| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੫. ਰੋਹਿਤਸ੍ਸવਗ੍ਗੋ
5. Rohitassavaggo
੧. ਸਮਾਧਿਭਾવਨਾਸੁਤ੍ਤવਣ੍ਣਨਾ
1. Samādhibhāvanāsuttavaṇṇanā
੪੧. ਪਞ੍ਚਮਸ੍ਸ ਪਠਮੇ ਞਾਣਦਸ੍ਸਨਪ੍ਪਟਿਲਾਭਾਯਾਤਿ ਦਿਬ੍ਬਚਕ੍ਖੁਞਾਣਦਸ੍ਸਨਸ੍ਸ ਪਟਿਲਾਭਾਯ। ਦਿવਾਸਞ੍ਞਂ ਅਧਿਟ੍ਠਾਤੀਤਿ ਦਿવਾਤਿ ਏવਂ ਸਞ੍ਞਂ ਅਧਿਟ੍ਠਾਤਿ। ਯਥਾ ਦਿવਾ ਤਥਾ ਰਤ੍ਤਿਨ੍ਤਿ ਯਥਾ ਦਿવਾ ਆਲੋਕਸਞ੍ਞਾ ਮਨਸਿ ਕਤਾ, ਤਥੇવ ਤਂ ਰਤ੍ਤਿਮ੍ਪਿ ਮਨਸਿ ਕਰੋਤਿ। ਦੁਤਿਯਪਦੇਪਿ ਏਸੇવ ਨਯੋ। ਸਪ੍ਪਭਾਸਨ੍ਤਿ ਦਿਬ੍ਬਚਕ੍ਖੁਞਾਣੋਭਾਸੇਨ ਸਹੋਭਾਸਂ। ਕਿਞ੍ਚਾਪਿ ਆਲੋਕਸਦਿਸਂ ਕਤਂ, ਅਤ੍ਥੋ ਪਨੇਤ੍ਥ ਨ ਏવਂ ਸਲ੍ਲਕ੍ਖੇਤਬ੍ਬੋ। ਦਿਬ੍ਬਚਕ੍ਖੁਞਾਣਾਲੋਕੋ ਹਿ ਇਧਾਧਿਪ੍ਪੇਤੋ।
41. Pañcamassa paṭhame ñāṇadassanappaṭilābhāyāti dibbacakkhuñāṇadassanassa paṭilābhāya. Divāsaññaṃ adhiṭṭhātīti divāti evaṃ saññaṃ adhiṭṭhāti. Yathā divā tathā rattinti yathā divā ālokasaññā manasi katā, tatheva taṃ rattimpi manasi karoti. Dutiyapadepi eseva nayo. Sappabhāsanti dibbacakkhuñāṇobhāsena sahobhāsaṃ. Kiñcāpi ālokasadisaṃ kataṃ, attho panettha na evaṃ sallakkhetabbo. Dibbacakkhuñāṇāloko hi idhādhippeto.
વਿਦਿਤਾਤਿ ਪਾਕਟਾ ਹੁਤ੍વਾ। ਕਥਂ ਪਨ વੇਦਨਾ વਿਦਿਤਾ ਉਪ੍ਪਜ੍ਜਨ੍ਤਿ, વਿਦਿਤਾ ਅਬ੍ਭਤ੍ਥਂ ਗਚ੍ਛਨ੍ਤੀਤਿ? ਇਧ ਭਿਕ੍ਖੁ વਤ੍ਥੁਂ ਪਰਿਗ੍ਗਣ੍ਹਾਤਿ, ਆਰਮ੍ਮਣਂ ਪਰਿਗ੍ਗਣ੍ਹਾਤਿ। ਤਸ੍ਸ ਪਰਿਗ੍ਗਹਿਤવਤ੍ਥਾਰਮ੍ਮਣਤਾਯ ਤਾ વੇਦਨਾ ‘‘ਏવਂ ਉਪ੍ਪਜ੍ਜਿਤ੍વਾ ਏવਂ ਠਤ੍વਾ ਏવਂ ਨਿਰੁਜ੍ਝਨ੍ਤੀ’’ਤਿ વਿਦਿਤਾ ਉਪ੍ਪਜ੍ਜਨ੍ਤਿ, વਿਦਿਤਾ ਤਿਟ੍ਠਨ੍ਤਿ, વਿਦਿਤਾ ਅਬ੍ਭਤ੍ਥਂ ਗਚ੍ਛਨ੍ਤਿ ਨਾਮ। ਸਞ੍ਞਾવਿਤਕ੍ਕੇਸੁਪਿ ਏਸੇવ ਨਯੋ।
Viditāti pākaṭā hutvā. Kathaṃ pana vedanā viditā uppajjanti, viditā abbhatthaṃ gacchantīti? Idha bhikkhu vatthuṃ pariggaṇhāti, ārammaṇaṃ pariggaṇhāti. Tassa pariggahitavatthārammaṇatāya tā vedanā ‘‘evaṃ uppajjitvā evaṃ ṭhatvā evaṃ nirujjhantī’’ti viditā uppajjanti, viditā tiṭṭhanti, viditā abbhatthaṃ gacchanti nāma. Saññāvitakkesupi eseva nayo.
ਉਦਯਬ੍ਬਯਾਨੁਪਸ੍ਸੀਤਿ ਉਦਯਞ੍ਚ વਯਞ੍ਚ ਪਸ੍ਸਨ੍ਤੋ। ਇਤਿ ਰੂਪਨ੍ਤਿ ਏવਂ ਰੂਪਂ ਏਤ੍ਤਕਂ ਰੂਪਂ ਨ ਇਤੋ ਪਰਂ ਰੂਪਂ ਅਤ੍ਥੀਤਿ। ਇਤਿ ਰੂਪਸ੍ਸ ਸਮੁਦਯੋਤਿ ਏવਂ ਰੂਪਸ੍ਸ ਉਪ੍ਪਾਦੋ। ਅਤ੍ਥਙ੍ਗਮੋਤਿ ਪਨ ਭੇਦੋ ਅਧਿਪ੍ਪੇਤੋ। વੇਦਨਾਦੀਸੁਪਿ ਏਸੇવ ਨਯੋ। ਇਦਞ੍ਚ ਪਨ ਮੇਤਂ, ਭਿਕ੍ਖવੇ, ਸਨ੍ਧਾਯ ਭਾਸਿਤਨ੍ਤਿ, ਭਿਕ੍ਖવੇ, ਯਂ ਮਯਾ ਏਤਂ ਪੁਣ੍ਣਕਪਞ੍ਹੇ ‘‘ਸਙ੍ਖਾਯ ਲੋਕਸ੍ਮਿ’’ਨ੍ਤਿਆਦਿ ਭਾਸਿਤਂ, ਤਂ ਇਦਂ ਫਲਸਮਾਪਤ੍ਤਿਂ ਸਨ੍ਧਾਯ ਭਾਸਿਤਨ੍ਤਿ ਅਤ੍ਥੋ।
Udayabbayānupassīti udayañca vayañca passanto. Iti rūpanti evaṃ rūpaṃ ettakaṃ rūpaṃ na ito paraṃ rūpaṃ atthīti. Iti rūpassa samudayoti evaṃ rūpassa uppādo. Atthaṅgamoti pana bhedo adhippeto. Vedanādīsupi eseva nayo. Idañca pana metaṃ, bhikkhave, sandhāya bhāsitanti, bhikkhave, yaṃ mayā etaṃ puṇṇakapañhe ‘‘saṅkhāya lokasmi’’ntiādi bhāsitaṃ, taṃ idaṃ phalasamāpattiṃ sandhāya bhāsitanti attho.
ਤਤ੍ਥ ਸਙ੍ਖਾਯਾਤਿ ਞਾਣੇਨ ਜਾਨਿਤ੍વਾ। ਲੋਕਸ੍ਮਿਨ੍ਤਿ ਸਤ੍ਤਲੋਕੇ। ਪਰੋਪਰਾਨੀਤਿ ਉਚ੍ਚਾવਚਾਨਿ ਉਤ੍ਤਮਾਧਮਾਨਿ। ਇਞ੍ਜਿਤਨ੍ਤਿ ਚਲਿਤਂ। ਨਤ੍ਥਿ ਕੁਹਿਞ੍ਚਿ ਲੋਕੇਤਿ ਲੋਕਸ੍ਮਿਂ ਕਤ੍ਥਚਿ ਏਕਕ੍ਖਨ੍ਧੇਪਿ ਏਕਾਯਤਨੇਪਿ ਏਕਧਾਤੁਯਾਪਿ ਏਕਾਰਮ੍ਮਣੇਪਿ ਨਤ੍ਥਿ। ਸਨ੍ਤੋਤਿ ਪਚ੍ਚਨੀਕਕਿਲੇਸવੂਪਸਮੇਨ ਸਨ੍ਤੋ। વਿਧੂਮੋਤਿ ਕੋਧਧੂਮੇਨ વਿਗਤਧੂਮੋ। ਏવਮੇਤ੍ਥ ਸੁਤ੍ਤਨ੍ਤੇ ਮਗ੍ਗੇਕਗ੍ਗਤਮ੍ਪਿ ਕਥੇਤ੍વਾ ਗਾਥਾਯ ਫਲਸਮਾਪਤ੍ਤਿਯੇવ ਕਥਿਤਾਤਿ।
Tattha saṅkhāyāti ñāṇena jānitvā. Lokasminti sattaloke. Paroparānīti uccāvacāni uttamādhamāni. Iñjitanti calitaṃ. Natthi kuhiñci loketi lokasmiṃ katthaci ekakkhandhepi ekāyatanepi ekadhātuyāpi ekārammaṇepi natthi. Santoti paccanīkakilesavūpasamena santo. Vidhūmoti kodhadhūmena vigatadhūmo. Evamettha suttante maggekaggatampi kathetvā gāthāya phalasamāpattiyeva kathitāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਸਮਾਧਿਭਾવਨਾਸੁਤ੍ਤਂ • 1. Samādhibhāvanāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧. ਸਮਾਧਿਭਾવਨਾਸੁਤ੍ਤવਣ੍ਣਨਾ • 1. Samādhibhāvanāsuttavaṇṇanā
