат̇а ваа яат̇аа ад̇д̇анаа абалибанно д̣̇анд̇о винийд̇о бариниб̣б̣уд̇о барам̣ балибабалибаннам̣ ад̣̇анд̇ам̣ авинийд̇ам̣ абариниб̣б̣уд̇ан̃жа уд̣̇д̇хариссад̇и д̣̇амзссад̇и винзссад̇и бариниб̣б̣аабзссад̇ийд̇и таанамзд̇ам̣ виж̇ж̇ад̇и, звамзва вихим̣сагасса бурисабуг̇г̇аласса вихим̣саабахаанааяа маг̇г̇ам̣ бхааваяад̇о уббаннаа авихим̣саа ход̇и бариниб̣б̣аанааяа. бариниб̣б̣уд̇о вияа хи абариниб̣б̣уд̇ам̣ авихим̣саажзд̇анаава вихим̣саажзд̇анам̣ бариниб̣б̣аабзд̇ум̣ самад̇т̇аа. зд̇амад̇т̇ам̣ д̣̇ассзнд̇о ‘‘звамзва ко, жунд̣̇аа’’д̇иаад̣̇имаахаад̇и звамзд̇т̇а ад̇т̇о д̣̇адтаб̣б̣о. яат̇аа жзд̇т̇а, звам̣ саб̣б̣абад̣̇зсу. ад̇ивид̇т̇аарабхаязна бана анубад̣̇аяож̇анаа на гад̇аад̇и.
Atha vā yathā attanā apalipanno danto vinīto parinibbuto paraṃ palipapalipannaṃ adantaṃ avinītaṃ aparinibbutañca uddharissati damessati vinessati parinibbāpessatīti ṭhānametaṃ vijjati, evameva vihiṃsakassa purisapuggalassa vihiṃsāpahānāya maggaṃ bhāvayato uppannā avihiṃsā hoti parinibbānāya. Parinibbuto viya hi aparinibbutaṃ avihiṃsācetanāva vihiṃsācetanaṃ parinibbāpetuṃ samatthā. Etamatthaṃ dassento ‘‘evameva kho, cundā’’tiādimāhāti evamettha attho daṭṭhabbo. Yathā cettha, evaṃ sabbapadesu. Ativitthārabhayena pana anupadayojanā na katāti.
88. звам̣ д̇асса бариниб̣б̣аабанз самад̇т̇абхаавам̣ д̣̇ассзд̇ваа ид̣̇аани д̇ам̣ д̣̇зсанам̣ ниг̇амзд̇ваа д̇хаммабадибад̇д̇ияам̣ нияож̇зд̇ум̣ ид̇и ко, жунд̣̇аад̇иаад̣̇имааха. д̇ад̇т̇а саллзкабарияааяод̇и саллзкагааран̣ам̣. зса наяо саб̣б̣ад̇т̇а зд̇т̇а авихим̣саад̣̇аяо зва вихим̣саад̣̇ийнам̣ саллзканад̇о саллзкагааран̣ам̣ . д̇зсам̣ васзна жид̇д̇асса уббаад̣̇зд̇аб̣б̣ад̇о жид̇д̇убаад̣̇агааран̣ам̣, вихим̣саад̣̇и, бариггаманасса хзд̇уд̇о бариггаманагааран̣ам̣, убарибхааг̇анибпаад̣̇анад̇о убарибхааг̇агааран̣ам̣ , вихим̣саад̣̇ийнам̣ бариниб̣б̣аабанад̇о бариниб̣б̣аанагааран̣анд̇и взд̣̇ид̇аб̣б̣аа. хид̇зсинаад̇и хид̇ам̣ зсанд̇зна. анугамбагзнаад̇и анугамбамаанзна. анугамбам̣ убаад̣̇ааяаад̇и анугамбам̣ жид̇д̇зна бариг̇г̇ахзд̇ваа, барижжаад̇иби вуд̇д̇ам̣ ход̇и. гад̇ам̣ во д̇ам̣ маяаад̇и д̇ам̣ маяаа имз бан̃жа барияааяз д̣̇ассзнд̇зна д̇умхаагам̣ гад̇ам̣. зд̇д̇агамзва хи анугамбагасса сад̇т̇у гижжам̣, яад̣̇ид̣̇ам̣ авибарийд̇ад̇хаммад̣̇зсанаа. ид̇о барам̣ бана бадибад̇д̇и наама саавагаанам̣ гижжам̣. д̇знааха зд̇аани, жунд̣̇а, ругкамуулаани…бз… амхаагам̣ анусаасанийд̇и.
88. Evaṃ tassa parinibbāpane samatthabhāvaṃ dassetvā idāni taṃ desanaṃ nigametvā dhammapaṭipattiyaṃ niyojetuṃ iti kho, cundātiādimāha. Tattha sallekhapariyāyoti sallekhakāraṇaṃ. Esa nayo sabbattha ettha avihiṃsādayo eva vihiṃsādīnaṃ sallekhanato sallekhakāraṇaṃ . Tesaṃ vasena cittassa uppādetabbato cittupādakāraṇaṃ, vihiṃsādi, parikkamanassa hetuto parikkamanakāraṇaṃ, uparibhāganipphādanato uparibhāgakāraṇaṃ , vihiṃsādīnaṃ parinibbāpanato parinibbānakāraṇanti veditabbā. Hitesināti hitaṃ esantena. Anukampakenāti anukampamānena. Anukampaṃ upādāyāti anukampaṃ cittena pariggahetvā, pariccātipi vuttaṃ hoti. Kataṃ vo taṃ mayāti taṃ mayā ime pañca pariyāye dassentena tumhākaṃ kataṃ. Ettakameva hi anukampakassa satthu kiccaṃ, yadidaṃ aviparītadhammadesanā. Ito paraṃ pana paṭipatti nāma sāvakānaṃ kiccaṃ. Tenāha etāni, cunda, rukkhamūlāni…pe… amhākaṃ anusāsanīti.
д̇ад̇т̇а жа ругкамуулаанийд̇и иминаа ругкамууласзнаасанам̣ д̣̇ассзд̇и. сун̃н̃ааг̇аараанийд̇и иминаа ж̇анавивид̇д̇адтаанам̣. убхаязнааби жа яог̇аануруубасзнаасанамаажигкад̇и, д̣̇ааяаж̇ж̇ам̣ нияяаад̇зд̇и. жхааяат̇аад̇и аарамман̣уубаниж̇жхаанзна адтад̇им̣саарамман̣аани, лагкан̣уубаниж̇жхаанзна жа анижжаад̣̇ид̇о канд̇хааяад̇анаад̣̇ийни убаниж̇жхааяат̇а, самат̇ан̃жа вибассанан̃жа вад̣дхзт̇аад̇и вуд̇д̇ам̣ ход̇и. маа бамаад̣̇ад̇т̇аад̇и маа бамаж̇ж̇ид̇т̇а. маа бажчаа виббадисаарино ахувад̇т̇аад̇и яз хи буб̣б̣з д̣̇ахарагаалз, аарог̇яагаалз, сад̇д̇асаббааяаад̣̇исамбад̇д̇игаалз, сад̇т̇у саммукийбхаавагаалз жа яонисоманасигааравирахид̇аа рад̇д̇инд̣̇ивам̣ ман̇г̇улабхад̇д̇аа худ̇ваа сзяяасукам̣ мид̣̇д̇хасукаманубхонд̇аа бамаж̇ж̇анд̇и, д̇з бажчаа ж̇араагаалз, рог̇агаалз, маран̣агаалз, вибад̇д̇игаалз, сад̇т̇у бариниб̣б̣уд̇агаалз жа д̇ам̣ буб̣б̣з бамаад̣̇авихаарам̣ ануссаранд̇аа, саббадисанд̇хигаалагирияан̃жа бхаарияам̣ самбассамаанаа виббадисаарино хонд̇и, д̇умхз бана д̇аад̣̇исаа маа ахувад̇т̇аад̇и зд̇амад̇т̇ам̣ д̣̇ассзнд̇о ааха ‘‘маа бажчаа виббадисаарино ахувад̇т̇аа’’д̇и. аяам̣ во амхаагам̣ анусаасанийд̇и аяам̣ амхаагам̣ санд̇игаа ‘‘жхааяат̇а маа бамаад̣̇ад̇т̇аа’’д̇и д̇умхаагам̣ анусаасаний, оваад̣̇од̇и вуд̇д̇ам̣ ход̇и.
Tattha ca rukkhamūlānīti iminā rukkhamūlasenāsanaṃ dasseti. Suññāgārānīti iminā janavivittaṭṭhānaṃ. Ubhayenāpi ca yogānurūpasenāsanamācikkhati, dāyajjaṃ niyyāteti. Jhāyathāti ārammaṇūpanijjhānena aṭṭhatiṃsārammaṇāni, lakkhaṇūpanijjhānena ca aniccādito khandhāyatanādīni upanijjhāyatha, samathañca vipassanañca vaḍḍhethāti vuttaṃ hoti. Mā pamādatthāti mā pamajjittha. Mā pacchā vippaṭisārino ahuvatthāti ye hi pubbe daharakāle, ārogyakāle, sattasappāyādisampattikāle, satthu sammukhībhāvakāle ca yonisomanasikāravirahitā rattindivaṃ maṅgulabhattā hutvā seyyasukhaṃ middhasukhamanubhontā pamajjanti, te pacchā jarākāle, rogakāle, maraṇakāle, vipattikāle, satthu parinibbutakāle ca taṃ pubbe pamādavihāraṃ anussarantā, sappaṭisandhikālakiriyañca bhāriyaṃ sampassamānā vippaṭisārino honti, tumhe pana tādisā mā ahuvatthāti etamatthaṃ dassento āha ‘‘mā pacchā vippaṭisārino ahuvatthā’’ti. Ayaṃ vo amhākaṃ anusāsanīti ayaṃ amhākaṃ santikā ‘‘jhāyatha mā pamādatthā’’ti tumhākaṃ anusāsanī, ovādoti vuttaṃ hoti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
саллзкасуд̇д̇аван̣н̣анаа нидтид̇аа.
Sallekhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 8. саллзкасуд̇д̇ам̣ • 8. Sallekhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 8. саллзкасуд̇д̇аван̣н̣анаа • 8. Sallekhasuttavaṇṇanā
