| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๑๓. ฌานสํยุตฺตํ
13. Jhānasaṃyuttaṃ
๑. สมาธิมูลกสมาปตฺติสุตฺตวณฺณนา
1. Samādhimūlakasamāpattisuttavaṇṇanā
๖๖๒. สมาธิกุสโลติ สมาธิสฺมิํ กุสโลฯ ตยิทํ สมาธิโกสลฺลตฺตํ สห ฌานงฺคโยเคน จตุพฺพิโธ ฌานสมาธิ, ตสฺมา ตํ ตํ วิภาคํ ชานนฺตสฺส สิทฺธํ โหตีติ อาห – ‘‘ปฐมํ ฌาน’’นฺติอาทิฯ ตตฺถ วิตกฺกวิจารปีติสุเขกคฺคตาวเสน ปฐมํ ปญฺจงฺคิกํ, ปีติสุเขกคฺคตาวเสน ทุติยํ ติวงฺคิกํ, สุเขกคฺคตาวเสน ตติยํ ทุวงฺคิกํ, อุเปเกฺขกคฺคตาวเสน จตุตฺถํ ทุวงฺคิกเมวาติ เอวํ ตสฺมิํ ตสฺมิํ ฌาเน ตํตํองฺคานํ ววตฺถาเน กุสโลฯ สมาปตฺติกุสโลติ สมาปชฺชเน กุสโลฯ หาเสตฺวาติ โตเสตฺวาฯ กลฺลํ กตฺวาติ สมาธานสฺส ปฎิปกฺขธมฺมานํ ทูรีกรเณน สหการีการณญฺจ สมาธาเนน สมาปชฺชเน จิตฺตํ สมตฺถํ กตฺวาฯ เสสปทานีติ เสสา ตโย โกฎฺฐาสาฯ ตติยาทีสุ นเยสุ อกุสโลปิ ฌานตฺถาย ปฎิปนฺนตฺตา ‘‘ฌายีเตวา’’ติ วุโตฺตฯ
662.Samādhikusaloti samādhismiṃ kusalo. Tayidaṃ samādhikosallattaṃ saha jhānaṅgayogena catubbidho jhānasamādhi, tasmā taṃ taṃ vibhāgaṃ jānantassa siddhaṃ hotīti āha – ‘‘paṭhamaṃ jhāna’’ntiādi. Tattha vitakkavicārapītisukhekaggatāvasena paṭhamaṃ pañcaṅgikaṃ, pītisukhekaggatāvasena dutiyaṃ tivaṅgikaṃ, sukhekaggatāvasena tatiyaṃ duvaṅgikaṃ, upekkhekaggatāvasena catutthaṃ duvaṅgikamevāti evaṃ tasmiṃ tasmiṃ jhāne taṃtaṃaṅgānaṃ vavatthāne kusalo. Samāpattikusaloti samāpajjane kusalo. Hāsetvāti tosetvā. Kallaṃ katvāti samādhānassa paṭipakkhadhammānaṃ dūrīkaraṇena sahakārīkāraṇañca samādhānena samāpajjane cittaṃ samatthaṃ katvā. Sesapadānīti sesā tayo koṭṭhāsā. Tatiyādīsu nayesu akusalopi jhānatthāya paṭipannattā ‘‘jhāyītevā’’ti vutto.
สมาธิมูลกสมาปตฺติสุตฺตวณฺณนา นิฎฺฐิตาฯ
Samādhimūlakasamāpattisuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑. สมาธิมูลกสมาปตฺติสุตฺตํ • 1. Samādhimūlakasamāpattisuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑. สมาธิมูลกสมาปตฺติสุตฺตวณฺณนา • 1. Samādhimūlakasamāpattisuttavaṇṇanā
