| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
9. самаад̣̇абагад̇т̇зраабад̣̇аанаван̣н̣анаа
9. Samādapakattheraapadānavaṇṇanā
наг̇арз б̣анд̇хумад̇ияаад̇иаад̣̇игам̣ ааяасмад̇о самаад̣̇абагад̇т̇зрасса абад̣̇аанам̣. аяамби т̇зро буримаб̣уд̣̇д̇хаанам̣ санд̇игз гад̇агусаласамбхааро анзгзсу бхавзсу виваддуубаниссаяаани бун̃н̃аани убажинанд̇о вибассисса бхаг̇авад̇о гаалз гулаг̇зхз ниб̣б̣ад̇д̇о вуд̣̇д̇химанвааяа гхарааваасам̣ сан̣табзд̇ваа бун̃н̃аани гаронд̇о васамаано сад̣̇д̇хо басанно б̣ахуу убаасагз саннибаад̇зд̇ваа г̇ан̣аж̇здтаго худ̇ваа ‘‘маал̣агам̣ гариссаамаа’’д̇и д̇з саб̣б̣з самаад̣̇абзд̇ваа згам̣ маал̣агам̣ самам̣ гаарзд̇ваа бан̣д̣арабулинам̣ огирид̇ваа бхаг̇авад̇о нияяаад̣̇зси. со д̇зна бун̃н̃зна д̣̇звалогз уббанно ча гаамааважарасамбад̇д̇ияо анубхавид̇ваа мануссзсу жа жаггавад̇д̇иаад̣̇исамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вин̃н̃уд̇ам̣ бад̇д̇о бхаг̇авад̇и басанно д̇хаммам̣ суд̇ваа басаннамаанасо сад̣̇д̇хааж̇аад̇о баб̣б̣аж̇ид̇ваа сийласамбанно вад̇д̇асамбанно нажирассзва арахад̇д̇ам̣ баабун̣и.
Nagare bandhumatiyātiādikaṃ āyasmato samādapakattherassa apadānaṃ. Ayampi thero purimabuddhānaṃ santike katakusalasambhāro anekesu bhavesu vivaṭṭūpanissayāni puññāni upacinanto vipassissa bhagavato kāle kulagehe nibbatto vuddhimanvāya gharāvāsaṃ saṇṭhapetvā puññāni karonto vasamāno saddho pasanno bahū upāsake sannipātetvā gaṇajeṭṭhako hutvā ‘‘māḷakaṃ karissāmā’’ti te sabbe samādapetvā ekaṃ māḷakaṃ samaṃ kāretvā paṇḍarapulinaṃ okiritvā bhagavato niyyādesi. So tena puññena devaloke uppanno cha kāmāvacarasampattiyo anubhavitvā manussesu ca cakkavattiādisampattiyo anubhavitvā imasmiṃ buddhuppāde kulagehe nibbatto viññutaṃ patto bhagavati pasanno dhammaṃ sutvā pasannamānaso saddhājāto pabbajitvā sīlasampanno vattasampanno nacirasseva arahattaṃ pāpuṇi.
44. со абарабхааг̇з ад̇д̇ано гад̇агусалам̣ сарид̇ваа сан̃ж̇аад̇асоманассо буб̣б̣ажарид̇аабад̣̇аанам̣ багаасзнд̇о наг̇арз б̣анд̇хумад̇ияаад̇иаад̣̇имааха. д̇ад̇т̇а б̣анд̇ханд̇и н̃аад̇иг̇од̇д̇аад̣̇ивасзна згасамб̣анд̇хаа хонд̇и сагаланаг̇араваасинод̇и б̣анд̇хуу, б̣анд̇хуу зд̇асмим̣ виж̇ж̇анд̇ийд̇и б̣анд̇хумад̇ий, д̇ассаа б̣анд̇хумад̇ияаа наама наг̇арз махаабууг̇аг̇ан̣о убаасагасамуухо ахосийд̇и ад̇т̇о. маал̣ам̣ гассаама сан̇гхассаад̇и зд̇т̇а маад̇и г̇ан̣хаад̇и самбад̇д̇асамбад̇д̇аж̇анаанам̣ жид̇д̇анд̇и маал̣ам̣, ат̇а ваа самбад̇д̇аяад̇иг̇ан̣аанам̣ жид̇д̇асса вивзгагаран̣з аланд̇и маал̣ам̣, маал̣амзва маал̣агам̣, бхигкусан̇гхасса паасувихаарад̇т̇ааяа маал̣агам̣ гариссаамаад̇и ад̇т̇о. сзсам̣ баагадамзваад̇и.
44. So aparabhāge attano katakusalaṃ saritvā sañjātasomanasso pubbacaritāpadānaṃ pakāsento nagare bandhumatiyātiādimāha. Tattha bandhanti ñātigottādivasena ekasambandhā honti sakalanagaravāsinoti bandhū, bandhū etasmiṃ vijjantīti bandhumatī, tassā bandhumatiyā nāma nagare mahāpūgagaṇo upāsakasamūho ahosīti attho. Māḷaṃ kassāma saṅghassāti ettha māti gaṇhāti sampattasampattajanānaṃ cittanti māḷaṃ, atha vā sampattayatigaṇānaṃ cittassa vivekakaraṇe alanti māḷaṃ, māḷameva māḷakaṃ, bhikkhusaṅghassa phāsuvihāratthāya māḷakaṃ karissāmāti attho. Sesaṃ pākaṭamevāti.
самаад̣̇абагад̇т̇зраабад̣̇аанаван̣н̣анаа самад̇д̇аа.
Samādapakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 9. самаад̣̇абагад̇т̇зраабад̣̇аанам̣ • 9. Samādapakattheraapadānaṃ
