| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੩. ਝਾਨਸਂਯੁਤ੍ਤਂ
13. Jhānasaṃyuttaṃ
੧. ਸਮਾਧਿਮੂਲਕਸਮਾਪਤ੍ਤਿਸੁਤ੍ਤવਣ੍ਣਨਾ
1. Samādhimūlakasamāpattisuttavaṇṇanā
੬੬੨. ਸਮਾਧਿਕੁਸਲੋਤਿ ਸਮਾਧਿਸ੍ਮਿਂ ਕੁਸਲੋ। ਤਯਿਦਂ ਸਮਾਧਿਕੋਸਲ੍ਲਤ੍ਤਂ ਸਹ ਝਾਨਙ੍ਗਯੋਗੇਨ ਚਤੁਬ੍ਬਿਧੋ ਝਾਨਸਮਾਧਿ, ਤਸ੍ਮਾ ਤਂ ਤਂ વਿਭਾਗਂ ਜਾਨਨ੍ਤਸ੍ਸ ਸਿਦ੍ਧਂ ਹੋਤੀਤਿ ਆਹ – ‘‘ਪਠਮਂ ਝਾਨ’’ਨ੍ਤਿਆਦਿ। ਤਤ੍ਥ વਿਤਕ੍ਕવਿਚਾਰਪੀਤਿਸੁਖੇਕਗ੍ਗਤਾવਸੇਨ ਪਠਮਂ ਪਞ੍ਚਙ੍ਗਿਕਂ, ਪੀਤਿਸੁਖੇਕਗ੍ਗਤਾવਸੇਨ ਦੁਤਿਯਂ ਤਿવਙ੍ਗਿਕਂ, ਸੁਖੇਕਗ੍ਗਤਾવਸੇਨ ਤਤਿਯਂ ਦੁવਙ੍ਗਿਕਂ, ਉਪੇਕ੍ਖੇਕਗ੍ਗਤਾવਸੇਨ ਚਤੁਤ੍ਥਂ ਦੁવਙ੍ਗਿਕਮੇવਾਤਿ ਏવਂ ਤਸ੍ਮਿਂ ਤਸ੍ਮਿਂ ਝਾਨੇ ਤਂਤਂਅਙ੍ਗਾਨਂ વવਤ੍ਥਾਨੇ ਕੁਸਲੋ। ਸਮਾਪਤ੍ਤਿਕੁਸਲੋਤਿ ਸਮਾਪਜ੍ਜਨੇ ਕੁਸਲੋ। ਹਾਸੇਤ੍વਾਤਿ ਤੋਸੇਤ੍વਾ। ਕਲ੍ਲਂ ਕਤ੍વਾਤਿ ਸਮਾਧਾਨਸ੍ਸ ਪਟਿਪਕ੍ਖਧਮ੍ਮਾਨਂ ਦੂਰੀਕਰਣੇਨ ਸਹਕਾਰੀਕਾਰਣਞ੍ਚ ਸਮਾਧਾਨੇਨ ਸਮਾਪਜ੍ਜਨੇ ਚਿਤ੍ਤਂ ਸਮਤ੍ਥਂ ਕਤ੍વਾ। ਸੇਸਪਦਾਨੀਤਿ ਸੇਸਾ ਤਯੋ ਕੋਟ੍ਠਾਸਾ। ਤਤਿਯਾਦੀਸੁ ਨਯੇਸੁ ਅਕੁਸਲੋਪਿ ਝਾਨਤ੍ਥਾਯ ਪਟਿਪਨ੍ਨਤ੍ਤਾ ‘‘ਝਾਯੀਤੇવਾ’’ਤਿ વੁਤ੍ਤੋ।
662.Samādhikusaloti samādhismiṃ kusalo. Tayidaṃ samādhikosallattaṃ saha jhānaṅgayogena catubbidho jhānasamādhi, tasmā taṃ taṃ vibhāgaṃ jānantassa siddhaṃ hotīti āha – ‘‘paṭhamaṃ jhāna’’ntiādi. Tattha vitakkavicārapītisukhekaggatāvasena paṭhamaṃ pañcaṅgikaṃ, pītisukhekaggatāvasena dutiyaṃ tivaṅgikaṃ, sukhekaggatāvasena tatiyaṃ duvaṅgikaṃ, upekkhekaggatāvasena catutthaṃ duvaṅgikamevāti evaṃ tasmiṃ tasmiṃ jhāne taṃtaṃaṅgānaṃ vavatthāne kusalo. Samāpattikusaloti samāpajjane kusalo. Hāsetvāti tosetvā. Kallaṃ katvāti samādhānassa paṭipakkhadhammānaṃ dūrīkaraṇena sahakārīkāraṇañca samādhānena samāpajjane cittaṃ samatthaṃ katvā. Sesapadānīti sesā tayo koṭṭhāsā. Tatiyādīsu nayesu akusalopi jhānatthāya paṭipannattā ‘‘jhāyītevā’’ti vutto.
ਸਮਾਧਿਮੂਲਕਸਮਾਪਤ੍ਤਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Samādhimūlakasamāpattisuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਸਮਾਧਿਮੂਲਕਸਮਾਪਤ੍ਤਿਸੁਤ੍ਤਂ • 1. Samādhimūlakasamāpattisuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਸਮਾਧਿਮੂਲਕਸਮਾਪਤ੍ਤਿਸੁਤ੍ਤવਣ੍ਣਨਾ • 1. Samādhimūlakasamāpattisuttavaṇṇanā
