| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
5. සමාධිමූලකආරම්‌මණසුත්‌තං
5. Samādhimūlakaārammaṇasuttaṃ
666. සාවත්‌ථිනිදානං . ‘‘චත්‌තාරොමෙ, භික්‌ඛවෙ, ඣායී. කතමෙ චත්‌තාරො? ඉධ, භික්‌ඛවෙ, එකච්‌චො ඣායී සමාධිස්‌මිං සමාධිකුසලො හොති, න සමාධිස්‌මිං ආරම්‌මණකුසලො. ඉධ පන, භික්‌ඛවෙ, එකච්‌චො ඣායී සමාධිස්‌මිං ආරම්‌මණකුසලො හොති, න සමාධිස්‌මිං සමාධිකුසලො. ඉධ පන, භික්‌ඛවෙ, එකච්‌චො ඣායී නෙව සමාධිස්‌මිං සමාධිකුසලො හොති, න ච සමාධිස්‌මිං ආරම්‌මණකුසලො. ඉධ පන, භික්‌ඛවෙ, එකච්‌චො ඣායී සමාධිස්‌මිං සමාධිකුසලො ච හොති, සමාධිස්‌මිං ආරම්‌මණකුසලො ච. තත්‍ර, භික්‌ඛවෙ, ය්‌වායං ඣායී සමාධිස්‌මිං සමාධිකුසලො ච හොති සමාධිස්‌මිං ආරම්‌මණකුසලො ච අයං ඉමෙසං චතුන්‌නං ඣායීනං අග්‌ගො ච සෙට්‌ඨො ච මොක්‌ඛො ච උත්‌තමො ච පවරො ච. සෙය්‍යථාපි, භික්‌ඛවෙ, ගවා ඛීරං…පෙ.… පවරො චා’’ති. පඤ්‌චමං.
666. Sāvatthinidānaṃ . ‘‘Cattārome, bhikkhave, jhāyī. Katame cattāro? Idha, bhikkhave, ekacco jhāyī samādhismiṃ samādhikusalo hoti, na samādhismiṃ ārammaṇakusalo. Idha pana, bhikkhave, ekacco jhāyī samādhismiṃ ārammaṇakusalo hoti, na samādhismiṃ samādhikusalo. Idha pana, bhikkhave, ekacco jhāyī neva samādhismiṃ samādhikusalo hoti, na ca samādhismiṃ ārammaṇakusalo. Idha pana, bhikkhave, ekacco jhāyī samādhismiṃ samādhikusalo ca hoti, samādhismiṃ ārammaṇakusalo ca. Tatra, bhikkhave, yvāyaṃ jhāyī samādhismiṃ samādhikusalo ca hoti samādhismiṃ ārammaṇakusalo ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca. Seyyathāpi, bhikkhave, gavā khīraṃ…pe… pavaro cā’’ti. Pañcamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2-55. සමාධිමූලකඨිතිසුත්‌තාදිවණ්‌ණනා • 2-55. Samādhimūlakaṭhitisuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 2-55. සමාධිමූලකඨිතිසුත්‌තාදිවණ්‌ණනා • 2-55. Samādhimūlakaṭhitisuttādivaṇṇanā
