| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
13. жхаанасам̣яуд̇д̇ам̣
13. Jhānasaṃyuttaṃ
1. самаад̇химуулагасамаабад̇д̇исуд̇д̇аван̣н̣анаа
1. Samādhimūlakasamāpattisuttavaṇṇanā
662. самаад̇хигусалод̇и самаад̇хисмим̣ гусало. д̇аяид̣̇ам̣ самаад̇хигосаллад̇д̇ам̣ саха жхаанан̇г̇аяог̇зна жад̇уб̣б̣ид̇хо жхаанасамаад̇хи, д̇асмаа д̇ам̣ д̇ам̣ вибхааг̇ам̣ ж̇аананд̇асса сид̣̇д̇хам̣ ход̇ийд̇и ааха – ‘‘батамам̣ жхаана’’нд̇иаад̣̇и. д̇ад̇т̇а вид̇аггавижаарабийд̇исукзгаг̇г̇ад̇аавасзна батамам̣ бан̃жан̇г̇игам̣, бийд̇исукзгаг̇г̇ад̇аавасзна д̣̇уд̇ияам̣ д̇иван̇г̇игам̣, сукзгаг̇г̇ад̇аавасзна д̇ад̇ияам̣ д̣̇уван̇г̇игам̣, убзгкзгаг̇г̇ад̇аавасзна жад̇уд̇т̇ам̣ д̣̇уван̇г̇игамзваад̇и звам̣ д̇асмим̣ д̇асмим̣ жхаанз д̇ам̣д̇ам̣ан̇г̇аанам̣ вавад̇т̇аанз гусало. самаабад̇д̇игусалод̇и самаабаж̇ж̇анз гусало. хаасзд̇ваад̇и д̇осзд̇ваа. галлам̣ гад̇ваад̇и самаад̇хаанасса бадибагкад̇хаммаанам̣ д̣̇уурийгаран̣зна сахагаарийгааран̣ан̃жа самаад̇хаанзна самаабаж̇ж̇анз жид̇д̇ам̣ самад̇т̇ам̣ гад̇ваа. сзсабад̣̇аанийд̇и сзсаа д̇аяо годтаасаа. д̇ад̇ияаад̣̇ийсу наязсу агусалоби жхаанад̇т̇ааяа бадибаннад̇д̇аа ‘‘жхааяийд̇зваа’’д̇и вуд̇д̇о.
662.Samādhikusaloti samādhismiṃ kusalo. Tayidaṃ samādhikosallattaṃ saha jhānaṅgayogena catubbidho jhānasamādhi, tasmā taṃ taṃ vibhāgaṃ jānantassa siddhaṃ hotīti āha – ‘‘paṭhamaṃ jhāna’’ntiādi. Tattha vitakkavicārapītisukhekaggatāvasena paṭhamaṃ pañcaṅgikaṃ, pītisukhekaggatāvasena dutiyaṃ tivaṅgikaṃ, sukhekaggatāvasena tatiyaṃ duvaṅgikaṃ, upekkhekaggatāvasena catutthaṃ duvaṅgikamevāti evaṃ tasmiṃ tasmiṃ jhāne taṃtaṃaṅgānaṃ vavatthāne kusalo. Samāpattikusaloti samāpajjane kusalo. Hāsetvāti tosetvā. Kallaṃ katvāti samādhānassa paṭipakkhadhammānaṃ dūrīkaraṇena sahakārīkāraṇañca samādhānena samāpajjane cittaṃ samatthaṃ katvā. Sesapadānīti sesā tayo koṭṭhāsā. Tatiyādīsu nayesu akusalopi jhānatthāya paṭipannattā ‘‘jhāyītevā’’ti vutto.
самаад̇химуулагасамаабад̇д̇исуд̇д̇аван̣н̣анаа нидтид̇аа.
Samādhimūlakasamāpattisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. самаад̇химуулагасамаабад̇д̇исуд̇д̇ам̣ • 1. Samādhimūlakasamāpattisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. самаад̇химуулагасамаабад̇д̇исуд̇д̇аван̣н̣анаа • 1. Samādhimūlakasamāpattisuttavaṇṇanā
