| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
১৩. ঝানসংযুত্তং
13. Jhānasaṃyuttaṃ
১. সমাধিমূলকসমাপত্তিসুত্তৰণ্ণনা
1. Samādhimūlakasamāpattisuttavaṇṇanā
৬৬২. সমাধিকুসলোতি সমাধিস্মিং কুসলো। তযিদং সমাধিকোসল্লত্তং সহ ঝানঙ্গযোগেন চতুব্বিধো ঝানসমাধি, তস্মা তং তং ৰিভাগং জানন্তস্স সিদ্ধং হোতীতি আহ – ‘‘পঠমং ঝান’’ন্তিআদি। তত্থ ৰিতক্কৰিচারপীতিসুখেকগ্গতাৰসেন পঠমং পঞ্চঙ্গিকং, পীতিসুখেকগ্গতাৰসেন দুতিযং তিৰঙ্গিকং, সুখেকগ্গতাৰসেন ততিযং দুৰঙ্গিকং, উপেক্খেকগ্গতাৰসেন চতুত্থং দুৰঙ্গিকমেৰাতি এৰং তস্মিং তস্মিং ঝানে তংতংঅঙ্গানং ৰৰত্থানে কুসলো। সমাপত্তিকুসলোতি সমাপজ্জনে কুসলো। হাসেত্ৰাতি তোসেত্ৰা। কল্লং কত্ৰাতি সমাধানস্স পটিপক্খধম্মানং দূরীকরণেন সহকারীকারণঞ্চ সমাধানেন সমাপজ্জনে চিত্তং সমত্থং কত্ৰা। সেসপদানীতি সেসা তযো কোট্ঠাসা। ততিযাদীসু নযেসু অকুসলোপি ঝানত্থায পটিপন্নত্তা ‘‘ঝাযীতেৰা’’তি ৰুত্তো।
662.Samādhikusaloti samādhismiṃ kusalo. Tayidaṃ samādhikosallattaṃ saha jhānaṅgayogena catubbidho jhānasamādhi, tasmā taṃ taṃ vibhāgaṃ jānantassa siddhaṃ hotīti āha – ‘‘paṭhamaṃ jhāna’’ntiādi. Tattha vitakkavicārapītisukhekaggatāvasena paṭhamaṃ pañcaṅgikaṃ, pītisukhekaggatāvasena dutiyaṃ tivaṅgikaṃ, sukhekaggatāvasena tatiyaṃ duvaṅgikaṃ, upekkhekaggatāvasena catutthaṃ duvaṅgikamevāti evaṃ tasmiṃ tasmiṃ jhāne taṃtaṃaṅgānaṃ vavatthāne kusalo. Samāpattikusaloti samāpajjane kusalo. Hāsetvāti tosetvā. Kallaṃ katvāti samādhānassa paṭipakkhadhammānaṃ dūrīkaraṇena sahakārīkāraṇañca samādhānena samāpajjane cittaṃ samatthaṃ katvā. Sesapadānīti sesā tayo koṭṭhāsā. Tatiyādīsu nayesu akusalopi jhānatthāya paṭipannattā ‘‘jhāyītevā’’ti vutto.
সমাধিমূলকসমাপত্তিসুত্তৰণ্ণনা নিট্ঠিতা।
Samādhimūlakasamāpattisuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১. সমাধিমূলকসমাপত্তিসুত্তং • 1. Samādhimūlakasamāpattisuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১. সমাধিমূলকসমাপত্তিসুত্তৰণ্ণনা • 1. Samādhimūlakasamāpattisuttavaṇṇanā
