| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৮. সমাধিকথাৰণ্ণনা
8. Samādhikathāvaṇṇanā
৬২৫-৬২৬. ইদানি সমাধিকথা নাম হোতি। তত্থ যেসং একচিত্তক্খণে উপ্পন্নাপি একগ্গতা সমাধানট্ঠেন সমাধীতি অগ্গহেত্ৰা ‘‘সত্ত রত্তিন্দিৰানি একন্তসুখপটিসংৰেদী ৰিহরিতু’’ন্তিআদিৰচনং (ম॰ নি॰ ১.১৮০) নিস্সায ‘‘চিত্তসন্ততি সমাধী’’তি লদ্ধি, সেয্যথাপি সব্বত্থিৰাদানঞ্চেৰ উত্তরাপথকানঞ্চ; তে সন্ধায চিত্তসন্ততীতি পুচ্ছা সকৰাদিস্স, পটিঞ্ঞা ইতরস্স। অথ নং ‘‘যদি চিত্তসন্ততি সমাধি, চিত্তসন্ততি নাম অতীতাপি অত্থি, অনাগতাপি অত্থি। ন হি একং পচ্চুপ্পন্নচিত্তমেৰ চিত্তসন্ততি নাম হোতি, কিং তে সব্বাপি সা সমাধী’’তি চোদেতুং অতীতাতিআদিমাহ, ইতরো তথা অনিচ্ছন্তো পটিক্খিপতি।
625-626. Idāni samādhikathā nāma hoti. Tattha yesaṃ ekacittakkhaṇe uppannāpi ekaggatā samādhānaṭṭhena samādhīti aggahetvā ‘‘satta rattindivāni ekantasukhapaṭisaṃvedī viharitu’’ntiādivacanaṃ (ma. ni. 1.180) nissāya ‘‘cittasantati samādhī’’ti laddhi, seyyathāpi sabbatthivādānañceva uttarāpathakānañca; te sandhāya cittasantatīti pucchā sakavādissa, paṭiññā itarassa. Atha naṃ ‘‘yadi cittasantati samādhi, cittasantati nāma atītāpi atthi, anāgatāpi atthi. Na hi ekaṃ paccuppannacittameva cittasantati nāma hoti, kiṃ te sabbāpi sā samādhī’’ti codetuṃ atītātiādimāha, itaro tathā anicchanto paṭikkhipati.
ননু অতীতং নিরুদ্ধন্তিআদি ‘‘চিত্তসন্ততিযং পচ্চুপ্পন্নমেৰ চিত্তং কিচ্চকরং, অতীতানাগতং নিরুদ্ধত্তা অনুপ্পন্নত্তা চ নত্থি, কথং তং সমাধি নাম হোতী’’তি দস্সেতুং ৰুত্তং। একচিত্তক্খণিকোতি পুচ্ছা পরৰাদিস্স। ততো যা সকসমযে ‘‘সমাধিং, ভিক্খৰে, ভাৰেথা’’তিআদীসু পচ্চুপ্পন্নকুসলচিত্তসম্পযুত্তা একগ্গতা সমাধীতি ৰুত্তা, তং সন্ধায পটিঞ্ঞা সকৰাদিস্স। চক্খুৰিঞ্ঞাণসমঙ্গীতিআদি ‘‘একচিত্তক্খণিকো’’তি ৰচনমত্তং গহেত্ৰা ছলেন ৰুত্তং, তেনেৰ সকৰাদিনা পটিক্খিত্তং। ননু ৰুত্তং ভগৰতাতি সুত্তং পুরিমপচ্ছিমৰসেন পৰত্তমানস্স সমাধিস্স অব্বোকিণ্ণতং সাধেতি, ন সন্ততিযা সমাধিভাৰং, তস্মা অসাধকন্তি।
Nanuatītaṃ niruddhantiādi ‘‘cittasantatiyaṃ paccuppannameva cittaṃ kiccakaraṃ, atītānāgataṃ niruddhattā anuppannattā ca natthi, kathaṃ taṃ samādhi nāma hotī’’ti dassetuṃ vuttaṃ. Ekacittakkhaṇikoti pucchā paravādissa. Tato yā sakasamaye ‘‘samādhiṃ, bhikkhave, bhāvethā’’tiādīsu paccuppannakusalacittasampayuttā ekaggatā samādhīti vuttā, taṃ sandhāya paṭiññā sakavādissa. Cakkhuviññāṇasamaṅgītiādi ‘‘ekacittakkhaṇiko’’ti vacanamattaṃ gahetvā chalena vuttaṃ, teneva sakavādinā paṭikkhittaṃ. Nanu vuttaṃ bhagavatāti suttaṃ purimapacchimavasena pavattamānassa samādhissa abbokiṇṇataṃ sādheti, na santatiyā samādhibhāvaṃ, tasmā asādhakanti.
সমাধিকথাৰণ্ণনা।
Samādhikathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১১৩) ৮. সমাধিকথা • (113) 8. Samādhikathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৮. সমাধিকথাৰণ্ণনা • 8. Samādhikathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৮. সমাধিকথাৰণ্ণনা • 8. Samādhikathāvaṇṇanā
