Library / Tipiṭaka / තිපිටක • Tipiṭaka / කථාවත්‌ථුපාළි • Kathāvatthupāḷi

11. එකාදසමවග්‌ගො

11. Ekādasamavaggo

(113) 8. සමාධිකථා

(113) 8. Samādhikathā

625. චිත්‌තසන්‌තති සමාධීති? ආමන්‌තා. අතීතා චිත්‌තසන්‌තති සමාධීති? න හෙවං වත්‌තබ්‌බෙ …පෙ.… චිත්‌තසන්‌තති සමාධීති? ආමන්‌තා. අනාගතා චිත්‌තසන්‌තති සමාධීති? න හෙවං වත්‌තබ්‌බෙ…පෙ.… චිත්‌තසන්‌තති සමාධීති? ආමන්‌තා. නනු අතීතං නිරුද්‌ධං අනාගතං අජාතන්‌ති? ආමන්‌තා. හඤ්‌චි අතීතං නිරුද්‌ධං අනාගතං අජාතං, නො ච වත රෙ වත්‌තබ්‌බෙ – ‘‘චිත්‌තසන්‌තති සමාධී’’ති.

625. Cittasantati samādhīti? Āmantā. Atītā cittasantati samādhīti? Na hevaṃ vattabbe …pe… cittasantati samādhīti? Āmantā. Anāgatā cittasantati samādhīti? Na hevaṃ vattabbe…pe… cittasantati samādhīti? Āmantā. Nanu atītaṃ niruddhaṃ anāgataṃ ajātanti? Āmantā. Hañci atītaṃ niruddhaṃ anāgataṃ ajātaṃ, no ca vata re vattabbe – ‘‘cittasantati samādhī’’ti.

626. එකචිත්‌තක්‌ඛණිකො සමාධීති? ආමන්‌තා. චක්‌ඛුවිඤ්‌ඤාණසමඞ්‌ගී සමාපන්‌නොති? න හෙවං වත්‌තබ්‌බෙ…පෙ.… සොතවිඤ්‌ඤාණසමඞ්‌ගී…පෙ.… ඝානවිඤ්‌ඤාණසමඞ්‌ගී… ජිව්‌හාවිඤ්‌ඤාණසමඞ්‌ගී… කායවිඤ්‌ඤාණසමඞ්‌ගී…පෙ.… අකුසලචිත්‌තසමඞ්‌ගී …පෙ.… රාගසහගතචිත්‌තසමඞ්‌ගී…පෙ.… දොසසහගතචිත්‌තසමඞ්‌ගී…පෙ.… මොහසහගතචිත්‌තසමඞ්‌ගී…පෙ.… අනොත්‌තප්‌පසහගතචිත්‌තසමඞ්‌ගී සමාපන්‌නොති? න හෙවං වත්‌තබ්‌බෙ…පෙ.….

626. Ekacittakkhaṇiko samādhīti? Āmantā. Cakkhuviññāṇasamaṅgī samāpannoti? Na hevaṃ vattabbe…pe… sotaviññāṇasamaṅgī…pe… ghānaviññāṇasamaṅgī… jivhāviññāṇasamaṅgī… kāyaviññāṇasamaṅgī…pe… akusalacittasamaṅgī …pe… rāgasahagatacittasamaṅgī…pe… dosasahagatacittasamaṅgī…pe… mohasahagatacittasamaṅgī…pe… anottappasahagatacittasamaṅgī samāpannoti? Na hevaṃ vattabbe…pe….

චිත්‌තසන්‌තති සමාධීති? ආමන්‌තා. අකුසලචිත්‌තසන්‌තති සමාධීති? න හෙවං වත්‌තබ්‌බෙ…පෙ.… රාගසහගතා…පෙ.… දොසසහගතා…පෙ.… මොහසහගතා…පෙ.… අනොත්‌තප්‌පසහගතා චිත්‌තසන්‌තති සමාධීති? න හෙවං වත්‌තබ්‌බෙ…පෙ.….

Cittasantati samādhīti? Āmantā. Akusalacittasantati samādhīti? Na hevaṃ vattabbe…pe… rāgasahagatā…pe… dosasahagatā…pe… mohasahagatā…pe… anottappasahagatā cittasantati samādhīti? Na hevaṃ vattabbe…pe….

න වත්‌තබ්‌බං – ‘‘චිත්‌තසන්‌තති සමාධී’’ති? ආමන්‌තා. නනු වුත්‌තං භගවතා – ‘‘අහං ඛො, ආවුසො නිගණ්‌ඨා, පහොමි අනිඤ්‌ජමානො කායෙන, අභාසමානො වාචං, සත්‌ත රත්‌තින්‌දිවානි ¹ එකන්‌තසුඛං පටිසංවෙදී විහරිතු’’න්‌ති ²! අත්‌ථෙව සුත්‌තන්‌තොති? ආමන්‌තා. තෙන හි චිත්‌තසන්‌තති සමාධීති.

Na vattabbaṃ – ‘‘cittasantati samādhī’’ti? Āmantā. Nanu vuttaṃ bhagavatā – ‘‘ahaṃ kho, āvuso nigaṇṭhā, pahomi aniñjamāno kāyena, abhāsamāno vācaṃ, satta rattindivāni ³ ekantasukhaṃ paṭisaṃvedī viharitu’’nti ⁴! Attheva suttantoti? Āmantā. Tena hi cittasantati samādhīti.

සමාධිකථා නිට්‌ඨිතා.

Samādhikathā niṭṭhitā.

Next: (114) 9. ධම්‌මට්‌ඨිතතාකථා • (114) 9. Dhammaṭṭhitatākathā

Footnotes:

1. රත්‌තිදිවානි (ක.)

2. ම. නි. 1.180

3. rattidivāni (ka.)

4. ma. ni. 1.180

Related texts:

අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 8. සමාධිකථාවණ්‌ණනා • 8. Samādhikathāvaṇṇanā

ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 8. සමාධිකථාවණ්‌ණනා • 8. Samādhikathāvaṇṇanā

ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 8. සමාධිකථාවණ්‌ණනා • 8. Samādhikathāvaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact