| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. самажид̇д̇аваг̇г̇аван̣н̣анаа
4. Samacittavaggavaṇṇanā
33. жад̇уд̇т̇асса батамз асаббурисабхуумийд̇и асаббурисаанам̣ бад̇идтаанадтаанам̣. саббурисабхуумияамби зсзва наяо. агад̇ан̃н̃ууд̇и гад̇ам̣ на ж̇аанаад̇и. агад̇авзд̣̇ийд̇и гад̇ам̣ баагадам̣ гад̇ваа на ж̇аанаад̇и. убан̃н̃аад̇анд̇и ван̣н̣ид̇ам̣ т̇омид̇ам̣ басад̇т̇ам̣. яад̣̇ид̣̇анд̇и яаа аяам̣. агад̇ан̃н̃уд̇аа агад̇авзд̣̇ид̇аад̇и барзна гад̇асса убагаарасса аж̇аананан̃жзва баагадам̣ гад̇ваа аж̇аананан̃жа. гзвалаад̇и сагалаа. суггабагкзби вуд̇д̇анаязнзва ад̇т̇о взд̣̇ид̇аб̣б̣о.
33. Catutthassa paṭhame asappurisabhūmīti asappurisānaṃ patiṭṭhānaṭṭhānaṃ. Sappurisabhūmiyampi eseva nayo. Akataññūti kataṃ na jānāti. Akatavedīti kataṃ pākaṭaṃ katvā na jānāti. Upaññātanti vaṇṇitaṃ thomitaṃ pasatthaṃ. Yadidanti yā ayaṃ. Akataññutā akataveditāti parena katassa upakārassa ajānanañceva pākaṭaṃ katvā ajānanañca. Kevalāti sakalā. Sukkapakkhepi vuttanayeneva attho veditabbo.
34. д̣̇уд̇ияз маад̇у жа бид̇у жаад̇и ж̇анагамаад̇у жа ж̇анагабид̇у жа. згзна, бхигкавз, ам̣сзна маад̇арам̣ барихарзяяаад̇и згасмим̣ ам̣сагуудз табзд̇ваа маад̇арам̣ бадиж̇аг̇г̇зяяа. згзна ам̣сзна бид̇арам̣ барихарзяяаад̇и згасмим̣ ам̣сагуудз табзд̇ваа бид̇арам̣ бадиж̇аг̇г̇зяяа. вассасад̇ааяуго вассасад̇аж̇ийвийд̇и вассасад̇ааяугагаалз ж̇аад̇о сагалам̣ вассасад̇ам̣ ж̇ийванд̇о. ид̣̇ам̣ вуд̇д̇ам̣ ход̇и – сажз буд̇д̇о наама ‘‘маад̇аабид̇уунам̣ бадигариссаамий’’д̇и удтааяа самудтааяа д̣̇агкин̣з ам̣сагуудз маад̇арам̣, ваамз бид̇арам̣ табзд̇ваа вассасад̇ааяуго сагаламби вассасад̇ам̣ ж̇ийвамаано барихарзяяа. со жа нзсам̣ ужчаад̣̇анабаримад̣̇д̣̇ананхаабанасамб̣ааханзнаад̇и со жа буд̇д̇о нзсам̣ маад̇аабид̇уунам̣ ам̣сагуудзсу тид̇аанам̣язва д̣̇уг̇г̇анд̇хабадивинод̣̇анад̇т̇ам̣ суг̇анд̇хагаран̣зна ужчаад̣̇анзна, бариссамавинод̣̇анад̇т̇ам̣ хад̇т̇абаримад̣̇д̣̇анзна, сийд̇ун̣хагаалз жа ун̣ход̣̇агасийд̇од̣̇аганхаабанзна, хад̇т̇абаад̣̇аад̣̇ийнам̣ аагад̣дханабаригад̣дханасан̇каад̇зна самб̣ааханзна убадтаанам̣ гарзяяа. д̇з жа д̇ад̇т̇зваад̇и д̇з жа маад̇аабид̇аро д̇ад̇т̇зва д̇асса ам̣сагуудзсу нисиннаава муд̇д̇агарийсам̣ жаж̇зяяум̣. над̇взва , бхигкавзд̇и, бхигкавз, звамби над̇взва маад̇аабид̇уунам̣ гад̇ам̣ ваа ход̇и бадигад̇ам̣ ваа.
34. Dutiye mātu ca pitu cāti janakamātu ca janakapitu ca. Ekena, bhikkhave, aṃsena mātaraṃ parihareyyāti ekasmiṃ aṃsakūṭe ṭhapetvā mātaraṃ paṭijaggeyya. Ekena aṃsena pitaraṃ parihareyyāti ekasmiṃ aṃsakūṭe ṭhapetvā pitaraṃ paṭijaggeyya. Vassasatāyuko vassasatajīvīti vassasatāyukakāle jāto sakalaṃ vassasataṃ jīvanto. Idaṃ vuttaṃ hoti – sace putto nāma ‘‘mātāpitūnaṃ paṭikarissāmī’’ti uṭṭhāya samuṭṭhāya dakkhiṇe aṃsakūṭe mātaraṃ, vāme pitaraṃ ṭhapetvā vassasatāyuko sakalampi vassasataṃ jīvamāno parihareyya. So ca nesaṃ ucchādanaparimaddananhāpanasambāhanenāti so ca putto nesaṃ mātāpitūnaṃ aṃsakūṭesu ṭhitānaṃyeva duggandhapaṭivinodanatthaṃ sugandhakaraṇena ucchādanena, parissamavinodanatthaṃ hatthaparimaddanena, sītuṇhakāle ca uṇhodakasītodakanhāpanena, hatthapādādīnaṃ ākaḍḍhanaparikaḍḍhanasaṅkhātena sambāhanena upaṭṭhānaṃ kareyya. Te ca tatthevāti te ca mātāpitaro tattheva tassa aṃsakūṭesu nisinnāva muttakarīsaṃ cajeyyuṃ. Natveva,bhikkhaveti, bhikkhave, evampi natveva mātāpitūnaṃ kataṃ vā hoti paṭikataṃ vā.
иссараад̇хибажжз раж̇ж̇зд̇и жаггавад̇д̇ираж̇ж̇ам̣ санд̇хааязвамааха. аабаад̣̇агаад̇и вад̣дхагаа анубаалагаа. буд̇д̇аа хи маад̇аабид̇уухи вад̣дхид̇аа жзва анубаалид̇аа жа. босагаад̇и хад̇т̇абаад̣̇з вад̣дхзд̇ваа хад̣̇аяалохид̇ам̣ бааязд̇ваа босагаа. буд̇д̇аа хи маад̇аабид̇уухи будтаа бхад̇аа аннабаанаад̣̇ийхи бадиж̇аг̇г̇ид̇аа. имасса логасса д̣̇ассзд̇аарод̇и сажз хи маад̇аабид̇аро ж̇аад̇ад̣̇ивасзязва буд̇д̇ам̣ баад̣̇з г̇ахзд̇ваа аран̃н̃з ваа над̣̇ияам̣ ваа бабаад̇з ваа кибзяяум̣, имасмим̣ логз идтаанидтаарамман̣ам̣ на бассзяяа. звам̣ агад̇ваа аабаад̣̇ид̇ад̇д̇аа босид̇ад̇д̇аа зса имасмим̣ логз идтаанидтаарамман̣ам̣ маад̇аабид̇аро ниссааяа бассад̇ийд̇и д̇яаасса имасса логасса д̣̇ассзд̇ааро наама хонд̇и. самаад̣̇абзд̇ийд̇и г̇ан̣хаабзд̇и. имасмим̣ суд̇д̇з сад̣̇д̇хаасийлажааг̇абан̃н̃аа логияалогуд̇д̇арамиссагаа гат̇ид̇аа. д̇хаммасзнаабад̇исаарибуд̇д̇ад̇т̇зрасад̣̇исова бхигку д̇зсу бад̇идтаабзд̇и наамаад̇и взд̣̇ид̇аб̣б̣о.
Issarādhipacce rajjeti cakkavattirajjaṃ sandhāyevamāha. Āpādakāti vaḍḍhakā anupālakā. Puttā hi mātāpitūhi vaḍḍhitā ceva anupālitā ca. Posakāti hatthapāde vaḍḍhetvā hadayalohitaṃ pāyetvā posakā. Puttā hi mātāpitūhi puṭṭhā bhatā annapānādīhi paṭijaggitā. Imassa lokassa dassetāroti sace hi mātāpitaro jātadivaseyeva puttaṃ pāde gahetvā araññe vā nadiyaṃ vā papāte vā khipeyyuṃ, imasmiṃ loke iṭṭhāniṭṭhārammaṇaṃ na passeyya. Evaṃ akatvā āpāditattā positattā esa imasmiṃ loke iṭṭhāniṭṭhārammaṇaṃ mātāpitaro nissāya passatīti tyāssa imassa lokassa dassetāro nāma honti. Samādapetīti gaṇhāpeti. Imasmiṃ sutte saddhāsīlacāgapaññā lokiyalokuttaramissakā kathitā. Dhammasenāpatisāriputtattherasadisova bhikkhu tesu patiṭṭhāpeti nāmāti veditabbo.
35. д̇ад̇ияз д̇знубасан̇гамийд̇и со хи б̣раахман̣о ‘‘саман̣о гира г̇од̇амо гат̇ид̇ам̣ виссаж̇ж̇зд̇и, бужчааяасса вираж̇жханам̣ наама над̇т̇и. ахамасса вираж̇жханабан̃хам̣ абхисан̇кариссаамий’’д̇и бан̣ийд̇абхож̇анам̣ бхун̃ж̇ид̇ваа г̇аб̣бхад̣̇ваарам̣ бид̣̇ахид̇ваа нисинно жинд̇зд̇ум̣ аарабхи. ат̇асса зд̇ад̣̇ахоси – ‘‘имасмим̣ таанз ужжаасад̣̇д̣̇амахаасад̣̇д̣̇о вад̇д̇ад̇и, жид̇д̇ам̣ на згаг̇г̇ам̣ ход̇и, бхуумигхарам̣ гаарзссаамий’’д̇и бхуумигхарам̣ гаарзд̇ваа д̇ад̇т̇а бависид̇ваа – ‘‘звам̣ будто звам̣ гат̇зссад̇и, звам̣ будто звам̣ гат̇зссад̇ий’’д̇и згам̣ г̇ан̣хид̇ваа згам̣ виссаж̇ж̇знд̇о сагалад̣̇ивасам̣ гин̃жи бассид̇ум̣ наасагки. д̇асса иминаава нийхаарзна жад̇д̇ааро маасаа вийд̇ивад̇д̇аа. со жад̇уннам̣ маасаанам̣ ажжаязна убхад̇огодигам̣ бан̃хам̣ наама ад̣̇д̣̇аса. звам̣ гирасса ахоси – ‘‘ахам̣ саман̣ам̣ г̇од̇амам̣ убасан̇гамид̇ваа ‘гим̣ваад̣̇ий бхава’нд̇и бужчиссаами. сажз ‘гирияаваад̣̇имхий’д̇и вагкад̇и, ‘саб̣б̣аагусалаанам̣ наама д̇умхз гирияам̣ вад̣̇зт̇аа’д̇и нам̣ ниг̇г̇ан̣хиссаами. сажз ‘агирияаваад̣̇имхий’д̇и вагкад̇и, ‘гусалад̇хаммаанам̣ наама д̇умхз агирияам̣ вад̣̇зт̇аа’д̇и нам̣ ниг̇г̇ан̣хиссаами. ид̣̇ан̃хи убхад̇огодигам̣ бан̃хам̣ будто нзва уг̇г̇илид̇ум̣ сагкиссад̇и на ниг̇г̇илид̇ум̣. звам̣ мама ж̇аяо бхависсад̇и, саман̣асса г̇од̇амасса барааж̇аяо’’д̇и удтааяа абподзд̇ваа бхуумигхараа нигкамма ‘‘зваруубам̣ бан̃хам̣ бужчанд̇зна на згагзна г̇анд̇ум̣ ваддад̇ий’’д̇и наг̇арз гхосанам̣ гаарзд̇ваа сагаланааг̇арзхи баривуд̇о язна бхаг̇аваа д̇знубасан̇гами. гим̣ваад̣̇ийд̇и гим̣лад̣̇д̇хиго. гимагкааяийд̇и гим̣ наама саавагаанам̣ бадибад̣̇ам̣ агкааяийд̇и бужчи. ат̇асса бхаг̇аваа жад̇уухи маасзхи бан̃хам̣ абхисан̇карид̇ваа ‘‘д̣̇идто мз саман̣асса г̇од̇амасса барааж̇аяабан̃хо’’д̇и маанам̣ баг̇г̇аяха ааг̇ад̇абхаавам̣ н̃ад̇ваа згабад̣̇знзва д̇ам̣ бан̃хам̣ бхинд̣̇анд̇о гирияаваад̣̇ий жаахам̣, б̣раахман̣аад̇иаад̣̇имааха. ат̇а б̣раахман̣о ад̇д̇ано маанам̣ абанзд̇ваа бхаг̇аванд̇ам̣ ааяаажанд̇о яат̇аагат̇ам̣ банаад̇иаад̣̇имааха. сзсамзд̇т̇а уд̇д̇аанад̇т̇амзваад̇и.
35. Tatiye tenupasaṅkamīti so hi brāhmaṇo ‘‘samaṇo kira gotamo kathitaṃ vissajjeti, pucchāyassa virajjhanaṃ nāma natthi. Ahamassa virajjhanapañhaṃ abhisaṅkharissāmī’’ti paṇītabhojanaṃ bhuñjitvā gabbhadvāraṃ pidahitvā nisinno cintetuṃ ārabhi. Athassa etadahosi – ‘‘imasmiṃ ṭhāne uccāsaddamahāsaddo vattati, cittaṃ na ekaggaṃ hoti, bhūmigharaṃ kāressāmī’’ti bhūmigharaṃ kāretvā tattha pavisitvā – ‘‘evaṃ puṭṭho evaṃ kathessati, evaṃ puṭṭho evaṃ kathessatī’’ti ekaṃ gaṇhitvā ekaṃ vissajjento sakaladivasaṃ kiñci passituṃ nāsakkhi. Tassa imināva nīhārena cattāro māsā vītivattā. So catunnaṃ māsānaṃ accayena ubhatokoṭikaṃ pañhaṃ nāma addasa. Evaṃ kirassa ahosi – ‘‘ahaṃ samaṇaṃ gotamaṃ upasaṅkamitvā ‘kiṃvādī bhava’nti pucchissāmi. Sace ‘kiriyavādimhī’ti vakkhati, ‘sabbākusalānaṃ nāma tumhe kiriyaṃ vadethā’ti naṃ niggaṇhissāmi. Sace ‘akiriyavādimhī’ti vakkhati, ‘kusaladhammānaṃ nāma tumhe akiriyaṃ vadethā’ti naṃ niggaṇhissāmi. Idañhi ubhatokoṭikaṃ pañhaṃ puṭṭho neva uggilituṃ sakkhissati na niggilituṃ. Evaṃ mama jayo bhavissati, samaṇassa gotamassa parājayo’’ti uṭṭhāya apphoṭetvā bhūmigharā nikkhamma ‘‘evarūpaṃ pañhaṃ pucchantena na ekakena gantuṃ vaṭṭatī’’ti nagare ghosanaṃ kāretvā sakalanāgarehi parivuto yena bhagavā tenupasaṅkami. Kiṃvādīti kiṃladdhiko. Kimakkhāyīti kiṃ nāma sāvakānaṃ paṭipadaṃ akkhāyīti pucchi. Athassa bhagavā catūhi māsehi pañhaṃ abhisaṅkharitvā ‘‘diṭṭho me samaṇassa gotamassa parājayapañho’’ti mānaṃ paggayha āgatabhāvaṃ ñatvā ekapadeneva taṃ pañhaṃ bhindanto kiriyavādī cāhaṃ, brāhmaṇātiādimāha. Atha brāhmaṇo attano mānaṃ apanetvā bhagavantaṃ āyācanto yathākathaṃ panātiādimāha. Sesamettha uttānatthamevāti.
36. жад̇уд̇т̇з д̣̇агкин̣зяяаад̇и д̣̇агкин̣аа вужжад̇и д̣̇аанам̣, д̇асса бадиг̇г̇ахан̣аяуд̇д̇аа гад̇и буг̇г̇алаад̇и бужчад̇и. сзкод̇и иминаа сад̇д̇а сзгкз д̣̇ассзд̇и. зд̇т̇а жа сийлаванд̇абут̇уж̇ж̇аноби сод̇аабаннзнзва сан̇г̇ахид̇о. аахунзяяаа яаж̇амаанаанам̣ хонд̇ийд̇и д̣̇аанам̣ д̣̇ад̣̇анд̇аанам̣ аахунасса арахаа д̣̇аанабадиг̇г̇аахагаа наама хонд̇ийд̇и ад̇т̇о. кзд̇д̇анд̇и вад̇т̇у бад̇идтаа, бун̃н̃асса вируханадтаананд̇и ад̇т̇о.
36. Catutthe dakkhiṇeyyāti dakkhiṇā vuccati dānaṃ, tassa paṭiggahaṇayuttā kati puggalāti pucchati. Sekhoti iminā satta sekkhe dasseti. Ettha ca sīlavantaputhujjanopi sotāpanneneva saṅgahito. Āhuneyyā yajamānānaṃ hontīti dānaṃ dadantānaṃ āhunassa arahā dānapaṭiggāhakā nāma hontīti attho. Khettanti vatthu patiṭṭhā, puññassa viruhanaṭṭhānanti attho.
37. бан̃жамз буб̣б̣аараамзд̇и саавад̇т̇ид̇о бурад̇т̇имад̣̇исаабхааг̇з аараамз. миг̇аарамаад̇убаасаад̣̇зд̇и висаакааяа убаасигааяа баасаад̣̇з. саа хи миг̇аарасздтинаа маад̇удтаанз табид̇ад̇д̇ааби, саб̣б̣аж̇здтагасса буд̇д̇асса аяяагасздтинова самаананаамагад̇д̇ааби миг̇аарамаад̇аад̇и вужжад̇и. д̇ааяа гаарид̇о сахассаг̇аб̣бхо баасаад̣̇о миг̇аарамаад̇убаасаад̣̇о наама. т̇зро д̇асмим̣ вихарад̇и. д̇ад̇ра ко ааяасмаа саарибуд̇д̇од̇и д̇асмим̣ баасаад̣̇з вихаранд̇о д̇хаммасзнаабад̇исаарибуд̇д̇ад̇т̇зро.
37. Pañcame pubbārāmeti sāvatthito puratthimadisābhāge ārāme. Migāramātupāsādeti visākhāya upāsikāya pāsāde. Sā hi migāraseṭṭhinā mātuṭṭhāne ṭhapitattāpi, sabbajeṭṭhakassa puttassa ayyakaseṭṭhinova samānanāmakattāpi migāramātāti vuccati. Tāya kārito sahassagabbho pāsādo migāramātupāsādo nāma. Thero tasmiṃ viharati. Tatra kho āyasmā sāriputtoti tasmiṃ pāsāde viharanto dhammasenāpatisāriputtatthero.
бхигкуу ааманд̇зсийд̇и гасмим̣ гаалз ааманд̇зси? гаанижи хи суд̇д̇аани бурзбхад̇д̇з бхаасид̇аани ад̇т̇и, гаанижи бажчаабхад̇д̇з, гаанижи буримаяаамз, гаанижи маж̇жхимаяаамз, гаанижи бажчимаяаамз. ид̣̇ам̣ бана самажид̇д̇абадибад̣̇аасуд̇д̇ам̣ бажчаабхад̇д̇з бхаасид̇ам̣. д̇асмаа сааяанхасамаяз ааманд̇зси.
Bhikkhū āmantesīti kasmiṃ kāle āmantesi? Kānici hi suttāni purebhatte bhāsitāni atthi, kānici pacchābhatte, kānici purimayāme, kānici majjhimayāme, kānici pacchimayāme. Idaṃ pana samacittapaṭipadāsuttaṃ pacchābhatte bhāsitaṃ. Tasmā sāyanhasamaye āmantesi.
на гзвалам̣ жзд̇ам̣ т̇зрзнзва бхаасид̇ам̣, д̇ат̇ааг̇ад̇знааби бхаасид̇ам̣. гад̇т̇а нисийд̣̇ид̇ваад̇и? висаакааяа рад̇анабаасаад̣̇з нисийд̣̇ид̇ваа. д̇ат̇ааг̇ад̇о хи батамаб̣од̇хияам̣ вийсад̇и вассаани аниб̣ад̣̇д̇хаваасо худ̇ваа яад̇т̇а яад̇т̇а паасугам̣ ход̇и, д̇ад̇т̇а д̇ад̇т̇зва г̇анд̇ваа васи. батамам̣ анд̇овассан̃хи исибад̇анз д̇хаммажаггам̣ бавад̇д̇зд̇ваа адтаараса махааб̣рахмагодияо амад̇абаанам̣ бааязд̇ваа б̣аараан̣асим̣ убаниссааяа исибад̇анз васи. д̣̇уд̇ияам̣ анд̇овассам̣ рааж̇аг̇ахам̣ убаниссааяа взл̣уванз, д̇ад̇ияажад̇уд̇т̇ааниби д̇ад̇т̇зва, бан̃жамам̣ анд̇овассам̣ взсаалим̣ убаниссааяа махааванз гуудааг̇аарасаалааяам̣, чадтам̣ анд̇овассам̣ магулабаб̣б̣ад̇з, сад̇д̇амам̣ д̇аавад̇им̣сабхаванз, адтамам̣ бхаг̇г̇з сусумаараг̇ирам̣ ниссааяа бхзсагал̣ааванз, навамам̣ госамб̣ияам̣, д̣̇асамам̣ баалилзяяагз ванасан̣д̣з, згаад̣̇асамам̣ наалааяам̣ б̣раахман̣аг̇аамз, д̣̇ваад̣̇асамам̣ взран̃ж̇ааяам̣, д̇зрасамам̣ жаалияабаб̣б̣ад̇з, жуд̣̇д̣̇асамам̣ ж̇зд̇аванз, бан̃жад̣̇асамам̣ габилавад̇т̇усмим̣, сол̣асамам̣ аал̣авагам̣ д̣̇амзд̇ваа жад̇ураасийд̇ибаан̣асахассаани амад̇абаанам̣ бааязд̇ваа аал̣авияам̣, сад̇д̇арасамам̣ рааж̇аг̇ахзязва, адтаарасамам̣ жаалияабаб̣б̣ад̇зязва, д̇ат̇аа згуунавийсад̇имам̣, вийсад̇имам̣ бана анд̇овассам̣ рааж̇аг̇ахам̣язва убаниссааяа васи. звам̣ вийсад̇и вассаани аниб̣ад̣̇д̇хаваасо худ̇ваа яад̇т̇а яад̇т̇а паасугам̣ ход̇и, д̇ад̇т̇а д̇ад̇т̇зва васи.
Na kevalaṃ cetaṃ thereneva bhāsitaṃ, tathāgatenāpi bhāsitaṃ. Kattha nisīditvāti? Visākhāya ratanapāsāde nisīditvā. Tathāgato hi paṭhamabodhiyaṃ vīsati vassāni anibaddhavāso hutvā yattha yattha phāsukaṃ hoti, tattha tattheva gantvā vasi. Paṭhamaṃ antovassañhi isipatane dhammacakkaṃ pavattetvā aṭṭhārasa mahābrahmakoṭiyo amatapānaṃ pāyetvā bārāṇasiṃ upanissāya isipatane vasi. Dutiyaṃ antovassaṃ rājagahaṃ upanissāya veḷuvane, tatiyacatutthānipi tattheva, pañcamaṃ antovassaṃ vesāliṃ upanissāya mahāvane kūṭāgārasālāyaṃ, chaṭṭhaṃ antovassaṃ makulapabbate, sattamaṃ tāvatiṃsabhavane, aṭṭhamaṃ bhagge susumāragiraṃ nissāya bhesakaḷāvane, navamaṃ kosambiyaṃ, dasamaṃ pālileyyake vanasaṇḍe, ekādasamaṃ nālāyaṃ brāhmaṇagāme, dvādasamaṃ verañjāyaṃ, terasamaṃ cāliyapabbate, cuddasamaṃ jetavane, pañcadasamaṃ kapilavatthusmiṃ, soḷasamaṃ āḷavakaṃ dametvā caturāsītipāṇasahassāni amatapānaṃ pāyetvā āḷaviyaṃ, sattarasamaṃ rājagaheyeva, aṭṭhārasamaṃ cāliyapabbateyeva, tathā ekūnavīsatimaṃ, vīsatimaṃ pana antovassaṃ rājagahaṃyeva upanissāya vasi. Evaṃ vīsati vassāni anibaddhavāso hutvā yattha yattha phāsukaṃ hoti, tattha tattheva vasi.
д̇ад̇о бадтааяа бана д̣̇вз сзнаасанаани д̇хувабарибхог̇аани агааси. гад̇араани д̣̇вз? ж̇зд̇аванан̃жа буб̣б̣аарааман̃жа. гасмаа? д̣̇виннам̣ гулаанам̣ г̇ун̣амаханд̇ад̇ааяа. анаат̇абин̣д̣игасса хи висаакааяа жа г̇ун̣ам̣ санд̇хааяа г̇ун̣ам̣ бадижжа сад̇т̇аа д̇аани сзнаасанаани д̇хувабарибхог̇зна барибхун̃ж̇и. уд̇увассам̣ жааригам̣ жарид̇вааби хи анд̇овассз д̣̇вийсуязва сзнаасанзсу васад̇и. звам̣ васанд̇о бана ж̇зд̇аванз рад̇д̇им̣ васид̇ваа бунад̣̇ивасз бхигкусан̇гхабаривуд̇о д̣̇агкин̣ад̣̇ваарзна саавад̇т̇им̣ бин̣д̣ааяа бависид̇ваа баажийнад̣̇ваарзна нигкамид̇ваа буб̣б̣аараамз д̣̇иваавихаарам̣ гарод̇и. буб̣б̣аараамз рад̇д̇им̣ васид̇ваа бунад̣̇ивасз баажийнад̣̇ваарзна саавад̇т̇им̣ бин̣д̣ааяа бависид̇ваа д̣̇агкин̣ад̣̇ваарзна нигкамид̇ваа ж̇зд̇аванз д̣̇иваавихаарам̣ гарод̇и. д̇асмим̣ бана д̣̇ивасз саммаасамб̣уд̣̇д̇хо ж̇зд̇аванзязва васи. яад̇т̇а гад̇т̇ажи васанд̇асса жасса бан̃жавид̇хагижжам̣ авиж̇ахид̇амзва ход̇и. д̇ам̣ хздтаа вид̇т̇аарид̇амзва. д̇зсу гижжзсу бажчимаяаамагижжагаалз бхаг̇аваа логам̣ ологзнд̇о саавад̇т̇иваасийнан̃жа саманд̇аа жа саавад̇т̇ияаа г̇аавуд̇аад̣дхаяож̇анаяож̇анабарамз таанз абаримаан̣аанам̣ сад̇д̇аанам̣ абхисамаяабхаавам̣ ад̣̇д̣̇аса.
Tato paṭṭhāya pana dve senāsanāni dhuvaparibhogāni akāsi. Katarāni dve? Jetavanañca pubbārāmañca. Kasmā? Dvinnaṃ kulānaṃ guṇamahantatāya. Anāthapiṇḍikassa hi visākhāya ca guṇaṃ sandhāya guṇaṃ paṭicca satthā tāni senāsanāni dhuvaparibhogena paribhuñji. Utuvassaṃ cārikaṃ caritvāpi hi antovasse dvīsuyeva senāsanesu vasati. Evaṃ vasanto pana jetavane rattiṃ vasitvā punadivase bhikkhusaṅghaparivuto dakkhiṇadvārena sāvatthiṃ piṇḍāya pavisitvā pācīnadvārena nikkhamitvā pubbārāme divāvihāraṃ karoti. Pubbārāme rattiṃ vasitvā punadivase pācīnadvārena sāvatthiṃ piṇḍāya pavisitvā dakkhiṇadvārena nikkhamitvā jetavane divāvihāraṃ karoti. Tasmiṃ pana divase sammāsambuddho jetavaneyeva vasi. Yattha katthaci vasantassa cassa pañcavidhakiccaṃ avijahitameva hoti. Taṃ heṭṭhā vitthāritameva. Tesu kiccesu pacchimayāmakiccakāle bhagavā lokaṃ olokento sāvatthivāsīnañca samantā ca sāvatthiyā gāvutaaḍḍhayojanayojanaparame ṭhāne aparimāṇānaṃ sattānaṃ abhisamayabhāvaṃ addasa.
д̇ад̇о ‘‘гасмим̣ ну ко гаалз абхисамаяо бхависсад̇ий’’д̇и ологзнд̇о ‘‘сааяанхасамаяз’’д̇и д̣̇исваа ‘‘маяи ну ко гат̇знд̇з абхисамаяо бхависсад̇и, саавагз гат̇знд̇з бхависсад̇ий’’д̇и ‘‘саарибуд̇д̇ад̇т̇зрз гат̇знд̇з бхависсад̇ий’’д̇и ад̣̇д̣̇аса. д̇ад̇о ‘‘гад̇т̇а нисийд̣̇ид̇ваа гат̇знд̇з бхависсад̇ий’’д̇и ологзнд̇о ‘‘висаакааяа рад̇анабаасаад̣̇з нисийд̣̇ид̇ваа’’д̇и д̣̇исваа ‘‘б̣уд̣̇д̇хаанам̣ наама д̇аяо саавагасаннибаад̇аа хонд̇и, аг̇г̇асаавагаанам̣ зго. д̇зсу аж̇ж̇а д̇хаммасзнаабад̇исаарибуд̇д̇ад̇т̇зрасса саавагасаннибаад̇о бхависсад̇ий’’д̇и ад̣̇д̣̇аса. д̣̇исваа баад̇ова сарийрабадиж̇аг̇г̇анам̣ гад̇ваа нивад̇т̇аниваасано суг̇ад̇ажийварам̣ баарубид̇ваа сзламаяабад̇д̇ам̣ аад̣̇ааяа бхигкусан̇гхабаривуд̇о д̣̇агкин̣ад̣̇ваарзна наг̇арам̣ бависид̇ваа бин̣д̣ааяа жаранд̇о бхигкусан̇гхасса сулабхабин̣д̣абаад̇ам̣ гад̇ваа ваад̇аббахад̇аа вияа нааваа бадинивад̇д̇ид̇ваа д̣̇агкин̣ад̣̇ваарзна нигкамид̇ваа б̣ахид̣̇ваарз адтааси. д̇ад̇о асийд̇и махаасаавагаа бхигкунибарисаа убаасагабарисаа убаасигаабарисаад̇и жад̇ассо барисаа сад̇т̇аарам̣ бариваараяим̣су.
Tato ‘‘kasmiṃ nu kho kāle abhisamayo bhavissatī’’ti olokento ‘‘sāyanhasamaye’’ti disvā ‘‘mayi nu kho kathente abhisamayo bhavissati, sāvake kathente bhavissatī’’ti ‘‘sāriputtatthere kathente bhavissatī’’ti addasa. Tato ‘‘kattha nisīditvā kathente bhavissatī’’ti olokento ‘‘visākhāya ratanapāsāde nisīditvā’’ti disvā ‘‘buddhānaṃ nāma tayo sāvakasannipātā honti, aggasāvakānaṃ eko. Tesu ajja dhammasenāpatisāriputtattherassa sāvakasannipāto bhavissatī’’ti addasa. Disvā pātova sarīrapaṭijagganaṃ katvā nivatthanivāsano sugatacīvaraṃ pārupitvā selamayapattaṃ ādāya bhikkhusaṅghaparivuto dakkhiṇadvārena nagaraṃ pavisitvā piṇḍāya caranto bhikkhusaṅghassa sulabhapiṇḍapātaṃ katvā vātappahatā viya nāvā paṭinivattitvā dakkhiṇadvārena nikkhamitvā bahidvāre aṭṭhāsi. Tato asīti mahāsāvakā bhikkhuniparisā upāsakaparisā upāsikāparisāti catasso parisā satthāraṃ parivārayiṃsu.
сад̇т̇аа саарибуд̇д̇ад̇т̇зрам̣ ааманд̇зси – ‘‘саарибуд̇д̇а, д̇аяаа буб̣б̣аараамам̣ г̇анд̇ум̣ ваддад̇и, д̇ава жа барисам̣ г̇ахзд̇ваа г̇ажчаахий’’д̇и. ‘‘саад̇ху, бханд̇з’’д̇и т̇зро ад̇д̇ано бариваарзхи бан̃жахи бхигкусад̇зхи баривуд̇о буб̣б̣аараамам̣ аг̇амааси. зд̇знзва нияаамзна асийд̇и махаасаавагз буб̣б̣аараамамзва бзсзд̇ваа саяам̣ згзна аананд̣̇ад̇т̇зрзнзва сад̣̇д̇хим̣ ж̇зд̇аванам̣ аг̇амааси. аананд̣̇ад̇т̇зроби вихаарз сад̇т̇у вад̇д̇ам̣ гад̇ваа ванд̣̇ид̇ваа ‘‘буб̣б̣аараамам̣ г̇ажчаами, бханд̇з’’д̇и ааха. звам̣ гарохи аананд̣̇аад̇и. сад̇т̇аарам̣ ванд̣̇ид̇ваа д̇ад̇т̇зва аг̇амааси. сад̇т̇аа згагова ж̇зд̇аванз охийно.
Satthā sāriputtattheraṃ āmantesi – ‘‘sāriputta, tayā pubbārāmaṃ gantuṃ vaṭṭati, tava ca parisaṃ gahetvā gacchāhī’’ti. ‘‘Sādhu, bhante’’ti thero attano parivārehi pañcahi bhikkhusatehi parivuto pubbārāmaṃ agamāsi. Eteneva niyāmena asīti mahāsāvake pubbārāmameva pesetvā sayaṃ ekena ānandatthereneva saddhiṃ jetavanaṃ agamāsi. Ānandattheropi vihāre satthu vattaṃ katvā vanditvā ‘‘pubbārāmaṃ gacchāmi, bhante’’ti āha. Evaṃ karohi ānandāti. Satthāraṃ vanditvā tattheva agamāsi. Satthā ekakova jetavane ohīno.
д̇ам̣ д̣̇ивасан̃хи жад̇ассо барисаа т̇зрассзва д̇хаммагат̇ам̣ сод̇угаамаа ахзсум̣. госаламахаарааж̇ааби б̣алагааязна баривуд̇о буб̣б̣аараамамзва г̇ад̇о. д̇ат̇аа бан̃жасад̇аубаасагабаривааро анаат̇абин̣д̣иго. висаакаа бана махааубаасигаа д̣̇вийхи ж̇ан̇гхасахассзхи баривуд̇о аг̇амааси. сад̇д̇абан̣н̣аасааяа гуласад̇асахассаанам̣ васанадтаанз саавад̇т̇инаг̇арз г̇зхабаалагад̣̇аарагз табзд̇ваа сзсаж̇ано г̇анд̇хажун̣н̣амаалаад̣̇ийни г̇ахзд̇ваа буб̣б̣аараамамзва аг̇амааси. жад̇уусу д̣̇ваараг̇аамзсу г̇аавуд̇аад̣дхаяож̇анаяож̇анабарамадтаанз саб̣б̣зязва мануссаа г̇анд̇хажун̣н̣амаалаад̣̇ихад̇т̇аа буб̣б̣аараамамзва аг̇амам̣су. сагалавихааро миссагабубпзхи абхигин̣н̣о вияа ахоси.
Taṃ divasañhi catasso parisā therasseva dhammakathaṃ sotukāmā ahesuṃ. Kosalamahārājāpi balakāyena parivuto pubbārāmameva gato. Tathā pañcasataupāsakaparivāro anāthapiṇḍiko. Visākhā pana mahāupāsikā dvīhi jaṅghasahassehi parivuto agamāsi. Sattapaṇṇāsāya kulasatasahassānaṃ vasanaṭṭhāne sāvatthinagare gehapālakadārake ṭhapetvā sesajano gandhacuṇṇamālādīni gahetvā pubbārāmameva agamāsi. Catūsu dvāragāmesu gāvutaaḍḍhayojanayojanaparamaṭṭhāne sabbeyeva manussā gandhacuṇṇamālādihatthā pubbārāmameva agamaṃsu. Sakalavihāro missakapupphehi abhikiṇṇo viya ahosi.
д̇хаммасзнаабад̇исаарибуд̇д̇ад̇т̇зроби ко вихаарам̣ г̇анд̇ваа вихаарабаривзн̣з ан̇г̇ан̣адтаанз адтааси. бхигкуу т̇зрасса аасанам̣ бан̃н̃аабаяим̣су. т̇зро д̇ад̇т̇а нисийд̣̇ид̇ваа убадтаагад̇т̇зрзна вад̇д̇з гад̇з бхигкусан̇гхасса оваад̣̇ам̣ гад̇ваа г̇анд̇хагудим̣ бависид̇ваа самаабад̇д̇им̣ аббзд̇ваа нисийд̣̇и. со барижчиннагаалавасзна самаабад̇д̇ид̇о вудтааяа ажиравад̇им̣ г̇анд̇ваа раж̇ож̇аллам̣ баваахзд̇ваа бадиббассад̣̇д̇хад̣̇арат̇о од̇ин̣н̣ад̇ид̇т̇знзва уд̇д̇арид̇ваа нивад̇т̇аниваасано сан̇гхаадим̣ баарубид̇ваа адтааси. бхигкусан̇гхоби саммукасаммукадтаанзна од̇арид̇ваа сарийрз раж̇ож̇аллам̣ баваахзд̇ваа бажжуд̇д̇арид̇ваа т̇зрам̣ бариваараяим̣су. анд̇овихаарзби т̇зрасса д̇хаммаасанам̣ бан̃н̃аабаяим̣су. жад̇ассоби барисаа ад̇д̇ано ад̇д̇ано огаасам̣ н̃ад̇ваа маг̇г̇ам̣ табзд̇ваа нисийд̣̇им̣су. саарибуд̇д̇ад̇т̇зроби бан̃жабхигкусад̇абаривааро д̇хаммасабхам̣ ааг̇анд̇ваа сийхамад̇т̇агаббад̇идтид̇з самуссид̇асзд̇ажчад̇д̇з рад̇анабаллан̇гз жид̇д̇аб̣ийж̇аним̣ г̇ахзд̇ваа бурад̇т̇аабхимуко нисийд̣̇и. нисийд̣̇ид̇ваа барисам̣ ологзд̇ваа – ‘‘махад̇ий вад̇ааяам̣ барисаа, имиссаа на аббамад̇д̇игаа барид̇д̇агад̇хаммад̣̇зсанаа анужчавигаа, гад̇арад̇хаммад̣̇зсанаа ну ко анужчавигаа бхависсад̇ий’’д̇и д̇ийн̣и бидагаани ааваж̇ж̇амаано имам̣ сам̣яож̇анабарияааяа д̇хаммад̣̇зсанам̣ ад̣̇д̣̇аса.
Dhammasenāpatisāriputtattheropi kho vihāraṃ gantvā vihārapariveṇe aṅgaṇaṭṭhāne aṭṭhāsi. Bhikkhū therassa āsanaṃ paññāpayiṃsu. Thero tattha nisīditvā upaṭṭhākattherena vatte kate bhikkhusaṅghassa ovādaṃ katvā gandhakuṭiṃ pavisitvā samāpattiṃ appetvā nisīdi. So paricchinnakālavasena samāpattito vuṭṭhāya aciravatiṃ gantvā rajojallaṃ pavāhetvā paṭippassaddhadaratho otiṇṇatittheneva uttaritvā nivatthanivāsano saṅghāṭiṃ pārupitvā aṭṭhāsi. Bhikkhusaṅghopi sammukhasammukhaṭṭhānena otaritvā sarīre rajojallaṃ pavāhetvā paccuttaritvā theraṃ parivārayiṃsu. Antovihārepi therassa dhammāsanaṃ paññāpayiṃsu. Catassopi parisā attano attano okāsaṃ ñatvā maggaṃ ṭhapetvā nisīdiṃsu. Sāriputtattheropi pañcabhikkhusataparivāro dhammasabhaṃ āgantvā sīhamatthakappatiṭṭhite samussitasetacchatte ratanapallaṅke cittabījaniṃ gahetvā puratthābhimukho nisīdi. Nisīditvā parisaṃ oloketvā – ‘‘mahatī vatāyaṃ parisā, imissā na appamattikā parittakadhammadesanā anucchavikā, kataradhammadesanā nu kho anucchavikā bhavissatī’’ti tīṇi piṭakāni āvajjamāno imaṃ saṃyojanapariyāya dhammadesanaṃ addasa.
звам̣ д̣̇зсанам̣ саллагкзд̇ваа д̇ам̣ д̣̇зсзд̇угаамо бхигкуу ааманд̇зси аавусо, бхигкавзд̇и. аавусод̇и хи авад̇ваа, бхигкавзд̇и важанам̣ б̣уд̣̇д̇хаалаабо наама ход̇и, аяам̣ банааяасмаа ‘‘д̣̇асаб̣алзна самаанам̣ аалабанам̣ на гариссаамий’’д̇и сад̇т̇у г̇аарававасзна саавагаалаабам̣ гаронд̇о, ‘‘аавусо бхигкавз’’д̇и ааха. зд̇ад̣̇авожаад̇и зд̇ам̣ ‘‘аж̇жхад̇д̇асам̣яож̇анан̃жа, аавусо, буг̇г̇алам̣ д̣̇зсзссаами б̣ахид̣̇д̇хаасам̣яож̇анан̃жаа’’д̇и д̇хаммад̣̇зсанаабад̣̇ам̣ авожа.
Evaṃ desanaṃ sallakkhetvā taṃ desetukāmo bhikkhū āmantesi āvuso, bhikkhaveti. Āvusoti hi avatvā, bhikkhaveti vacanaṃ buddhālāpo nāma hoti, ayaṃ panāyasmā ‘‘dasabalena samānaṃ ālapanaṃ na karissāmī’’ti satthu gāravavasena sāvakālāpaṃ karonto, ‘‘āvuso bhikkhave’’ti āha. Etadavocāti etaṃ ‘‘ajjhattasaṃyojanañca, āvuso, puggalaṃ desessāmi bahiddhāsaṃyojanañcā’’ti dhammadesanāpadaṃ avoca.
д̇асмим̣ бана рад̇анабаасаад̣̇з ад̇хивад̇т̇о зго сод̇аабанно д̣̇звабуд̇д̇о ад̇т̇и, со б̣уд̣̇д̇хзхи ваа саавагзхи ваа д̣̇зсанааяа аарад̣̇д̇хамад̇д̇ааяаязва ж̇аанаад̇и – ‘‘аяам̣ д̣̇зсанаа уд̇д̇аанигаа бхависсад̇и, аяам̣ г̇амбхийраа. аяам̣ жхаананиссид̇аа бхависсад̇и, аяам̣ вибассанааниссид̇аа. аяам̣ маг̇г̇аниссид̇аа аяам̣ паланиссид̇аа, аяам̣ ниб̣б̣аананиссид̇аа’’д̇и. со д̇асмимби д̣̇ивасз т̇зрзна д̣̇зсанааяа аарад̣̇д̇хамад̇д̇ааяа звам̣ ан̃н̃ааси – ‘‘язна нийхаарзна маяхам̣ аяязна д̇хаммасзнаабад̇инаа саарибуд̇д̇ад̇т̇зрзна д̣̇зсанаа аарад̣̇д̇хаа, аяам̣ д̣̇зсанаа вибассанааг̇аал̣хаа бхависсад̇и, чахи мукзхи вибассанам̣ гат̇зссад̇и. д̣̇зсанаабарияосаанз годисад̇асахассад̣̇звад̇аа арахад̇д̇ам̣ баабун̣иссанд̇и, сод̇аабаннаад̣̇ийнам̣ бана д̣̇звамануссаанам̣ барижчзд̣̇о на бхависсад̇и. д̣̇зсанааяа анужчавигам̣ гад̇ваа маяхам̣ аяяасса саад̇хугаарам̣ д̣̇ассаамий’’д̇и д̣̇зваанубхаавзна маханд̇ам̣ сад̣̇д̣̇ам̣ гад̇ваа – ‘‘саад̇ху саад̇ху аяяаа’’д̇и ааха.
Tasmiṃ pana ratanapāsāde adhivattho eko sotāpanno devaputto atthi, so buddhehi vā sāvakehi vā desanāya āraddhamattāyayeva jānāti – ‘‘ayaṃ desanā uttānikā bhavissati, ayaṃ gambhīrā. Ayaṃ jhānanissitā bhavissati, ayaṃ vipassanānissitā. Ayaṃ magganissitā ayaṃ phalanissitā, ayaṃ nibbānanissitā’’ti. So tasmimpi divase therena desanāya āraddhamattāya evaṃ aññāsi – ‘‘yena nīhārena mayhaṃ ayyena dhammasenāpatinā sāriputtattherena desanā āraddhā, ayaṃ desanā vipassanāgāḷhā bhavissati, chahi mukhehi vipassanaṃ kathessati. Desanāpariyosāne koṭisatasahassadevatā arahattaṃ pāpuṇissanti, sotāpannādīnaṃ pana devamanussānaṃ paricchedo na bhavissati. Desanāya anucchavikaṃ katvā mayhaṃ ayyassa sādhukāraṃ dassāmī’’ti devānubhāvena mahantaṃ saddaṃ katvā – ‘‘sādhu sādhu ayyā’’ti āha.
д̣̇зварааж̇зна саад̇хугаарз д̣̇иннз бариваарагабаасаад̣̇асахассз ад̇хивад̇т̇аа д̣̇звад̇аа саб̣б̣аава саад̇хугаарам̣ ад̣̇ам̣су. д̇аасам̣ саад̇хугаарасад̣̇д̣̇зна саб̣б̣аа буб̣б̣аараамз васанад̣̇звад̇аа, д̇аасам̣ сад̣̇д̣̇зна г̇аавуд̇амад̇д̇з д̣̇звад̇аа, д̇ад̇о ад̣дхаяож̇анз яож̇анзд̇и зд̇знубааязна згажаггаваал̣з, д̣̇вийсу жаггаваал̣зсу, д̇ийсу жаггаваал̣зсууд̇и д̣̇асасахассажаггаваал̣зсу д̣̇звад̇аа саад̇хугаарамад̣̇ам̣су. д̇аасам̣ саад̇хугаарасад̣̇д̣̇зна бат̇авидтаганааг̇аа жа аагаасадтагад̣̇звад̇аа жа. д̇ад̇о аб̣бхавалаахагаа, ун̣хавалаахагаа, сийд̇авалаахагаа, вассавалаахагаа, жаад̇умахаарааж̇игаа жад̇д̇ааро махаарааж̇аано, д̇аавад̇им̣саа д̣̇звад̇аа, сагго д̣̇зварааж̇аа, яаамаа д̣̇звад̇аа, суяаамо д̣̇зварааж̇аа , д̇усид̇аа д̣̇звад̇аа, санд̇усид̇о д̣̇зварааж̇аа, ниммаанарад̇ий д̣̇звад̇аа, суниммид̇о д̣̇зварааж̇аа, васавад̇д̇ий д̣̇звад̇аа, васавад̇д̇ий д̣̇зварааж̇аа, б̣рахмабаарисаж̇ж̇аа, б̣рахмабурохид̇аа, махааб̣рахмаано, барид̇д̇аабхаа, аббамаан̣аабхаа, аабхассараа, барид̇д̇асубхаа, аббамаан̣асубхаа, субхагин̣хаа, взхабпалаа, авихаа, ад̇аббаа, суд̣̇ассаа, суд̣̇ассий, аганидтаа д̣̇звад̇аад̇и асан̃н̃з жа аруубааважарасад̇д̇з жа табзд̇ваа сод̇ааяад̇анабавад̇д̇идтаанз саб̣б̣аа д̣̇звад̇аа саад̇хугаарамад̣̇ам̣су.
Devarājena sādhukāre dinne parivārakapāsādasahasse adhivatthā devatā sabbāva sādhukāraṃ adaṃsu. Tāsaṃ sādhukārasaddena sabbā pubbārāme vasanadevatā, tāsaṃ saddena gāvutamatte devatā, tato aḍḍhayojane yojaneti etenupāyena ekacakkavāḷe, dvīsu cakkavāḷesu, tīsu cakkavāḷesūti dasasahassacakkavāḷesu devatā sādhukāramadaṃsu. Tāsaṃ sādhukārasaddena pathaviṭṭhakanāgā ca ākāsaṭṭhakadevatā ca. Tato abbhavalāhakā, uṇhavalāhakā, sītavalāhakā, vassavalāhakā, cātumahārājikā cattāro mahārājāno, tāvatiṃsā devatā, sakko devarājā, yāmā devatā, suyāmo devarājā , tusitā devatā, santusito devarājā, nimmānaratī devatā, sunimmito devarājā, vasavattī devatā, vasavattī devarājā, brahmapārisajjā, brahmapurohitā, mahābrahmāno, parittābhā, appamāṇābhā, ābhassarā, parittasubhā, appamāṇasubhā, subhakiṇhā, vehapphalā, avihā, atappā, sudassā, sudassī, akaniṭṭhā devatāti asaññe ca arūpāvacarasatte ca ṭhapetvā sotāyatanapavattiṭṭhāne sabbā devatā sādhukāramadaṃsu.
д̇ад̇о кийн̣аасавамахааб̣рахмаано – ‘‘махаа вад̇ааяам̣ саад̇хугаарасад̣̇д̣̇о, бат̇авид̇алад̇о бадтааяа яаава аганидталогам̣ ааг̇ад̇о, гимад̇т̇ам̣ ну ко зсо’’д̇и ааваж̇ж̇знд̇о ‘‘д̇хаммасзнаабад̇исаарибуд̇д̇ад̇т̇зро буб̣б̣аараамз висаакааяа рад̇анабаасаад̣̇з нисийд̣̇ид̇ваа сам̣яож̇анабарияааяад̇хаммад̣̇зсанамаарабхи, амхзхиби д̇ад̇т̇а гааяасагкийхи бхавид̇ум̣ ваддад̇ий’’д̇и жинд̇зд̇ваа д̇ад̇т̇а аг̇амам̣су. буб̣б̣аараамо д̣̇звад̇аахи барибун̣н̣о, саманд̇аа буб̣б̣аараамасса г̇аавуд̇ам̣ ад̣дхаяож̇анам̣, яож̇ананд̇и сагалажаггаваал̣ам̣ хздтаа бат̇авид̇алзна д̇ирияам̣ жаггаваал̣абарияанд̇зна барижчиннам̣ д̣̇асахи жаггаваал̣асахассзхи саннибад̇ид̇аахи д̣̇звад̇аахи ниранд̇арамахоси, аараг̇г̇анид̇уд̣̇анамад̇д̇з таанз убаримагодияаа садти д̣̇звад̇аа сукумад̇д̇абхаавз маабзд̇ваа адтам̣су.
Tato khīṇāsavamahābrahmāno – ‘‘mahā vatāyaṃ sādhukārasaddo, pathavitalato paṭṭhāya yāva akaniṭṭhalokaṃ āgato, kimatthaṃ nu kho eso’’ti āvajjento ‘‘dhammasenāpatisāriputtatthero pubbārāme visākhāya ratanapāsāde nisīditvā saṃyojanapariyāyadhammadesanamārabhi, amhehipi tattha kāyasakkhīhi bhavituṃ vaṭṭatī’’ti cintetvā tattha agamaṃsu. Pubbārāmo devatāhi paripuṇṇo, samantā pubbārāmassa gāvutaṃ aḍḍhayojanaṃ, yojananti sakalacakkavāḷaṃ heṭṭhā pathavitalena tiriyaṃ cakkavāḷapariyantena paricchinnaṃ dasahi cakkavāḷasahassehi sannipatitāhi devatāhi nirantaramahosi, āragganitudanamatte ṭhāne uparimakoṭiyā saṭṭhi devatā sukhumattabhāve māpetvā aṭṭhaṃsu.
ат̇ааяасмаа саарибуд̇д̇о ‘‘маханд̇ам̣ вад̇ид̣̇ам̣ халаахалам̣, гим̣ ну ко зд̇а’’нд̇и ааваж̇ж̇знд̇о д̣̇асасахассажаггаваал̣з тид̇аанам̣ д̣̇звад̇аанам̣ згажаггаваал̣з саннибад̇ид̇абхаавам̣ ад̣̇д̣̇аса. ат̇а яасмаа б̣уд̣̇д̇хаанам̣ ад̇хидтаанагижжам̣ над̇т̇и, барисабаримаан̣знзва бассанд̇и жзва сад̣̇д̣̇ан̃жа саавзнд̇и. саавагаанам̣ бана ад̇хидтаанам̣ ваддад̇и. д̇асмаа т̇зро самаабад̇д̇им̣ самаабаж̇ж̇ид̇ваа самаабад̇д̇ид̇о вудтааяа махаг̇г̇ад̇ажид̇д̇зна ад̇хидтааси – ‘‘жаггаваал̣абарияанд̇аа барисаа саб̣б̣ааби мам̣ бассад̇у, д̇хамман̃жа мз д̣̇зсзнд̇асса сад̣̇д̣̇ам̣ сун̣аад̇уу’’д̇и. ад̇хидтид̇агаалад̇о бадтааяа д̣̇агкин̣аж̇аан̣убассз жа жаггаваал̣амукаваддияан̃жа нисийд̣̇ид̇ваа ‘‘д̇хаммасзнаабад̇исаарибуд̇д̇ад̇т̇зро наама гийд̣̇исо д̣̇ийгхо рассо саамо од̣̇аад̇о’’д̇и вад̇д̇аб̣б̣агааран̣ам̣ наахоси, саб̣б̣зсамби саб̣б̣ад̣̇исаасу нисиннаанам̣ абхимукзязва бан̃н̃ааяид̇т̇а, набхамаж̇жхз тид̇ажанд̣̇о вияа ахоси. д̇хаммам̣ д̣̇зсзнд̇ассаабисса д̣̇агкин̣аж̇аан̣убассз жа жаггаваал̣амукаваддияан̃жа нисиннаа саб̣б̣з згагам̣сзнзва сад̣̇д̣̇ам̣ сун̣им̣су.
Athāyasmā sāriputto ‘‘mahantaṃ vatidaṃ halāhalaṃ, kiṃ nu kho eta’’nti āvajjento dasasahassacakkavāḷe ṭhitānaṃ devatānaṃ ekacakkavāḷe sannipatitabhāvaṃ addasa. Atha yasmā buddhānaṃ adhiṭṭhānakiccaṃ natthi, parisaparimāṇeneva passanti ceva saddañca sāventi. Sāvakānaṃ pana adhiṭṭhānaṃ vaṭṭati. Tasmā thero samāpattiṃ samāpajjitvā samāpattito vuṭṭhāya mahaggatacittena adhiṭṭhāsi – ‘‘cakkavāḷapariyantā parisā sabbāpi maṃ passatu, dhammañca me desentassa saddaṃ suṇātū’’ti. Adhiṭṭhitakālato paṭṭhāya dakkhiṇajāṇupasse ca cakkavāḷamukhavaṭṭiyañca nisīditvā ‘‘dhammasenāpatisāriputtatthero nāma kīdiso dīgho rasso sāmo odāto’’ti vattabbakāraṇaṃ nāhosi, sabbesampi sabbadisāsu nisinnānaṃ abhimukheyeva paññāyittha, nabhamajjhe ṭhitacando viya ahosi. Dhammaṃ desentassāpissa dakkhiṇajāṇupasse ca cakkavāḷamukhavaṭṭiyañca nisinnā sabbe ekakaṃseneva saddaṃ suṇiṃsu.
звам̣ ад̇хидтахид̇ваа т̇зро аж̇жхад̇д̇асам̣яож̇анан̃жа, аавусод̇и имам̣ д̇хаммад̣̇зсанам̣ аарабхи. д̇ад̇т̇а аж̇жхад̇д̇анд̇и гаамабхаво. б̣ахид̣̇д̇хаад̇и руубааруубабхаво. гин̃жааби хи сад̇д̇аа гаамабхавз аббам̣ гаалам̣ васанд̇и габбасса жад̇уд̇т̇амзва годтаасам̣, ид̇арзсу д̇ийсу годтаасзсу гаамабхаво сун̃н̃о ход̇и д̇ужчо, руубабхавз б̣ахум̣ гаалам̣ васанд̇и, д̇ат̇ааби д̇зсам̣ яасмаа гаамабхавз жуд̇ибадисанд̇хияо б̣ахугаа хонд̇и, аббагаа руубааруубабхавзсу. яад̇т̇а жа жуд̇ибадисанд̇хияо б̣ахугаа, д̇ад̇т̇а аалаяоби бад̇т̇анааби абхилаасоби б̣аху ход̇и. яад̇т̇а аббаа, д̇ад̇т̇а аббо. д̇асмаа гаамабхаво аж̇жхад̇д̇ам̣ наама ж̇аад̇ам̣, руубааруубабхаваа б̣ахид̣̇д̇хаа наама. ид̇и аж̇жхад̇д̇асан̇каад̇з гаамабхавз чанд̣̇арааг̇о аж̇жхад̇д̇асам̣яож̇анам̣ наама, б̣ахид̣̇д̇хаасан̇каад̇зсу руубааруубабхавзсу чанд̣̇арааг̇о б̣ахид̣̇д̇хаасам̣яож̇анам̣ наама. орамбхааг̇ияаани ваа бан̃жа сам̣яож̇анаани аж̇жхад̇д̇асам̣яож̇анам̣ наама, уд̣̇д̇хамбхааг̇ияаани бан̃жа б̣ахид̣̇д̇хаасам̣яож̇анам̣ наама. д̇ад̇рааяам̣ важанад̇т̇о – орам̣ вужжад̇и гаамад̇хаад̇у, д̇ад̇т̇а убабад̇д̇инибпаад̣̇анад̇о д̇ам̣ орам̣ бхаж̇анд̇ийд̇и орамбхааг̇ияаани . уд̣̇д̇хам̣ вужжад̇и руубааруубад̇хаад̇у, д̇ад̇т̇а убабад̇д̇инибпаад̣̇анад̇о д̇ам̣ уд̣̇д̇хам̣ бхаж̇анд̇ийд̇и уд̣̇д̇хамбхааг̇ияаани.
Evaṃ adhiṭṭhahitvā thero ajjhattasaṃyojanañca, āvusoti imaṃ dhammadesanaṃ ārabhi. Tattha ajjhattanti kāmabhavo. Bahiddhāti rūpārūpabhavo. Kiñcāpi hi sattā kāmabhave appaṃ kālaṃ vasanti kappassa catutthameva koṭṭhāsaṃ, itaresu tīsu koṭṭhāsesu kāmabhavo suñño hoti tuccho, rūpabhave bahuṃ kālaṃ vasanti, tathāpi tesaṃ yasmā kāmabhave cutipaṭisandhiyo bahukā honti, appakā rūpārūpabhavesu. Yattha ca cutipaṭisandhiyo bahukā, tattha ālayopi patthanāpi abhilāsopi bahu hoti. Yattha appā, tattha appo. Tasmā kāmabhavo ajjhattaṃ nāma jātaṃ, rūpārūpabhavā bahiddhā nāma. Iti ajjhattasaṅkhāte kāmabhave chandarāgo ajjhattasaṃyojanaṃ nāma, bahiddhāsaṅkhātesu rūpārūpabhavesu chandarāgo bahiddhāsaṃyojanaṃ nāma. Orambhāgiyāni vā pañca saṃyojanāni ajjhattasaṃyojanaṃ nāma, uddhambhāgiyāni pañca bahiddhāsaṃyojanaṃ nāma. Tatrāyaṃ vacanattho – oraṃ vuccati kāmadhātu, tattha upapattinipphādanato taṃ oraṃ bhajantīti orambhāgiyāni . Uddhaṃ vuccati rūpārūpadhātu, tattha upapattinipphādanato taṃ uddhaṃ bhajantīti uddhambhāgiyāni.
звам̣ вуд̇д̇аббабхзд̣̇зна аж̇жхад̇д̇асам̣яож̇анзна сам̣яуд̇д̇о буг̇г̇ало аж̇жхад̇д̇асам̣яож̇ано, б̣ахид̣̇д̇хаасам̣яож̇анзна сам̣яуд̇д̇о буг̇г̇ало б̣ахид̣̇д̇хаасам̣яож̇ано. убхаяамби жзд̇ам̣ на логияасса вадданиссид̇амахааж̇анасса наамам̣. язсам̣ бана бхаво д̣̇взд̇хаа барижчинно, д̇зсам̣ сод̇аабаннасагад̣̇ааг̇аамианааг̇аамийнам̣ арияасаавагаанам̣ зд̇ам̣ наамам̣. яат̇аа хи махаааран̃н̃з кад̣̇ираванасаалаванаад̣̇ийни т̇амбхо д̇улаасан̇гхаадод̇и наамам̣ на лабханд̇и, кад̣̇ираванам̣ саалавананд̇и наамамзва лабханд̇и. яад̣̇аа бана д̇ад̇о ругкаа д̇ин̣хааяа гутаарияаа чинд̣̇ид̇ваа т̇амбхаад̣̇исан̣таанзна д̇ажчид̇аа хонд̇и, д̇ад̣̇аа т̇амбхо д̇улаасан̇гхаадод̇и наамам̣ лабханд̇и. звамзвам̣ абарижчиннабхаво б̣ахалагилзсо бут̇уж̇ж̇ано зд̇ам̣ наамам̣ на лабхад̇и, бхавам̣ барижчинд̣̇ид̇ваа гилзсз д̇анугз гад̇ваа тид̇аа сод̇аабаннаад̣̇аяова лабханд̇и.
Evaṃ vuttappabhedena ajjhattasaṃyojanena saṃyutto puggalo ajjhattasaṃyojano, bahiddhāsaṃyojanena saṃyutto puggalo bahiddhāsaṃyojano. Ubhayampi cetaṃ na lokiyassa vaṭṭanissitamahājanassa nāmaṃ. Yesaṃ pana bhavo dvedhā paricchinno, tesaṃ sotāpannasakadāgāmianāgāmīnaṃ ariyasāvakānaṃ etaṃ nāmaṃ. Yathā hi mahāaraññe khadiravanasālavanādīni thambho tulāsaṅghāṭoti nāmaṃ na labhanti, khadiravanaṃ sālavananti nāmameva labhanti. Yadā pana tato rukkhā tiṇhāya kuṭhāriyā chinditvā thambhādisaṇṭhānena tacchitā honti, tadā thambho tulāsaṅghāṭoti nāmaṃ labhanti. Evamevaṃ aparicchinnabhavo bahalakileso puthujjano etaṃ nāmaṃ na labhati, bhavaṃ paricchinditvā kilese tanuke katvā ṭhitā sotāpannādayova labhanti.
имасса жа банад̇т̇асса вибхааванад̇т̇ам̣ ид̣̇ам̣ важчагасаалобамам̣ взд̣̇ид̇аб̣б̣ам̣. важчагасаалам̣ хи гад̇ваа анд̇о каан̣угз годдзд̇ваа важчагз яод̇д̇зхи б̣анд̇хид̇ваа д̇зсу убаниб̣анд̇ханд̇и, яод̇д̇зсу аббахонд̇зсу ган̣н̣зсуби г̇ахзд̇ваа д̇ад̇т̇а важчагз бавзсзнд̇и, анд̇осаалааяа огаасз аббахонд̇з б̣ахи каан̣угз годдзд̇вааби звамзва гаронд̇и. д̇ад̇т̇а гожи анд̇об̣ад̣̇д̇хо важчаго б̣ахинибанно ход̇и, гожи б̣ахиб̣ад̣̇д̇хо анд̇онибанно, гожи анд̇об̣ад̣̇д̇хо анд̇ова нибанно, гожи б̣ахиб̣ад̣̇д̇хо б̣ахиязва нибанно. гожи анд̇оби аб̣ад̣̇д̇хова жарад̇и, б̣ахиби аб̣ад̣̇д̇хова. д̇ад̇т̇а анд̇об̣ад̣̇д̇хасса б̣ахинибаннасса б̣анд̇ханам̣ д̣̇ийгхам̣ ход̇и. со хи ун̣хаад̣̇ибийл̣ид̇о нигкамид̇ваа б̣ахи важчагаанам̣ аб̣бханд̇арз нибаж̇ж̇ад̇и. б̣ахиб̣ад̣̇д̇хз анд̇онибаннзби зсзва наяо. яо бана анд̇об̣ад̣̇д̇хо анд̇онибанно, д̇асса б̣анд̇ханам̣ рассам̣ ход̇и. б̣ахиб̣ад̣̇д̇хз б̣ахинибаннзби зсзва наяо. убхоби хи д̇з д̣̇ивасамби каан̣угам̣ анубариг̇анд̇ваа д̇ад̇т̇зва саяанд̇и. яо бана анд̇о аб̣ад̣̇д̇хо д̇ад̇т̇зва важчагаанам̣ анд̇арз вижарад̇и. аяам̣ сийлаваа важчаго ган̣н̣з г̇ахзд̇ваа важчагаанам̣ анд̇арз виссадто д̣̇ивасамби ан̃н̃ад̇т̇а аг̇анд̇ваа д̇ад̇т̇зва жарад̇и. б̣ахи аб̣ад̣̇д̇хз д̇ад̇т̇зва вижаранд̇зби зсзва наяо.
Imassa ca panatthassa vibhāvanatthaṃ idaṃ vacchakasālopamaṃ veditabbaṃ. Vacchakasālaṃ hi katvā anto khāṇuke koṭṭetvā vacchake yottehi bandhitvā tesu upanibandhanti, yottesu appahontesu kaṇṇesupi gahetvā tattha vacchake pavesenti, antosālāya okāse appahonte bahi khāṇuke koṭṭetvāpi evameva karonti. Tattha koci antobaddho vacchako bahinipanno hoti, koci bahibaddho antonipanno, koci antobaddho antova nipanno, koci bahibaddho bahiyeva nipanno. Koci antopi abaddhova carati, bahipi abaddhova. Tattha antobaddhassa bahinipannassa bandhanaṃ dīghaṃ hoti. So hi uṇhādipīḷito nikkhamitvā bahi vacchakānaṃ abbhantare nipajjati. Bahibaddhe antonipannepi eseva nayo. Yo pana antobaddho antonipanno, tassa bandhanaṃ rassaṃ hoti. Bahibaddhe bahinipannepi eseva nayo. Ubhopi hi te divasampi khāṇukaṃ anuparigantvā tattheva sayanti. Yo pana anto abaddho tattheva vacchakānaṃ antare vicarati. Ayaṃ sīlavā vacchako kaṇṇe gahetvā vacchakānaṃ antare vissaṭṭho divasampi aññattha agantvā tattheva carati. Bahi abaddhe tattheva vicarantepi eseva nayo.
д̇ад̇т̇а важчагасаалаа вияа д̇аяо бхаваа взд̣̇ид̇аб̣б̣аа. важчагасаалааяам̣ каан̣угаа вияа авиж̇ж̇аакаан̣уго. важчагаб̣анд̇ханаяод̇д̇ам̣ вияа д̣̇аса сам̣яож̇анаани. важчагаа вияа д̇ийсу бхавзсу ниб̣б̣ад̇д̇асад̇д̇аа . анд̇об̣ад̣̇д̇хо б̣ахисаяид̇аважчаго вияа руубааруубабхавзсу сод̇аабаннасагад̣̇ааг̇аамино. д̇з хи гин̃жааби д̇ад̇т̇зва васанд̇и, сам̣яож̇анам̣ бана д̇зсам̣ гаамааважаруубаниб̣ад̣̇д̇хамзва. гзнадтзна? аббахийнадтзна. руубааруубабхавзсу бут̇уж̇ж̇аноби зд̇зхзва сан̇г̇ахид̇о. соби хи гин̃жааби д̇ад̇т̇а васад̇и, сам̣яож̇анам̣ банасса гаамааважаруубаниб̣ад̣̇д̇хамзва. б̣ахиб̣ад̣̇д̇хо анд̇осаяид̇аважчаго вияа гаамааважарз анааг̇аамий. со хи гин̃жааби гаамааважарз васад̇и, сам̣яож̇анам̣ банасса руубааруубабхавуубаниб̣ад̣̇д̇хамзва. анд̇об̣ад̣̇д̇хо анд̇онибанно вияа гаамааважарз сод̇аабаннасагад̣̇ааг̇аамино. д̇з хи саяамби гаамааважарз васанд̇и, сам̣яож̇анамби д̇зсам̣ гаамааважаруубаниб̣ад̣̇д̇хамзва. б̣ахиб̣ад̣̇д̇хо б̣ахинибанно вияа руубааруубабхавзсу анааг̇аамий. со хи саяамби д̇ад̇т̇а васад̇и, сам̣яож̇анамбисса руубааруубабхавуубаниб̣ад̣̇д̇хамзва. анд̇оаб̣ад̣̇д̇хо анд̇овижаран̣аважчаго вияа гаамааважарз кийн̣аасаво. б̣ахиаб̣ад̣̇д̇хо б̣ахивижаран̣аважчаго вияа руубааруубабхавз кийн̣аасаво. сам̣яож̇анзсу бана саггааяад̣̇идти вижигижчаа сийлаб̣б̣ад̇абараамаасод̇и имаани д̇ийн̣и г̇ажчанд̇ам̣ ниваарзнд̇и, г̇ад̇ам̣ бадиаанзнд̇и. гаамажчанд̣̇о б̣яаабаад̣̇од̇и имаани бана д̣̇вз сам̣яож̇анаани самаабад̇д̇ияаа ваа авигкамбхзд̇ваа маг̇г̇зна ваа асамужчинд̣̇ид̇ваа руубааруубабхавз ниб̣б̣ад̇д̇ид̇ум̣ на саггод̇и.
Tattha vacchakasālā viya tayo bhavā veditabbā. Vacchakasālāyaṃ khāṇukā viya avijjākhāṇuko. Vacchakabandhanayottaṃ viya dasa saṃyojanāni. Vacchakā viya tīsu bhavesu nibbattasattā . Antobaddho bahisayitavacchako viya rūpārūpabhavesu sotāpannasakadāgāmino. Te hi kiñcāpi tattheva vasanti, saṃyojanaṃ pana tesaṃ kāmāvacarūpanibaddhameva. Kenaṭṭhena? Appahīnaṭṭhena. Rūpārūpabhavesu puthujjanopi eteheva saṅgahito. Sopi hi kiñcāpi tattha vasati, saṃyojanaṃ panassa kāmāvacarūpanibaddhameva. Bahibaddho antosayitavacchako viya kāmāvacare anāgāmī. So hi kiñcāpi kāmāvacare vasati, saṃyojanaṃ panassa rūpārūpabhavūpanibaddhameva. Antobaddho antonipanno viya kāmāvacare sotāpannasakadāgāmino. Te hi sayampi kāmāvacare vasanti, saṃyojanampi tesaṃ kāmāvacarūpanibaddhameva. Bahibaddho bahinipanno viya rūpārūpabhavesu anāgāmī. So hi sayampi tattha vasati, saṃyojanampissa rūpārūpabhavūpanibaddhameva. Antoabaddho antovicaraṇavacchako viya kāmāvacare khīṇāsavo. Bahiabaddho bahivicaraṇavacchako viya rūpārūpabhave khīṇāsavo. Saṃyojanesu pana sakkāyadiṭṭhi vicikicchā sīlabbataparāmāsoti imāni tīṇi gacchantaṃ nivārenti, gataṃ paṭiānenti. Kāmacchando byāpādoti imāni pana dve saṃyojanāni samāpattiyā vā avikkhambhetvā maggena vā asamucchinditvā rūpārūpabhave nibbattituṃ na sakkoti.
гад̇амо жаавусод̇и ид̣̇ам̣ т̇зро яат̇аа наама бурисо д̣̇вз рад̇анабзл̣аа бассз табзд̇ваа самбад̇д̇абарисааяа д̣̇вз хад̇т̇з буурзд̇ваа сад̇д̇авид̇хам̣ рад̇анам̣ бхааж̇зд̇ваа д̣̇ад̣̇зяяа, звам̣ батамам̣ рад̇анабзл̣ам̣ д̣̇ад̇ваа д̣̇уд̇ияамби д̇ат̇зва д̣̇ад̣̇зяяа. звамзвам̣ ‘‘аж̇жхад̇д̇асам̣яож̇анан̃жа, аавусо, буг̇г̇алам̣ д̣̇зсзссаами б̣ахид̣̇д̇хаасам̣яож̇анан̃жаа’’д̇и имаани д̣̇вз бад̣̇аани маад̇игаавасзна табзд̇ваа ид̣̇аани адтавид̇хааяа барисааяа бхааж̇зд̇ваа д̣̇ассзд̇ум̣ вид̇т̇аарагат̇ам̣ аарабхи.
Katamo cāvusoti idaṃ thero yathā nāma puriso dve ratanapeḷā passe ṭhapetvā sampattaparisāya dve hatthe pūretvā sattavidhaṃ ratanaṃ bhājetvā dadeyya, evaṃ paṭhamaṃ ratanapeḷaṃ datvā dutiyampi tatheva dadeyya. Evamevaṃ ‘‘ajjhattasaṃyojanañca, āvuso, puggalaṃ desessāmi bahiddhāsaṃyojanañcā’’ti imāni dve padāni mātikāvasena ṭhapetvā idāni aṭṭhavidhāya parisāya bhājetvā dassetuṃ vitthārakathaṃ ārabhi.
д̇ад̇т̇а ид̇хаад̇и имасмим̣ саасанз. сийлаваа ход̇ийд̇и жад̇убаарисуд̣̇д̇хисийлзхи сийласамбанно ход̇и. ид̇и т̇зро зд̇д̇аавад̇аа жа гира жад̇убаарисуд̣̇д̇хисийлам̣ уд̣̇д̣̇исид̇ваа ‘‘баад̇имогкасам̣варасам̣вуд̇о’’д̇и иминаа д̇ад̇т̇а ж̇здтагасийлам̣ вид̇т̇аарзд̇ваа д̣̇ассзсийд̇и д̣̇ийбавихаараваасий суммад̇т̇зро ааха. анд̇зваасиго банасса д̇ибидагажуул̣анааг̇ад̇т̇зро ааха – ‘‘убхаяад̇т̇ааби баад̇имогкасам̣варова вуд̇д̇о. баад̇имогкасам̣вароязва хи сийлам̣, ид̇араани бана д̇ийн̣и сийланд̇и вуд̇д̇адтаанам̣ наама ад̇т̇ий’’д̇и анануж̇аананд̇о уд̇д̇ари ааха – инд̣̇рияасам̣варо наама чад̣̇ваарарагкаамад̇д̇агамзва, ааж̇ийвабаарисуд̣̇д̇хи д̇хаммзна самзна бажжаяуббад̇д̇имад̇д̇агам̣, бажжаяасанниссид̇ам̣ бадилад̣̇д̇хабажжаяз ‘‘ид̣̇амад̇т̇а’’нд̇и бажжавзгкид̇ваа барибхун̃ж̇анамад̇д̇агам̣, ниббарияааязна бана баад̇имогкасам̣варова сийлам̣ . яасса со бхинно, аяам̣ чиннасийсо вияа бурисо хад̇т̇абаад̣̇з сзсаани рагкиссад̇ийд̇и на вад̇д̇аб̣б̣о. яасса бана со арог̇о, аяам̣ ажчиннасийсо вияа бурисо ж̇ийвид̇ам̣ сзсаани буна баагад̇игаани гад̇ваа рагкид̇ум̣ саггод̇и. д̇асмаа сийлаваад̇и иминаа баад̇имогкасам̣варам̣ уд̣̇д̣̇исид̇ваа д̇ам̣ вид̇т̇аарзнд̇о ‘‘баад̇имогкасам̣варасам̣вуд̇о’’д̇иаад̣̇имаахаад̇и.
Tattha idhāti imasmiṃ sāsane. Sīlavāhotīti catupārisuddhisīlehi sīlasampanno hoti. Iti thero ettāvatā ca kira catupārisuddhisīlaṃ uddisitvā ‘‘pātimokkhasaṃvarasaṃvuto’’ti iminā tattha jeṭṭhakasīlaṃ vitthāretvā dassesīti dīpavihāravāsī summatthero āha. Antevāsiko panassa tipiṭakacūḷanāgatthero āha – ‘‘ubhayatthāpi pātimokkhasaṃvarova vutto. Pātimokkhasaṃvaroyeva hi sīlaṃ, itarāni pana tīṇi sīlanti vuttaṭṭhānaṃ nāma atthī’’ti ananujānanto uttari āha – indriyasaṃvaro nāma chadvārarakkhāmattakameva, ājīvapārisuddhi dhammena samena paccayuppattimattakaṃ, paccayasannissitaṃ paṭiladdhapaccaye ‘‘idamattha’’nti paccavekkhitvā paribhuñjanamattakaṃ, nippariyāyena pana pātimokkhasaṃvarova sīlaṃ . Yassa so bhinno, ayaṃ chinnasīso viya puriso hatthapāde sesāni rakkhissatīti na vattabbo. Yassa pana so arogo, ayaṃ acchinnasīso viya puriso jīvitaṃ sesāni puna pākatikāni katvā rakkhituṃ sakkoti. Tasmā sīlavāti iminā pātimokkhasaṃvaraṃ uddisitvā taṃ vitthārento ‘‘pātimokkhasaṃvarasaṃvuto’’tiādimāhāti.
д̇ад̇т̇а баад̇имогкасам̣варасам̣вуд̇од̇и баад̇имогкасам̣варзна саманнааг̇ад̇о. аажаараг̇ожарасамбаннод̇и аажаарзна жа г̇ожарзна жа самбанно. ан̣умад̇д̇зсууд̇и аббамад̇д̇агзсу. важ̇ж̇зсууд̇и агусалад̇хаммзсу. бхаяад̣̇ассаавийд̇и бхаяад̣̇ассий. самаад̣̇ааяаад̇и саммаа аад̣̇ияид̇ваа. сигкад̇и сигкаабад̣̇зсууд̇и д̇ам̣ д̇ам̣ сигкаабад̣̇ам̣ самаад̣̇ияид̇ваа сигкад̇и. абижа самаад̣̇ааяа сигкад̇и сигкаабад̣̇зсууд̇и яам̣гин̃жи сигкаабад̣̇зсу сигкаагодтаасзсу сигкид̇аб̣б̣ам̣ гааяигам̣ ваа ваажасигам̣ ваа, д̇ам̣ саб̣б̣ам̣ саммаа аад̣̇ааяа сигкад̇и. аяамзд̇т̇а сан̇кзбо, вид̇т̇аарад̇о бана саб̣б̣аанзд̇аани баад̇имогкасам̣вараад̣̇ийни бад̣̇аани висуд̣̇д̇химаг̇г̇з (висуд̣̇д̇хи. 1.14 аад̣̇аяо) вуд̇д̇аани, жад̇убаарисуд̣̇д̇хисийлан̃жа саб̣б̣аагаарзна вибхаж̇ид̇ваа д̣̇ассид̇ам̣. ан̃н̃ад̇арам̣ д̣̇званигааяанд̇и часу гаамааважарад̣̇звагхадаасу ан̃н̃ад̇арам̣ д̣̇звагхадам̣. ааг̇аамий ход̇ийд̇и хздтаа ааг̇аамий ход̇и. ааг̇анд̇аа ид̇т̇ад̇д̇анд̇и ид̇т̇ад̇д̇ам̣ маанусагабан̃жагканд̇хабхаавамзва ааг̇анд̇аа ход̇и. д̇ад̇руубабад̇д̇иго ваа убаруубабад̇д̇иго ваа на ход̇и, буна хздтааг̇аамийязва ход̇ийд̇и д̣̇ассзд̇и. иминаа ан̇г̇зна сугкавибассагасса д̇хаад̇угаммадтаанигабхигкуно хздтимам̣ маг̇г̇ад̣̇ваяан̃жзва палад̣̇ваяан̃жа гат̇ид̇ам̣.
Tattha pātimokkhasaṃvarasaṃvutoti pātimokkhasaṃvarena samannāgato. Ācāragocarasampannoti ācārena ca gocarena ca sampanno. Aṇumattesūti appamattakesu. Vajjesūti akusaladhammesu. Bhayadassāvīti bhayadassī. Samādāyāti sammā ādiyitvā. Sikkhati sikkhāpadesūti taṃ taṃ sikkhāpadaṃ samādiyitvā sikkhati. Apica samādāya sikkhati sikkhāpadesūti yaṃkiñci sikkhāpadesu sikkhākoṭṭhāsesu sikkhitabbaṃ kāyikaṃ vā vācasikaṃ vā, taṃ sabbaṃ sammā ādāya sikkhati. Ayamettha saṅkhepo, vitthārato pana sabbānetāni pātimokkhasaṃvarādīni padāni visuddhimagge (visuddhi. 1.14 ādayo) vuttāni, catupārisuddhisīlañca sabbākārena vibhajitvā dassitaṃ. Aññataraṃ devanikāyanti chasu kāmāvacaradevaghaṭāsu aññataraṃ devaghaṭaṃ. Āgāmī hotīti heṭṭhā āgāmī hoti. Āgantā itthattanti itthattaṃ mānusakapañcakkhandhabhāvameva āgantā hoti. Tatrūpapattiko vā uparūpapattiko vā na hoti, puna heṭṭhāgāmīyeva hotīti dasseti. Iminā aṅgena sukkhavipassakassa dhātukammaṭṭhānikabhikkhuno heṭṭhimaṃ maggadvayañceva phaladvayañca kathitaṃ.
ан̃н̃ад̇арам̣ санд̇ам̣ жзд̇овимуд̇д̇инд̇и адтасу самаабад̇д̇ийсу ан̃н̃ад̇арам̣ жад̇уд̇т̇аж̇жхаанасамаабад̇д̇им̣. саа хи бажжанийгагилзсаанам̣ санд̇ад̇д̇аа санд̇аа, д̇зхзва жа гилзсзхи жзд̇асо вимуд̇д̇ад̇д̇аа жзд̇овимуд̇д̇ийд̇и вужжад̇и. ан̃н̃ад̇арам̣ д̣̇званигааяанд̇и бан̃жасу суд̣̇д̇хааваасад̣̇званигааязсу ан̃н̃ад̇арам̣. анааг̇анд̇аа ид̇т̇ад̇д̇анд̇и буна имам̣ бан̃жагканд̇хабхаавам̣ анааг̇анд̇аа, хздтуубабад̇д̇иго на ход̇и, убаруубабад̇д̇иго ваа ход̇и д̇ад̇т̇зва ваа бариниб̣б̣ааяийд̇и д̣̇ассзд̇и. иминаа ан̇г̇зна самаад̇хигаммигасса бхигкуно д̇аяо маг̇г̇аа д̇ийн̣и жа палаани гат̇ид̇аани.
Aññataraṃ santaṃ cetovimuttinti aṭṭhasu samāpattīsu aññataraṃ catutthajjhānasamāpattiṃ. Sā hi paccanīkakilesānaṃ santattā santā, teheva ca kilesehi cetaso vimuttattā cetovimuttīti vuccati. Aññataraṃ devanikāyanti pañcasu suddhāvāsadevanikāyesu aññataraṃ. Anāgantā itthattanti puna imaṃ pañcakkhandhabhāvaṃ anāgantā, heṭṭhūpapattiko na hoti, uparūpapattiko vā hoti tattheva vā parinibbāyīti dasseti. Iminā aṅgena samādhikammikassa bhikkhuno tayo maggā tīṇi ca phalāni kathitāni.
гаамаанам̣язва ниб̣б̣ид̣̇ааяаад̇и д̣̇увид̇хаанамби гаамаанам̣ ниб̣б̣инд̣̇анад̇т̇ааяа угган̣танад̇т̇ааяа. вирааг̇ааяаад̇и вираж̇ж̇анад̇т̇ааяа. нирод̇хааяаад̇и аббавад̇д̇игаран̣ад̇т̇ааяа. бадибанно ход̇ийд̇и бадибад̇д̇им̣ бадибанно ход̇и. зд̇д̇аавад̇аа сод̇аабаннасса жа сагад̣̇ааг̇аамино жа бан̃жагаамаг̇ун̣игарааг̇агкаяад̇т̇ааяа анааг̇аамимаг̇г̇авибассанаа гат̇ид̇аа ход̇и. бхаваанам̣язваад̇и д̇ин̣н̣ам̣ бхаваанам̣. иминаа анааг̇аамино бхаварааг̇агкаяад̇т̇ааяа арахад̇д̇амаг̇г̇авибассанаа гат̇ид̇аа ход̇и. д̇ан̣хаагкаяааяа бадибанно ход̇ийд̇и иминааби сод̇аабаннасагад̣̇ааг̇аамийнам̣язва бан̃жагаамаг̇ун̣игад̇ан̣хаагкаяагаран̣ад̇т̇ам̣ анааг̇аамимаг̇г̇авибассанаа гат̇ид̇аа. со лобхагкаяааяаад̇и иминааби анааг̇аамино бхавалобхагкаяад̇т̇ааяа арахад̇д̇амаг̇г̇авибассанаава гат̇ид̇аа. ан̃н̃ад̇арам̣ д̣̇званигааяанд̇и суд̣̇д̇хааваасзсвзва ан̃н̃ад̇арам̣ д̣̇званигааяам̣. анааг̇анд̇аа ид̇т̇ад̇д̇анд̇и имам̣ канд̇хабан̃жагабхаавам̣ анааг̇анд̇аа, хздтуубабад̇д̇иго на ход̇и, убаруубабад̇д̇иго ваа ход̇и, д̇ад̇т̇зва ваа бариниб̣б̣ааяад̇и.
Kāmānaṃyeva nibbidāyāti duvidhānampi kāmānaṃ nibbindanatthāya ukkaṇṭhanatthāya. Virāgāyāti virajjanatthāya. Nirodhāyāti appavattikaraṇatthāya. Paṭipanno hotīti paṭipattiṃ paṭipanno hoti. Ettāvatā sotāpannassa ca sakadāgāmino ca pañcakāmaguṇikarāgakkhayatthāya anāgāmimaggavipassanā kathitā hoti. Bhavānaṃyevāti tiṇṇaṃ bhavānaṃ. Iminā anāgāmino bhavarāgakkhayatthāya arahattamaggavipassanā kathitā hoti. Taṇhākkhayāya paṭipanno hotīti imināpi sotāpannasakadāgāmīnaṃyeva pañcakāmaguṇikataṇhākkhayakaraṇatthaṃ anāgāmimaggavipassanā kathitā. So lobhakkhayāyāti imināpi anāgāmino bhavalobhakkhayatthāya arahattamaggavipassanāva kathitā. Aññataraṃ devanikāyanti suddhāvāsesveva aññataraṃ devanikāyaṃ. Anāgantā itthattanti imaṃ khandhapañcakabhāvaṃ anāgantā, heṭṭhūpapattiko na hoti, uparūpapattiko vā hoti, tattheva vā parinibbāyati.
ид̇и батамзна ан̇г̇зна сугкавибассагасса д̇хаад̇угаммадтаанигабхигкуно хздтимаани д̣̇вз маг̇г̇апалаани гат̇ид̇аани, д̣̇уд̇иязна самаад̇хигаммигасса д̇ийн̣и маг̇г̇апалаани, ‘‘со гаамаана’’нд̇и иминаа сод̇аабаннасагад̣̇ааг̇аамийнам̣ бан̃жагаамаг̇ун̣игарааг̇агкаяааяа убари анааг̇аамимаг̇г̇авибассанаа, ‘‘со бхаваанам̣язваа’’д̇и иминаа анааг̇аамисса убари арахад̇д̇амаг̇г̇авибассанаа, ‘‘со д̇ан̣хаагкаяааяаа’’д̇и иминаа сод̇аабаннасагад̣̇ааг̇аамийнам̣ бан̃жагаамаг̇ун̣игад̇ан̣хаагкаяааяа убари анааг̇аамимаг̇г̇авибассанаа, ‘‘со лобхагкаяааяаа’’д̇и иминаа анааг̇аамино бхавалобхагкаяааяа убари арахад̇д̇амаг̇г̇авибассанаа гат̇ид̇аад̇и звам̣ чахи мукзхи вибассанам̣ гат̇зд̇ваа д̣̇зсанам̣ яат̇аанусанд̇хим̣ баабзси. д̣̇зсанаабарияосаанз годисад̇асахассад̣̇звад̇аа арахад̇д̇ам̣ баабун̣им̣су, сод̇аабаннаад̣̇ийнам̣ барижчзд̣̇ова наахоси. яат̇аа жа имасмим̣ самааг̇амз, звам̣ махаасамаяасуд̇д̇з ман̇г̇аласуд̇д̇з жа жуул̣араахуловаад̣̇асуд̇д̇з жа годисад̇асахассад̣̇звад̇аа арахад̇д̇ам̣ баабун̣им̣су, сод̇аабаннаад̣̇ийнам̣ д̣̇звамануссаанам̣ барижчзд̣̇о наахоси.
Iti paṭhamena aṅgena sukkhavipassakassa dhātukammaṭṭhānikabhikkhuno heṭṭhimāni dve maggaphalāni kathitāni, dutiyena samādhikammikassa tīṇi maggaphalāni, ‘‘so kāmāna’’nti iminā sotāpannasakadāgāmīnaṃ pañcakāmaguṇikarāgakkhayāya upari anāgāmimaggavipassanā, ‘‘so bhavānaṃyevā’’ti iminā anāgāmissa upari arahattamaggavipassanā, ‘‘so taṇhākkhayāyā’’ti iminā sotāpannasakadāgāmīnaṃ pañcakāmaguṇikataṇhākkhayāya upari anāgāmimaggavipassanā, ‘‘so lobhakkhayāyā’’ti iminā anāgāmino bhavalobhakkhayāya upari arahattamaggavipassanā kathitāti evaṃ chahi mukhehi vipassanaṃ kathetvā desanaṃ yathānusandhiṃ pāpesi. Desanāpariyosāne koṭisatasahassadevatā arahattaṃ pāpuṇiṃsu, sotāpannādīnaṃ paricchedova nāhosi. Yathā ca imasmiṃ samāgame, evaṃ mahāsamayasutte maṅgalasutte ca cūḷarāhulovādasutte ca koṭisatasahassadevatā arahattaṃ pāpuṇiṃsu, sotāpannādīnaṃ devamanussānaṃ paricchedo nāhosi.
самажид̇д̇аа д̣̇звад̇аад̇и жид̇д̇асса сукумабхаавасамад̇ааяа самажид̇д̇аа. саб̣б̣ааби хи д̇аа ад̇д̇ано ад̇д̇абхаавз сукумз жид̇д̇асаригкагз гад̇ваа маабзсум̣. д̇зна самажид̇д̇аа наама ж̇аад̇аа. абарзнаби гааран̣зна самажид̇д̇аа – ‘‘т̇зрзна самаабад̇д̇и д̇аава гат̇ид̇аа, самаабад̇д̇ит̇аамо бана на гат̇ид̇о. маяам̣ д̣̇асаб̣алам̣ баггосид̇ваа самаабад̇д̇ияаа т̇аамам̣ гат̇аабзссаамаа’’д̇и саб̣б̣ааби згажид̇д̇аа ахзсунд̇иби самажид̇д̇аа. абарамби гааран̣ам̣ – ‘‘т̇зрзна згзна барияааязна самаабад̇д̇иби самаабад̇д̇ит̇аамоби гат̇ид̇о, го ну ко имам̣ самааг̇амам̣ самбад̇д̇о, го на самбад̇д̇о’’д̇и ологаяамаанаа д̇ат̇ааг̇ад̇асса асамбад̇д̇абхаавам̣ д̣̇исваа ‘‘маяам̣ д̇ат̇ааг̇ад̇ам̣ баггосид̇ваа барисам̣ барибун̣н̣ам̣ гариссаамаа’’д̇и саб̣б̣ааби згажид̇д̇аа ахзсунд̇иби самажид̇д̇аа. абарамби гааран̣ам̣ – анааг̇ад̇з гожид̣̇зва бхигку ваа бхигкуний ваа д̣̇зво ваа мануссо ваа ‘‘аяам̣ д̣̇зсанаа саавагабхаасид̇аа’’д̇и аг̇ааравам̣ гарзяяа, саммаасамб̣уд̣̇д̇хам̣ баггосид̇ваа имам̣ д̣̇зсанам̣ саб̣б̣ан̃н̃убхаасид̇ам̣ гариссаама. звам̣ анааг̇ад̇з г̇арубхааванийяаа бхависсад̇ийд̇и саб̣б̣аава згажид̇д̇аа ахзсунд̇иби самажид̇д̇аа. абарамби гааран̣ам̣ – саб̣б̣ааби хи д̇аа згасамаабад̇д̇илаабхинияо ваа ахзсум̣ згаарамман̣алаабхинияо ваад̇и звамби самажид̇д̇аа.
Samacittā devatāti cittassa sukhumabhāvasamatāya samacittā. Sabbāpi hi tā attano attabhāve sukhume cittasarikkhake katvā māpesuṃ. Tena samacittā nāma jātā. Aparenapi kāraṇena samacittā – ‘‘therena samāpatti tāva kathitā, samāpattithāmo pana na kathito. Mayaṃ dasabalaṃ pakkositvā samāpattiyā thāmaṃ kathāpessāmā’’ti sabbāpi ekacittā ahesuntipi samacittā. Aparampi kāraṇaṃ – ‘‘therena ekena pariyāyena samāpattipi samāpattithāmopi kathito, ko nu kho imaṃ samāgamaṃ sampatto, ko na sampatto’’ti olokayamānā tathāgatassa asampattabhāvaṃ disvā ‘‘mayaṃ tathāgataṃ pakkositvā parisaṃ paripuṇṇaṃ karissāmā’’ti sabbāpi ekacittā ahesuntipi samacittā. Aparampi kāraṇaṃ – anāgate kocideva bhikkhu vā bhikkhunī vā devo vā manusso vā ‘‘ayaṃ desanā sāvakabhāsitā’’ti agāravaṃ kareyya, sammāsambuddhaṃ pakkositvā imaṃ desanaṃ sabbaññubhāsitaṃ karissāma. Evaṃ anāgate garubhāvanīyā bhavissatīti sabbāva ekacittā ahesuntipi samacittā. Aparampi kāraṇaṃ – sabbāpi hi tā ekasamāpattilābhiniyo vā ahesuṃ ekārammaṇalābhiniyo vāti evampi samacittā.
хадтаад̇и д̇удтабахадтаа аамод̣̇ид̇аа бамод̣̇ид̇аа. саад̇хууд̇и ааяаажанад̇т̇з нибаад̇о. анугамбам̣ убаад̣̇ааяаад̇и на т̇зрасса анугамбам̣ гаарун̃н̃ам̣ ануд̣̇д̣̇аяам̣ бадижжа, на жа имасмим̣ таанз т̇зрасса анугамбид̇аб̣б̣агижжам̣ ад̇т̇и. яасмим̣ хи д̣̇ивасз т̇зро суугаракад̇алзн̣ад̣̇ваарз бхааг̇инзяяасса д̣̇ийгханакабариб̣б̣ааж̇агасса взд̣̇анаагаммадтаанз (ма. ни. 2.206) гат̇ияамаанз д̇аалаван̣дам̣ г̇ахзд̇ваа сад̇т̇аарам̣ б̣ийж̇амаано тид̇о барасса вад̣дхид̇абхож̇анам̣ бхун̃ж̇ид̇ваа куд̣̇ам̣ винод̣̇знд̇о вияа барасса саж̇ж̇ид̇абасаад̇ханам̣ сийсз бадимун̃жанд̇о вияа жа саавагабаарамин̃аан̣асса ниббад̣̇зсад̇о мад̇т̇агам̣ бад̇д̇о, д̇асмим̣язва д̣̇ивасз бхаг̇авад̇аа анугамбид̇о наама. авасзсаанам̣ бана д̇ам̣ таанам̣ самбад̇д̇аанам̣ д̣̇звамануссаанам̣ анугамбам̣ убаад̣̇ааяа г̇ажчад̇у бхаг̇аваад̇и бхаг̇аванд̇ам̣ яаажим̣су.
Haṭṭhāti tuṭṭhapahaṭṭhā āmoditā pamoditā. Sādhūti āyācanatthe nipāto. Anukampaṃ upādāyāti na therassa anukampaṃ kāruññaṃ anuddayaṃ paṭicca, na ca imasmiṃ ṭhāne therassa anukampitabbakiccaṃ atthi. Yasmiṃ hi divase thero sūkarakhataleṇadvāre bhāgineyyassa dīghanakhaparibbājakassa vedanākammaṭṭhāne (ma. ni. 2.206) kathiyamāne tālavaṇṭaṃ gahetvā satthāraṃ bījamāno ṭhito parassa vaḍḍhitabhojanaṃ bhuñjitvā khudaṃ vinodento viya parassa sajjitapasādhanaṃ sīse paṭimuñcanto viya ca sāvakapāramiñāṇassa nippadesato matthakaṃ patto, tasmiṃyeva divase bhagavatā anukampito nāma. Avasesānaṃ pana taṃ ṭhānaṃ sampattānaṃ devamanussānaṃ anukampaṃ upādāya gacchatu bhagavāti bhagavantaṃ yāciṃsu.
б̣алаваа бурисод̇и д̣̇уб̣б̣ало хи киббам̣ самин̃ж̇анабасааран̣ам̣ гаад̇ум̣ на саггод̇и, б̣алаваава саггод̇и. д̇знзд̇ам̣ вуд̇д̇ам̣. саммукз баад̇урахосийд̇и саммукадтаанз бурад̇оязва баагадо ахоси. бхаг̇аваа зд̇ад̣̇авожаад̇и зд̇ам̣ ‘‘ид̇ха саарибуд̇д̇аа’’д̇иаад̣̇инаа наязна ад̇д̇ано ааг̇аманагааран̣ам̣ авожа. звам̣ гирасса ахоси – ‘‘сажз гожи б̣аало агад̇ан̃н̃уу бхигку ваа бхигкуний ваа убаасаго ваа убаасигаа ваа звам̣ жинд̇зяяа – ‘саарибуд̇д̇ад̇т̇зро маханд̇ам̣ барисам̣ алад̇т̇а, саммаасамб̣уд̣̇д̇хо зд̇д̇агам̣ ад̇хиваасзд̇ум̣ асаггонд̇о усууяааяа барисам̣ удтаабзд̇ум̣ ааг̇ад̇о’д̇и. со имам̣ маяи манобад̣̇осам̣ гад̇ваа абааяз ниб̣б̣ад̇д̇зяяаа’’д̇и. ат̇ад̇д̇ано ааг̇аманагааран̣ам̣ гат̇знд̇о зд̇ам̣ ‘‘ид̇ха саарибуд̇д̇аа’’д̇иаад̣̇иважанам̣ авожа.
Balavā purisoti dubbalo hi khippaṃ samiñjanapasāraṇaṃ kātuṃ na sakkoti, balavāva sakkoti. Tenetaṃ vuttaṃ. Sammukhe pāturahosīti sammukhaṭṭhāne puratoyeva pākaṭo ahosi. Bhagavā etadavocāti etaṃ ‘‘idha sāriputtā’’tiādinā nayena attano āgamanakāraṇaṃ avoca. Evaṃ kirassa ahosi – ‘‘sace koci bālo akataññū bhikkhu vā bhikkhunī vā upāsako vā upāsikā vā evaṃ cinteyya – ‘sāriputtatthero mahantaṃ parisaṃ alattha, sammāsambuddho ettakaṃ adhivāsetuṃ asakkonto usūyāya parisaṃ uṭṭhāpetuṃ āgato’ti. So imaṃ mayi manopadosaṃ katvā apāye nibbatteyyā’’ti. Athattano āgamanakāraṇaṃ kathento etaṃ ‘‘idha sāriputtā’’tiādivacanaṃ avoca.
звам̣ ад̇д̇ано ааг̇аманагааран̣ам̣ гат̇зд̇ваа ид̣̇аани самаабад̇д̇ияаа т̇аамам̣ гат̇зд̇ум̣ д̇аа ко бана, саарибуд̇д̇а, д̣̇звад̇аа д̣̇асаби худ̇ваад̇иаад̣̇имааха. д̇ад̇т̇а яасавасзна ваа ад̇т̇ам̣ аахарид̇ум̣ ваддад̇и самаабад̇д̇ивасзна ваа. яасавасзна д̇аава махзсагкаа д̣̇звад̇аа д̣̇аса д̣̇аса згадтаанз адтам̣су, д̇аахи аббзсагкад̇араа вийсад̇и вийсад̇и згадтаанз адтам̣су, д̇аахи аббзсагкад̇араа…бз… садти садти згадтаанз адтам̣су. самаабад̇д̇ивасзна бана яаахи бан̣ийд̇аа самаабад̇д̇и бхаавид̇аа, д̇аа садти садти згадтаанз адтам̣су. яаахи д̇ад̇о хийнад̇араа, д̇аа бан̃н̃ааса бан̃н̃ааса…бз… яаахи д̇ад̇о хийнад̇араа самаабад̇д̇и бхаавид̇аа…бз… д̇аа д̣̇аса д̣̇аса згадтаанз адтам̣су. яаахи ваа хийнаа бхаавид̇аа, д̇аа д̣̇аса д̣̇аса згадтаанз адтам̣су. яаахи д̇ад̇о бан̣ийд̇ад̇араа бхаавид̇аа, д̇аа вийсад̇и вийсад̇и. яаахи д̇ад̇о бан̣ийд̇ад̇араа…бз… д̇аа садти садти згадтаанз адтам̣су.
Evaṃ attano āgamanakāraṇaṃ kathetvā idāni samāpattiyā thāmaṃ kathetuṃ tā kho pana, sāriputta, devatā dasapi hutvātiādimāha. Tattha yasavasena vā atthaṃ āharituṃ vaṭṭati samāpattivasena vā. Yasavasena tāva mahesakkhā devatā dasa dasa ekaṭṭhāne aṭṭhaṃsu, tāhi appesakkhatarā vīsati vīsati ekaṭṭhāne aṭṭhaṃsu, tāhi appesakkhatarā…pe… saṭṭhi saṭṭhi ekaṭṭhāne aṭṭhaṃsu. Samāpattivasena pana yāhi paṇītā samāpatti bhāvitā, tā saṭṭhi saṭṭhi ekaṭṭhāne aṭṭhaṃsu. Yāhi tato hīnatarā, tā paññāsa paññāsa…pe… yāhi tato hīnatarā samāpatti bhāvitā…pe… tā dasa dasa ekaṭṭhāne aṭṭhaṃsu. Yāhi vā hīnā bhāvitā, tā dasa dasa ekaṭṭhāne aṭṭhaṃsu. Yāhi tato paṇītatarā bhāvitā, tā vīsati vīsati. Yāhi tato paṇītatarā…pe… tā saṭṭhi saṭṭhi ekaṭṭhāne aṭṭhaṃsu.
аараг̇г̇агодинид̇уд̣̇анамад̇д̇зд̇и аараг̇г̇агодияаа бад̇анамад̇д̇з огаасз. на жа ан̃н̃аман̃н̃ам̣ б̣яааб̣аад̇хзнд̇ийд̇и звам̣ самб̣аад̇хз таанз д̇идтанд̇ияоби ан̃н̃аман̃н̃ам̣ на б̣яааб̣аад̇хзнд̇и на гхаддзнд̇и, асамбийл̣аа асамб̣аад̇хаава ахзсум̣. ‘‘д̇ава хад̇т̇о мам̣ б̣аад̇хад̇и, д̇ава баад̣̇о мам̣ б̣аад̇хад̇и, д̇вам̣ мам̣ мад̣̇д̣̇анд̇ий тид̇аа’’д̇и вад̇д̇аб̣б̣агааран̣ам̣ наахоси. д̇ад̇т̇а нуунаад̇и д̇асмим̣ бхавз нууна. д̇ат̇аажид̇д̇ам̣ бхаавид̇анд̇и д̇знаагаарзна жид̇д̇ам̣ бхаавид̇ам̣. язна д̇аа д̣̇звад̇аад̇и язна д̇ат̇аабхаавид̇зна жид̇д̇зна д̇аа д̣̇звад̇аа д̣̇асаби худ̇ваа…бз… д̇идтанд̇и, на жа ан̃н̃аман̃н̃ам̣ б̣яааб̣аад̇хзнд̇ийд̇и. ид̇хзва код̇и саасанз ваа мануссалогз ваа бхуммам̣, имасмим̣язва саасанз имасмим̣язва мануссалогзд̇и ад̇т̇о. д̇аасан̃хи д̣̇звад̇аанам̣ имасмим̣язва мануссалогз имасмим̣язва жа саасанз д̇ам̣ жид̇д̇ам̣ бхаавид̇ам̣, язна д̇аа санд̇з руубабхавз ниб̣б̣ад̇д̇аа, д̇ад̇о жа бана ааг̇анд̇ваа звам̣ сукумз ад̇д̇абхаавз маабзд̇ваа тид̇аа. д̇ад̇т̇а гин̃жааби гассабад̣̇асаб̣аласса саасанз д̇ийн̣и маг̇г̇апалаани ниб̣б̣ад̇д̇зд̇ваа б̣рахмалогз ниб̣б̣ад̇д̇ад̣̇звад̇ааби ад̇т̇и, саб̣б̣аб̣уд̣̇д̇хаанам̣ бана згаава анусаасаний згам̣ саасананд̇и гад̇ваа ‘‘ид̇хзва ко, саарибуд̇д̇аа’’д̇и ан̃н̃аб̣уд̣̇д̇хаанам̣ саасанамби имамзва саасанам̣ гаронд̇о ааха. зд̇д̇аавад̇аа д̇ат̇ааг̇ад̇зна самаабад̇д̇ияаа т̇аамо гат̇ид̇о.
Āraggakoṭinitudanamatteti āraggakoṭiyā patanamatte okāse. Naca aññamaññaṃ byābādhentīti evaṃ sambādhe ṭhāne tiṭṭhantiyopi aññamaññaṃ na byābādhenti na ghaṭṭenti, asampīḷā asambādhāva ahesuṃ. ‘‘Tava hattho maṃ bādhati, tava pādo maṃ bādhati, tvaṃ maṃ maddantī ṭhitā’’ti vattabbakāraṇaṃ nāhosi. Tattha nūnāti tasmiṃ bhave nūna. Tathācittaṃ bhāvitanti tenākārena cittaṃ bhāvitaṃ. Yena tā devatāti yena tathābhāvitena cittena tā devatā dasapi hutvā…pe… tiṭṭhanti, na ca aññamaññaṃ byābādhentīti. Idheva khoti sāsane vā manussaloke vā bhummaṃ, imasmiṃyeva sāsane imasmiṃyeva manussaloketi attho. Tāsañhi devatānaṃ imasmiṃyeva manussaloke imasmiṃyeva ca sāsane taṃ cittaṃ bhāvitaṃ, yena tā sante rūpabhave nibbattā, tato ca pana āgantvā evaṃ sukhume attabhāve māpetvā ṭhitā. Tattha kiñcāpi kassapadasabalassa sāsane tīṇi maggaphalāni nibbattetvā brahmaloke nibbattadevatāpi atthi, sabbabuddhānaṃ pana ekāva anusāsanī ekaṃ sāsananti katvā ‘‘idheva kho, sāriputtā’’ti aññabuddhānaṃ sāsanampi imameva sāsanaṃ karonto āha. Ettāvatā tathāgatena samāpattiyā thāmo kathito.
ид̣̇аани саарибуд̇д̇ад̇т̇зрам̣ аараб̣бха д̇анд̇ивасзна анусаасаним̣ гат̇знд̇о д̇асмаад̇иха, саарибуд̇д̇аад̇и ааха. д̇ад̇т̇а д̇асмаад̇и яасмаа д̇аа д̣̇звад̇аа ид̇хзва санд̇ам̣ самаабад̇д̇им̣ ниб̣б̣ад̇д̇зд̇ваа санд̇з бхавз ниб̣б̣ад̇д̇аа, д̇асмаа. санд̇инд̣̇рияаад̇и бан̃жаннам̣ инд̣̇рияаанам̣ санд̇ад̇ааяа ниб̣б̣уд̇ад̇ааяа бан̣ийд̇ад̇ааяа санд̇инд̣̇рияаа. санд̇амаанасаад̇и маанасасса санд̇ад̇ааяа ниб̣б̣уд̇ад̇ааяа бан̣ийд̇ад̇ааяа санд̇амаанасаа. санд̇ам̣язва убахаарам̣ убахариссаамаад̇и гааяажид̇д̇уубахаарам̣ санд̇ам̣ ниб̣б̣уд̇ам̣ бан̣ийд̇ам̣язва убахариссаама. саб̣рахмажаарийсууд̇и самаанам̣ згуд̣̇д̣̇зсад̇аад̣̇им̣ б̣рахмам̣ жаранд̇зсу сахад̇хаммигзсу. зван̃хи во, саарибуд̇д̇а, сигкид̇аб̣б̣анд̇и иминаа зд̇д̇агзна ваарзна бхаг̇аваа д̣̇зсанам̣ саб̣б̣ан̃н̃убхаасид̇ам̣ агааси. анассунд̇и надтаа винадтаа. яз имам̣ д̇хаммабарияааяам̣ наассосунд̇и яз ад̇д̇ано баабигам̣ д̇ужчам̣ нирад̇т̇агам̣ д̣̇идтим̣ ниссааяа имам̣ зваруубам̣ д̇хаммад̣̇зсанам̣ сод̇ум̣ на лабхим̣сууд̇и яат̇аанусанд̇хинаа д̣̇зсанам̣ нидтаабзси.
Idāni sāriputtattheraṃ ārabbha tantivasena anusāsaniṃ kathento tasmātiha, sāriputtāti āha. Tattha tasmāti yasmā tā devatā idheva santaṃ samāpattiṃ nibbattetvā sante bhave nibbattā, tasmā. Santindriyāti pañcannaṃ indriyānaṃ santatāya nibbutatāya paṇītatāya santindriyā. Santamānasāti mānasassa santatāya nibbutatāya paṇītatāya santamānasā. Santaṃyeva upahāraṃ upaharissāmāti kāyacittūpahāraṃ santaṃ nibbutaṃ paṇītaṃyeva upaharissāma. Sabrahmacārīsūti samānaṃ ekuddesatādiṃ brahmaṃ carantesu sahadhammikesu. Evañhi vo, sāriputta, sikkhitabbanti iminā ettakena vārena bhagavā desanaṃ sabbaññubhāsitaṃ akāsi. Anassunti naṭṭhā vinaṭṭhā. Ye imaṃ dhammapariyāyaṃ nāssosunti ye attano pāpikaṃ tucchaṃ niratthakaṃ diṭṭhiṃ nissāya imaṃ evarūpaṃ dhammadesanaṃ sotuṃ na labhiṃsūti yathānusandhinā desanaṃ niṭṭhāpesi.
38. чадтз варан̣ааяам̣ вихарад̇ийд̇и варан̣аа наама згам̣ наг̇арам̣, д̇ам̣ убаниссааяа вихарад̇и. гаамарааг̇аабхинивзсавиниб̣анд̇хабалиг̇зд̇хабарияудтаанаж̇жхосаанахзд̇ууд̇и гаамарааг̇аабхинивзсахзд̇у, гаамарааг̇авиниб̣анд̇хахзд̇у, гаамарааг̇абалиг̇зд̇хахзд̇у, гаамарааг̇абарияудтаанахзд̇у, гаамарааг̇ааж̇жхосаанахзд̇ууд̇и ад̇т̇о. ид̣̇ам̣ вуд̇д̇ам̣ ход̇и – явааяам̣ бан̃жа гаамаг̇ун̣з ниссааяа уббаж̇ж̇ад̇и гаамарааг̇о, д̇ассаабхинивзсаад̣̇ихзд̇у. гаамарааг̇зна абхинивидтад̇д̇аа виниб̣ад̣̇д̇хад̇д̇аа д̇асмим̣язва жа гаамарааг̇з махаабан̇гз вияа балиг̇зд̇хад̇д̇аа анубавидтад̇д̇аа д̇знзва жа гаамарааг̇зна барияудтид̇ад̇д̇аа г̇ахид̇ад̇д̇аа гаамарааг̇знзва жа аж̇жхосид̇ад̇д̇аа г̇илид̇ваа баринидтабзд̇ваа г̇ахид̇ад̇д̇аад̇и. д̣̇идтирааг̇аад̣̇ибад̣̇зсуби зсзва наяо. д̣̇идтирааг̇од̇и банзд̇т̇а д̣̇ваасадти д̣̇идтияо ниссааяа уббаж̇ж̇анагарааг̇о взд̣̇ид̇аб̣б̣о. бурад̇т̇имзсу ж̇анабад̣̇зсууд̇и т̇зрасса васанадтаанад̇о саавад̇т̇иж̇анабад̣̇о бурад̇т̇имад̣̇исаабхааг̇з ход̇и, т̇зро жа нисийд̣̇анд̇оби д̇ад̇омукова нисинно, д̇асмаа звамааха. уд̣̇аанам̣ уд̣̇аанзсийд̇и уд̣̇аахаарам̣ уд̣̇аахари. яат̇аа хи яам̣ д̇злам̣ маанам̣ г̇ахзд̇ум̣ на саггод̇и, виссанд̣̇ид̇ваа г̇ажчад̇и, д̇ам̣ авасзсагод̇и вужжад̇и. яан̃жа ж̇алам̣ д̇ал̣аагам̣ г̇ахзд̇ум̣ на саггод̇и, аж̇жход̇т̇арид̇ваа г̇ажчад̇и , д̇ам̣ огход̇и вужжад̇и, звамзвам̣ яам̣ бийд̇иважанам̣ хад̣̇аяам̣ г̇ахзд̇ум̣ на саггод̇и, ад̇хигам̣ худ̇ваа анд̇о асан̣тахид̇ваа б̣ахи нигкамад̇и, д̇ам̣ уд̣̇аананд̇и вужжад̇и, зваруубам̣ бийд̇имаяаважанам̣ нижчаарзсийд̇и ад̇т̇о.
38. Chaṭṭhe varaṇāyaṃ viharatīti varaṇā nāma ekaṃ nagaraṃ, taṃ upanissāya viharati. Kāmarāgābhinivesavinibandhapaligedhapariyuṭṭhānajjhosānahetūti kāmarāgābhinivesahetu, kāmarāgavinibandhahetu, kāmarāgapaligedhahetu, kāmarāgapariyuṭṭhānahetu, kāmarāgaajjhosānahetūti attho. Idaṃ vuttaṃ hoti – yvāyaṃ pañca kāmaguṇe nissāya uppajjati kāmarāgo, tassābhinivesādihetu. Kāmarāgena abhiniviṭṭhattā vinibaddhattā tasmiṃyeva ca kāmarāge mahāpaṅke viya paligedhattā anupaviṭṭhattā teneva ca kāmarāgena pariyuṭṭhitattā gahitattā kāmarāgeneva ca ajjhositattā gilitvā pariniṭṭhapetvā gahitattāti. Diṭṭhirāgādipadesupi eseva nayo. Diṭṭhirāgoti panettha dvāsaṭṭhi diṭṭhiyo nissāya uppajjanakarāgo veditabbo. Puratthimesu janapadesūti therassa vasanaṭṭhānato sāvatthijanapado puratthimadisābhāge hoti, thero ca nisīdantopi tatomukhova nisinno, tasmā evamāha. Udānaṃ udānesīti udāhāraṃ udāhari. Yathā hi yaṃ telaṃ mānaṃ gahetuṃ na sakkoti, vissanditvā gacchati, taṃ avasesakoti vuccati. Yañca jalaṃ taḷākaṃ gahetuṃ na sakkoti, ajjhottharitvā gacchati , taṃ oghoti vuccati, evamevaṃ yaṃ pītivacanaṃ hadayaṃ gahetuṃ na sakkoti, adhikaṃ hutvā anto asaṇṭhahitvā bahi nikkhamati, taṃ udānanti vuccati, evarūpaṃ pītimayavacanaṃ nicchāresīti attho.
39. сад̇д̇амз г̇унд̣̇ааванзд̇и звам̣ наамагз ванз. убасан̇гамийд̇и ‘‘махаагажжаанад̇т̇зро гира наама ад̇д̇ано бид̇умад̇д̇амби аяяагамад̇д̇амби д̣̇исваа нзва абхиваад̣̇зд̇и на бажжудтзд̇и на аасанзна ниманд̇зд̇ий’’д̇и суд̇ваа ‘‘на саггаа зд̇д̇агзна нидтам̣ г̇анд̇ум̣, убасан̇гамид̇ваа нам̣ бариг̇г̇ан̣хиссаамий’’д̇и бхуд̇д̇абаад̇араасо язнааяасмаа махаагажжаано д̇знубасан̇гами. ж̇ин̣н̣зд̇и ж̇арааж̇ин̣н̣з. вуд̣̇д̇хзд̇и ваяовуд̣̇д̇хз. махаллагзд̇и ж̇аад̇имахаллагз. ад̣̇д̇хаг̇ад̇зд̇и д̣̇ийгхагаалад̣̇д̇хаанам̣ ад̇игганд̇з. ваяоануббад̇д̇зд̇и бажчимаваяам̣ ануббад̇д̇з. д̇аяид̣̇ам̣, бхо гажжаана, д̇ат̇зваад̇и, бхо гажжаана, яам̣ д̇ам̣ амхзхи гзвалам̣ суд̇амзва, д̇ам̣ иминаа д̣̇идтзна самзд̇и. д̇асмаа д̇ам̣ д̇ат̇зва, на ан̃н̃ат̇аа. на хи бхавам̣ гажжаано б̣раахман̣зд̇и ид̣̇ам̣ ад̇д̇аанам̣ санд̇хааяа вад̣̇ад̇и. аяам̣ гирасса ад̇хиббааяо – амхз звам̣ махаллагз д̣̇исваа бход̇о гажжаанасса абхиваад̣̇анамад̇д̇амби бажжудтаанамад̇д̇амби аасанзна ниманд̇анамад̇д̇амби над̇т̇ийд̇и. на самбаннамзваад̇и на яуд̇д̇амзва на анужчавигамзва.
39. Sattame gundāvaneti evaṃ nāmake vane. Upasaṅkamīti ‘‘mahākaccānatthero kira nāma attano pitumattampi ayyakamattampi disvā neva abhivādeti na paccuṭṭheti na āsanena nimantetī’’ti sutvā ‘‘na sakkā ettakena niṭṭhaṃ gantuṃ, upasaṅkamitvā naṃ pariggaṇhissāmī’’ti bhuttapātarāso yenāyasmā mahākaccāno tenupasaṅkami. Jiṇṇeti jarājiṇṇe. Vuddheti vayovuddhe. Mahallaketi jātimahallake. Addhagateti dīghakāladdhānaṃ atikkante. Vayoanuppatteti pacchimavayaṃ anuppatte. Tayidaṃ, bho kaccāna, tathevāti, bho kaccāna, yaṃ taṃ amhehi kevalaṃ sutameva, taṃ iminā diṭṭhena sameti. Tasmā taṃ tatheva, na aññathā. Na hi bhavaṃ kaccāno brāhmaṇeti idaṃ attānaṃ sandhāya vadati. Ayaṃ kirassa adhippāyo – amhe evaṃ mahallake disvā bhoto kaccānassa abhivādanamattampi paccuṭṭhānamattampi āsanena nimantanamattampi natthīti. Na sampannamevāti na yuttameva na anucchavikameva.
т̇зро б̣раахман̣асса важанам̣ суд̇ваа ‘‘аяам̣ б̣раахман̣о нзва вуд̣̇д̇хз ж̇аанаад̇и на д̣̇ахарз, аажигкиссаамисса вуд̣̇д̇хз жа д̣̇ахарз жаа’’д̇и д̣̇зсанам̣ вад̣дхзнд̇о ад̇т̇и б̣раахман̣аад̇иаад̣̇имааха. д̇ад̇т̇а ж̇аанад̇аад̇и саб̣б̣ам̣ нзяяам̣ ж̇аананд̇зна. бассад̇аад̇и д̇ад̣̇зва хад̇т̇з табид̇ам̣ аамалагам̣ вияа бассанд̇зна. вуд̣̇д̇хабхуумийд̇и язна гааран̣зна вуд̣̇д̇хо наама ход̇и, д̇ам̣ гааран̣ам̣. д̣̇ахарабхуумийд̇и язна гааран̣зна д̣̇ахаро наама ход̇и, д̇ам̣ гааран̣ам̣. аасийд̇игод̇и асийд̇ивассаваяо. наавуд̇игод̇и навуд̇ивассаваяо. гаамз барибхун̃ж̇ад̇ийд̇и вад̇т̇угаамз гилзсагаамзд̇и д̣̇увид̇хзби гаамз гаманавасзна барибхун̃ж̇ад̇и. гаамамаж̇жхаавасад̇ийд̇и д̣̇увид̇хзби гаамз гхарз гхарассаамиго вияа васад̇и ад̇хивасад̇и. гаамабариязсанааяа уссугод̇и д̣̇увид̇хаанамби гаамаанам̣ бариязсанад̇т̇ам̣ уссуггамаабанно. б̣аало на т̇зрод̇взва сан̇кяам̣ г̇ажчад̇ийд̇и со на т̇зро б̣аало манд̣̇од̇взва г̇ан̣анам̣ г̇ажчад̇и. вуд̇д̇ам̣ хзд̇ам̣ –
Thero brāhmaṇassa vacanaṃ sutvā ‘‘ayaṃ brāhmaṇo neva vuddhe jānāti na dahare, ācikkhissāmissa vuddhe ca dahare cā’’ti desanaṃ vaḍḍhento atthi brāhmaṇātiādimāha. Tattha jānatāti sabbaṃ neyyaṃ jānantena. Passatāti tadeva hatthe ṭhapitaṃ āmalakaṃ viya passantena. Vuddhabhūmīti yena kāraṇena vuddho nāma hoti, taṃ kāraṇaṃ. Daharabhūmīti yena kāraṇena daharo nāma hoti, taṃ kāraṇaṃ. Āsītikoti asītivassavayo. Nāvutikoti navutivassavayo. Kāme paribhuñjatīti vatthukāme kilesakāmeti duvidhepi kāme kamanavasena paribhuñjati. Kāmamajjhāvasatīti duvidhepi kāme ghare gharassāmiko viya vasati adhivasati. Kāmapariyesanāya ussukoti duvidhānampi kāmānaṃ pariyesanatthaṃ ussukkamāpanno. Bālo na therotveva saṅkhyaṃ gacchatīti so na thero bālo mandotveva gaṇanaṃ gacchati. Vuttaṃ hetaṃ –
‘‘на д̇зна т̇зро со ход̇и, язнасса балид̇ам̣ сиро;
‘‘Na tena thero so hoti, yenassa palitaṃ siro;
барибагго ваяо д̇асса, могхаж̇ин̣н̣од̇и вужжад̇ий’’д̇и. (д̇ха. ба. 260);
Paripakko vayo tassa, moghajiṇṇoti vuccatī’’ti. (dha. pa. 260);
д̣̇ахарод̇и д̇арун̣о. яуваад̇и яоб̣б̣анзна саманнааг̇ад̇о. сусугаал̣агзсод̇и судту гаал̣агзсо. бхад̣̇рзна яоб̣б̣анзна саманнааг̇ад̇од̇и язна яоб̣б̣анзна саманнааг̇ад̇о яуваа, д̇ам̣ яоб̣б̣анам̣ бхад̣̇рам̣ лад̣̇д̇хаганд̇и д̣̇ассзд̇и. батамзна ваяасаад̇и батамаваяо наама д̇зд̇д̇им̣са вассаани, д̇зна саманнааг̇ад̇од̇и ад̇т̇о. бан̣д̣ид̇о т̇зрод̇взва сан̇кяам̣ г̇ажчад̇ийд̇и со зваруубо буг̇г̇ало бан̣д̣ид̇од̇и жа т̇зрод̇и жа г̇ан̣анам̣ г̇ажчад̇и. вуд̇д̇амби жзд̇ам̣ –
Daharoti taruṇo. Yuvāti yobbanena samannāgato. Susukāḷakesoti suṭṭhu kāḷakeso. Bhadrena yobbanena samannāgatoti yena yobbanena samannāgato yuvā, taṃ yobbanaṃ bhadraṃ laddhakanti dasseti. Paṭhamena vayasāti paṭhamavayo nāma tettiṃsa vassāni, tena samannāgatoti attho. Paṇḍito therotveva saṅkhyaṃ gacchatīti so evarūpo puggalo paṇḍitoti ca theroti ca gaṇanaṃ gacchati. Vuttampi cetaṃ –
‘‘яамхи сажжан̃жа д̇хаммо жа, ахим̣саа сам̣яамо д̣̇амо;
‘‘Yamhi saccañca dhammo ca, ahiṃsā saṃyamo damo;
са вз ванд̇амало д̇хийро, т̇зро ид̇и бавужжад̇ий’’д̇и. (д̇ха. ба. 261);
Sa ve vantamalo dhīro, thero iti pavuccatī’’ti. (dha. pa. 261);
40. адтамз жораа б̣алаванд̇о хонд̇ийд̇и багкасамбаннаа, бариваарасамбаннаа, д̇ханасамбаннаа, ниваасадтаанасамбаннаа, вааханасамбаннаа жа хонд̇и. рааж̇аано д̇асмим̣ самаяз д̣̇уб̣б̣алаа хонд̇ийд̇и д̇асмим̣ самаяз рааж̇аано д̇аасам̣ самбад̇д̇ийнам̣ абхаавзна д̣̇уб̣б̣алаа хонд̇и. ад̇ияаад̇унд̇и б̣ахид̣̇д̇хаа ж̇анабад̣̇ажааригам̣ жарид̇ваа ижчид̇ижчид̇агкан̣з анд̇онаг̇арам̣ бависид̇ум̣. нияяаад̇унд̇и ‘‘жораа ж̇анабад̣̇ам̣ вилумбанд̇и мад̣̇д̣̇анд̇и, д̇з нисзд̇хзссаамаа’’д̇и батамаяаамз ваа маж̇жхимаяаамз ваа бажчимаяаамз ваа нигкамид̇ум̣ паасугам̣ на ход̇и. д̇ад̇о удтааяа жораа мануссз бот̇зд̇ваа ажчинд̣̇ид̇ваа г̇ажчанд̇и. бажжанд̇имз ваа ж̇анабад̣̇з анусан̃н̃аад̇унд̇и г̇аамам̣ ваасагаран̣ад̇т̇ааяа сзд̇ум̣ ад̇т̇аран̣ад̇т̇ааяа богкаран̣им̣ кан̣аабанад̇т̇ааяа саалаад̣̇ийнам̣ гаран̣ад̇т̇ааяа бажжанд̇имз ж̇анабад̣̇з анусан̃н̃аад̇умби на сукам̣ ход̇и. б̣раахман̣аг̇ахабад̇игаананд̇и анд̇онаг̇араваасийнам̣ б̣раахман̣аг̇ахабад̇игаанам̣. б̣аахираани ваа гамманд̇аанийд̇и б̣ахиг̇аамз аараамз кзд̇д̇агамманд̇аани. баабабхигкуу б̣алаванд̇о хонд̇ийд̇и багкуд̇д̇араа яасуд̇д̇араа бун̃н̃аванд̇о б̣ахугзхи убадтаагзхи жа убадтаагийхи жа саманнааг̇ад̇аа рааж̇арааж̇амахаамад̇д̇асанниссид̇аа. бзсалаа бхигкуу д̇асмим̣ самаяз д̣̇уб̣б̣алаа хонд̇ийд̇и д̇асмим̣ самаяз бияасийлаа бхигкуу д̇аасам̣ самбад̇д̇ийнам̣ абхаавзна д̣̇уб̣б̣алаа хонд̇и. д̇ун̣хийбхууд̇аа д̇ун̣хийбхууд̇аава сан̇гхамаж̇жхз сан̇гасааяанд̇ийд̇и ниссад̣̇д̣̇аа худ̇ваа сан̇гхамаж̇жхз нисиннаа гин̃жи згаважанамби мукам̣ угкибид̇ваа гат̇зд̇ум̣ асаггонд̇аа баж̇жхааяанд̇аа вияа нисийд̣̇анд̇и. д̇аяид̣̇анд̇и д̇ад̣̇зд̇ам̣ гааран̣ам̣. суггабагко вуд̇д̇авибаллаасзна взд̣̇ид̇аб̣б̣о.
40. Aṭṭhame corā balavanto hontīti pakkhasampannā, parivārasampannā, dhanasampannā, nivāsaṭṭhānasampannā, vāhanasampannā ca honti. Rājāno tasmiṃ samaye dubbalā hontīti tasmiṃ samaye rājāno tāsaṃ sampattīnaṃ abhāvena dubbalā honti. Atiyātunti bahiddhā janapadacārikaṃ caritvā icchiticchitakkhaṇe antonagaraṃ pavisituṃ. Niyyātunti ‘‘corā janapadaṃ vilumpanti maddanti, te nisedhessāmā’’ti paṭhamayāme vā majjhimayāme vā pacchimayāme vā nikkhamituṃ phāsukaṃ na hoti. Tato uṭṭhāya corā manusse pothetvā acchinditvā gacchanti. Paccantime vā janapade anusaññātunti gāmaṃ vāsakaraṇatthāya setuṃ attharaṇatthāya pokkharaṇiṃ khaṇāpanatthāya sālādīnaṃ karaṇatthāya paccantime janapade anusaññātumpi na sukhaṃ hoti. Brāhmaṇagahapatikānanti antonagaravāsīnaṃ brāhmaṇagahapatikānaṃ. Bāhirāni vā kammantānīti bahigāme ārāme khettakammantāni. Pāpabhikkhū balavanto hontīti pakkhuttarā yasuttarā puññavanto bahukehi upaṭṭhākehi ca upaṭṭhākīhi ca samannāgatā rājarājamahāmattasannissitā. Pesalā bhikkhū tasmiṃ samaye dubbalā hontīti tasmiṃ samaye piyasīlā bhikkhū tāsaṃ sampattīnaṃ abhāvena dubbalā honti. Tuṇhībhūtā tuṇhībhūtāva saṅghamajjhe saṅkasāyantīti nissaddā hutvā saṅghamajjhe nisinnā kiñci ekavacanampi mukhaṃ ukkhipitvā kathetuṃ asakkontā pajjhāyantā viya nisīdanti. Tayidanti tadetaṃ kāraṇaṃ. Sukkapakkho vuttavipallāsena veditabbo.
41. навамз мижчаабадибад̇д̇аад̇хигаран̣ахзд̇ууд̇и мижчаабадибад̇д̇ияаа гааран̣ахзд̇у бадибаж̇ж̇анахзд̇ууд̇и ад̇т̇о. н̃ааяам̣ д̇хаммам̣ гусаланд̇и сахавибассанагам̣ маг̇г̇ам̣. зваруубо хи сахавибассанагам̣ маг̇г̇ам̣ аараад̇хзд̇ум̣ самбаад̣̇зд̇ум̣ буурзд̇ум̣ на саггод̇и. суггабагко вуд̇д̇авибаллаасзна взд̣̇ид̇аб̣б̣о. имасмим̣ суд̇д̇з саха вибассанааяа маг̇г̇о гат̇ид̇о.
41. Navame micchāpaṭipattādhikaraṇahetūti micchāpaṭipattiyā kāraṇahetu paṭipajjanahetūti attho. Ñāyaṃ dhammaṃ kusalanti sahavipassanakaṃ maggaṃ. Evarūpo hi sahavipassanakaṃ maggaṃ ārādhetuṃ sampādetuṃ pūretuṃ na sakkoti. Sukkapakkho vuttavipallāsena veditabbo. Imasmiṃ sutte saha vipassanāya maggo kathito.
42. д̣̇асамз д̣̇уг̇г̇ахид̇зхийд̇и уббадибаадияаа г̇ахид̇зхи. б̣яан̃ж̇анаббад̇ируубагзхийд̇и б̣яан̃ж̇анасо бад̇ируубагзхи агкаражид̇рад̇ааяа лад̣̇д̇хагзхи. ад̇т̇ан̃жа д̇хамман̃жа бадиб̣ааханд̇ийд̇и суг̇г̇ахид̇асуд̇д̇анд̇аанам̣ ад̇т̇ан̃жа баал̣ин̃жа бадиб̣ааханд̇и, ад̇д̇ано д̣̇уг̇г̇ахид̇асуд̇д̇анд̇аанам̣язва ад̇т̇ан̃жа баал̣ин̃жа уд̇д̇арид̇арам̣ гад̇ваа д̣̇ассзнд̇и. суггабагко вуд̇д̇авибаллаасзна взд̣̇ид̇аб̣б̣о. имасмим̣ суд̇д̇з саасанасса вуд̣̇д̇хи жа барихаани жа гат̇ид̇аад̇и.
42. Dasame duggahitehīti uppaṭipāṭiyā gahitehi. Byañjanappatirūpakehīti byañjanaso patirūpakehi akkharacitratāya laddhakehi. Atthañca dhammañca paṭibāhantīti suggahitasuttantānaṃ atthañca pāḷiñca paṭibāhanti, attano duggahitasuttantānaṃyeva atthañca pāḷiñca uttaritaraṃ katvā dassenti. Sukkapakkho vuttavipallāsena veditabbo. Imasmiṃ sutte sāsanassa vuddhi ca parihāni ca kathitāti.
самажид̇д̇аваг̇г̇о жад̇уд̇т̇о.
Samacittavaggo catuttho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. самажид̇д̇аваг̇г̇о • 4. Samacittavaggo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. самажид̇д̇аваг̇г̇аван̣н̣анаа • 4. Samacittavaggavaṇṇanā
