Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi

    ੧੧. ਏਕਾਦਸਮવਗ੍ਗੋ

    11. Ekādasamavaggo

    (੧੧੩) ੮. ਸਮਾਧਿਕਥਾ

    (113) 8. Samādhikathā

    ੬੨੫. ਚਿਤ੍ਤਸਨ੍ਤਤਿ ਸਮਾਧੀਤਿ? ਆਮਨ੍ਤਾ। ਅਤੀਤਾ ਚਿਤ੍ਤਸਨ੍ਤਤਿ ਸਮਾਧੀਤਿ? ਨ ਹੇવਂ વਤ੍ਤਬ੍ਬੇ …ਪੇ॰… ਚਿਤ੍ਤਸਨ੍ਤਤਿ ਸਮਾਧੀਤਿ? ਆਮਨ੍ਤਾ। ਅਨਾਗਤਾ ਚਿਤ੍ਤਸਨ੍ਤਤਿ ਸਮਾਧੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਚਿਤ੍ਤਸਨ੍ਤਤਿ ਸਮਾਧੀਤਿ? ਆਮਨ੍ਤਾ। ਨਨੁ ਅਤੀਤਂ ਨਿਰੁਦ੍ਧਂ ਅਨਾਗਤਂ ਅਜਾਤਨ੍ਤਿ? ਆਮਨ੍ਤਾ। ਹਞ੍ਚਿ ਅਤੀਤਂ ਨਿਰੁਦ੍ਧਂ ਅਨਾਗਤਂ ਅਜਾਤਂ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਚਿਤ੍ਤਸਨ੍ਤਤਿ ਸਮਾਧੀ’’ਤਿ।

    625. Cittasantati samādhīti? Āmantā. Atītā cittasantati samādhīti? Na hevaṃ vattabbe …pe… cittasantati samādhīti? Āmantā. Anāgatā cittasantati samādhīti? Na hevaṃ vattabbe…pe… cittasantati samādhīti? Āmantā. Nanu atītaṃ niruddhaṃ anāgataṃ ajātanti? Āmantā. Hañci atītaṃ niruddhaṃ anāgataṃ ajātaṃ, no ca vata re vattabbe – ‘‘cittasantati samādhī’’ti.

    ੬੨੬. ਏਕਚਿਤ੍ਤਕ੍ਖਣਿਕੋ ਸਮਾਧੀਤਿ? ਆਮਨ੍ਤਾ। ਚਕ੍ਖੁવਿਞ੍ਞਾਣਸਮਙ੍ਗੀ ਸਮਾਪਨ੍ਨੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸੋਤવਿਞ੍ਞਾਣਸਮਙ੍ਗੀ…ਪੇ॰… ਘਾਨવਿਞ੍ਞਾਣਸਮਙ੍ਗੀ… ਜਿવ੍ਹਾવਿਞ੍ਞਾਣਸਮਙ੍ਗੀ… ਕਾਯવਿਞ੍ਞਾਣਸਮਙ੍ਗੀ…ਪੇ॰… ਅਕੁਸਲਚਿਤ੍ਤਸਮਙ੍ਗੀ …ਪੇ॰… ਰਾਗਸਹਗਤਚਿਤ੍ਤਸਮਙ੍ਗੀ…ਪੇ॰… ਦੋਸਸਹਗਤਚਿਤ੍ਤਸਮਙ੍ਗੀ…ਪੇ॰… ਮੋਹਸਹਗਤਚਿਤ੍ਤਸਮਙ੍ਗੀ…ਪੇ॰… ਅਨੋਤ੍ਤਪ੍ਪਸਹਗਤਚਿਤ੍ਤਸਮਙ੍ਗੀ ਸਮਾਪਨ੍ਨੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।

    626. Ekacittakkhaṇiko samādhīti? Āmantā. Cakkhuviññāṇasamaṅgī samāpannoti? Na hevaṃ vattabbe…pe… sotaviññāṇasamaṅgī…pe… ghānaviññāṇasamaṅgī… jivhāviññāṇasamaṅgī… kāyaviññāṇasamaṅgī…pe… akusalacittasamaṅgī …pe… rāgasahagatacittasamaṅgī…pe… dosasahagatacittasamaṅgī…pe… mohasahagatacittasamaṅgī…pe… anottappasahagatacittasamaṅgī samāpannoti? Na hevaṃ vattabbe…pe….

    ਚਿਤ੍ਤਸਨ੍ਤਤਿ ਸਮਾਧੀਤਿ? ਆਮਨ੍ਤਾ। ਅਕੁਸਲਚਿਤ੍ਤਸਨ੍ਤਤਿ ਸਮਾਧੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਰਾਗਸਹਗਤਾ…ਪੇ॰… ਦੋਸਸਹਗਤਾ…ਪੇ॰… ਮੋਹਸਹਗਤਾ…ਪੇ॰… ਅਨੋਤ੍ਤਪ੍ਪਸਹਗਤਾ ਚਿਤ੍ਤਸਨ੍ਤਤਿ ਸਮਾਧੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।

    Cittasantati samādhīti? Āmantā. Akusalacittasantati samādhīti? Na hevaṃ vattabbe…pe… rāgasahagatā…pe… dosasahagatā…pe… mohasahagatā…pe… anottappasahagatā cittasantati samādhīti? Na hevaṃ vattabbe…pe….

    ਨ વਤ੍ਤਬ੍ਬਂ – ‘‘ਚਿਤ੍ਤਸਨ੍ਤਤਿ ਸਮਾਧੀ’’ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਅਹਂ ਖੋ, ਆવੁਸੋ ਨਿਗਣ੍ਠਾ, ਪਹੋਮਿ ਅਨਿਞ੍ਜਮਾਨੋ ਕਾਯੇਨ, ਅਭਾਸਮਾਨੋ વਾਚਂ, ਸਤ੍ਤ ਰਤ੍ਤਿਨ੍ਦਿવਾਨਿ 1 ਏਕਨ੍ਤਸੁਖਂ ਪਟਿਸਂવੇਦੀ વਿਹਰਿਤੁ’’ਨ੍ਤਿ 2! ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਚਿਤ੍ਤਸਨ੍ਤਤਿ ਸਮਾਧੀਤਿ।

    Na vattabbaṃ – ‘‘cittasantati samādhī’’ti? Āmantā. Nanu vuttaṃ bhagavatā – ‘‘ahaṃ kho, āvuso nigaṇṭhā, pahomi aniñjamāno kāyena, abhāsamāno vācaṃ, satta rattindivāni 3 ekantasukhaṃ paṭisaṃvedī viharitu’’nti 4! Attheva suttantoti? Āmantā. Tena hi cittasantati samādhīti.

    ਸਮਾਧਿਕਥਾ ਨਿਟ੍ਠਿਤਾ।

    Samādhikathā niṭṭhitā.




    Next: (੧੧੪) ੯. ਧਮ੍ਮਟ੍ਠਿਤਤਾਕਥਾ • (114) 9. Dhammaṭṭhitatākathā




    Footnotes:
    1. ਰਤ੍ਤਿਦਿવਾਨਿ (ਕ॰)
    2. ਮ॰ ਨਿ॰ ੧.੧੮੦
    3. rattidivāni (ka.)
    4. ma. ni. 1.180



    Related texts:



    ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੮. ਸਮਾਧਿਕਥਾવਣ੍ਣਨਾ • 8. Samādhikathāvaṇṇanā

    ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੮. ਸਮਾਧਿਕਥਾવਣ੍ਣਨਾ • 8. Samādhikathāvaṇṇanā

    ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੮. ਸਮਾਧਿਕਥਾવਣ੍ਣਨਾ • 8. Samādhikathāvaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact