| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༦. སམཱདྷིམཱུལཀགོཙརསུཏྟཾ
6. Samādhimūlakagocarasuttaṃ
༦༦༧. སཱཝཏྠིནིདཱནཾ། ‘‘ཙཏྟཱརོམེ, བྷིཀྑཝེ, ཛྷཱཡཱི། ཀཏམེ ཙཏྟཱརོ? ཨིདྷ, བྷིཀྑཝེ, ཨེཀཙྩོ ཛྷཱཡཱི སམཱདྷིསྨིཾ སམཱདྷིཀུསལོ ཧོཏི, ན སམཱདྷིསྨིཾ གོཙརཀུསལོ། ཨིདྷ པན, བྷིཀྑཝེ, ཨེཀཙྩོ ཛྷཱཡཱི སམཱདྷིསྨིཾ གོཙརཀུསལོ ཧོཏི, ན སམཱདྷིསྨིཾ སམཱདྷིཀུསལོ། ཨིདྷ པན, བྷིཀྑཝེ, ཨེཀཙྩོ ཛྷཱཡཱི ནེཝ སམཱདྷིསྨིཾ སམཱདྷིཀུསལོ ཧོཏི, ན ཙ སམཱདྷིསྨིཾ གོཙརཀུསལོ། ཨིདྷ པན, བྷིཀྑཝེ, ཨེཀཙྩོ ཛྷཱཡཱི སམཱདྷིསྨིཾ སམཱདྷིཀུསལོ ཙ ཧོཏི, སམཱདྷིསྨིཾ གོཙརཀུསལོ ཙ། ཏཏྲ, བྷིཀྑཝེ, ཡྭཱཡཾ ཛྷཱཡཱི སམཱདྷིསྨིཾ སམཱདྷིཀུསལོ ཙ ཧོཏི སམཱདྷིསྨིཾ གོཙརཀུསལོ ཙ ཨཡཾ ཨིམེསཾ ཙཏུནྣཾ ཛྷཱཡཱིནཾ ཨགྒོ ཙ སེཊྛོ ཙ མོཀྑོ ཙ ཨུཏྟམོ ཙ པཝརོ ཙ། སེཡྻཐཱཔི, བྷིཀྑཝེ, གཝཱ ཁཱིརཾ…པེ॰… པཝརོ ཙཱ’’ཏི། ཚཊྛཾ།
667. Sāvatthinidānaṃ. ‘‘Cattārome, bhikkhave, jhāyī. Katame cattāro? Idha, bhikkhave, ekacco jhāyī samādhismiṃ samādhikusalo hoti, na samādhismiṃ gocarakusalo. Idha pana, bhikkhave, ekacco jhāyī samādhismiṃ gocarakusalo hoti, na samādhismiṃ samādhikusalo. Idha pana, bhikkhave, ekacco jhāyī neva samādhismiṃ samādhikusalo hoti, na ca samādhismiṃ gocarakusalo. Idha pana, bhikkhave, ekacco jhāyī samādhismiṃ samādhikusalo ca hoti, samādhismiṃ gocarakusalo ca. Tatra, bhikkhave, yvāyaṃ jhāyī samādhismiṃ samādhikusalo ca hoti samādhismiṃ gocarakusalo ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca. Seyyathāpi, bhikkhave, gavā khīraṃ…pe… pavaro cā’’ti. Chaṭṭhaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢-༥༥. སམཱདྷིམཱུལཀཋིཏིསུཏྟཱདིཝཎྞནཱ • 2-55. Samādhimūlakaṭhitisuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༢-༥༥. སམཱདྷིམཱུལཀཋིཏིསུཏྟཱདིཝཎྞནཱ • 2-55. Samādhimūlakaṭhitisuttādivaṇṇanā
