| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. рохид̇ассаваг̇г̇о
5. Rohitassavaggo
1. самаад̇хибхааванаасуд̇д̇аван̣н̣анаа
1. Samādhibhāvanāsuttavaṇṇanā
41. бан̃жамасса батамз н̃аан̣ад̣̇ассанаббадилаабхааяаад̇и д̣̇иб̣б̣ажагкун̃аан̣ад̣̇ассанасса бадилаабхааяа. д̣̇иваасан̃н̃ам̣ ад̇хидтаад̇ийд̇и д̣̇иваад̇и звам̣ сан̃н̃ам̣ ад̇хидтаад̇и. яат̇аа д̣̇иваа д̇ат̇аа рад̇д̇инд̇и яат̇аа д̣̇иваа аалогасан̃н̃аа манаси гад̇аа, д̇ат̇зва д̇ам̣ рад̇д̇имби манаси гарод̇и. д̣̇уд̇ияабад̣̇зби зсзва наяо. саббабхаасанд̇и д̣̇иб̣б̣ажагкун̃аан̣обхаасзна сахобхаасам̣. гин̃жааби аалогасад̣̇исам̣ гад̇ам̣, ад̇т̇о банзд̇т̇а на звам̣ саллагкзд̇аб̣б̣о. д̣̇иб̣б̣ажагкун̃аан̣аалого хи ид̇хаад̇хиббзд̇о.
41. Pañcamassa paṭhame ñāṇadassanappaṭilābhāyāti dibbacakkhuñāṇadassanassa paṭilābhāya. Divāsaññaṃ adhiṭṭhātīti divāti evaṃ saññaṃ adhiṭṭhāti. Yathā divā tathā rattinti yathā divā ālokasaññā manasi katā, tatheva taṃ rattimpi manasi karoti. Dutiyapadepi eseva nayo. Sappabhāsanti dibbacakkhuñāṇobhāsena sahobhāsaṃ. Kiñcāpi ālokasadisaṃ kataṃ, attho panettha na evaṃ sallakkhetabbo. Dibbacakkhuñāṇāloko hi idhādhippeto.
вид̣̇ид̇аад̇и баагадаа худ̇ваа. гат̇ам̣ бана взд̣̇анаа вид̣̇ид̇аа уббаж̇ж̇анд̇и, вид̣̇ид̇аа аб̣бхад̇т̇ам̣ г̇ажчанд̇ийд̇и? ид̇ха бхигку вад̇т̇ум̣ бариг̇г̇ан̣хаад̇и, аарамман̣ам̣ бариг̇г̇ан̣хаад̇и. д̇асса бариг̇г̇ахид̇авад̇т̇аарамман̣ад̇ааяа д̇аа взд̣̇анаа ‘‘звам̣ уббаж̇ж̇ид̇ваа звам̣ тад̇ваа звам̣ нируж̇жханд̇ий’’д̇и вид̣̇ид̇аа уббаж̇ж̇анд̇и, вид̣̇ид̇аа д̇идтанд̇и, вид̣̇ид̇аа аб̣бхад̇т̇ам̣ г̇ажчанд̇и наама. сан̃н̃аавид̇аггзсуби зсзва наяо.
Viditāti pākaṭā hutvā. Kathaṃ pana vedanā viditā uppajjanti, viditā abbhatthaṃ gacchantīti? Idha bhikkhu vatthuṃ pariggaṇhāti, ārammaṇaṃ pariggaṇhāti. Tassa pariggahitavatthārammaṇatāya tā vedanā ‘‘evaṃ uppajjitvā evaṃ ṭhatvā evaṃ nirujjhantī’’ti viditā uppajjanti, viditā tiṭṭhanti, viditā abbhatthaṃ gacchanti nāma. Saññāvitakkesupi eseva nayo.
уд̣̇аяаб̣б̣аяаанубассийд̇и уд̣̇аяан̃жа ваяан̃жа бассанд̇о. ид̇и руубанд̇и звам̣ руубам̣ зд̇д̇агам̣ руубам̣ на ид̇о барам̣ руубам̣ ад̇т̇ийд̇и. ид̇и руубасса самуд̣̇аяод̇и звам̣ руубасса уббаад̣̇о. ад̇т̇ан̇г̇амод̇и бана бхзд̣̇о ад̇хиббзд̇о. взд̣̇анаад̣̇ийсуби зсзва наяо. ид̣̇ан̃жа бана мзд̇ам̣, бхигкавз, санд̇хааяа бхаасид̇анд̇и, бхигкавз, яам̣ маяаа зд̇ам̣ бун̣н̣агабан̃хз ‘‘сан̇кааяа логасми’’нд̇иаад̣̇и бхаасид̇ам̣, д̇ам̣ ид̣̇ам̣ паласамаабад̇д̇им̣ санд̇хааяа бхаасид̇анд̇и ад̇т̇о.
Udayabbayānupassīti udayañca vayañca passanto. Iti rūpanti evaṃ rūpaṃ ettakaṃ rūpaṃ na ito paraṃ rūpaṃ atthīti. Iti rūpassa samudayoti evaṃ rūpassa uppādo. Atthaṅgamoti pana bhedo adhippeto. Vedanādīsupi eseva nayo. Idañca pana metaṃ, bhikkhave, sandhāya bhāsitanti, bhikkhave, yaṃ mayā etaṃ puṇṇakapañhe ‘‘saṅkhāya lokasmi’’ntiādi bhāsitaṃ, taṃ idaṃ phalasamāpattiṃ sandhāya bhāsitanti attho.
д̇ад̇т̇а сан̇кааяаад̇и н̃аан̣зна ж̇аанид̇ваа. логасминд̇и сад̇д̇алогз. баробараанийд̇и ужжааважаани уд̇д̇амаад̇хамаани. ин̃ж̇ид̇анд̇и жалид̇ам̣. над̇т̇и гухин̃жи логзд̇и логасмим̣ гад̇т̇ажи згагканд̇хзби згааяад̇анзби згад̇хаад̇уяааби згаарамман̣зби над̇т̇и. санд̇од̇и бажжанийгагилзсавуубасамзна санд̇о. вид̇хуумод̇и год̇хад̇хуумзна виг̇ад̇ад̇хуумо. звамзд̇т̇а суд̇д̇анд̇з маг̇г̇згаг̇г̇ад̇амби гат̇зд̇ваа г̇аат̇ааяа паласамаабад̇д̇иязва гат̇ид̇аад̇и.
Tattha saṅkhāyāti ñāṇena jānitvā. Lokasminti sattaloke. Paroparānīti uccāvacāni uttamādhamāni. Iñjitanti calitaṃ. Natthi kuhiñci loketi lokasmiṃ katthaci ekakkhandhepi ekāyatanepi ekadhātuyāpi ekārammaṇepi natthi. Santoti paccanīkakilesavūpasamena santo. Vidhūmoti kodhadhūmena vigatadhūmo. Evamettha suttante maggekaggatampi kathetvā gāthāya phalasamāpattiyeva kathitāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. самаад̇хибхааванаасуд̇д̇ам̣ • 1. Samādhibhāvanāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. самаад̇хибхааванаасуд̇д̇аван̣н̣анаа • 1. Samādhibhāvanāsuttavaṇṇanā
