| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
13. жхаанасам̣яуд̇д̇ам̣
13. Jhānasaṃyuttaṃ
1. самаад̇химуулагасамаабад̇д̇исуд̇д̇ам̣
1. Samādhimūlakasamāpattisuttaṃ
662. саавад̇т̇инид̣̇аанам̣ . ‘‘жад̇д̇ааромз, бхигкавз, жхааяий. гад̇амз жад̇д̇ааро? ид̇ха , бхигкавз, згажжо жхааяий самаад̇хисмим̣ самаад̇хигусало ход̇и, на самаад̇хисмим̣ самаабад̇д̇игусало. ид̇ха бана, бхигкавз, згажжо жхааяий самаад̇хисмим̣ самаабад̇д̇игусало ход̇и, на самаад̇хисмим̣ самаад̇хигусало. ид̇ха бана, бхигкавз, згажжо жхааяий нзва самаад̇хисмим̣ самаад̇хигусало ход̇и, на жа самаад̇хисмим̣ самаабад̇д̇игусало. ид̇ха бана, бхигкавз, згажжо жхааяий самаад̇хисмим̣ самаад̇хигусало жа ход̇и, самаад̇хисмим̣ самаабад̇д̇игусало жа. д̇ад̇ра, бхигкавз, явааяам̣ жхааяий самаад̇хисмим̣ самаад̇хигусало жа ход̇и самаад̇хисмим̣ самаабад̇д̇игусало жа аяам̣ имзсам̣ жад̇уннам̣ жхааяийнам̣ аг̇г̇о жа сздто жа могко 1 жа уд̇д̇амо жа баваро жа. сзяяат̇ааби, бхигкавз, г̇аваа кийрам̣, кийрамхаа д̣̇ад̇хи, д̣̇ад̇химхаа наванийд̇ам̣, наванийд̇амхаа сабби, саббимхаа саббиман̣д̣о д̇ад̇ра аг̇г̇амагкааяад̇и; звамзва ко, бхигкавз, явааяам̣ жхааяий самаад̇хисмим̣ самаад̇хигусало жа ход̇и самаад̇хисмим̣ самаабад̇д̇игусало жа аяам̣ имзсам̣ жад̇уннам̣ жхааяийнам̣ аг̇г̇о жа сздто жа могко жа уд̇д̇амо жа баваро жаа’’д̇и. батамам̣.
662. Sāvatthinidānaṃ . ‘‘Cattārome, bhikkhave, jhāyī. Katame cattāro? Idha , bhikkhave, ekacco jhāyī samādhismiṃ samādhikusalo hoti, na samādhismiṃ samāpattikusalo. Idha pana, bhikkhave, ekacco jhāyī samādhismiṃ samāpattikusalo hoti, na samādhismiṃ samādhikusalo. Idha pana, bhikkhave, ekacco jhāyī neva samādhismiṃ samādhikusalo hoti, na ca samādhismiṃ samāpattikusalo. Idha pana, bhikkhave, ekacco jhāyī samādhismiṃ samādhikusalo ca hoti, samādhismiṃ samāpattikusalo ca. Tatra, bhikkhave, yvāyaṃ jhāyī samādhismiṃ samādhikusalo ca hoti samādhismiṃ samāpattikusalo ca ayaṃ imesaṃ catunnaṃ jhāyīnaṃ aggo ca seṭṭho ca mokkho 2 ca uttamo ca pavaro ca. Seyyathāpi, bhikkhave, gavā khīraṃ, khīramhā dadhi, dadhimhā navanītaṃ, navanītamhā sappi, sappimhā sappimaṇḍo tatra aggamakkhāyati; evameva kho, bhikkhave, yvāyaṃ jhāyī samādhismiṃ samādhikusalo ca hoti samādhismiṃ samāpattikusalo ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro cā’’ti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. самаад̇химуулагасамаабад̇д̇исуд̇д̇аван̣н̣анаа • 1. Samādhimūlakasamāpattisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. самаад̇химуулагасамаабад̇д̇исуд̇д̇аван̣н̣анаа • 1. Samādhimūlakasamāpattisuttavaṇṇanā
