Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi

    ๑๑. เอกาทสมวโคฺค

    11. Ekādasamavaggo

    (๑๑๓) ๘. สมาธิกถา

    (113) 8. Samādhikathā

    ๖๒๕. จิตฺตสนฺตติ สมาธีติ? อามนฺตาฯ อตีตา จิตฺตสนฺตติ สมาธีติ? น เหวํ วตฺตเพฺพ …เป.… จิตฺตสนฺตติ สมาธีติ? อามนฺตาฯ อนาคตา จิตฺตสนฺตติ สมาธีติ? น เหวํ วตฺตเพฺพ…เป.… จิตฺตสนฺตติ สมาธีติ? อามนฺตาฯ นนุ อตีตํ นิรุทฺธํ อนาคตํ อชาตนฺติ? อามนฺตาฯ หญฺจิ อตีตํ นิรุทฺธํ อนาคตํ อชาตํ, โน จ วต เร วตฺตเพฺพ – ‘‘จิตฺตสนฺตติ สมาธี’’ติฯ

    625. Cittasantati samādhīti? Āmantā. Atītā cittasantati samādhīti? Na hevaṃ vattabbe …pe… cittasantati samādhīti? Āmantā. Anāgatā cittasantati samādhīti? Na hevaṃ vattabbe…pe… cittasantati samādhīti? Āmantā. Nanu atītaṃ niruddhaṃ anāgataṃ ajātanti? Āmantā. Hañci atītaṃ niruddhaṃ anāgataṃ ajātaṃ, no ca vata re vattabbe – ‘‘cittasantati samādhī’’ti.

    ๖๒๖. เอกจิตฺตกฺขณิโก สมาธีติ? อามนฺตาฯ จกฺขุวิญฺญาณสมงฺคี สมาปโนฺนติ? น เหวํ วตฺตเพฺพ…เป.… โสตวิญฺญาณสมงฺคี…เป.… ฆานวิญฺญาณสมงฺคี… ชิวฺหาวิญฺญาณสมงฺคี… กายวิญฺญาณสมงฺคี…เป.… อกุสลจิตฺตสมงฺคี …เป.… ราคสหคตจิตฺตสมงฺคี…เป.… โทสสหคตจิตฺตสมงฺคี…เป.… โมหสหคตจิตฺตสมงฺคี…เป.… อโนตฺตปฺปสหคตจิตฺตสมงฺคี สมาปโนฺนติ? น เหวํ วตฺตเพฺพ…เป.…ฯ

    626. Ekacittakkhaṇiko samādhīti? Āmantā. Cakkhuviññāṇasamaṅgī samāpannoti? Na hevaṃ vattabbe…pe… sotaviññāṇasamaṅgī…pe… ghānaviññāṇasamaṅgī… jivhāviññāṇasamaṅgī… kāyaviññāṇasamaṅgī…pe… akusalacittasamaṅgī …pe… rāgasahagatacittasamaṅgī…pe… dosasahagatacittasamaṅgī…pe… mohasahagatacittasamaṅgī…pe… anottappasahagatacittasamaṅgī samāpannoti? Na hevaṃ vattabbe…pe….

    จิตฺตสนฺตติ สมาธีติ? อามนฺตาฯ อกุสลจิตฺตสนฺตติ สมาธีติ? น เหวํ วตฺตเพฺพ…เป.… ราคสหคตา…เป.… โทสสหคตา…เป.… โมหสหคตา…เป.… อโนตฺตปฺปสหคตา จิตฺตสนฺตติ สมาธีติ? น เหวํ วตฺตเพฺพ…เป.…ฯ

    Cittasantati samādhīti? Āmantā. Akusalacittasantati samādhīti? Na hevaṃ vattabbe…pe… rāgasahagatā…pe… dosasahagatā…pe… mohasahagatā…pe… anottappasahagatā cittasantati samādhīti? Na hevaṃ vattabbe…pe….

    น วตฺตพฺพํ – ‘‘จิตฺตสนฺตติ สมาธี’’ติ? อามนฺตาฯ นนุ วุตฺตํ ภควตา – ‘‘อหํ โข, อาวุโส นิคณฺฐา, ปโหมิ อนิญฺชมาโน กาเยน, อภาสมาโน วาจํ, สตฺต รตฺตินฺทิวานิ 1 เอกนฺตสุขํ ปฎิสํเวที วิหริตุ’’นฺติ 2! อเตฺถว สุตฺตโนฺตติ? อามนฺตาฯ เตน หิ จิตฺตสนฺตติ สมาธีติฯ

    Na vattabbaṃ – ‘‘cittasantati samādhī’’ti? Āmantā. Nanu vuttaṃ bhagavatā – ‘‘ahaṃ kho, āvuso nigaṇṭhā, pahomi aniñjamāno kāyena, abhāsamāno vācaṃ, satta rattindivāni 3 ekantasukhaṃ paṭisaṃvedī viharitu’’nti 4! Attheva suttantoti? Āmantā. Tena hi cittasantati samādhīti.

    สมาธิกถา นิฎฺฐิตาฯ

    Samādhikathā niṭṭhitā.




    Next: (๑๑๔) ๙. ธมฺมฎฺฐิตตากถา • (114) 9. Dhammaṭṭhitatākathā




    Footnotes:
    1. รตฺติทิวานิ (ก.)
    2. ม. นิ. ๑.๑๘๐
    3. rattidivāni (ka.)
    4. ma. ni. 1.180



    Related texts:



    อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๘. สมาธิกถาวณฺณนา • 8. Samādhikathāvaṇṇanā

    ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๘. สมาธิกถาวณฺณนา • 8. Samādhikathāvaṇṇanā

    ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๘. สมาธิกถาวณฺณนา • 8. Samādhikathāvaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact