| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
37. саллзкадтан̃аан̣анид̣̇д̣̇зсаван̣н̣анаа
37. Sallekhaṭṭhañāṇaniddesavaṇṇanā
88. саллзкадтан̃аан̣анид̣̇д̣̇зсз рааг̇о бут̇ууд̇и рааг̇о висум̣, логуд̇д̇арзхи асаммиссод̇и ад̇т̇о. зса наяо сзсзсу. рааг̇од̇и ран̃ж̇анадтзна. д̣̇осод̇и д̣̇уссанадтзна. моход̇и муяханадтзна. ран̃ж̇аналагкан̣о рааг̇о, д̣̇уссаналагкан̣о д̣̇осо, муяханалагкан̣о моход̇и имз д̇аяо сийсагилзсз вад̇ваа ид̣̇аани бабхзд̣̇ад̇о д̣̇ассзнд̇о год̇ход̇иаад̣̇имааха. д̇ад̇т̇а гуж̇жханалагкан̣о год̇ход̇и ид̇ха сад̇д̇авад̇т̇уго ад̇хиббзд̇о. убананд̇ханалагкан̣о убанаахо, д̣̇ал̣хабхааваббад̇д̇о год̇хоязва. бараг̇ун̣амагканалагкан̣о магко, бараг̇ун̣абун̃чананд̇и ад̇т̇о. яуг̇аг̇г̇аахалагкан̣о бал̣аасо, яуг̇аг̇г̇аахавасзна бараг̇ун̣ад̣̇ассананд̇и ад̇т̇о. барасамбад̇д̇икийяаналагкан̣аа иссаа, усууяанаад̇и ад̇т̇о . ад̇д̇асамбад̇д̇иниг̇ууханалагкан̣ам̣ мажчарияам̣, ‘‘маяхам̣ ажчарияам̣ маа барасса ход̇уу’’д̇и ад̇т̇о. ад̇д̇анаа гад̇абаабабадижчаад̣̇аналагкан̣аа мааяаа, бадижчаад̣̇анадтзна мааяаа вияаад̇и ад̇т̇о. ад̇д̇ано авиж̇ж̇амаанаг̇ун̣аббагаасаналагкан̣ам̣ саатзяяам̣, сатабхаавод̇и ад̇т̇о. жид̇д̇асса уд̣̇д̇хумаад̇абхаавалагкан̣о т̇амбхо, т̇ад̣̇д̇хабхаавод̇и ад̇т̇о. гаран̣уд̇д̇арияалагкан̣о саарамбхо. уннад̇илагкан̣о маано. аб̣бхуннад̇илагкан̣о ад̇имаано. мад̇д̇абхаавалагкан̣о мад̣̇о. бан̃жасу гаамаг̇ун̣зсу жид̇д̇авосаг̇г̇алагкан̣о бамаад̣̇о.
88. Sallekhaṭṭhañāṇaniddese rāgo puthūti rāgo visuṃ, lokuttarehi asammissoti attho. Esa nayo sesesu. Rāgoti rañjanaṭṭhena. Dosoti dussanaṭṭhena. Mohoti muyhanaṭṭhena. Rañjanalakkhaṇo rāgo, dussanalakkhaṇo doso, muyhanalakkhaṇo mohoti ime tayo sīsakilese vatvā idāni pabhedato dassento kodhotiādimāha. Tattha kujjhanalakkhaṇo kodhoti idha sattavatthuko adhippeto. Upanandhanalakkhaṇo upanāho, daḷhabhāvappatto kodhoyeva. Paraguṇamakkhanalakkhaṇo makkho, paraguṇapuñchananti attho. Yugaggāhalakkhaṇo paḷāso, yugaggāhavasena paraguṇadassananti attho. Parasampattikhīyanalakkhaṇā issā, usūyanāti attho . Attasampattinigūhanalakkhaṇaṃ macchariyaṃ, ‘‘mayhaṃ acchariyaṃ mā parassa hotū’’ti attho. Attanā katapāpapaṭicchādanalakkhaṇā māyā, paṭicchādanaṭṭhena māyā viyāti attho. Attano avijjamānaguṇappakāsanalakkhaṇaṃ sāṭheyyaṃ, saṭhabhāvoti attho. Cittassa uddhumātabhāvalakkhaṇo thambho, thaddhabhāvoti attho. Karaṇuttariyalakkhaṇo sārambho. Unnatilakkhaṇo māno. Abbhunnatilakkhaṇo atimāno. Mattabhāvalakkhaṇo mado. Pañcasu kāmaguṇesu cittavosaggalakkhaṇo pamādo.
звам̣ висум̣ висум̣ гилзсавасзна бут̇уу д̣̇ассзд̇ваа вуд̇д̇агилзсз жа авуд̇д̇з жа ан̃н̃з саб̣б̣асан̇г̇аахигавасзна д̣̇ассзд̇ум̣ саб̣б̣з гилзсаад̇иаад̣̇имааха. д̇ад̇т̇а д̣̇идтад̇хаммасамбарааязсу сад̇д̇з гилзсзнд̇и убад̇аабзнд̇и виб̣аад̇хзнд̇ийд̇и гилзсаа. агусалагаммабат̇асан̇г̇ахид̇аа жа асан̇г̇ахид̇аа жа. д̣̇удту жарид̇аа, д̣̇удтаа ваа жарид̇аад̇и д̣̇ужжарид̇аа. д̇з бана гааяад̣̇ужжарид̇ам̣ важийд̣̇ужжарид̇ам̣ манод̣̇ужжарид̇анд̇и д̇иббагаараа. вибаагам̣ абхисан̇каронд̇ийд̇и абхисан̇каараа. д̇зби бун̃н̃аабхисан̇кааро абун̃н̃аабхисан̇кааро аанзн̃ж̇аабхисан̇каарод̇и д̇иббагаараа. вибаагавасзна бхавам̣ г̇ажчанд̇ийд̇ибхаваг̇аамино , бхаваг̇аамино гаммаа бхаваг̇аамигаммаа. иминаа абхисан̇каарабхаавзби сад̇и авзд̣̇анийяаани гаммаани бадигкид̇д̇аани хонд̇ийд̇и аяам̣ висзсо. ‘‘д̣̇ужжарид̇аа’’д̇и жа ‘‘гаммаа’’д̇и жа лин̇г̇авибаллаасо гад̇о. наанад̇д̇згад̇д̇анд̇и зд̇т̇а уд̣̇д̣̇зсз згад̇д̇асад̣̇д̣̇асса абхаавзби наанад̇д̇згад̇д̇аанам̣ ан̃н̃аман̃н̃аабзгкад̇д̇аа згад̇д̇амби нид̣̇д̣̇исид̇угаамзна ‘‘наанад̇д̇згад̇д̇а’’нд̇и уд̣̇д̣̇зсо гад̇о. наанад̇д̇асаллзкагз згад̇д̇з д̣̇ассид̇з саллзкан̃аан̣ам̣ сукзна д̣̇ассийяад̇ийд̇и. наанад̇д̇анд̇и анавадтид̇ад̇д̇аа сабарибпанд̣̇ад̇д̇аа жа наанаасабхааво. згад̇д̇анд̇и авадтид̇ад̇д̇аа абарибпанд̣̇ад̇д̇аа жа згасабхааво.
Evaṃ visuṃ visuṃ kilesavasena puthū dassetvā vuttakilese ca avutte ca aññe sabbasaṅgāhikavasena dassetuṃ sabbe kilesātiādimāha. Tattha diṭṭhadhammasamparāyesu satte kilesenti upatāpenti vibādhentīti kilesā. Akusalakammapathasaṅgahitā ca asaṅgahitā ca. Duṭṭhu caritā, duṭṭhā vā caritāti duccaritā. Te pana kāyaduccaritaṃ vacīduccaritaṃ manoduccaritanti tippakārā. Vipākaṃ abhisaṅkharontīti abhisaṅkhārā. Tepi puññābhisaṅkhāro apuññābhisaṅkhāro āneñjābhisaṅkhāroti tippakārā. Vipākavasena bhavaṃ gacchantītibhavagāmino , bhavagāmino kammā bhavagāmikammā. Iminā abhisaṅkhārabhāvepi sati avedanīyāni kammāni paṭikkhittāni hontīti ayaṃ viseso. ‘‘Duccaritā’’ti ca ‘‘kammā’’ti ca liṅgavipallāso kato. Nānattekattanti ettha uddese ekattasaddassa abhāvepi nānattekattānaṃ aññamaññāpekkhattā ekattampi niddisitukāmena ‘‘nānattekatta’’nti uddeso kato. Nānattasallekhake ekatte dassite sallekhañāṇaṃ sukhena dassīyatīti. Nānattanti anavaṭṭhitattā saparipphandattā ca nānāsabhāvo. Ekattanti avaṭṭhitattā aparipphandattā ca ekasabhāvo.
жаран̣ад̇зж̇од̇и жаранд̇и д̇зна аг̇ад̇ам̣ д̣̇исам̣ ниб̣б̣аанам̣ г̇ажчанд̇ийд̇и жаран̣ам̣. гим̣ д̇ам̣? сийлам̣. д̇ад̣̇зва бадибагкад̇аабанадтзна д̇зж̇о. г̇ун̣ад̇зж̇од̇и сийлзна лад̣̇д̇хабад̇идто самаад̇хид̇зж̇о. бан̃н̃аад̇зж̇од̇и самаад̇хинаа лад̣̇д̇хабад̇идто вибассанаад̇зж̇о. бун̃н̃ад̇зж̇од̇и вибассанаахи лад̣̇д̇хабад̇идто арияамаг̇г̇агусалад̇зж̇о. д̇хаммад̇зж̇од̇и жад̇уннам̣ д̇зж̇аанам̣ бад̇идтаабхууд̇о б̣уд̣̇д̇хаважанад̇зж̇о. жаран̣ад̇зж̇зна д̇зж̇ид̇ад̇д̇аад̇и сийлад̇зж̇зна д̇икин̣ийгад̇ад̇д̇аа. д̣̇уссийляад̇зж̇анд̇и д̣̇уссийлабхаавасан̇каад̇ам̣ д̇зж̇ам̣. д̇амби хи санд̇аанам̣ д̇аабанад̇о д̇зж̇о наама. барияаад̣̇ияад̇ийд̇и кзбзд̇и. аг̇ун̣ад̇зж̇анд̇и самаад̇хисса бадибагкам̣ вигкзбад̇зж̇ам̣. д̣̇уббан̃н̃ад̇зж̇анд̇и вибассанаан̃аан̣абадибагкам̣ мохад̇зж̇ам̣. абун̃н̃ад̇зж̇анд̇и д̇ам̣д̇ам̣маг̇г̇аваж̇жхагилзсаббахаанзна гилзсасахааяам̣ агусалагаммад̇зж̇ам̣. на гзвалан̃хзд̇ам̣ абун̃н̃амзва кзбзд̇и, ‘‘ад̇т̇и, бхигкавз, гаммам̣ аган̣хам̣ асуггам̣ аган̣хаасуггавибаагам̣ гаммам̣ гаммагкаяааяа сам̣вад̇д̇ад̇ий’’д̇и (а. ни. 4.233; д̣̇ий. ни. 3.312; ма. ни. 2.18) важанад̇о гусалагаммамби кзбзд̇иязва. бун̃н̃ад̇зж̇абадибагкавасзна абун̃н̃ад̇зж̇амзва вуд̇д̇ам̣. ад̇хаммад̇зж̇анд̇и наанаад̇ид̇т̇ияаанам̣ самаяаважанад̇зж̇ам̣. имасса н̃аан̣асса уд̣̇д̣̇зсаван̣н̣анааяам̣ вуд̇д̇з д̣̇уд̇ияз ад̇т̇авигаббз рааг̇аад̣̇аяо згуунавийсад̇и бут̇у д̣̇уссийляад̇зж̇аа хонд̇и. ‘‘абхисан̇каараа, бхаваг̇аамигаммаа’’д̇и зд̇т̇а абун̃н̃аабхисан̇каараа агусалагамман̃жа абун̃н̃ад̇зж̇аа хонд̇и, аанзн̃ж̇аабхисан̇каараани логияагусалагаммаани бун̃н̃ад̇зж̇знзва кзбанийяад̇о абун̃н̃ад̇зж̇абагкигаава хонд̇и. гаамажчанд̣̇аад̣̇аяо бан̃жад̣̇аса наанад̇д̇аа аг̇ун̣ад̇зж̇аа хонд̇и, нижжасан̃н̃аад̣̇аяо адтаараса наанад̇д̇аа д̣̇уббан̃н̃ад̇зж̇аа хонд̇и, жад̇умаг̇г̇аваж̇жхаа жад̇д̇ааро наанад̇д̇аа абун̃н̃ад̇зж̇аа хонд̇и. сод̇аабад̇д̇имаг̇г̇аваж̇жханаанад̇д̇зна ад̇хаммад̇зж̇о сан̇г̇ахзд̇аб̣б̣о.
Caraṇatejoti caranti tena agataṃ disaṃ nibbānaṃ gacchantīti caraṇaṃ. Kiṃ taṃ? Sīlaṃ. Tadeva paṭipakkhatāpanaṭṭhena tejo. Guṇatejoti sīlena laddhapatiṭṭho samādhitejo. Paññātejoti samādhinā laddhapatiṭṭho vipassanātejo. Puññatejoti vipassanāhi laddhapatiṭṭho ariyamaggakusalatejo. Dhammatejoti catunnaṃ tejānaṃ patiṭṭhābhūto buddhavacanatejo. Caraṇatejena tejitattāti sīlatejena tikhiṇīkatattā. Dussīlyatejanti dussīlabhāvasaṅkhātaṃ tejaṃ. Tampi hi santānaṃ tāpanato tejo nāma. Pariyādiyatīti khepeti. Aguṇatejanti samādhissa paṭipakkhaṃ vikkhepatejaṃ. Duppaññatejanti vipassanāñāṇapaṭipakkhaṃ mohatejaṃ. Apuññatejanti taṃtaṃmaggavajjhakilesappahānena kilesasahāyaṃ akusalakammatejaṃ. Na kevalañhetaṃ apuññameva khepeti, ‘‘atthi, bhikkhave, kammaṃ akaṇhaṃ asukkaṃ akaṇhaasukkavipākaṃ kammaṃ kammakkhayāya saṃvattatī’’ti (a. ni. 4.233; dī. ni. 3.312; ma. ni. 2.18) vacanato kusalakammampi khepetiyeva. Puññatejapaṭipakkhavasena apuññatejameva vuttaṃ. Adhammatejanti nānātitthiyānaṃ samayavacanatejaṃ. Imassa ñāṇassa uddesavaṇṇanāyaṃ vutte dutiye atthavikappe rāgādayo ekūnavīsati puthu dussīlyatejā honti. ‘‘Abhisaṅkhārā, bhavagāmikammā’’ti ettha apuññābhisaṅkhārā akusalakammañca apuññatejā honti, āneñjābhisaṅkhārāni lokiyakusalakammāni puññatejeneva khepanīyato apuññatejapakkhikāva honti. Kāmacchandādayo pañcadasa nānattā aguṇatejā honti, niccasaññādayo aṭṭhārasa nānattā duppaññatejā honti, catumaggavajjhā cattāro nānattā apuññatejā honti. Sotāpattimaggavajjhanānattena adhammatejo saṅgahetabbo.
нид̣̇д̣̇зсз саллзкабадибагкзна асаллзкзна саллзкам̣ д̣̇ассзд̇угаамзна асаллзкабуб̣б̣аго саллзко нид̣̇д̣̇идто. нзгкаммаад̣̇аяо сад̇д̇ад̇им̣са згад̇д̇ад̇хаммаава бажжанийгаанам̣ салликанад̇о ‘‘саллзко’’д̇и вуд̇д̇аа. д̇асмим̣ нзгкаммаад̣̇игз сад̇д̇ад̇им̣сабабхзд̣̇з саллзкз н̃аан̣ам̣ саллзкадтз н̃аан̣анд̇и.
Niddese sallekhapaṭipakkhena asallekhena sallekhaṃ dassetukāmena asallekhapubbako sallekho niddiṭṭho. Nekkhammādayo sattatiṃsa ekattadhammāva paccanīkānaṃ sallikhanato ‘‘sallekho’’ti vuttā. Tasmiṃ nekkhammādike sattatiṃsapabhede sallekhe ñāṇaṃ sallekhaṭṭhe ñāṇanti.
саллзкадтан̃аан̣анид̣̇д̣̇зсаван̣н̣анаа нидтид̇аа.
Sallekhaṭṭhañāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 37. саллзкадтан̃аан̣анид̣̇д̣̇зсо • 37. Sallekhaṭṭhañāṇaniddeso
