Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi

    ೧೧. ಏಕಾದಸಮವಗ್ಗೋ

    11. Ekādasamavaggo

    (೧೧೩) ೮. ಸಮಾಧಿಕಥಾ

    (113) 8. Samādhikathā

    ೬೨೫. ಚಿತ್ತಸನ್ತತಿ ಸಮಾಧೀತಿ? ಆಮನ್ತಾ। ಅತೀತಾ ಚಿತ್ತಸನ್ತತಿ ಸಮಾಧೀತಿ? ನ ಹೇವಂ ವತ್ತಬ್ಬೇ …ಪೇ॰… ಚಿತ್ತಸನ್ತತಿ ಸಮಾಧೀತಿ? ಆಮನ್ತಾ। ಅನಾಗತಾ ಚಿತ್ತಸನ್ತತಿ ಸಮಾಧೀತಿ? ನ ಹೇವಂ ವತ್ತಬ್ಬೇ…ಪೇ॰… ಚಿತ್ತಸನ್ತತಿ ಸಮಾಧೀತಿ? ಆಮನ್ತಾ। ನನು ಅತೀತಂ ನಿರುದ್ಧಂ ಅನಾಗತಂ ಅಜಾತನ್ತಿ? ಆಮನ್ತಾ। ಹಞ್ಚಿ ಅತೀತಂ ನಿರುದ್ಧಂ ಅನಾಗತಂ ಅಜಾತಂ, ನೋ ಚ ವತ ರೇ ವತ್ತಬ್ಬೇ – ‘‘ಚಿತ್ತಸನ್ತತಿ ಸಮಾಧೀ’’ತಿ।

    625. Cittasantati samādhīti? Āmantā. Atītā cittasantati samādhīti? Na hevaṃ vattabbe …pe… cittasantati samādhīti? Āmantā. Anāgatā cittasantati samādhīti? Na hevaṃ vattabbe…pe… cittasantati samādhīti? Āmantā. Nanu atītaṃ niruddhaṃ anāgataṃ ajātanti? Āmantā. Hañci atītaṃ niruddhaṃ anāgataṃ ajātaṃ, no ca vata re vattabbe – ‘‘cittasantati samādhī’’ti.

    ೬೨೬. ಏಕಚಿತ್ತಕ್ಖಣಿಕೋ ಸಮಾಧೀತಿ? ಆಮನ್ತಾ। ಚಕ್ಖುವಿಞ್ಞಾಣಸಮಙ್ಗೀ ಸಮಾಪನ್ನೋತಿ? ನ ಹೇವಂ ವತ್ತಬ್ಬೇ…ಪೇ॰… ಸೋತವಿಞ್ಞಾಣಸಮಙ್ಗೀ…ಪೇ॰… ಘಾನವಿಞ್ಞಾಣಸಮಙ್ಗೀ… ಜಿವ್ಹಾವಿಞ್ಞಾಣಸಮಙ್ಗೀ… ಕಾಯವಿಞ್ಞಾಣಸಮಙ್ಗೀ…ಪೇ॰… ಅಕುಸಲಚಿತ್ತಸಮಙ್ಗೀ …ಪೇ॰… ರಾಗಸಹಗತಚಿತ್ತಸಮಙ್ಗೀ…ಪೇ॰… ದೋಸಸಹಗತಚಿತ್ತಸಮಙ್ಗೀ…ಪೇ॰… ಮೋಹಸಹಗತಚಿತ್ತಸಮಙ್ಗೀ…ಪೇ॰… ಅನೋತ್ತಪ್ಪಸಹಗತಚಿತ್ತಸಮಙ್ಗೀ ಸಮಾಪನ್ನೋತಿ? ನ ಹೇವಂ ವತ್ತಬ್ಬೇ…ಪೇ॰…।

    626. Ekacittakkhaṇiko samādhīti? Āmantā. Cakkhuviññāṇasamaṅgī samāpannoti? Na hevaṃ vattabbe…pe… sotaviññāṇasamaṅgī…pe… ghānaviññāṇasamaṅgī… jivhāviññāṇasamaṅgī… kāyaviññāṇasamaṅgī…pe… akusalacittasamaṅgī …pe… rāgasahagatacittasamaṅgī…pe… dosasahagatacittasamaṅgī…pe… mohasahagatacittasamaṅgī…pe… anottappasahagatacittasamaṅgī samāpannoti? Na hevaṃ vattabbe…pe….

    ಚಿತ್ತಸನ್ತತಿ ಸಮಾಧೀತಿ? ಆಮನ್ತಾ। ಅಕುಸಲಚಿತ್ತಸನ್ತತಿ ಸಮಾಧೀತಿ? ನ ಹೇವಂ ವತ್ತಬ್ಬೇ…ಪೇ॰… ರಾಗಸಹಗತಾ…ಪೇ॰… ದೋಸಸಹಗತಾ…ಪೇ॰… ಮೋಹಸಹಗತಾ…ಪೇ॰… ಅನೋತ್ತಪ್ಪಸಹಗತಾ ಚಿತ್ತಸನ್ತತಿ ಸಮಾಧೀತಿ? ನ ಹೇವಂ ವತ್ತಬ್ಬೇ…ಪೇ॰…।

    Cittasantati samādhīti? Āmantā. Akusalacittasantati samādhīti? Na hevaṃ vattabbe…pe… rāgasahagatā…pe… dosasahagatā…pe… mohasahagatā…pe… anottappasahagatā cittasantati samādhīti? Na hevaṃ vattabbe…pe….

    ನ ವತ್ತಬ್ಬಂ – ‘‘ಚಿತ್ತಸನ್ತತಿ ಸಮಾಧೀ’’ತಿ? ಆಮನ್ತಾ। ನನು ವುತ್ತಂ ಭಗವತಾ – ‘‘ಅಹಂ ಖೋ, ಆವುಸೋ ನಿಗಣ್ಠಾ, ಪಹೋಮಿ ಅನಿಞ್ಜಮಾನೋ ಕಾಯೇನ, ಅಭಾಸಮಾನೋ ವಾಚಂ, ಸತ್ತ ರತ್ತಿನ್ದಿವಾನಿ 1 ಏಕನ್ತಸುಖಂ ಪಟಿಸಂವೇದೀ ವಿಹರಿತು’’ನ್ತಿ 2! ಅತ್ಥೇವ ಸುತ್ತನ್ತೋತಿ? ಆಮನ್ತಾ। ತೇನ ಹಿ ಚಿತ್ತಸನ್ತತಿ ಸಮಾಧೀತಿ।

    Na vattabbaṃ – ‘‘cittasantati samādhī’’ti? Āmantā. Nanu vuttaṃ bhagavatā – ‘‘ahaṃ kho, āvuso nigaṇṭhā, pahomi aniñjamāno kāyena, abhāsamāno vācaṃ, satta rattindivāni 3 ekantasukhaṃ paṭisaṃvedī viharitu’’nti 4! Attheva suttantoti? Āmantā. Tena hi cittasantati samādhīti.

    ಸಮಾಧಿಕಥಾ ನಿಟ್ಠಿತಾ।

    Samādhikathā niṭṭhitā.




    Next: (೧೧೪) ೯. ಧಮ್ಮಟ್ಠಿತತಾಕಥಾ • (114) 9. Dhammaṭṭhitatākathā




    Footnotes:
    1. ರತ್ತಿದಿವಾನಿ (ಕ॰)
    2. ಮ॰ ನಿ॰ ೧.೧೮೦
    3. rattidivāni (ka.)
    4. ma. ni. 1.180



    Related texts:



    ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೮. ಸಮಾಧಿಕಥಾವಣ್ಣನಾ • 8. Samādhikathāvaṇṇanā

    ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೮. ಸಮಾಧಿಕಥಾವಣ್ಣನಾ • 8. Samādhikathāvaṇṇanā

    ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೮. ಸಮಾಧಿಕಥಾವಣ್ಣನಾ • 8. Samādhikathāvaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact