| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. ஸமாதி⁴மூலகஅபி⁴னீஹாரஸுத்தங்
7. Samādhimūlakaabhinīhārasuttaṃ
668. ஸாவத்தி²னிதா³னங் . ‘‘சத்தாரோமே, பி⁴க்க²வே, ஜா²யீ. கதமே சத்தாரோ? இத⁴, பி⁴க்க²வே, ஏகச்சோ ஜா²யீ ஸமாதி⁴ஸ்மிங் ஸமாதி⁴குஸலோ ஹோதி, ந ஸமாதி⁴ஸ்மிங் அபி⁴னீஹாரகுஸலோ. இத⁴ பன, பி⁴க்க²வே, ஏகச்சோ ஜா²யீ ஸமாதி⁴ஸ்மிங் அபி⁴னீஹாரகுஸலோ ஹோதி, ந ஸமாதி⁴ஸ்மிங் ஸமாதி⁴குஸலோ. இத⁴ பன, பி⁴க்க²வே, ஏகச்சோ ஜா²யீ நேவ ஸமாதி⁴ஸ்மிங் ஸமாதி⁴குஸலோ ஹோதி, ந ச ஸமாதி⁴ஸ்மிங் அபி⁴னீஹாரகுஸலோ . இத⁴ பன, பி⁴க்க²வே, ஏகச்சோ ஜா²யீ ஸமாதி⁴ஸ்மிங் ஸமாதி⁴குஸலோ ச ஹோதி, ஸமாதி⁴ஸ்மிங் அபி⁴னீஹாரகுஸலோ ச. தத்ர, பி⁴க்க²வே, ய்வாயங் ஜா²யீ ஸமாதி⁴ஸ்மிங் ஸமாதி⁴குஸலோ ச ஹோதி ஸமாதி⁴ஸ்மிங் அபி⁴னீஹாரகுஸலோ ச அயங் இமேஸங் சதுன்னங் ஜா²யீனங் அக்³கோ³ ச ஸெட்டோ² ச மொக்கோ² ச உத்தமோ ச பவரோ ச. ஸெய்யதா²பி, பி⁴க்க²வே, க³வா கீ²ரங்…பே॰… பவரோ சா’’தி. ஸத்தமங்.
668. Sāvatthinidānaṃ . ‘‘Cattārome, bhikkhave, jhāyī. Katame cattāro? Idha, bhikkhave, ekacco jhāyī samādhismiṃ samādhikusalo hoti, na samādhismiṃ abhinīhārakusalo. Idha pana, bhikkhave, ekacco jhāyī samādhismiṃ abhinīhārakusalo hoti, na samādhismiṃ samādhikusalo. Idha pana, bhikkhave, ekacco jhāyī neva samādhismiṃ samādhikusalo hoti, na ca samādhismiṃ abhinīhārakusalo . Idha pana, bhikkhave, ekacco jhāyī samādhismiṃ samādhikusalo ca hoti, samādhismiṃ abhinīhārakusalo ca. Tatra, bhikkhave, yvāyaṃ jhāyī samādhismiṃ samādhikusalo ca hoti samādhismiṃ abhinīhārakusalo ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca. Seyyathāpi, bhikkhave, gavā khīraṃ…pe… pavaro cā’’ti. Sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2-55. ஸமாதி⁴மூலகடி²திஸுத்தாதி³வண்ணனா • 2-55. Samādhimūlakaṭhitisuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2-55. ஸமாதி⁴மூலகடி²திஸுத்தாதி³வண்ணனா • 2-55. Samādhimūlakaṭhitisuttādivaṇṇanā
