| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
3. самаад̇хибхааванаамаяан̃аан̣анид̣̇д̣̇зсаван̣н̣анаа
3. Samādhibhāvanāmayañāṇaniddesavaṇṇanā
43. самаад̇хибхааванаамаяан̃аан̣анид̣̇д̣̇зсз аад̣̇ид̇о д̇аава згагад̇о бадтааяа яаава д̣̇асагаа самаад̇хиббабхзд̣̇ам̣ д̣̇ассзнд̇о зго самаад̇хийд̇иаад̣̇имааха. д̇ад̇т̇а жид̇д̇асса згаг̇г̇ад̇аад̇и наанаарамман̣авигкзбаабхаавад̇о згам̣ аарамман̣ам̣ аг̇г̇ам̣ уд̇д̇амам̣ ассаад̇и згаг̇г̇о, згаг̇г̇асса бхааво згаг̇г̇ад̇аа. саа бана згаг̇г̇ад̇аа жид̇д̇асса, на сад̇д̇ассаад̇и д̣̇ассанад̇т̇ам̣ ‘‘жид̇д̇ассаа’’д̇и вуд̇д̇ам̣. д̣̇угз логияод̇и лого вужжад̇и луж̇ж̇анабалуж̇ж̇анадтзна ваддам̣, д̇асмим̣ барияаабаннабхаавзна логз нияуд̇д̇од̇и логияо. логуд̇д̇арод̇и уд̇д̇ин̣н̣од̇и уд̇д̇аро, логз абарияаабаннабхаавзна логад̇о уд̇д̇арод̇и логуд̇д̇аро. д̇игз савид̇агго жа со савижааро жаад̇и савид̇аггасавижааро. звам̣ авид̇аггаавижааро. вид̇аггавижаарзсу вижаарова мад̇д̇аа бамаан̣ам̣ зд̇ассаад̇и вижаарамад̇д̇о, вижаарад̇о уд̇т̇ари вид̇аггзна сад̣̇д̇хим̣ самбаяог̇ам̣ на г̇ажчад̇ийд̇и ад̇т̇о. авид̇агго жа со вижаарамад̇д̇о жаад̇и авид̇аггавижаарамад̇д̇о. д̇ийсуби вижчзд̣̇ам̣ гад̇вааби батанд̇и. жад̇уггабан̃жагаа вуд̇д̇ад̇т̇аа . чаггз бунаббунам̣ уббаж̇ж̇анад̇о сад̇иязва ануссад̇и, бавад̇д̇ид̇аб̣б̣адтаанамхиязва ваа бавад̇д̇ад̇д̇аа сад̣̇д̇хаабаб̣б̣аж̇ид̇асса гулабуд̇д̇асса ануруубаа сад̇ийд̇иби ануссад̇и, б̣уд̣̇д̇хам̣ аараб̣бха уббаннаа ануссад̇и б̣ауд̣̇д̇хаануссад̇и. арахад̇аад̣̇иб̣уд̣̇д̇хаг̇ун̣аарамман̣ааяа сад̇ияаа зд̇ам̣ ад̇хиважанам̣. д̇ассаа б̣уд̣̇д̇хаануссад̇ияаа васзна жид̇д̇асса згаг̇г̇ад̇ааязва уд̣̇д̇хажжасан̇каад̇асса вигкзбасса бадибагкабхаавад̇о на вигкзбод̇и авигкзбо. д̇хаммам̣ аараб̣бха уббаннаа ануссад̇и д̇хаммаануссад̇и. сваагкаад̇ад̇аад̣̇ид̇хаммаг̇ун̣аарамман̣ааяа сад̇ияаа зд̇ам̣ ад̇хиважанам̣. сан̇гхам̣ аараб̣бха уббаннаа ануссад̇и сан̇гхаануссад̇и. суббадибаннад̇аад̣̇исан̇гхаг̇ун̣аарамман̣ааяа сад̇ияаа зд̇ам̣ ад̇хиважанам̣ . сийлам̣ аараб̣бха уббаннаа ануссад̇и сийлаануссад̇и. ад̇д̇ано акан̣д̣ад̇аад̣̇исийлаг̇ун̣аарамман̣ааяа сад̇ияаа зд̇ам̣ ад̇хиважанам̣. жааг̇ам̣ аараб̣бха уббаннаа ануссад̇и жааг̇аануссад̇и. ад̇д̇ано муд̇д̇ажааг̇ад̇аад̣̇ижааг̇аг̇ун̣аарамман̣ааяа сад̇ияаа зд̇ам̣ ад̇хиважанам̣. д̣̇звад̇аа аараб̣бха уббаннаа ануссад̇и д̣̇звад̇аануссад̇и. д̣̇звад̇аа сагкидтаанз табзд̇ваа ад̇д̇ано сад̣̇д̇хаад̣̇иг̇ун̣аарамман̣ааяа сад̇ияаа зд̇ам̣ ад̇хиважанам̣.
43. Samādhibhāvanāmayañāṇaniddese ādito tāva ekakato paṭṭhāya yāva dasakā samādhippabhedaṃ dassento eko samādhītiādimāha. Tattha cittassa ekaggatāti nānārammaṇavikkhepābhāvato ekaṃ ārammaṇaṃ aggaṃ uttamaṃ assāti ekaggo, ekaggassa bhāvo ekaggatā. Sā pana ekaggatā cittassa, na sattassāti dassanatthaṃ ‘‘cittassā’’ti vuttaṃ. Duke lokiyoti loko vuccati lujjanapalujjanaṭṭhena vaṭṭaṃ, tasmiṃ pariyāpannabhāvena loke niyuttoti lokiyo. Lokuttaroti uttiṇṇoti uttaro, loke apariyāpannabhāvena lokato uttaroti lokuttaro. Tike savitakko ca so savicāro cāti savitakkasavicāro. Evaṃ avitakkaavicāro. Vitakkavicāresu vicārova mattā pamāṇaṃ etassāti vicāramatto, vicārato utthari vitakkena saddhiṃ sampayogaṃ na gacchatīti attho. Avitakko ca so vicāramatto cāti avitakkavicāramatto. Tīsupi vicchedaṃ katvāpi paṭhanti. Catukkapañcakā vuttatthā . Chakke punappunaṃ uppajjanato satiyeva anussati, pavattitabbaṭṭhānamhiyeva vā pavattattā saddhāpabbajitassa kulaputtassa anurūpā satītipi anussati, buddhaṃ ārabbha uppannā anussati bauddhānussati. Arahatādibuddhaguṇārammaṇāya satiyā etaṃ adhivacanaṃ. Tassā buddhānussatiyā vasena cittassa ekaggatāyeva uddhaccasaṅkhātassa vikkhepassa paṭipakkhabhāvato na vikkhepoti avikkhepo. Dhammaṃ ārabbha uppannā anussati dhammānussati. Svākkhātatādidhammaguṇārammaṇāya satiyā etaṃ adhivacanaṃ. Saṅghaṃ ārabbha uppannā anussati saṅghānussati. Suppaṭipannatādisaṅghaguṇārammaṇāya satiyā etaṃ adhivacanaṃ . Sīlaṃ ārabbha uppannā anussati sīlānussati. Attano akhaṇḍatādisīlaguṇārammaṇāya satiyā etaṃ adhivacanaṃ. Cāgaṃ ārabbha uppannā anussati cāgānussati. Attano muttacāgatādicāgaguṇārammaṇāya satiyā etaṃ adhivacanaṃ. Devatā ārabbha uppannā anussati devatānussati. Devatā sakkhiṭṭhāne ṭhapetvā attano saddhādiguṇārammaṇāya satiyā etaṃ adhivacanaṃ.
сад̇д̇агз самаад̇хигусалад̇аад̇и згавид̇хаад̣̇ибхзд̣̇зна анзгабхзд̣̇з самаад̇химхи ‘‘аяамзвам̣вид̇хо самаад̇хи, аяамзвам̣вид̇хо самаад̇хий’’д̇и чзгабхааво. самаад̇хибарижчзд̣̇агабан̃н̃ааязд̇ам̣ ад̇хиважанам̣. самаад̇хиуббаад̣̇анавид̇хаанзби чзгабхааво самаад̇хигусалад̇аа.
Sattake samādhikusalatāti ekavidhādibhedena anekabhede samādhimhi ‘‘ayamevaṃvidho samādhi, ayamevaṃvidho samādhī’’ti chekabhāvo. Samādhiparicchedakapaññāyetaṃ adhivacanaṃ. Samādhiuppādanavidhānepi chekabhāvo samādhikusalatā.
самаад̇хисса самаабад̇д̇игусалад̇аад̇и уббаад̣̇ид̇асса самаад̇хисса самаабаж̇ж̇анз чзгабхааво. зд̇зна самаабаж̇ж̇анавасид̇аа вуд̇д̇аа ход̇и.
Samādhissa samāpattikusalatāti uppāditassa samādhissa samāpajjane chekabhāvo. Etena samāpajjanavasitā vuttā hoti.
самаад̇хисса тид̇игусалад̇аад̇и самаабаннасса самаад̇хисса санд̇ад̇ивасзна яат̇ааружи табанз чзгабхааво. зд̇зна ад̇хидтаанавасид̇аа вуд̇д̇аа ход̇и. ат̇а ваа нимид̇д̇аг̇г̇ахан̣зна жасса буна д̇з аагаарз самбаад̣̇аяад̇о аббанаамад̇д̇амзва иж̇жхад̇и, на жирадтаанам̣. жирадтаанам̣ бана самаад̇хибарибант̇аанам̣ д̇хаммаанам̣ сувисод̇хид̇ад̇д̇аа ход̇и. яо хи бхигку гаамаад̣̇ийнавабажжавзгкан̣аад̣̇ийхи гаамажчанд̣̇ам̣ на судту вигкамбхзд̇ваа, гааяабассад̣̇д̇хивасзна гааяад̣̇удтуллам̣ на суббадиббассад̣̇д̇хам̣ гад̇ваа, аарамбхад̇хаад̇уманасигаараад̣̇ивасзна т̇инамид̣̇д̇хам̣ на судту бадивинод̣̇зд̇ваа, самат̇анимид̇д̇аманасигаараад̣̇ивасзна уд̣̇д̇хажжагуггужжам̣ на судту самуухад̇ам̣ гад̇ваа, ан̃н̃зби самаад̇хибарибант̇з д̇хаммз на судту висод̇хзд̇ваа жхаанам̣ самаабаж̇ж̇ад̇и, со ависод̇хид̇ам̣ аасаяам̣ бавидтабхамаро вияа, асуд̣̇д̇хам̣ уяяаанам̣ бавидтарааж̇аа вияа жа киббамзва нигкамад̇и. яо бана самаад̇хибарибант̇з д̇хаммз судту висод̇хзд̇ваа жхаанам̣ самаабаж̇ж̇ад̇и, со сувисод̇хид̇ам̣ аасаяам̣ бавидтабхамаро вияа, субарисуд̣̇д̇хам̣ уяяаанам̣ бавидтарааж̇аа вияа жа сагаламби д̣̇ивасабхааг̇ам̣ анд̇осамаабад̇д̇ияам̣язва ход̇и. д̇знааху бораан̣аа –
Samādhissa ṭhitikusalatāti samāpannassa samādhissa santativasena yathāruci ṭhapane chekabhāvo. Etena adhiṭṭhānavasitā vuttā hoti. Atha vā nimittaggahaṇena cassa puna te ākāre sampādayato appanāmattameva ijjhati, na ciraṭṭhānaṃ. Ciraṭṭhānaṃ pana samādhiparipanthānaṃ dhammānaṃ suvisodhitattā hoti. Yo hi bhikkhu kāmādīnavapaccavekkhaṇādīhi kāmacchandaṃ na suṭṭhu vikkhambhetvā, kāyapassaddhivasena kāyaduṭṭhullaṃ na suppaṭippassaddhaṃ katvā, ārambhadhātumanasikārādivasena thinamiddhaṃ na suṭṭhu paṭivinodetvā, samathanimittamanasikārādivasena uddhaccakukkuccaṃ na suṭṭhu samūhataṃ katvā, aññepi samādhiparipanthe dhamme na suṭṭhu visodhetvā jhānaṃ samāpajjati, so avisodhitaṃ āsayaṃ paviṭṭhabhamaro viya, asuddhaṃ uyyānaṃ paviṭṭharājā viya ca khippameva nikkhamati. Yo pana samādhiparipanthe dhamme suṭṭhu visodhetvā jhānaṃ samāpajjati, so suvisodhitaṃ āsayaṃ paviṭṭhabhamaro viya, suparisuddhaṃ uyyānaṃ paviṭṭharājā viya ca sakalampi divasabhāgaṃ antosamāpattiyaṃyeva hoti. Tenāhu porāṇā –
‘‘гаамзсу чанд̣̇ам̣ бадигхам̣ винод̣̇аяз, уд̣̇д̇хажжат̇ийнам̣ вижигижчабан̃жамам̣;
‘‘Kāmesu chandaṃ paṭighaṃ vinodaye, uddhaccathīnaṃ vicikicchapañcamaṃ;
вивзгабаамож̇ж̇агарзна жзд̇асаа, рааж̇аава суд̣̇д̇ханд̇аг̇ад̇о д̇ахим̣ рамз’’д̇и .
Vivekapāmojjakarena cetasā, rājāva suddhantagato tahiṃ rame’’ti .
д̇асмаа ‘‘жирадтид̇игаамзна баарибант̇игад̇хаммз сод̇хзд̇ваа жхаанам̣ самаабаж̇ж̇ид̇аб̣б̣а’’нд̇и вуд̇д̇ад̇д̇аа д̇ам̣ вид̇хим̣ самбаад̣̇зд̇ваа самаад̇хисса жирадтид̇игаран̣з чзгабхаавод̇и вуд̇д̇ам̣ ход̇и.
Tasmā ‘‘ciraṭṭhitikāmena pāripanthikadhamme sodhetvā jhānaṃ samāpajjitabba’’nti vuttattā taṃ vidhiṃ sampādetvā samādhissa ciraṭṭhitikaraṇe chekabhāvoti vuttaṃ hoti.
самаад̇хисса вудтаанагусалад̇аад̇и санд̇ад̇ивасзна яат̇ааружи бавад̇д̇асса самаад̇хисса яат̇аабарижчиннагаалзязва вудтаанзна самаад̇хисса вудтаанз чзгабхааво. ‘‘яасса хи д̇хаммам̣ бурисо виж̇ан̃н̃аа’’д̇иаад̣̇ийсу (ж̇аа. 1.10.152) вияа ниссаггад̇т̇з ваа саамиважанам̣ гад̇анд̇и взд̣̇ид̇аб̣б̣анд̇и. зд̇зна вудтаанавасид̇аа вуд̇д̇аа ход̇и.
Samādhissa vuṭṭhānakusalatāti santativasena yathāruci pavattassa samādhissa yathāparicchinnakāleyeva vuṭṭhānena samādhissa vuṭṭhāne chekabhāvo. ‘‘Yassa hi dhammaṃ puriso vijaññā’’tiādīsu (jā. 1.10.152) viya nissakkatthe vā sāmivacanaṃ katanti veditabbanti. Etena vuṭṭhānavasitā vuttā hoti.
самаад̇хисса галлад̇аагусалад̇аад̇и аг̇илаанабхааво арог̇абхааво галлад̇аа. г̇илаано хи агаллагод̇и вужжад̇и. винаязби вуд̇д̇ам̣ ‘‘наахам̣, бханд̇з, агаллаго’’д̇и (баараа. 151). анан̇г̇ан̣асуд̇д̇авад̇т̇асуд̇д̇зсу (ма. ни. 1.57 аад̣̇аяо, 70 аад̣̇аяо) вуд̇д̇аанам̣ жхаанабадилаабхабажжанийгаанам̣ баабагаанам̣ ижчааважараанам̣ абхаавзна жа абхиж̇жхаад̣̇ийнам̣ жид̇д̇асса убаггилзсаанам̣ виг̇амзна жа самаад̇хисса аг̇илаанабхаавагаран̣з чзгабхааво самаад̇хисса галлад̇аагусалад̇аа, гилзсаг̇злан̃н̃арахид̇абхаавз гусалад̇аад̇и вуд̇д̇ам̣ ход̇и. ат̇а ваа галлад̇аад̇и гамман̃н̃ад̇аа гамман̃н̃ад̇аабарияааяад̇д̇аа галлаважанасса. ‘‘яаа жид̇д̇асса агаллад̇аа агамман̃н̃ад̇аа’’д̇и (д̇ха. са. 1162) хи вуд̇д̇ам̣ ‘‘галлажид̇д̇ам̣ муд̣̇ужид̇д̇ам̣ винийваран̣ажид̇д̇а’’нд̇и (д̣̇ий. ни. 1.298; ма. ни. 2.395; махаава. 26) жа. зд̇т̇а галласад̣̇д̣̇о гамман̃н̃ад̇т̇о. д̇асмаа гасин̣аануломад̇о гасин̣абадиломад̇о гасин̣аануломабадиломад̇о жхаанаануломад̇о жхаанабадиломад̇о жхаанаануломабадиломад̇о жхаанугганд̇игад̇о гасин̣угганд̇игад̇о жхаанагасин̣угганд̇игад̇о ан̇г̇асан̇ганд̇ид̇о аарамман̣асан̇ганд̇ид̇о ан̇г̇аарамман̣асан̇ганд̇ид̇о ан̇г̇ававад̇т̇аанад̇о аарамман̣ававад̇т̇аанад̇од̇и имзхи жуд̣̇д̣̇асахи аагаарзхи, ан̇г̇аарамман̣ававад̇т̇аанад̇од̇и иминаа саха бан̃жад̣̇асахи ваа аагаарзхи жид̇д̇абарид̣̇аманзна самаад̇хисса гамман̃н̃абхаавагаран̣з гусалабхаавод̇и вуд̇д̇ам̣ ход̇и.
Samādhissa kallatākusalatāti agilānabhāvo arogabhāvo kallatā. Gilāno hi akallakoti vuccati. Vinayepi vuttaṃ ‘‘nāhaṃ, bhante, akallako’’ti (pārā. 151). Anaṅgaṇasuttavatthasuttesu (ma. ni. 1.57 ādayo, 70 ādayo) vuttānaṃ jhānapaṭilābhapaccanīkānaṃ pāpakānaṃ icchāvacarānaṃ abhāvena ca abhijjhādīnaṃ cittassa upakkilesānaṃ vigamena ca samādhissa agilānabhāvakaraṇe chekabhāvo samādhissa kallatākusalatā, kilesagelaññarahitabhāve kusalatāti vuttaṃ hoti. Atha vā kallatāti kammaññatā kammaññatāpariyāyattā kallavacanassa. ‘‘Yā cittassa akallatā akammaññatā’’ti (dha. sa. 1162) hi vuttaṃ ‘‘kallacittaṃ muducittaṃ vinīvaraṇacitta’’nti (dī. ni. 1.298; ma. ni. 2.395; mahāva. 26) ca. Ettha kallasaddo kammaññattho. Tasmā kasiṇānulomato kasiṇapaṭilomato kasiṇānulomapaṭilomato jhānānulomato jhānapaṭilomato jhānānulomapaṭilomato jhānukkantikato kasiṇukkantikato jhānakasiṇukkantikato aṅgasaṅkantito ārammaṇasaṅkantito aṅgārammaṇasaṅkantito aṅgavavatthānato ārammaṇavavatthānatoti imehi cuddasahi ākārehi, aṅgārammaṇavavatthānatoti iminā saha pañcadasahi vā ākārehi cittaparidamanena samādhissa kammaññabhāvakaraṇe kusalabhāvoti vuttaṃ hoti.
самаад̇хисса г̇ожарагусалад̇аад̇и самаад̇хисса г̇ожарзсу гасин̣аад̣̇ийсу аарамман̣зсу д̇ам̣ д̇ам̣ жхаанам̣ самаабаж̇ж̇ид̇угаамад̇ааяа яат̇ааружи ааваж̇ж̇анагаран̣авасзна д̇зсу аарамман̣зсу чзгабхааво. зд̇зна гасин̣ааваж̇ж̇анавасзна ааваж̇ж̇анавасид̇аа вуд̇д̇аа ход̇и. ат̇а ваа д̇асмим̣ д̇асмим̣ д̣̇исаабхааг̇з гасин̣апаран̣авасзна звам̣ пудтасса гасин̣асса жирадтаанавасзна жа самаад̇хисса г̇ожарзсу чзгабхааво.
Samādhissa gocarakusalatāti samādhissa gocaresu kasiṇādīsu ārammaṇesu taṃ taṃ jhānaṃ samāpajjitukāmatāya yathāruci āvajjanakaraṇavasena tesu ārammaṇesu chekabhāvo. Etena kasiṇāvajjanavasena āvajjanavasitā vuttā hoti. Atha vā tasmiṃ tasmiṃ disābhāge kasiṇapharaṇavasena evaṃ phuṭṭhassa kasiṇassa ciraṭṭhānavasena ca samādhissa gocaresu chekabhāvo.
самаад̇хисса абхинийхаарагусалад̇аад̇и згад̇д̇анаязна хздтаахздтаасамаад̇хим̣ убаруубарисамаад̇хибхаавуубанаяанзна абхинийхаран̣з абхининнааманз чзгабхааво. убажаараж̇жхаанан̃хи васиббад̇д̇ам̣ батамаж̇жхаанад̇т̇ааяа вибассанад̇т̇ааяа ваа абхинийхарад̇и, звам̣ батамаж̇жхаанаад̣̇ийни д̣̇уд̇ияаж̇жхаанаад̣̇иад̇т̇ааяа вибассанад̇т̇ааяа ваа, жад̇уд̇т̇аж̇жхаанам̣ аруубасамаабад̇д̇ад̇т̇ааяа абхин̃н̃ад̇т̇ааяа вибассанад̇т̇ааяа ваа, аагаасаанан̃жааяад̇анаад̣̇аяо вин̃н̃аан̣ан̃жааяад̇анаад̣̇иад̇т̇ааяа вибассанад̇т̇ааяа ваа абхинийхарад̇ийд̇и звам̣ самаад̇хисса д̇ад̇т̇а д̇ад̇т̇а абхинийхаарагусалад̇аа. яасмаа бана гусалад̇аа наама бан̃н̃аа, саа самаад̇хи на ход̇и, д̇асмаа самаад̇хибарин̣ааяагабан̃н̃аавасзна сад̇д̇авид̇хо самаад̇хи вуд̇д̇од̇и взд̣̇ид̇аб̣б̣о.
Samādhissa abhinīhārakusalatāti ekattanayena heṭṭhāheṭṭhāsamādhiṃ uparūparisamādhibhāvūpanayanena abhinīharaṇe abhininnāmane chekabhāvo. Upacārajjhānañhi vasippattaṃ paṭhamajjhānatthāya vipassanatthāya vā abhinīharati, evaṃ paṭhamajjhānādīni dutiyajjhānādiatthāya vipassanatthāya vā, catutthajjhānaṃ arūpasamāpattatthāya abhiññatthāya vipassanatthāya vā, ākāsānañcāyatanādayo viññāṇañcāyatanādiatthāya vipassanatthāya vā abhinīharatīti evaṃ samādhissa tattha tattha abhinīhārakusalatā. Yasmā pana kusalatā nāma paññā, sā samādhi na hoti, tasmā samādhipariṇāyakapaññāvasena sattavidho samādhi vuttoti veditabbo.
гзжи бана аажарияаа ‘‘самаад̇хигусалад̇аад̇и язна манасигаарзна жид̇д̇ам̣ на вигкибад̇и, д̇ад̇т̇а гусалад̇аа. самаабад̇д̇игусалад̇аад̇и язна манасигаарзна самаабаж̇ж̇анд̇асса жхаанан̇г̇аани баад̇убхаванд̇и, д̇ад̇т̇а гусалад̇аа. тид̇игусалад̇аад̇и язна манасигаарзна аббид̇о самаад̇хи на вигкибад̇и, д̇ад̇т̇а гусалад̇аа. вудтаанагусалад̇аад̇и нийваран̣авудтаанам̣ ж̇аанаад̇и батамаж̇жхаанз, ан̇г̇авудтаанам̣ ж̇аанаад̇и д̇ийсу жхаанзсу, аарамман̣авудтаанам̣ ж̇аанаад̇и аруубасамаабад̇д̇ийсу, вигкзбавудтаанам̣ ж̇аанаад̇и висаяаад̇химад̇д̇зсу, сажчанд̣̇авудтаанам̣ ж̇аанаад̇и барияанд̇агаалз жа авасаанагаран̣ийяагаалз жа. галлад̇аагусалад̇аад̇и жид̇д̇апаасуд̇ааяа сарийрапаасуд̇ааяа аахаарапаасуд̇ааяа сзнаасанапаасуд̇ааяа буг̇г̇алапаасуд̇ааяа жа самаад̇хисса галлад̇аа ход̇ийд̇и ж̇аанаад̇и. г̇ожарагусалад̇аад̇и аарамман̣асса барижчзд̣̇ам̣ гаад̇ум̣ ж̇аанаад̇и, д̣̇исаапаран̣ам̣ гаад̇ум̣ ж̇аанаад̇и, вад̣дхзд̇ум̣ ж̇аанаад̇и. абхинийхаарагусалад̇аад̇и д̇ад̇т̇а д̇ад̇т̇а саммаа манасигаарзна жид̇д̇ам̣ абхинийхарад̇и абхининнаамзд̇и, убажаарз васиббад̇д̇з батамаж̇жхаанз абхинийхарад̇и, звам̣ убаруубарижхаанзсу абхин̃н̃аасу аруубасамаабад̇д̇ийсу вибассанаасу жа абхинийхарад̇и. звам̣ д̇ад̇т̇а д̇ад̇т̇а абхинийхаарагусалад̇аа’’д̇и звамзд̇зсам̣ бад̣̇аанам̣ ад̇т̇ам̣ ван̣н̣аяанд̇и.
Keci pana ācariyā ‘‘samādhikusalatāti yena manasikārena cittaṃ na vikkhipati, tattha kusalatā. Samāpattikusalatāti yena manasikārena samāpajjantassa jhānaṅgāni pātubhavanti, tattha kusalatā. Ṭhitikusalatāti yena manasikārena appito samādhi na vikkhipati, tattha kusalatā. Vuṭṭhānakusalatāti nīvaraṇavuṭṭhānaṃ jānāti paṭhamajjhāne, aṅgavuṭṭhānaṃ jānāti tīsu jhānesu, ārammaṇavuṭṭhānaṃ jānāti arūpasamāpattīsu, vikkhepavuṭṭhānaṃ jānāti visayādhimattesu, sacchandavuṭṭhānaṃ jānāti pariyantakāle ca avasānakaraṇīyakāle ca. Kallatākusalatāti cittaphāsutāya sarīraphāsutāya āhāraphāsutāya senāsanaphāsutāya puggalaphāsutāya ca samādhissa kallatā hotīti jānāti. Gocarakusalatāti ārammaṇassa paricchedaṃ kātuṃ jānāti, disāpharaṇaṃ kātuṃ jānāti, vaḍḍhetuṃ jānāti. Abhinīhārakusalatāti tattha tattha sammā manasikārena cittaṃ abhinīharati abhininnāmeti, upacāre vasippatte paṭhamajjhāne abhinīharati, evaṃ uparūparijhānesu abhiññāsu arūpasamāpattīsu vipassanāsu ca abhinīharati. Evaṃ tattha tattha abhinīhārakusalatā’’ti evametesaṃ padānaṃ atthaṃ vaṇṇayanti.
адтагам̣ вуд̇д̇ад̇т̇амзва. навагз руубааважарод̇и ‘‘гад̇амз д̇хаммаа руубааважараа? хздтад̇о б̣рахмабаарисаж̇ж̇ам̣ барияанд̇ам̣ гарид̇ваа убарид̇о аганидтз д̣̇звз анд̇огарид̇ваа’’д̇иаад̣̇инаа (д̇ха. са. 1289) наязна вуд̇д̇зсу руубааважарад̇хаммзсу барияаабанно. д̇ад̇рааяам̣ важанад̇т̇о – руубагканд̇хасан̇каад̇ам̣ руубам̣ зд̇т̇а аважарад̇и, на гаамод̇и руубааважаро. руубагканд̇хоби хи руубанд̇и вужжад̇и ‘‘руубагканд̇хо рууба’’нд̇иаад̣̇ийсу (яама. 1.канд̇хаяамага.2) вияа. со бана б̣рахмабаарисаж̇ж̇аб̣рахмабурохид̇амахааб̣рахмаанам̣ барид̇д̇аабхааббамаан̣аабхааабхассараанам̣ барид̇д̇асубхааббамаан̣асубхасубхагин̣хаанам̣ асан̃н̃асад̇д̇авзхабпалаанам̣ авихаад̇аббасуд̣̇ассасуд̣̇ассийаганидтаанан̃жа васзна сол̣асавид̇хо бад̣̇зсо. со руубааважарасан̇каад̇о бад̣̇зсо уд̇д̇арабад̣̇алобам̣ гад̇ваа ‘‘рууба’’нд̇и вужжад̇и, д̇асмим̣ руубз аважарад̇ийд̇и руубааважаро. руубабхаво ваа руубам̣, д̇асмим̣ аважарад̇ийд̇и руубааважарам̣. гин̃жааби хи зсо самаад̇хи гаамабхавзби аважарад̇и, яат̇аа бана сан̇г̇аамз аважаран̣ад̇о сан̇г̇аамааважарод̇и лад̣̇д̇ханаамо нааг̇о наг̇арз жаранд̇оби сан̇г̇аамааважарод̇и вужжад̇и, т̇алажараа ж̇алажараа жа баан̣ино ат̇алз аж̇алз жа тид̇ааби т̇алажараа ж̇алажараад̇и вужжанд̇и, звамаяам̣ ан̃н̃ад̇т̇а аважаранд̇оби руубааважарод̇и вуд̇д̇о. абижа руубабхавасан̇каад̇з руубз бадисанд̇хим̣ аважаарзд̇ийд̇иби руубааважаро. хийнод̇и лаамаго. хийнуд̇д̇амаанам̣ маж̇жхз бхаво маж̇жхо. маж̇жхимод̇иби баато, соязвад̇т̇о. бад̇хаанабхаавам̣ нийд̇о бан̣ийд̇о, уд̇д̇амод̇и ад̇т̇о. зд̇з бана ааяууханавасзна взд̣̇ид̇аб̣б̣аа. яасса хи ааяууханагкан̣з чанд̣̇о ваа хийно ход̇и вийрияам̣ ваа жид̇д̇ам̣ ваа виймам̣саа ваа, со хийно наама. яасса д̇з д̇хаммаа маж̇жхимаа, со маж̇жхимо. яасса бан̣ийд̇аа, со бан̣ийд̇о. уббаад̣̇ид̇амад̇д̇о ваа хийно, наад̇исубхаавид̇о маж̇жхимо, ад̇исубхаавид̇о васиббад̇д̇о бан̣ийд̇о. аруубааважаро руубааважарз вуд̇д̇анаяаанусаарзна взд̣̇ид̇аб̣б̣о.
Aṭṭhakaṃ vuttatthameva. Navake rūpāvacaroti ‘‘katame dhammā rūpāvacarā? Heṭṭhato brahmapārisajjaṃ pariyantaṃ karitvā uparito akaniṭṭhe deve antokaritvā’’tiādinā (dha. sa. 1289) nayena vuttesu rūpāvacaradhammesu pariyāpanno. Tatrāyaṃ vacanattho – rūpakkhandhasaṅkhātaṃ rūpaṃ ettha avacarati, na kāmoti rūpāvacaro. Rūpakkhandhopi hi rūpanti vuccati ‘‘rūpakkhandho rūpa’’ntiādīsu (yama. 1.khandhayamaka.2) viya. So pana brahmapārisajjabrahmapurohitamahābrahmānaṃ parittābhaappamāṇābhaābhassarānaṃ parittasubhaappamāṇasubhasubhakiṇhānaṃ asaññasattavehapphalānaṃ avihātappasudassasudassīakaniṭṭhānañca vasena soḷasavidho padeso. So rūpāvacarasaṅkhāto padeso uttarapadalopaṃ katvā ‘‘rūpa’’nti vuccati, tasmiṃ rūpe avacaratīti rūpāvacaro. Rūpabhavo vā rūpaṃ, tasmiṃ avacaratīti rūpāvacaraṃ. Kiñcāpi hi eso samādhi kāmabhavepi avacarati, yathā pana saṅgāme avacaraṇato saṅgāmāvacaroti laddhanāmo nāgo nagare carantopi saṅgāmāvacaroti vuccati, thalacarā jalacarā ca pāṇino athale ajale ca ṭhitāpi thalacarā jalacarāti vuccanti, evamayaṃ aññattha avacarantopi rūpāvacaroti vutto. Apica rūpabhavasaṅkhāte rūpe paṭisandhiṃ avacāretītipi rūpāvacaro. Hīnoti lāmako. Hīnuttamānaṃ majjhe bhavo majjho. Majjhimotipi pāṭho, soyevattho. Padhānabhāvaṃ nīto paṇīto, uttamoti attho. Ete pana āyūhanavasena veditabbā. Yassa hi āyūhanakkhaṇe chando vā hīno hoti vīriyaṃ vā cittaṃ vā vīmaṃsā vā, so hīno nāma. Yassa te dhammā majjhimā, so majjhimo. Yassa paṇītā, so paṇīto. Uppāditamatto vā hīno, nātisubhāvito majjhimo, atisubhāvito vasippatto paṇīto. Arūpāvacaro rūpāvacare vuttanayānusārena veditabbo.
сун̃н̃ад̇о самаад̇хийд̇иаад̣̇ийсу ‘‘саб̣б̣з сан̇каараа анижжаа д̣̇угкаа анад̇д̇аа’’д̇и вибассанаабадибаадияаа вибассанд̇асса анад̇д̇аанубассанааяа маг̇г̇авудтаанз ж̇аад̇з яасмаа саа вибассанаа ад̇д̇авирахид̇зсу сан̇каарзсу сун̃н̃ад̇о бавад̇д̇аа, д̇асмаа сун̃н̃ад̇аа наама ход̇и. д̇ааяа сид̣̇д̇хо арияамаг̇г̇асамаад̇хи сун̃н̃ад̇о самаад̇хи наама ход̇и, сун̃н̃ад̇авасзна бавад̇д̇асамаад̇хийд̇и ад̇т̇о. вибассанааяа бавад̇д̇аагаарзна хи со бавад̇д̇ад̇и. анижжаанубассанааяа маг̇г̇авудтаанз ж̇аад̇з яасмаа саа вибассанаа нижжанимид̇д̇абадибагкавасзна бавад̇д̇аа, д̇асмаа анимид̇д̇аа наама ход̇и. д̇ааяа сид̣̇д̇хо арияамаг̇г̇асамаад̇хи анимид̇д̇о самаад̇хи наама ход̇и, нижжанимид̇д̇авирахид̇о самаад̇хийд̇и ад̇т̇о. вибассанааяа бавад̇д̇аагаарзна хи со бавад̇д̇ад̇и. д̣̇угкаанубассанааяа маг̇г̇авудтаанз ж̇аад̇з яасмаа саа вибассанаа бан̣ид̇хибадибагкавасзна бавад̇д̇аа, д̇асмаа аббан̣ихид̇аа наама ход̇и. д̇ааяа сид̣̇д̇хо арияамаг̇г̇асамаад̇хи аббан̣ихид̇о самаад̇хи наама ход̇и, бан̣ид̇хивирахид̇о самаад̇хийд̇и ад̇т̇о. вибассанааяа бавад̇д̇аагаарзна хи со бавад̇д̇ад̇и. д̇аад̣̇исаа зва д̇аяо паласамаад̇хаяоби зд̇зхиязва д̇ийхи самаад̇хийхи г̇ахид̇аа хонд̇ийд̇и взд̣̇ид̇аб̣б̣аа. логуд̇д̇арасамаад̇хийнам̣ бана бан̣ийд̇ад̇д̇аа хийнаад̣̇ибхзд̣̇о на уд̣̇д̇хадо.
Suññato samādhītiādīsu ‘‘sabbe saṅkhārā aniccā dukkhā anattā’’ti vipassanāpaṭipāṭiyā vipassantassa anattānupassanāya maggavuṭṭhāne jāte yasmā sā vipassanā attavirahitesu saṅkhāresu suññato pavattā, tasmā suññatā nāma hoti. Tāya siddho ariyamaggasamādhi suññato samādhi nāma hoti, suññatavasena pavattasamādhīti attho. Vipassanāya pavattākārena hi so pavattati. Aniccānupassanāya maggavuṭṭhāne jāte yasmā sā vipassanā niccanimittapaṭipakkhavasena pavattā, tasmā animittā nāma hoti. Tāya siddho ariyamaggasamādhi animitto samādhi nāma hoti, niccanimittavirahito samādhīti attho. Vipassanāya pavattākārena hi so pavattati. Dukkhānupassanāya maggavuṭṭhāne jāte yasmā sā vipassanā paṇidhipaṭipakkhavasena pavattā, tasmā appaṇihitā nāma hoti. Tāya siddho ariyamaggasamādhi appaṇihito samādhi nāma hoti, paṇidhivirahito samādhīti attho. Vipassanāya pavattākārena hi so pavattati. Tādisā eva tayo phalasamādhayopi etehiyeva tīhi samādhīhi gahitā hontīti veditabbā. Lokuttarasamādhīnaṃ pana paṇītattā hīnādibhedo na uddhaṭo.
д̣̇асагз уд̣̇д̇хумаад̇агасан̃н̃аавасзнаад̇иаад̣̇ийсу бхасд̇аа вияа вааяунаа уд̣̇д̇хам̣ ж̇ийвид̇абарияаад̣̇аанаа яат̇аануггамам̣ самуг̇г̇ад̇зна суунабхаавзна уд̣̇д̇хумаад̇ад̇д̇аа уд̣̇д̇хумаад̇ам̣, уд̣̇д̇хумаад̇амзва уд̣̇д̇хумаад̇агам̣, бадигуулад̇д̇аа ваа гужчид̇ам̣ уд̣̇д̇хумаад̇анд̇и уд̣̇д̇хумаад̇агам̣. д̇ат̇ааруубасса чавасарийрассзд̇ам̣ ад̇хиважанам̣. винийлам̣ вужжад̇и вибарибхиннаван̣н̣ам̣, винийламзва винийлагам̣, бадигуулад̇д̇аа ваа гужчид̇ам̣ винийланд̇и винийлагам̣. мам̣суссад̣̇адтаанзсу рад̇д̇аван̣н̣асса, буб̣б̣асаннижаяадтаанзсу сзд̇аван̣н̣асса, язбхуяязна жа нийлаван̣н̣асса нийладтаанз нийласаадагабааруд̇ассзва чавасарийрассзд̇ам̣ ад̇хиважанам̣. барибхиннадтаанзсу виссанд̣̇амаанабуб̣б̣ам̣ вибуб̣б̣ам̣, вибуб̣б̣амзва вибуб̣б̣агам̣, бадигуулад̇д̇аа ваа гужчид̇ам̣ вибуб̣б̣анд̇и вибуб̣б̣агам̣. д̇ат̇ааруубасса чавасарийрассзд̇ам̣ ад̇хиважанам̣. вижчид̣̇д̣̇ам̣ вужжад̇и д̣̇вид̇хаа чинд̣̇анзна абад̇хаарид̇ам̣, вижчид̣̇д̣̇амзва вижчид̣̇д̣̇агам̣, бадигуулад̇д̇аа ваа гужчид̇ам̣ вижчид̣̇д̣̇анд̇и вижчид̣̇д̣̇агам̣. взмаж̇жхз чиннасса чавасарийрассзд̇ам̣ ад̇хиважанам̣. ид̇о жа зд̇д̇о жа вивид̇хаагаарзна сон̣асин̇г̇аалаад̣̇ийхи кааяид̇анд̇и вигкааяид̇ам̣, викааяид̇анд̇и вад̇д̇аб̣б̣з вигкааяид̇анд̇и вуд̇д̇ам̣. вигкааяид̇амзва вигкааяид̇агам̣, бадигуулад̇д̇аа ваа гужчид̇ам̣ вигкааяид̇анд̇и вигкааяид̇агам̣. д̇ат̇ааруубасса чавасарийрассзд̇ам̣ ад̇хиважанам̣. вивид̇хам̣ кид̇д̇ам̣ вигкид̇д̇ам̣, вигкид̇д̇амзва вигкид̇д̇агам̣, бадигуулад̇д̇аа ваа гужчид̇ам̣ вигкид̇д̇анд̇и вигкид̇д̇агам̣. ан̃н̃зна хад̇т̇ам̣ ан̃н̃зна баад̣̇ам̣ ан̃н̃зна сийсанд̇и звам̣ д̇ад̇о д̇ад̇о кид̇д̇асса чавасарийрассзд̇ам̣ ад̇хиважанам̣. хад̇ан̃жа д̇ам̣ буриманаязнзва вигкид̇д̇аган̃жаад̇и хад̇авигкид̇д̇агам̣. гаагабад̣̇аагаарзна ан̇г̇абажжан̇г̇зсу сад̇т̇зна ханид̇ваа вуд̇д̇анаязна вигкид̇д̇асса чавасарийрассзд̇ам̣ ад̇хиважанам̣. лохид̇ам̣ гирад̇и вигкибад̇и ид̇о жид̇о жа баг̇гхарад̇ийд̇и лохид̇агам̣. баг̇гхарид̇алохид̇амагкид̇асса чавасарийрассзд̇ам̣ ад̇хиважанам̣. бул̣аваа вужжанд̇и гимаяо, бул̣авз гирад̇ийд̇и бул̣авагам̣. гимибарибун̣н̣асса чавасарийрассзд̇ам̣ ад̇хиважанам̣. адтиязва адтигам̣, бадигуулад̇д̇аа ваа гужчид̇ам̣ адтийд̇и адтигам̣. адтисан̇калигааяаби згадтигассаби зд̇ам̣ ад̇хиважанам̣. имаани жа бана уд̣̇д̇хумаад̇агаад̣̇ийни ниссааяа уббаннанимид̇д̇аанамби нимид̇д̇зсу бадилад̣̇д̇хаж̇жхаанаанамби зд̇аанзва наамаани. ид̇ха бана уд̣̇д̇хумаад̇аганимид̇д̇з бадигуулаагаараг̇аахигаа аббанаавасзна уббаннаа сан̃н̃аа уд̣̇д̇хумаад̇агасан̃н̃аа, д̇ассаа уд̣̇д̇хумаад̇агасан̃н̃ааяа васзна уд̣̇д̇хумаад̇агасан̃н̃аавасзна. сзсзсуби зсзва наяо. бан̃жабан̃н̃ааса самаад̇хийд̇и згагаад̣̇ивасзна вуд̇д̇аа.
Dasake uddhumātakasaññāvasenātiādīsu bhastā viya vāyunā uddhaṃ jīvitapariyādānā yathānukkamaṃ samuggatena sūnabhāvena uddhumātattā uddhumātaṃ, uddhumātameva uddhumātakaṃ, paṭikūlattā vā kucchitaṃ uddhumātanti uddhumātakaṃ. Tathārūpassa chavasarīrassetaṃ adhivacanaṃ. Vinīlaṃ vuccati viparibhinnavaṇṇaṃ, vinīlameva vinīlakaṃ, paṭikūlattā vā kucchitaṃ vinīlanti vinīlakaṃ. Maṃsussadaṭṭhānesu rattavaṇṇassa, pubbasannicayaṭṭhānesu setavaṇṇassa, yebhuyyena ca nīlavaṇṇassa nīlaṭṭhāne nīlasāṭakapārutasseva chavasarīrassetaṃ adhivacanaṃ. Paribhinnaṭṭhānesu vissandamānapubbaṃ vipubbaṃ, vipubbameva vipubbakaṃ, paṭikūlattā vā kucchitaṃ vipubbanti vipubbakaṃ. Tathārūpassa chavasarīrassetaṃ adhivacanaṃ. Vicchiddaṃ vuccati dvidhā chindanena apadhāritaṃ, vicchiddameva vicchiddakaṃ, paṭikūlattā vā kucchitaṃ vicchiddanti vicchiddakaṃ. Vemajjhe chinnassa chavasarīrassetaṃ adhivacanaṃ. Ito ca etto ca vividhākārena soṇasiṅgālādīhi khāyitanti vikkhāyitaṃ, vikhāyitanti vattabbe vikkhāyitanti vuttaṃ. Vikkhāyitameva vikkhāyitakaṃ, paṭikūlattā vā kucchitaṃ vikkhāyitanti vikkhāyitakaṃ. Tathārūpassa chavasarīrassetaṃ adhivacanaṃ. Vividhaṃ khittaṃ vikkhittaṃ, vikkhittameva vikkhittakaṃ, paṭikūlattā vā kucchitaṃ vikkhittanti vikkhittakaṃ. Aññena hatthaṃ aññena pādaṃ aññena sīsanti evaṃ tato tato khittassa chavasarīrassetaṃ adhivacanaṃ. Hatañca taṃ purimanayeneva vikkhittakañcāti hatavikkhittakaṃ. Kākapadākārena aṅgapaccaṅgesu satthena hanitvā vuttanayena vikkhittassa chavasarīrassetaṃ adhivacanaṃ. Lohitaṃ kirati vikkhipati ito cito ca paggharatīti lohitakaṃ. Paggharitalohitamakkhitassa chavasarīrassetaṃ adhivacanaṃ. Puḷavā vuccanti kimayo, puḷave kiratīti puḷavakaṃ. Kimiparipuṇṇassa chavasarīrassetaṃ adhivacanaṃ. Aṭṭhiyeva aṭṭhikaṃ, paṭikūlattā vā kucchitaṃ aṭṭhīti aṭṭhikaṃ. Aṭṭhisaṅkhalikāyapi ekaṭṭhikassapi etaṃ adhivacanaṃ. Imāni ca pana uddhumātakādīni nissāya uppannanimittānampi nimittesu paṭiladdhajjhānānampi etāneva nāmāni. Idha pana uddhumātakanimitte paṭikūlākāragāhikā appanāvasena uppannā saññā uddhumātakasaññā, tassā uddhumātakasaññāya vasena uddhumātakasaññāvasena. Sesesupi eseva nayo. Pañcapaññāsa samādhīti ekakādivasena vuttā.
44. звам̣ згагаад̣̇ивасзна самаад̇хиббабхзд̣̇ам̣ д̣̇ассзд̇ваа ид̣̇аани ан̃н̃знаби барияааязна самаад̇хим̣ д̣̇ассзд̇угаамо абижаад̇и ан̃н̃ам̣ барияааяаарамбхам̣ д̣̇ассзд̇ваа бан̃жавийсад̇ийд̇иаад̣̇имааха. д̇ад̇т̇а самаад̇хисса самаад̇хидтаад̇и самаад̇хисса самаад̇хибхаавз сабхааваа, язхи сабхаавзхи со самаад̇хи ход̇и, д̇з д̇асмим̣ ад̇т̇аа наама. бариг̇г̇ахадтзна самаад̇хийд̇и сад̣̇д̇хаад̣̇ийхи инд̣̇риязхи бариг̇г̇ахид̇ад̇д̇аа д̇асмаа бариг̇г̇ахид̇асабхаавзна самаад̇хи. д̇аанзва жа инд̣̇рияаани ан̃н̃аман̃н̃абариваараани хонд̇и, бхааванаабаарибуурияаа барибун̣н̣аани жа хонд̇и. д̇асмаа бариваарадтзна барибуурадтзна самаад̇хи. д̇зсам̣язва самаад̇хивасзна згаарамман̣амабзгкид̇ваа згаг̇г̇адтзна, наанаарамман̣авигкзбаабхаавамабзгкид̇ваа авигкзбадтзна, логуд̇д̇арассзва махад̇аа вийрияаб̣алабаг̇г̇ахзна бад̇д̇аб̣б̣ад̇д̇аа логуд̇д̇арамаг̇г̇ассзва жа барихаанивасзна висаараабхаавад̇о хздтаа г̇ахид̇абаг̇г̇ахадтаависаарадтаа ид̇ха на г̇ахид̇аад̇и взд̣̇ид̇аб̣б̣аа. гилзсагаалуссияассаабхаавзна анаавиладтзна самаад̇хи. авигамбад̇д̇аа анин̃ж̇анадтзна самаад̇хи. вигкамбханавасзна самужчзд̣̇авасзна ваа гилзсзхи вимуд̇д̇ад̇д̇аа аарамман̣з жа ад̇химуд̇д̇ад̇д̇аа вимуд̇д̇адтзна самаад̇хи.
44. Evaṃ ekakādivasena samādhippabhedaṃ dassetvā idāni aññenapi pariyāyena samādhiṃ dassetukāmo apicāti aññaṃ pariyāyārambhaṃ dassetvā pañcavīsatītiādimāha. Tattha samādhissa samādhiṭṭhāti samādhissa samādhibhāve sabhāvā, yehi sabhāvehi so samādhi hoti, te tasmiṃ atthā nāma. Pariggahaṭṭhena samādhīti saddhādīhi indriyehi pariggahitattā tasmā pariggahitasabhāvena samādhi. Tāneva ca indriyāni aññamaññaparivārāni honti, bhāvanāpāripūriyā paripuṇṇāni ca honti. Tasmā parivāraṭṭhena paripūraṭṭhena samādhi. Tesaṃyeva samādhivasena ekārammaṇamapekkhitvā ekaggaṭṭhena, nānārammaṇavikkhepābhāvamapekkhitvā avikkhepaṭṭhena, lokuttarasseva mahatā vīriyabalapaggahena pattabbattā lokuttaramaggasseva ca parihānivasena visārābhāvato heṭṭhā gahitapaggahaṭṭhaavisāraṭṭhā idha na gahitāti veditabbā. Kilesakālussiyassābhāvena anāvilaṭṭhena samādhi. Avikampattā aniñjanaṭṭhena samādhi. Vikkhambhanavasena samucchedavasena vā kilesehi vimuttattā ārammaṇe ca adhimuttattā vimuttaṭṭhena samādhi.
згад̇д̇убадтаанавасзна жид̇д̇асса тид̇ад̇д̇аад̇и самаад̇хияог̇знзва згаарамман̣з бхусам̣ бад̇идтаанавасзна жид̇д̇асса аарамман̣з нижжалабхаавзна бад̇идтид̇ад̇д̇аа. адтасу яуг̇алзсу зсад̇и нзсад̇и, аад̣̇ияад̇и наад̣̇ияад̇и, бадибаж̇ж̇ад̇и на бадибаж̇ж̇ад̇ийд̇и имаани д̇ийн̣и яуг̇алаани аббанаавийт̇ид̇о буб̣б̣абхааг̇з убажаарасса муд̣̇умаж̇жхаад̇химад̇д̇ад̇аавасзна вуд̇д̇аанийд̇и взд̣̇ид̇аб̣б̣аани, жхааяад̇и жхаабзд̇ийд̇и ид̣̇ам̣ аббанаавийт̇ияам̣ убажааравасзна взд̣̇ид̇аб̣б̣ам̣. зсид̇ад̇д̇аа нзсид̇ад̇д̇аа, аад̣̇иннад̇д̇аа анаад̣̇иннад̇д̇аа, бадибаннад̇д̇аа наббадибаннад̇д̇аа, жхаад̇ад̇д̇аа на жхаабид̇ад̇д̇аад̇и имаани жад̇д̇аари яуг̇алаани аббанаавасзна вуд̇д̇аанийд̇и взд̣̇ид̇аб̣б̣аани.
Ekattupaṭṭhānavasenacittassa ṭhitattāti samādhiyogeneva ekārammaṇe bhusaṃ patiṭṭhānavasena cittassa ārammaṇe niccalabhāvena patiṭṭhitattā. Aṭṭhasu yugalesu esati nesati, ādiyati nādiyati, paṭipajjati na paṭipajjatīti imāni tīṇi yugalāni appanāvīthito pubbabhāge upacārassa mudumajjhādhimattatāvasena vuttānīti veditabbāni, jhāyati jhāpetīti idaṃ appanāvīthiyaṃ upacāravasena veditabbaṃ. Esitattā nesitattā, ādinnattā anādinnattā, paṭipannattā nappaṭipannattā, jhātattā na jhāpitattāti imāni cattāri yugalāni appanāvasena vuttānīti veditabbāni.
д̇ад̇т̇а самам̣ зсад̇ийд̇и самаад̇хийд̇иаад̣̇ийсу саманд̇и аббанам̣. саа хи бажжанийгад̇хаммз самзд̇и наасзд̇ийд̇и самаа, бажжанийгависамаабхаавад̇о ваа самабхууд̇аад̇и самаа. д̇ам̣ самам̣ зсад̇и аж̇жхаасаяавасзна г̇авзсад̇и. ид̇исад̣̇д̣̇о гааран̣ад̇т̇о, яасмаа самам̣ зсад̇и, д̇асмаа самаад̇хийд̇и ад̇т̇о. висамам̣ нзсад̇ийд̇и д̇ам̣ д̇ам̣ жхаанабажжанийгасан̇каад̇ам̣ висамам̣ на зсад̇и. муд̣̇убхууд̇о хи буб̣б̣абхааг̇асамаад̇хи аад̣̇ибхууд̇ад̇д̇аа самам̣ зсад̇и, висамам̣ нзсад̇и наама. маж̇жхимабхууд̇о т̇ирабхууд̇ад̇д̇аа самам̣ аад̣̇ияад̇и, висамам̣ наад̣̇ияад̇и наама. ад̇химад̇д̇абхууд̇о аббанаавийт̇ияаа аасаннабхууд̇ад̇д̇аа самам̣ бадибаж̇ж̇ад̇и, висамам̣ наббадибаж̇ж̇ад̇и наама. самам̣ жхааяад̇ийд̇и бхааванабум̣сагаважанам̣, самам̣ худ̇ваа жхааяад̇и, самзна ваа аагаарзна жхааяад̇ийд̇и ад̇т̇о. аббанаавийт̇ияан̃хи самаад̇хи бажжанийгад̇хаммавиг̇амзна санд̇ад̇д̇аа, санд̇ааяа аббанааяа анугуулабхаавзна жа тид̇ад̇д̇аа самзнаагаарзна бавад̇д̇ад̇и. жхааяад̇ийд̇и жа баж̇ж̇алад̇ийд̇и ад̇т̇о ‘‘зд̇з ман̣д̣аламаал̣з д̣̇ийбаа жхааяанд̇и (д̣̇ий. ни. 1.159) саб̣б̣арад̇д̇им̣, саб̣б̣арад̇д̇ияо жа д̇злаббад̣̇ийбо жхааяад̇и, д̇злаббад̣̇ийбо жзд̇т̇а жхааязяяаа’’д̇иаад̣̇ийсу (сам̣. ни. 4.255-256) вияа. самам̣ ж̇ааяад̇ийд̇иби баато , самзнаагаарзна уббаж̇ж̇ад̇ийд̇и ад̇т̇о. жхааяад̇и жхаабзд̇ийд̇и яуг̇алад̇д̇аа бана буримабаатова сунд̣̇арад̇аро. жхаабзд̇ийд̇и жа д̣̇ахад̇ийд̇и ад̇т̇о. со хи самаад̇хибажжанийгад̇хаммз д̣̇уурад̇арагаран̣зна д̣̇ахад̇и наама. зсанаанзсанаад̣̇ийнам̣ бана аббанааяа сид̣̇д̇хад̇д̇аа ‘‘зсид̇ад̇д̇аа нзсид̇ад̇д̇аа’’д̇иаад̣̇ийхи аббанаасамаад̇хи вуд̇д̇о. самам̣ жхаад̇ад̇д̇аад̇и самам̣ ж̇алид̇ад̇д̇аа. самам̣ ж̇аад̇ад̇д̇аад̇иби баато. ид̇и имзсам̣ адтаннам̣ яуг̇алаанам̣ васзна сол̣аса, буримаа жа наваад̇и имз бан̃жавийсад̇и самаад̇хисса самаад̇хидтаа.
Tattha samaṃ esatīti samādhītiādīsu samanti appanaṃ. Sā hi paccanīkadhamme sameti nāsetīti samā, paccanīkavisamābhāvato vā samabhūtāti samā. Taṃ samaṃ esati ajjhāsayavasena gavesati. Itisaddo kāraṇattho, yasmā samaṃ esati, tasmā samādhīti attho. Visamaṃ nesatīti taṃ taṃ jhānapaccanīkasaṅkhātaṃ visamaṃ na esati. Mudubhūto hi pubbabhāgasamādhi ādibhūtattā samaṃ esati, visamaṃ nesati nāma. Majjhimabhūto thirabhūtattā samaṃ ādiyati, visamaṃ nādiyati nāma. Adhimattabhūto appanāvīthiyā āsannabhūtattā samaṃ paṭipajjati, visamaṃ nappaṭipajjati nāma. Samaṃ jhāyatīti bhāvanapuṃsakavacanaṃ, samaṃ hutvā jhāyati, samena vā ākārena jhāyatīti attho. Appanāvīthiyañhi samādhi paccanīkadhammavigamena santattā, santāya appanāya anukūlabhāvena ca ṭhitattā samenākārena pavattati. Jhāyatīti ca pajjalatīti attho ‘‘ete maṇḍalamāḷe dīpā jhāyanti (dī. ni. 1.159) sabbarattiṃ, sabbarattiyo ca telappadīpo jhāyati, telappadīpo cettha jhāyeyyā’’tiādīsu (saṃ. ni. 4.255-256) viya. Samaṃ jāyatītipi pāṭho , samenākārena uppajjatīti attho. Jhāyati jhāpetīti yugalattā pana purimapāṭhova sundarataro. Jhāpetīti ca dahatīti attho. So hi samādhipaccanīkadhamme dūratarakaraṇena dahati nāma. Esanānesanādīnaṃ pana appanāya siddhattā ‘‘esitattā nesitattā’’tiādīhi appanāsamādhi vutto. Samaṃ jhātattāti samaṃ jalitattā. Samaṃ jātattātipi pāṭho. Iti imesaṃ aṭṭhannaṃ yugalānaṃ vasena soḷasa, purimā ca navāti ime pañcavīsati samādhissa samādhiṭṭhā.
само жа хид̇о жа суко жаад̇и самаад̇хийд̇и ид̣̇ам̣ бана бан̃жавийсад̇ияаа аагаарзхи саад̇хид̇асса самаад̇хисса ад̇т̇асаад̇ханад̇т̇ам̣ вуд̇д̇ам̣. д̇ад̇т̇а самод̇и самасад̣̇д̣̇асса, сам̣сад̣̇д̣̇асса ваа ад̇т̇о. со хи бажжанийгагкобхависамавирахид̇ад̇д̇аа само. хид̇од̇и аад̇хисад̣̇д̣̇асса ад̇т̇о, аарамман̣з аахид̇о нижжалабхаавагаран̣зна бад̇идтаабид̇од̇и ад̇хиббааяо. убхаязна само жа аахид̇о жаад̇и самаад̇хийд̇и вуд̇д̇ам̣ ход̇и. сукод̇и санд̇адтзна суко. ‘‘яааяам̣, бханд̇з, ад̣̇угкамасукаа взд̣̇анаа, санд̇асмим̣ зсаа бан̣ийд̇з сукз вуд̇д̇аа бхаг̇авад̇аа’’д̇и (ма. ни. 2.88) жа ‘‘убзгкаа бана санд̇ад̇д̇аа, сукамижжзва бхаасид̇аа’’д̇и жа вуд̇д̇ад̇д̇аа д̇зна санд̇ад̇т̇зна сукасад̣̇д̣̇зна убзгкаасахаг̇ад̇асамаад̇хиби г̇ахид̇о ход̇и. анияаамзна хи саб̣б̣асамаад̇хаяо ид̇ха вужжанд̇и. д̇зна жа сукасад̣̇д̣̇зна аахид̇абхаавасса гааран̣ам̣ вуд̇д̇ам̣ ход̇и. яасмаа санд̇о, д̇асмаа згаарамман̣з аахид̇од̇и ад̇хиббааяо взд̣̇ид̇аб̣б̣од̇и.
Samoca hito ca sukho cāti samādhīti idaṃ pana pañcavīsatiyā ākārehi sādhitassa samādhissa atthasādhanatthaṃ vuttaṃ. Tattha samoti samasaddassa, saṃsaddassa vā attho. So hi paccanīkakkhobhavisamavirahitattā samo. Hitoti ādhisaddassa attho, ārammaṇe āhito niccalabhāvakaraṇena patiṭṭhāpitoti adhippāyo. Ubhayena samo ca āhito cāti samādhīti vuttaṃ hoti. Sukhoti santaṭṭhena sukho. ‘‘Yāyaṃ, bhante, adukkhamasukhā vedanā, santasmiṃ esā paṇīte sukhe vuttā bhagavatā’’ti (ma. ni. 2.88) ca ‘‘upekkhā pana santattā, sukhamicceva bhāsitā’’ti ca vuttattā tena santatthena sukhasaddena upekkhāsahagatasamādhipi gahito hoti. Aniyāmena hi sabbasamādhayo idha vuccanti. Tena ca sukhasaddena āhitabhāvassa kāraṇaṃ vuttaṃ hoti. Yasmā santo, tasmā ekārammaṇe āhitoti adhippāyo veditabboti.
самаад̇хибхааванаамаяан̃аан̣анид̣̇д̣̇зсаван̣н̣анаа нидтид̇аа.
Samādhibhāvanāmayañāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 3. самаад̇хибхааванаамаяан̃аан̣анид̣̇д̣̇зсо • 3. Samādhibhāvanāmayañāṇaniddeso
