| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੯. ਸਮਾਦਪਕਤ੍ਥੇਰਅਪਦਾਨવਣ੍ਣਨਾ
9. Samādapakattheraapadānavaṇṇanā
ਨਗਰੇ ਬਨ੍ਧੁਮਤਿਯਾਤਿਆਦਿਕਂ ਆਯਸ੍ਮਤੋ ਸਮਾਦਪਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਥੇਰੋ ਪੁਰਿਮਬੁਦ੍ਧਾਨਂ ਸਨ੍ਤਿਕੇ ਕਤਕੁਸਲਸਮ੍ਭਾਰੋ ਅਨੇਕੇਸੁ ਭવੇਸੁ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ વਿਪਸ੍ਸਿਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਘਰਾવਾਸਂ ਸਣ੍ਠਪੇਤ੍વਾ ਪੁਞ੍ਞਾਨਿ ਕਰੋਨ੍ਤੋ વਸਮਾਨੋ ਸਦ੍ਧੋ ਪਸਨ੍ਨੋ ਬਹੂ ਉਪਾਸਕੇ ਸਨ੍ਨਿਪਾਤੇਤ੍વਾ ਗਣਜੇਟ੍ਠਕੋ ਹੁਤ੍વਾ ‘‘ਮਾਲ਼ਕਂ ਕਰਿਸ੍ਸਾਮਾ’’ਤਿ ਤੇ ਸਬ੍ਬੇ ਸਮਾਦਪੇਤ੍વਾ ਏਕਂ ਮਾਲ਼ਕਂ ਸਮਂ ਕਾਰੇਤ੍વਾ ਪਣ੍ਡਰਪੁਲਿਨਂ ਓਕਿਰਿਤ੍વਾ ਭਗવਤੋ ਨਿਯ੍ਯਾਦੇਸਿ। ਸੋ ਤੇਨ ਪੁਞ੍ਞੇਨ ਦੇવਲੋਕੇ ਉਪ੍ਪਨ੍ਨੋ ਛ ਕਾਮਾવਚਰਸਮ੍ਪਤ੍ਤਿਯੋ ਅਨੁਭવਿਤ੍વਾ ਮਨੁਸ੍ਸੇਸੁ ਚ ਚਕ੍ਕવਤ੍ਤਿਆਦਿਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਭਗવਤਿ ਪਸਨ੍ਨੋ ਧਮ੍ਮਂ ਸੁਤ੍વਾ ਪਸਨ੍ਨਮਾਨਸੋ ਸਦ੍ਧਾਜਾਤੋ ਪਬ੍ਬਜਿਤ੍વਾ ਸੀਲਸਮ੍ਪਨ੍ਨੋ વਤ੍ਤਸਮ੍ਪਨ੍ਨੋ ਨਚਿਰਸ੍ਸੇવ ਅਰਹਤ੍ਤਂ ਪਾਪੁਣਿ।
Nagare bandhumatiyātiādikaṃ āyasmato samādapakattherassa apadānaṃ. Ayampi thero purimabuddhānaṃ santike katakusalasambhāro anekesu bhavesu vivaṭṭūpanissayāni puññāni upacinanto vipassissa bhagavato kāle kulagehe nibbatto vuddhimanvāya gharāvāsaṃ saṇṭhapetvā puññāni karonto vasamāno saddho pasanno bahū upāsake sannipātetvā gaṇajeṭṭhako hutvā ‘‘māḷakaṃ karissāmā’’ti te sabbe samādapetvā ekaṃ māḷakaṃ samaṃ kāretvā paṇḍarapulinaṃ okiritvā bhagavato niyyādesi. So tena puññena devaloke uppanno cha kāmāvacarasampattiyo anubhavitvā manussesu ca cakkavattiādisampattiyo anubhavitvā imasmiṃ buddhuppāde kulagehe nibbatto viññutaṃ patto bhagavati pasanno dhammaṃ sutvā pasannamānaso saddhājāto pabbajitvā sīlasampanno vattasampanno nacirasseva arahattaṃ pāpuṇi.
੪੪. ਸੋ ਅਪਰਭਾਗੇ ਅਤ੍ਤਨੋ ਕਤਕੁਸਲਂ ਸਰਿਤ੍વਾ ਸਞ੍ਜਾਤਸੋਮਨਸ੍ਸੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਨਗਰੇ ਬਨ੍ਧੁਮਤਿਯਾਤਿਆਦਿਮਾਹ। ਤਤ੍ਥ ਬਨ੍ਧਨ੍ਤਿ ਞਾਤਿਗੋਤ੍ਤਾਦਿવਸੇਨ ਏਕਸਮ੍ਬਨ੍ਧਾ ਹੋਨ੍ਤਿ ਸਕਲਨਗਰવਾਸਿਨੋਤਿ ਬਨ੍ਧੂ, ਬਨ੍ਧੂ ਏਤਸ੍ਮਿਂ વਿਜ੍ਜਨ੍ਤੀਤਿ ਬਨ੍ਧੁਮਤੀ, ਤਸ੍ਸਾ ਬਨ੍ਧੁਮਤਿਯਾ ਨਾਮ ਨਗਰੇ ਮਹਾਪੂਗਗਣੋ ਉਪਾਸਕਸਮੂਹੋ ਅਹੋਸੀਤਿ ਅਤ੍ਥੋ। ਮਾਲ਼ਂ ਕਸ੍ਸਾਮ ਸਙ੍ਘਸ੍ਸਾਤਿ ਏਤ੍ਥ ਮਾਤਿ ਗਣ੍ਹਾਤਿ ਸਮ੍ਪਤ੍ਤਸਮ੍ਪਤ੍ਤਜਨਾਨਂ ਚਿਤ੍ਤਨ੍ਤਿ ਮਾਲ਼ਂ, ਅਥ વਾ ਸਮ੍ਪਤ੍ਤਯਤਿਗਣਾਨਂ ਚਿਤ੍ਤਸ੍ਸ વਿવੇਕਕਰਣੇ ਅਲਨ੍ਤਿ ਮਾਲ਼ਂ, ਮਾਲ਼ਮੇવ ਮਾਲ਼ਕਂ, ਭਿਕ੍ਖੁਸਙ੍ਘਸ੍ਸ ਫਾਸੁવਿਹਾਰਤ੍ਥਾਯ ਮਾਲ਼ਕਂ ਕਰਿਸ੍ਸਾਮਾਤਿ ਅਤ੍ਥੋ। ਸੇਸਂ ਪਾਕਟਮੇવਾਤਿ।
44. So aparabhāge attano katakusalaṃ saritvā sañjātasomanasso pubbacaritāpadānaṃ pakāsento nagare bandhumatiyātiādimāha. Tattha bandhanti ñātigottādivasena ekasambandhā honti sakalanagaravāsinoti bandhū, bandhū etasmiṃ vijjantīti bandhumatī, tassā bandhumatiyā nāma nagare mahāpūgagaṇo upāsakasamūho ahosīti attho. Māḷaṃ kassāma saṅghassāti ettha māti gaṇhāti sampattasampattajanānaṃ cittanti māḷaṃ, atha vā sampattayatigaṇānaṃ cittassa vivekakaraṇe alanti māḷaṃ, māḷameva māḷakaṃ, bhikkhusaṅghassa phāsuvihāratthāya māḷakaṃ karissāmāti attho. Sesaṃ pākaṭamevāti.
ਸਮਾਦਪਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Samādapakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੯. ਸਮਾਦਪਕਤ੍ਥੇਰਅਪਦਾਨਂ • 9. Samādapakattheraapadānaṃ
