| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
37. саллзкадтан̃аан̣анид̣̇д̣̇зсо
37. Sallekhaṭṭhañāṇaniddeso
88. гат̇ам̣ бут̇унаанад̇д̇згад̇д̇ад̇зж̇абарияаад̣̇аанз бан̃н̃аа саллзкадтз 1 н̃аан̣ам̣? бут̇ууд̇и – рааг̇о бут̇у, д̣̇осо бут̇у, мохо бут̇у, год̇хо…бз… убанаахо… магко… бал̣аасо… иссаа… мажчарияам̣… мааяаа… саатзяяам̣… т̇амбхо… саарамбхо… маано… ад̇имаано… мад̣̇о… бамаад̣̇о… саб̣б̣з гилзсаа… саб̣б̣з д̣̇ужжарид̇аа… саб̣б̣з абхисан̇каараа… саб̣б̣з бхаваг̇аамигаммаа.
88. Kathaṃ puthunānattekattatejapariyādāne paññā sallekhaṭṭhe 2 ñāṇaṃ? Puthūti – rāgo puthu, doso puthu, moho puthu, kodho…pe… upanāho… makkho… paḷāso… issā… macchariyaṃ… māyā… sāṭheyyaṃ… thambho… sārambho… māno… atimāno… mado… pamādo… sabbe kilesā… sabbe duccaritā… sabbe abhisaṅkhārā… sabbe bhavagāmikammā.
наанад̇д̇згад̇д̇анд̇и гаамажчанд̣̇о наанад̇д̇ам̣, нзгкаммам̣ згад̇д̇ам̣. б̣яаабаад̣̇о наанад̇д̇ам̣, аб̣яаабаад̣̇о згад̇д̇ам̣. т̇инамид̣̇д̇хам̣ наанад̇д̇ам̣, аалогасан̃н̃аа згад̇д̇ам̣. уд̣̇д̇хажжам̣ наанад̇д̇ам̣, авигкзбо згад̇д̇ам̣. вижигижчаа наанад̇д̇ам̣, д̇хаммававад̇т̇аанам̣ згад̇д̇ам̣. авиж̇ж̇аа наанад̇д̇ам̣, н̃аан̣ам̣ згад̇д̇ам̣. арад̇и наанад̇д̇ам̣, баамож̇ж̇ам̣ згад̇д̇ам̣. нийваран̣аа наанад̇д̇ам̣, батамам̣ жхаанам̣ згад̇д̇ам̣…бз… саб̣б̣з гилзсаа наанад̇д̇ам̣, арахад̇д̇амаг̇г̇о згад̇д̇ам̣.
Nānattekattanti kāmacchando nānattaṃ, nekkhammaṃ ekattaṃ. Byāpādo nānattaṃ, abyāpādo ekattaṃ. Thinamiddhaṃ nānattaṃ, ālokasaññā ekattaṃ. Uddhaccaṃ nānattaṃ, avikkhepo ekattaṃ. Vicikicchā nānattaṃ, dhammavavatthānaṃ ekattaṃ. Avijjā nānattaṃ, ñāṇaṃ ekattaṃ. Arati nānattaṃ, pāmojjaṃ ekattaṃ. Nīvaraṇā nānattaṃ, paṭhamaṃ jhānaṃ ekattaṃ…pe… sabbe kilesā nānattaṃ, arahattamaggo ekattaṃ.
д̇зж̇од̇и бан̃жа д̇зж̇аа – жаран̣ад̇зж̇о, г̇ун̣ад̇зж̇о, бан̃н̃аад̇зж̇о, бун̃н̃ад̇зж̇о, д̇хаммад̇зж̇о. жаран̣ад̇зж̇зна д̇зж̇ид̇ад̇д̇аа д̣̇уссийляад̇зж̇ам̣ барияаад̣̇ияад̇и. г̇ун̣ад̇зж̇зна д̇зж̇ид̇ад̇д̇аа аг̇ун̣ад̇зж̇ам̣ барияаад̣̇ияад̇и. бан̃н̃аад̇зж̇зна д̇зж̇ид̇ад̇д̇аа д̣̇уббан̃н̃ад̇зж̇ам̣ барияаад̣̇ияад̇и. бун̃н̃ад̇зж̇зна д̇зж̇ид̇ад̇д̇аа абун̃н̃ад̇зж̇ам̣ барияаад̣̇ияад̇и. д̇хаммад̇зж̇зна д̇зж̇ид̇ад̇д̇аа ад̇хаммад̇зж̇ам̣ барияаад̣̇ияад̇и.
Tejoti pañca tejā – caraṇatejo, guṇatejo, paññātejo, puññatejo, dhammatejo. Caraṇatejena tejitattā dussīlyatejaṃ pariyādiyati. Guṇatejena tejitattā aguṇatejaṃ pariyādiyati. Paññātejena tejitattā duppaññatejaṃ pariyādiyati. Puññatejena tejitattā apuññatejaṃ pariyādiyati. Dhammatejena tejitattā adhammatejaṃ pariyādiyati.
саллзкод̇и гаамажчанд̣̇о асаллзко, нзгкаммам̣ саллзко . б̣яаабаад̣̇о асаллзко, аб̣яаабаад̣̇о саллзко. т̇инамид̣̇д̇хам̣ асаллзко, аалогасан̃н̃аа саллзко. уд̣̇д̇хажжам̣ асаллзко, авигкзбо саллзко. вижигижчаа асаллзко, д̇хаммававад̇т̇аанам̣ саллзко. авиж̇ж̇аа асаллзко, н̃аан̣ам̣ саллзко. арад̇и асаллзко, баамож̇ж̇ам̣ саллзко. нийваран̣аа асаллзко, батамам̣ жхаанам̣ саллзко…бз… саб̣б̣агилзсаа асаллзко, арахад̇д̇амаг̇г̇о саллзко. д̇ам̣ н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘бут̇унаанад̇д̇ад̇зж̇абарияаад̣̇аанз бан̃н̃аа саллзкадтз н̃аан̣ам̣’’.
Sallekhoti kāmacchando asallekho, nekkhammaṃ sallekho . Byāpādo asallekho, abyāpādo sallekho. Thinamiddhaṃ asallekho, ālokasaññā sallekho. Uddhaccaṃ asallekho, avikkhepo sallekho. Vicikicchā asallekho, dhammavavatthānaṃ sallekho. Avijjā asallekho, ñāṇaṃ sallekho. Arati asallekho, pāmojjaṃ sallekho. Nīvaraṇā asallekho, paṭhamaṃ jhānaṃ sallekho…pe… sabbakilesā asallekho, arahattamaggo sallekho. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘puthunānattatejapariyādāne paññā sallekhaṭṭhe ñāṇaṃ’’.
саллзкадтан̃аан̣анид̣̇д̣̇зсо сад̇д̇ад̇им̣сад̇имо.
Sallekhaṭṭhañāṇaniddeso sattatiṃsatimo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 37. саллзкадтан̃аан̣анид̣̇д̣̇зсаван̣н̣анаа • 37. Sallekhaṭṭhañāṇaniddesavaṇṇanā
