| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༥. སམཱདྷིམཱུལཀཨཱརམྨཎསུཏྟཾ
5. Samādhimūlakaārammaṇasuttaṃ
༦༦༦. སཱཝཏྠིནིདཱནཾ ། ‘‘ཙཏྟཱརོམེ, བྷིཀྑཝེ, ཛྷཱཡཱི། ཀཏམེ ཙཏྟཱརོ? ཨིདྷ, བྷིཀྑཝེ, ཨེཀཙྩོ ཛྷཱཡཱི སམཱདྷིསྨིཾ སམཱདྷིཀུསལོ ཧོཏི, ན སམཱདྷིསྨིཾ ཨཱརམྨཎཀུསལོ། ཨིདྷ པན, བྷིཀྑཝེ, ཨེཀཙྩོ ཛྷཱཡཱི སམཱདྷིསྨིཾ ཨཱརམྨཎཀུསལོ ཧོཏི, ན སམཱདྷིསྨིཾ སམཱདྷིཀུསལོ། ཨིདྷ པན, བྷིཀྑཝེ, ཨེཀཙྩོ ཛྷཱཡཱི ནེཝ སམཱདྷིསྨིཾ སམཱདྷིཀུསལོ ཧོཏི, ན ཙ སམཱདྷིསྨིཾ ཨཱརམྨཎཀུསལོ། ཨིདྷ པན, བྷིཀྑཝེ, ཨེཀཙྩོ ཛྷཱཡཱི སམཱདྷིསྨིཾ སམཱདྷིཀུསལོ ཙ ཧོཏི, སམཱདྷིསྨིཾ ཨཱརམྨཎཀུསལོ ཙ། ཏཏྲ, བྷིཀྑཝེ, ཡྭཱཡཾ ཛྷཱཡཱི སམཱདྷིསྨིཾ སམཱདྷིཀུསལོ ཙ ཧོཏི སམཱདྷིསྨིཾ ཨཱརམྨཎཀུསལོ ཙ ཨཡཾ ཨིམེསཾ ཙཏུནྣཾ ཛྷཱཡཱིནཾ ཨགྒོ ཙ སེཊྛོ ཙ མོཀྑོ ཙ ཨུཏྟམོ ཙ པཝརོ ཙ། སེཡྻཐཱཔི, བྷིཀྑཝེ, གཝཱ ཁཱིརཾ…པེ॰… པཝརོ ཙཱ’’ཏི། པཉྩམཾ།
666. Sāvatthinidānaṃ . ‘‘Cattārome, bhikkhave, jhāyī. Katame cattāro? Idha, bhikkhave, ekacco jhāyī samādhismiṃ samādhikusalo hoti, na samādhismiṃ ārammaṇakusalo. Idha pana, bhikkhave, ekacco jhāyī samādhismiṃ ārammaṇakusalo hoti, na samādhismiṃ samādhikusalo. Idha pana, bhikkhave, ekacco jhāyī neva samādhismiṃ samādhikusalo hoti, na ca samādhismiṃ ārammaṇakusalo. Idha pana, bhikkhave, ekacco jhāyī samādhismiṃ samādhikusalo ca hoti, samādhismiṃ ārammaṇakusalo ca. Tatra, bhikkhave, yvāyaṃ jhāyī samādhismiṃ samādhikusalo ca hoti samādhismiṃ ārammaṇakusalo ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca. Seyyathāpi, bhikkhave, gavā khīraṃ…pe… pavaro cā’’ti. Pañcamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢-༥༥. སམཱདྷིམཱུལཀཋིཏིསུཏྟཱདིཝཎྞནཱ • 2-55. Samādhimūlakaṭhitisuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༢-༥༥. སམཱདྷིམཱུལཀཋིཏིསུཏྟཱདིཝཎྞནཱ • 2-55. Samādhimūlakaṭhitisuttādivaṇṇanā
