| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[286] 6. саалуугаж̇аад̇агаван̣н̣анаа
[286] 6. Sālūkajātakavaṇṇanā
маа саалуугасса бихаяийд̇и ид̣̇ам̣ сад̇т̇аа ж̇зд̇аванз вихаранд̇о т̇уллагумааригаабалобханам̣ аараб̣бха гат̇зси. д̇ам̣ жуул̣анаарад̣̇агассабаж̇аад̇агз (ж̇аа. 1.13.40 аад̣̇аяо) аавибхависсад̇и. д̇ам̣ бана бхигкум̣ сад̇т̇аа баггосаабзд̇ваа ‘‘сажжам̣ гира д̇вам̣, бхигку, угган̣тид̇осий’’д̇и бужчи. ‘‘звам̣, бханд̇з’’д̇и. ‘‘го д̇ам̣ угган̣таабзд̇ий’’д̇и? ‘‘т̇уллагумааригаа, бханд̇з’’д̇и. сад̇т̇аа ‘‘зсаа д̇з бхигку анад̇т̇агааригаа, буб̣б̣зби д̇вам̣ зд̇иссаа виваахад̇т̇ааяа ааг̇ад̇абарисааяа уд̇д̇арибхан̇г̇о ахосий’’д̇и вад̇ваа бхигкуухи яаажид̇о ад̇ийд̇ам̣ аахари.
Māsālūkassa pihayīti idaṃ satthā jetavane viharanto thullakumārikāpalobhanaṃ ārabbha kathesi. Taṃ cūḷanāradakassapajātake (jā. 1.13.40 ādayo) āvibhavissati. Taṃ pana bhikkhuṃ satthā pakkosāpetvā ‘‘saccaṃ kira tvaṃ, bhikkhu, ukkaṇṭhitosī’’ti pucchi. ‘‘Evaṃ, bhante’’ti. ‘‘Ko taṃ ukkaṇṭhāpetī’’ti? ‘‘Thullakumārikā, bhante’’ti. Satthā ‘‘esā te bhikkhu anatthakārikā, pubbepi tvaṃ etissā vivāhatthāya āgataparisāya uttaribhaṅgo ahosī’’ti vatvā bhikkhūhi yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о махаалохид̇аг̇он̣о наама ахоси, ганидтабхаад̇аа банасса жуул̣алохид̇о наама. убхоби г̇он̣аа г̇аамагз згасмим̣ гулз гаммам̣ гаронд̇и. д̇асса гуласса згаа ваяаббад̇д̇аа гумааригаа ад̇т̇и, д̇ам̣ ан̃н̃агулам̣ ваарзси. ат̇а нам̣ гулам̣ ‘‘виваахагаалз уд̇д̇арибхан̇г̇о бхависсад̇ий’’д̇и саалуугам̣ наама суугарам̣ яааг̇убхад̇д̇зна бадиж̇аг̇г̇и, со хздтааман̃жз саяад̇и. ат̇згад̣̇ивасам̣ жуул̣алохид̇о бхаад̇арам̣ ааха – ‘‘бхаад̇ига, маяам̣ имасмим̣ гулз гаммам̣ гарома, амхз ниссааяа имам̣ гулам̣ ж̇ийвад̇и, ат̇а жа банимз мануссаа амхаагам̣ д̇ин̣абалааламад̇д̇ам̣ д̣̇знд̇и, имам̣ суугарам̣ яааг̇убхад̇д̇зна босзнд̇и, хздтааман̃жз саяаабзнд̇и, гим̣ наамзса зд̇зсам̣ гариссад̇ий’’д̇и. махаалохид̇о ‘‘д̇аад̇а, маа д̇вам̣ зд̇асса яааг̇убхад̇д̇ам̣ бад̇т̇аяа, зд̇иссаа гумааригааяа виваахад̣̇ивасз зд̇ам̣ уд̇д̇арибхан̇г̇ам̣ гаад̇угаамаа зд̇з мам̣сасса т̇уулабхаавагаран̣ад̇т̇ам̣ босзнд̇и, гад̇ибаахажжаязна д̇ам̣ бассиссаси хздтааман̃жад̇о нигкаамзд̇ваа вад̇хид̇ваа кан̣д̣аакан̣д̣игам̣ чинд̣̇ид̇ваа ааг̇анд̇угабхад̇д̇ам̣ гарияамаана’’нд̇и вад̇ваа буримаа д̣̇вз г̇аат̇аа самудтаабзси –
Atīte bārāṇasiyaṃ brahmadatte rajjaṃ kārente bodhisatto mahālohitagoṇo nāma ahosi, kaniṭṭhabhātā panassa cūḷalohito nāma. Ubhopi goṇā gāmake ekasmiṃ kule kammaṃ karonti. Tassa kulassa ekā vayappattā kumārikā atthi, taṃ aññakulaṃ vāresi. Atha naṃ kulaṃ ‘‘vivāhakāle uttaribhaṅgo bhavissatī’’ti sālūkaṃ nāma sūkaraṃ yāgubhattena paṭijaggi, so heṭṭhāmañce sayati. Athekadivasaṃ cūḷalohito bhātaraṃ āha – ‘‘bhātika, mayaṃ imasmiṃ kule kammaṃ karoma, amhe nissāya imaṃ kulaṃ jīvati, atha ca panime manussā amhākaṃ tiṇapalālamattaṃ denti, imaṃ sūkaraṃ yāgubhattena posenti, heṭṭhāmañce sayāpenti, kiṃ nāmesa etesaṃ karissatī’’ti. Mahālohito ‘‘tāta, mā tvaṃ etassa yāgubhattaṃ patthaya, etissā kumārikāya vivāhadivase etaṃ uttaribhaṅgaṃ kātukāmā ete maṃsassa thūlabhāvakaraṇatthaṃ posenti, katipāhaccayena taṃ passissasi heṭṭhāmañcato nikkhāmetvā vadhitvā khaṇḍākhaṇḍikaṃ chinditvā āgantukabhattaṃ kariyamāna’’nti vatvā purimā dve gāthā samuṭṭhāpesi –
106.
106.
‘‘маа саалуугасса бихаяи, аад̇ураннаани бхун̃ж̇ад̇и;
‘‘Mā sālūkassa pihayi, āturannāni bhuñjati;
аббоссугго бхусам̣ каад̣̇а, зд̇ам̣ д̣̇ийгхааяулагкан̣ам̣.
Appossukko bhusaṃ khāda, etaṃ dīghāyulakkhaṇaṃ.
107.
107.
‘‘ид̣̇аани со ид̇хааг̇анд̇ваа, ад̇ит̇ий яуд̇д̇асзваго;
‘‘Idāni so idhāgantvā, atithī yuttasevako;
ат̇а д̣̇агкаси саалуугам̣, саяанд̇ам̣ мусалуд̇д̇ара’’нд̇и.
Atha dakkhasi sālūkaṃ, sayantaṃ musaluttara’’nti.
д̇ад̇т̇ааяам̣ сан̇кзбад̇т̇о – д̇аад̇а, д̇вам̣ маа саалуугасуугарабхаавам̣ бад̇т̇аяи, аяан̃хи аад̇ураннаани маран̣абхож̇анаани бхун̃ж̇ад̇и, яаани бхун̃ж̇ид̇ваа нажирассзва маран̣ам̣ баабун̣иссад̇и, д̇вам̣ бана аббоссугго нираалаяо худ̇ваа ад̇д̇анаа лад̣̇д̇хам̣ имам̣ балааламиссагам̣ бхусам̣ каад̣̇а, зд̇ам̣ д̣̇ийгхааяубхаавасса лагкан̣ам̣ сан̃ж̇аанананимид̇д̇ам̣. ид̣̇аани гад̇ибаахассзва со взваахигабурисо махад̇ияаа барисааяа яуд̇д̇о яуд̇д̇асзваго ид̇ха ад̇ит̇и худ̇ваа ааг̇ад̇о бхависсад̇и, ат̇зд̇ам̣ саалуугам̣ мусаласад̣̇исзна уд̇д̇ародтзна саманнааг̇ад̇ад̇д̇аа мусалуд̇д̇арам̣ маарид̇ам̣ саяанд̇ам̣ д̣̇агкасийд̇и.
Tatthāyaṃ saṅkhepattho – tāta, tvaṃ mā sālūkasūkarabhāvaṃ patthayi, ayañhi āturannāni maraṇabhojanāni bhuñjati, yāni bhuñjitvā nacirasseva maraṇaṃ pāpuṇissati, tvaṃ pana appossukko nirālayo hutvā attanā laddhaṃ imaṃ palālamissakaṃ bhusaṃ khāda, etaṃ dīghāyubhāvassa lakkhaṇaṃ sañjānananimittaṃ. Idāni katipāhasseva so vevāhikapuriso mahatiyā parisāya yutto yuttasevako idha atithi hutvā āgato bhavissati, athetaṃ sālūkaṃ musalasadisena uttaroṭṭhena samannāgatattā musaluttaraṃ māritaṃ sayantaṃ dakkhasīti.
д̇ад̇о гад̇ибаахассзва взваахигзсу ааг̇ад̇зсу саалуугам̣ маарзд̇ваа уд̇д̇арибхан̇г̇амагам̣су. убхо г̇он̣аа д̇ам̣ д̇асса вибад̇д̇им̣ д̣̇исваа ‘‘амхаагам̣ бхусамзва вара’’нд̇и жинд̇аяим̣су. сад̇т̇аа абхисамб̣уд̣̇д̇хо худ̇ваа д̇ад̣̇ад̇т̇аж̇од̇игам̣ д̇ад̇ияам̣ г̇аат̇амааха –
Tato katipāhasseva vevāhikesu āgatesu sālūkaṃ māretvā uttaribhaṅgamakaṃsu. Ubho goṇā taṃ tassa vipattiṃ disvā ‘‘amhākaṃ bhusameva vara’’nti cintayiṃsu. Satthā abhisambuddho hutvā tadatthajotikaṃ tatiyaṃ gāthamāha –
108.
108.
‘‘виганд̇ам̣ суугарам̣ д̣̇исваа, саяанд̇ам̣ мусалуд̇д̇арам̣;
‘‘Vikantaṃ sūkaraṃ disvā, sayantaṃ musaluttaraṃ;
ж̇араг̇г̇аваа вижинд̇зсум̣, варамхаагам̣ бхусаамиваа’’д̇и.
Jaraggavā vicintesuṃ, varamhākaṃ bhusāmivā’’ti.
д̇ад̇т̇а бхусаамиваад̇и бхусамзва амхаагам̣ варам̣ уд̇д̇аманд̇и ад̇т̇о.
Tattha bhusāmivāti bhusameva amhākaṃ varaṃ uttamanti attho.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз со бхигку сод̇аабад̇д̇ипалз бад̇идтахи. ‘‘д̇ад̣̇аа гумааригаа зд̇арахи т̇уллагумааригаа ахоси, саалууго угган̣тид̇абхигку, жуул̣алохид̇о аананд̣̇о, махаалохид̇о бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne so bhikkhu sotāpattiphale patiṭṭhahi. ‘‘Tadā kumārikā etarahi thullakumārikā ahosi, sālūko ukkaṇṭhitabhikkhu, cūḷalohito ānando, mahālohito pana ahameva ahosi’’nti.
саалуугаж̇аад̇агаван̣н̣анаа чадтаа.
Sālūkajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 286. саалуугаж̇аад̇агам̣ • 286. Sālūkajātakaṃ
